Cuêv fix paz trâu chor jêx jok nhoz tox siêz Lai Châu tơưv đhâu yêiz pluôs

            Tưz zênhx zos iz hâur chor ziv chuôz zis pluôs tiv zix hâur jok Pha Bu, niêv tix Pờ Le La, mênhx cxưx La Hủ ziv chuôz zis yênhx shông tsuôk pâuz tok trâu chor têz poz cưk, kok ntông xưz. Tiv uô lơưr têx tsưr ziv uô nox kuz, chor kôngz lôngk sâu tâu cux tsik txâuk trâu chuôz zis muôx 6 lênhx nênhs nox.

          Niêv tix Pờ Le La hêik pâuz, thâuv hnor chinhr quyền xar Pa Ủ hêik cov chos cuêv fix, niêv tix thiêz pêx xênhv hâur jok cux tsênhv lok six cxơưx. Taz sik, khov muôx paz zuz nôngz, canr bôv xar kriê têx kỹ thuật, niêv tix chuôz zis tưz sir jos chos xar muôx 1 héc ta cuêv fix. Đhâu 3 shông ntâu chos, tu, chor ntông no tưz piz sâu tâu blôngx, chês thiêz nhiv no chuôz zis tsênhv jênhv nzir zuz lok chos cov ntâu đuô: “Shông no, cur chuôz zis tâu paz chos 6 héc ta cuêv fix. Ntux kruôr viv li tas nro chuôz zis tưz sir jos chos cov ndar chiv. Zuk cux vav tiêk chor cuêv fix zuôr hloz sêi, tov kaz no paz muôx phênhv sâu truôx chiê txoz cxơưx trâu têx tuz nhuôs thiêz paz trâu luz nênhx cov tsik yuô txov nhêv”.

          Lơưr zơưv Pờ Lò Hừ, Bí thư Chi bôv, uô tsar jok Pha Bu, xuz thơưx thâuv kriz uô, pox nhuôs cux tsik pâuz chos cuêv fix li chak. Taz sik canr bôv xar tưz tuôx ciês trâu yênhx chuôz zis chiê paz zuz nôngz, kriê kỹ thuật chos, tu chor ntông. Piz chos mak thiêx pov tâu chor ntông no cux zôngx ziv chos, hloz lox jông. Nhiv no mak tưz txiêr chês, txiêr blôngx muôs tâu nhiêx lơưv, luz nênhx cux hlôngr yiêz jông đuô thâuv ntêx: “Cur chuôz zis thiêz ntâu ziv chuôz zis hâur jok piz chos cuêv fix txix shông 2022. Khov muôx canr bôv xar, canr bôv kỹ thuật uô tiz jông kriê txix chos txos tu, viv li chor ntông hloz lox jông, chiêx muôx 90% ntâu. Txos nhiv no, cuêv fix huôv tsar jông, lox sêi, muôx tsơưr lươngv jông. Pêz luz jok cux chos tâu trơưk tsưr ziv choz lơưv, pox nhuôs sơưr đơưk puôr lênhx shir phaz hur si”.

           Ntơưv xar Bum Tở, qơư muôx tsôngv box La Hủ thiêz Si La uô nênhx nhoz, chor cuêv fix cux tsênhv tâu sir jos chos thiêz zos yênhx tsoz chos chênhr paz trâu pêx xênhv tơưv đhâu yiêz pluôs. Đros muôx qiv hơưv lax, muôx ar jôngr ntâu, pêx xênhv nhoz ntơưv no sir jos uô lơưr tỉnh têx tsênhv chêi huôv tsar cuêv fix. Zơưv Hù Chà Khá, nhoz jok Sì Thâu Chải, xar Bum Tở puz pâuz: “Cur chos cuêv fix txix shông 2016. Nhiv no tưz lox tas, sâu tâu lơưv. Oz pêz shông no, cur chuôz zis txiêr chês, txiêr blôngx muôs trâu chor nênhs zuôr. Khov muôx chor cuêv fix mak chuôz zis tưz tsik txov nhêv li thâuv ntêx lơưv thiêz, muôx phênhv sâu truôx chiê paz trâu luz nênhx”.

            Chor cuêv fix tưz tsik zos paz trâu pêx xênhv nhoz tox siêz Lai Châu muôx phênhv sâu mak tsênhv paz tâu jông trâu tênhv qơư, paz muôx jôngr vor têx ar trôngz, paz muôx đêx, phax tar qiv hơưv txơưr txar. Txix têx pâuz tsik tsênhz xuz thơưx, pêx xênhv tưz muôx siêz njênhs jông đuô trâu chor cuêv fix thâuv muôx tâu phênhv sâu truôx đhâu ntâu shông vav tok njôngr.

           Zơưv Đao Văn Khánh, Chủ tịch Ủy ban xar Bum Tở puz pâuz: Đại hôiv Đảng bôv tỉnh Lai Châu jiês tiv 15 tưz tso tơưv tsưr ziv “Sir jos txos shông 2030, tỉnh Lai Châu zos yênhx tỉnh huôv tsar jông, sêi thiêz truôx đrênhk, zos tỉnh huôv tsar hênhr hâur tas nro têz qơưk”. Xar Bum Tở nhiv no tsênhv muôx zuôr xar 1 cxênhz héc ta cuêv fix thiêz xav jênhv cuêv fix zos tsoz chos chênhr, sir jos txos shông 2030 ndê muôx 1.500 ntâu héc ta, gôngr côngv trâu tỉnh li tsưr ziv chos cov tâu muôx 30 cxênhz héc ta: “Xar Bum Tở tưz tsêx trung kriz uô tsênhv chêi paz huôv tsar cuêv fix sâuv thax tsav. Hâur co, pox nhuôs tâu paz 100% zuz cuêv fix chiê chos. Tiv zix, tỉnh tsênhv muôx ntâu tsênhv chêi paz hâur 5 shông xuz thơưx chiê pêx xênhv por vêv, tu, paz trâu chor ntông huôv tsar truôx. Nhiv no, ntâu thax tsav cuêv fix txix 5 txos 7 shông tưz piz jông sâu. Ntu zuôr txos, xar zuôr tror sir jos yax kriê, tso tơưv chor phongz yaox chos nzir cuêv fix, sêiz no zos tsoz chos chênhr, paz trâu pox nhuôs txo grêk tâu yêiz pluôs thiêz huôv tsar kinh têr truôx đrênhk”.

           Cuêv fix tưz zos yênhx iz zav tsoz chos sưv jê, huv đros, paz trâu yênhx cxênhz ziv chuôz zis tsôngv box mênhx cxưx tsơưs nênhs nhoz thax tsav ntus đriv Tây Bắc huôv tsar tâu kinh têr, txo grêk tâu đhâu yêiz pluôs./.

Khắc Kiên-Lik Thox cxêik nhênhv

Zơưv Hloz Hôx têx tsưr ziv yax kriê sik tưr nhiêv têz nhiêv qơư         

         Tsôngv ...yuô! Hnuz 11/6/1948, Zơưv Hloz Hôx tưz muôx lul hu lơưs sik tưr nhiêv têz nhiêv qơư, krêz tơưv trâu tas nro tsôngv box li phongz yaox huôx tôngv cơưx mênhv yiêz.

          Lơưr Zơưv Hloz Hôx, cơưx mênhv zos tsôngv box li luôk hâux lưv, viv li phongz yaox sik tưr nhiêv têz nhiêv qơư tsuv phuôx huiz tas nro tsôngv box li đas jos, uô cov tsôngv px sđ sir jos cxaz chuôz, phongz yaox tâu krêz uô đêz đar hâur cxuô cxênhx nênhs. Hloz heik mênhx: “Đros zuk li siêz nhiêv têz nhiêv qơư, jiês sik tưr nhiêv têz nhiêv qơư njênhs njôngr zuôr yênhx côngz jông”.

          Sik tưr nhiêv têz nhiêv qơư li qơư tsov txos zos uô trâu têz qơưk  truôx tuk, vav mênhx, bluô nux, tsôngv box luz nênhx tsâu sor, shir phaz. Viv li, lơưr Hloz Hôx phongz yaox sik tưr nhiêv têz nhiêv qơư li lưx lươngv zos tas nro tsôngv px “Iz lêhx nênhs Việt Nam, txơưv lâuk lok sik hluôk; hluôk tuz lok sik hluôk nxeik; txơưv bluô nux lok sik txov nhêv, lox zâu puôr lênhx zos iz lênhx chiến sĩ tơưv txênhz sâuv mặt trận quân sự, kinh têr, chính trị, vênhx huôv”.

          Tưr thik, lơưr Hloz Hôx li shưz xar, reik đros côngz xưv khơưk kruôk zos phongz yaox li chêx cuk. Chênhr viv li, Hloz cê krêz tơưv phongz yaox sik tưr nhiêv têz nhiêv qơư, cê tsov cưv txos côngz xưv khơưk kruôk, ntâuk grê, zuôr chênhz zênhv, kruôk txos nênhs jông uô tâu hâux lưv jông. Hloz xar tiêk, xar tsưr tsix uô jông phongz yaox sik tưr nhiêv têz nhiêv qơư, uô ntêx tsuv uô tsênhz mênhx phongz yaox li qơư tsov txos, njiêz luv, tsưr ziv uô, ziz njiêz. Njiêz luv sik tưr tsuv reik đros jênhv vưv hâur yênhx ntu cơưx mênhv, co zos tưr thik tsiv uô xênhz yar kôngz nuv, tưr thik cxênhx txuôk....sik tưr khưx phưx têx phêv liv chiê uô tiêr jông jênhv vưv. Tsưr ziv tưr thik tsuv uô txix ntâu siêz xar tơưv jông, zuôr chênhz zênhv, ntâuk grê chênhz zênhv, sik seiz lax thiêz heik kriê chênhz zênhv. Phênhv tưr thik tsuv chuôz ndê jux jus.

         Nhiv no, thâuv qênhx shênhx sâuv ntiêx têz, hâur thax tsav muôx ntâu txơưr txar, hâux lưv hlôngr yiêz têz qơưk tsênhv muôx têx kror jông taz sik cux yuôr ntâu phêv liv. Pâuz tsênhv tsênhz  Hloz Hôx têx tsưr ziv yax kriê sik tưr nhiêv têz nhiêv qơư tsênhv tuôr truôx têx tsiv grê. Hâux lưv krêz uô hâur ntu cơưx mênhv nhiv no, tsuv tsov cưv txos iz cxiê njiêz luv đrav kaz:

          Iz zos, tror muôz siêz jênhv pâuz trâu tas nro cán bộ, đảng viên thiêz tsôngv px lok phongz yaox sik tưr nhiêv têz nhiêv qơư li ziz njiêz, txux zôngv; tror cxơưz tiês uô phongz yaox sik tưr nhiêv têz nhiêv qơư, pov thiêz kriê cxaz, ntâuk grê thiêz heik kriê đêz đar lênhx nênhs uô tâu hâux lưv jông hâur tưr thik nhiêv têz nhiêv qơư nhoz têx nganhx, têx cấp hâur tas nro têz qơưk txix Trung ương txos tiv phaz.

          Oz zos, chuôz tsar zaoz zux chinhz yênhx nhiêv têz nhiêv qơư, siêz txưv haox mênhx cxưx, chiv chir sir jos, reik đros zaoz zux chính trị, shưz xar, cêr uô nênhx...paz uô muôx thôngx ziv siêz hâur tas nro xã hội, paz jông trâu hâux lưv tsưr tsix phuôx tôngv têx phongz yaox tưr thik.

          Pêz zos, tror cxơưz tiês hlôngr yiêz hành chính, tror phax tar thaz huôz nox nhiêx, lav phêv, paz muôx tâu tênhx qơư jông chiê tsôngv px tso siêz, sir jos cxaz chuôz têx phongz yaox sik tưr nhiêv têz nhiêv qơư, tas nro px chuôz tsar cêr niêv côngv siêz, sik paz max hâur luz nênhx, hâur huôv tsar uô nox, vênhx huôv, xã hội.

          Plâuz zos, hlôngr yiêz, muôz siêz chêx cuk côngz xưv tưr sik tưr nhiêv têz nhiêv qơư- khơưk kruôk, yax six tơưv txênhz đros têx luôk hâux lưv uô tsi jông, gôngr phênhv cxơưz tiês phongz yaox sik tưr hâur tas nro têz qơưk uô zênhx liv tsưr ziv tsôngv px huôv tsar uô bluô nux, têz qơưk huôv tsar, xã hội jênh chuv, côngz fênhx, vav mênhx./.

Bích Thủy-Txâur Vax cxeik nhênhv