Tâu tưs tsư ha Văn Bàn-zav tsoz chos paz hlôngr yiêz siêz xar, sir jos uô bluô nux

Oz pêz shông uô ntêx, tix lâus Đỗ Thị Thanh nhoz jok Nà Thái, xar Văn Bàn, tỉnh Lào cai ziv chuôz zis 3 cxênhz thiêr ndis ar têz tsuôk tâu chos blêx, poz cưk, sâu tâu tsơưs. Khov muôx Hôiv Nôngx mênhx xar yax kriê; tâu cơưv chor lớp kriê kỹ thuật, tix lâus Bình tưz hlôngr đuô tas nro chor ar têz đaz tuôs no chiê chos chor tâu tưs tsư ha. Đhâu xar muôx oz shông, cuêz tênhv co tưz paz trâu chuôz zis muôx phênhv sâu. Tưz tsik zos sâu tâu chiv chênhr muôx 4 tấn, tix lâus tsênhv uô nzir tsik ndax chiv. Đros gri muôs truôx, chor tâuz tưs tsư ha tưz paz trâu chuôz zis muôx tâu phênhv sâu truôx jông, xar muôx 160 triệu đêiv iz shông. Hêik txos tsưr ziv uô nox, tix lâus Bình hêik thâuv xuz thơưx uô cux njiz ntâu phiv liv, taz sik tưz paz trâu chuôz zis uô tâu nox jông đuô:

“Phiv liv tiv zos thâuv chor tâu tsênhv zâu, trâus chor caz hmoz, qiv hơưv ruôr hiêv txos ntâu… Hok tưz đhâu ntu no lơưv mak, chor tâuz piz ndê trâu sâuv tsar lơưx lơưv cux jông đuô. Chos chor tâuz no mak cux sâu tâu ntâu, zôngx ziv muôs, cur tsênhv xar kriz đar nzir thax tsav chos thiêz”.

Tsưr ziv uô nox tâu chôngz nênhs uô trơưk tưz tsik zos txix chor nênhs uô uô ntêx li tix lâus Đỗ Thanh Bình têx chênhz zênhv, mak tsênhv piz ciês txix chor jiês muk ndis sêiz, cơưv shâuv zos chinhr quyền ntơưv qơư tsưr tsix. Chênhr txix chor jiês muk tsênhv tsênhz ntơưv Bắc Kạn, siêz njênhs txos chor tâuz tưs tsư ha no tưz tâu sơưr đơưk sir jos uô. Pos Đặng Thị Tuyết zos iz hâur chor nênhs tâu ndis sêiz li hêik co thiêz pos tưz sir jos chos ntơưv zuk chuôz zis:

“Chiv xuz thơưx mak cur chuôz zis nhiv kruôr chos siv xưz taz sik mak pov tsư kaz tiês, tsơưr lươngv cux jông, muôz trâu sơưr đơưk nox siv mak cux hêik tiêk tâu tsư kaz hênhr”.

Tsưr ziv uô nox no tâu kriz uô txix chinhr quyền ntơưv qơư li têx sir jos nhênhz chơưv thiêz tso tơưv tsưr ziv uô. Hêik txos tsưr ziv uô ntu zuôr txos, pos Trịnh Thị Hòa, Chủ tịch Hôiv Nôngx mênhx xar Văn Bàn hêik mênhx tsưr ziv muôz chor tâuz tưs tsư ha no uô cov zos yênhx hax huv chênhr ntơưv thax tsav qơư:

“Nhiv no chor nênhs zuôr chor tâuz tưs tsư ha no muôx lok six chôngz viv li pêz cux vav tiêk pox nhuôs zuôr tror sir jos chos, kriz uô chiê paz trâu zav tsoz chos no zos têx hax huv thiêz zos hax huv OCOP ntơưv thax tsav qơư hâur ntu zuôr txos”.

Chor tâuz tưs tsư ha no tưz tsi zos paz muôx tâu kinh têr siêz đuô 7-8 jiês chor tsoz chos txơưr, mak zov chênhr đuô, tsênhv paz hlôngr yiêz đuô pêx xênhv Văn Bàn li tsưr siv, siêz xar hâur uô nox. Txix uô zâu, pox nhuôs tưz pâuz sik côngv chiê paz muôx tâu thax tsav uô nox tsêx trung. Tsưr ziv uô nox ntơưv Văn Bàn tưz puz pov muôx tâu iz tsưr ziv uô nox huv đros, paz muôx nzir phênhv sâu trâu pêx xênhv thiêz paz thơưz kinh têr-xar hôiv ntơưv thax tsav qơư huôv tsar truôx đrênhk./.

An Kiên-Lik Thox cxêik nhênhv

Têx luôs hâux lưv uô tâu hâur huôv tsar kinh tế xã hội têz qơưk 5 shông đhâu txix Đảng chox car

Kinh tế chuôz tsar jông: Txơưv trâus uô ruôr hiêv hnhar viv moz gênhk, kinh tế Việt Nam cux tsênhv tsưx phưv tâu jông chuôz tsar pir li hâur thax tsav thiêz sâuv ntiêx têz. Chuôz tsar kinh tế shông 2024 muôx 7% ntâu, tâu ntâuk grê zos qơư chi cax hâur ntu kinh tế ntiêx têz muôx ntâu txơưr txar phiv liv. Cuiv nhiêx nhiêx têz (IMF) njuôk xav chuôz tsar kinh tế Việt Nam tsar ndê xar muôx 6% hâur shông 2024, zos iz hâur 20 ngênhx kinh tế chuôz tsar jông đuô hur si sâuv ntiêx têz.

Krêz đar thiêz gra siêz qơư sơưr: Chuôz tsar kinh tế Việt Nam txix 346 tyv USD shông 2020 ndê muôx 510 tyv USD shông 2025. Xav kror đruôz đraz iz lênhx nênhs muôx phênhv sâu txix 3.552 USD shông 2020 ndê muôx 5 cxênhz USD shông 2025, paz Việt Nam yênhx iz hâur têx têz qơưk muôx phênhv sâu tâu ntâu. Kinh tế Việt Nam sâuv ntiêx têz tâu hlôngr yiêz, tsar ndê 5 thênhv chiê sơưr tiv 32 sâuv ntiex têz thiêz sơưr tiv 4 hâur thax tsav ASEAN lok shông 2025.

Huôv tsar kinh sôr: Kinh tế sôr huôv tsar truôx jông, muôx liv zov chênhr. Việt Nam tưz uô tâu yênhx côngz luôs hâux lưv hu zâuv tas nro cxix luôs chính trị thiêz tsôngv pêx xênhv chiê sik đros phax tir thêir moz Covid-19, tas tsơưs nhiêx txiêx. Luôs hâux lưv uô co tâu côngv thôngx ntiêx têz kruôs nxiês txos.

Taz por truôx tuk xã hội: Chính phủ tưz fuô uô ntâu tsênhv chei, tsưr ziv paz truôx tuk xã hội zênhx max trâu pêx xênhv, lar heik zos hâur ntu muôx moz gênhk huôv xênhz. Luôs hâux lưv txo grêk cêr pluôs tưz uô tâu jông, têx chuôz zis pluôs txo grêk txix 4% ntâu shông 2021 yuôr 1% lok shông 2025. Việt Nam tâu LHQ côngk nhav zos uô tâu jông hâux lưv txo grêk cêr pluôs truôx thiêz uô lơưr tsênhv chei truôx tuk xã hội.

Hlôngr yiêz luz nênhx trâu pêx xênhv: Tsênhv chei truôx tuk xã hội paz gra siêz luz nênhx xênhz huôx trâu pêx xênhv. Ntu 2020-2025 seiz pov têx sir jos uô tâu jông chiê taz por pêx xênhv muôx luz nênhx truôx tuk thôngz đhâu têx tsaz yênhx paz uô tsêr nhoz trâu chor chuôz zis pluôs, chuôz zis txov nhêv.

Cxiv kho cxix luôs chính trị: Têz qơưk xã hội chủ nghĩa Việt Nam tsi so tâu cxiv kho truôx khor. Đảng tsưr ziv chox car tâu fuô uô jông, Đảng, têz qơưk, Mặt trận Tổ quốc thiêz têx tsưr tsix chính trị-xã hội cêr sik hux jos ziv hnuz ziv truôx.

Têx luôs hâux lưv uô tâu heik sâuv zos khov Đảng chox car huv đros, têz qơưk chox kriê zênhx max đros trâu tas nro tsôngv lax pêx xênhv Việt Nam li sir jos, sik thôngx siêz./.

Bích Thủy-Riê Lâux cxeik, nhênhv