Lào Cai: Zaz zâuv yưv pênhr lok công nghệ hur- tsưr ziv jông chiê huôv tsar truôx tul          

          Ntơưv qơư công nghiệp Âu Lâu hâur têx hnuz no, khôngz qiv uô hâux lưv lok six sei đrơưv. Têx suôz meir đror ntông ntưs tsênhv gôngr phênhv cxiv tsa Tsêr meir tsiv uô zav nox tiv 3 hâur Công ty CP zuôr muôs thiêz tsiv uô zav nox Cường Thủy. No zos dự sik côngv đros công suất tsiv uô njuôs xav ndê txos 30 tênhr xiv huv iz hnuz. Coaz tsôngv đuô zos thâuv huôx tôngv, tsêr meir zuôr muôz hâux lưv uô trâu muôx nhos 600 lênhx nênhs lox tôngv tiv phaz. Zơưv Vũ Tuấn Anh- Giám đốc vênhv teiv Tập đoàn Cường Thủy khav tênhv: “Pêz tuôx no đros siêz xar njôngr uô ntêx nyuôk cxiv tsa tsêr meir tsiv uô đros công nghệ hur jông. Tsêr meir, qơư tsiv uô puôr lênhx tax ploz tsênhr Châu Âu”

          Co zos têx tsênhv tsênhz tso pov chính quyênx tiv phaz li tsưr ziv uô jông, huv đros. Phường Âu Lâu, zos thax tsav qơư cê muôx cêr đêx, cê muôx cêr ar, cêr hlâu, tsênhv tsov cưv xuz thơưx txos têx dự án công nghệ siêz chiê huôv tsar truôx tul. Zơưv Nguyễn Quốc Huy, Phưv Chủ tịch UB phường Âu Lâu, tỉnh Lào Cai khav tênhv: “Têx dự án yưv pênhr lok hâur thax tsav mak pêz cux xeir têx tsưr yưv pênhr muôx dự án hur jông trâu tênhx qơư. Uô li chas cov cê huôv tsar công nghiệp cê taz por tênhx qơư”.

          Chêx cuk hâur tsưr ziv uô no zos lok six jông chiê sâu jênhv. Xav txos nhiv no, tas nro tỉnh Lào Cai tưz muôx zuôr xar 1 cxênhz 500 dự án tsênhv tâu krêz uô đros tas nro pênhr đăng cir zos 945 cxênhz tỷ đeiv ntâu. Têx co tsi tâu zos tas nro mak kror zov chênhr zos tsơưr lươngv mak Lào Cai tso tơưv: tsov cưv dự án cxênhx txuôk năng lượng, công nghệ yưr lir tênhx qơư yiêz... Lok vênhv thix no, zơưv Phạm Trung Lân, Phưv giám đốc Sở công thương tỉnh Lào Cai puz pâuz cxaz: “Pêz hlôngr trâu ntu zos xeir lênhx nênhs yưv pênhr. Tso tơưv zoz qơưx zos têx dự án yưv pênhr lok têx thax tsav qơư công nghiệp tsuv muôx phênhv pênhr yưv huv đros, đros têx zav meir chuôz zênhx thiêz ứng dụng công nghệ yiêz, cxênhx txuôk tài nguyên thiêz por vêv tênhx qơư”.

          Txix têx co tso pov, Lào Cai tsi zos lav krêz uô ntâu dự án mak tsênhv tsưv ziv xeir tsov têx dự án huv đros, paz cxiv tsa iz cêr huôv tsar hur jông thiêz truôx tul./.

An Kiên-Txâur Vax cxeik nhênhv

Faz Bắc: Têx shir phaz hâur huôv tsar kinh têr-xar hôiv 5 shông đhâu

            Hâur ntu 2020-2025, têx tỉnh thax tsav faz Bắc tưz uô tâu ntâu kror lok kinh têr-xar hôiv, uô tâu jông zos huôv tsar kinh têr lơưr saz hax huv, cêr cxuô zav tâu kho jông đuô, thiêz zaz zâuv yưv pênhr trâu chor qơư côngz nghiệp. Taz sik, thax tsav no cux tsênhv yuôr ntâu kror phiv liv, li tsar ndê kinh têr tsênhv kik thiêz chor chuôz zis pluôs tsênhv yuôr ntâu.

           Lok kinh têr, zuôr ntâuk gri tâu nhoz têx kror chênhr li:

          Cêr zoz thôngz:

          Chor dưv anr cêr muk chênhr li Hà Nội-Hòa Bình-Mộc Châu tâu sir jos kriz uô, đros txos cêr lox 6 paz trâu huôv tsar nhoz thax tsav. Ntâu dưv anr siz txuôk thax tsav, zos cêr txuôk têx tỉnh Tây Bắc đros cêr muk chênhr thiêz kriz cêr kror ar muk đhâu trôngz tâu kriz uô, paz jông trâu siz txuôk thiêz zuôr muôs têx hax huv.

         Kôngz nuv: Hlôngr yiêz hênhr lơưr saz hax huv thiêz sir zôngv công nghệ siêz. Huôv tsar chor hax huv kôngz nuv chênhr, gra siêz tsiv gri tsar ndê, paz muôx nzir hâux lưv uô thiêz phênhv sâu trâu pêx xênhv, gôngr côngv jông trâu côngz xưv txo grêk yêiz pluôs. Sir jos cov sưv đros trâu qiv hơưv txơưr txar chiê huôv tsar tâu kôngz jôngr nuv truôx đrênhk.

        Du lịch: du lịch nhoz têx tỉnh faz Bắc thiêz têx thành phố lox li TP.Hồ Chí Minh tâu sir jos uô jông, chiê piêr pâuz thiêz huôv tsar chor hax huv du lịch jông. Du lịch huôv tsar hênhr nhoz têx kror liv, iz zav li Điện Biên, đros muôx tâu phênhv sâu thiêz chor kruô tsar ndê chôngz hâur ntu no. Paz hêik kriê txos têx jông jav, vênhx huôv jông muôx nhoz faz Bắc chiê zaz zâuv tsôngv kruô hâur têz qơưk thiêz têx têz qơưk txơưr tuôx ndis sêiz, uô si.

         Lok xar hôiv đros muôx ntâu kror uô tâu jông:

          Txo grêk yêiz pluôs: Côngz xưv txo grêik yêiz pluôs tâu sir jos uô thiêz muôx ntâu kror uô tâu jông, đros tex tsưr ziv uô kinh têr tâu truôx jông. Têz qơưk tsaz yênhx huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz tưz paz trâu tsôngv box luz nênhx tâu hlôngr yiêz jông.

          Vênhx huôv: Hâux lưv vênhx huôv tâu yưv pênhr thiêz uô tâu ntâu kror, paz tuôr tsês thiêz phuôx huiz têx vênhx huôv mênhx cxưx. Vênhx huôv cxôngx nzor tâu sêiz zos iz kror zov chênhr hâur huôv tsar du lịch, paz muôx ntâu kror jông ntơưv thax tsav.

          Tsơưr lươngv luz nênhx: Huôv tsar sêi thiêz truôx zos têx tỉnh faz Bắc li tsưr ziv uô hâur ntu no, sir jos cov zos yênhx chor tỉnh huôv tsar cxix cxuô. Tsênhv chêi kinh têr thiêz xar hôiv tâu hlôngr yiêz, xar tơưv, sir jos gra siêz tsơưr lươngv luz nênhx trâu pêx xênhv./.

Bích Thủy-Lik Thox cxêik nhênhv