Sơn La jux juk huôv tsar uô kôngz jông, truôx tuk txix hlôngr yiêz sôr

          Ntâu shông lok no, yênhx cxênhz lênhx pêx xênhv nhoz xã Yên Châu, Phiêng Khoài, Chiềng Hặc, tỉnh Sơn La tưz hlôngr yiêz tsưr ziv xar hâur zuôr muôs têx kôngz li: Pâuz tsênhz qơư uô, muôs kôngz đhâu sâuv điện tử, tso đuôz piêr kriê sâuv mạng xã hội chiê luôs lưv tus đas cir zuôr, xa hax huv txos lênhx nênhs sir zôngv têk tâu sei thiêz trơưk siêz nhiêv. Khov li co, têx txir khơưz, txir mo môngk muôs tâu sei thiêz gri truôx tuk đuô. Niêv lâul Vì thị Thiều, nhoz xã Phiêng Khoài, tỉnh Sơn La heik pâuz: “Nhiv no phênhv ntâu pêz muôs huv đhâu tso đuô sâuv mạng xã hội thiêz muôs tâu gri, huv đros đuô. Tsôngv box nhoz no viv li co luz nênhx cux hlôngr yiêz, vav mênhx đuô thâuv ntêx”.

             Yuôr ntơưv phường Mộc Châu, tỉnh Sơn La, têx kôngz cux tsênhv huôv tsar uô tâu jông, txo grêk tsơưs nhiêx txiêx ntiêr nênhs, uô tâu ntâu, sâu tâu nju đuô viv uô lơưr jông cui tinhv, tsưr ziv kriê uô nox. Co zos têx uô tâu jông đhâu 2 shông HTX jâuz truôx tuk Mộc Châu sir jos uô trơưk công nghệ siêz hâur huôv tsar uô kôngz. Pos Nguyễn thị May, uô hâux lưv hâur HTX heik pâuz: “Thâuv ntêx huôv tsar uô tsi yuô tâu kôngz trơưk tsưr ziv. Taz sik nhiv no HTX, sơưr đơưk tưz muôx hur si qơư zưs đêx, iz zav li đhok uô qơư max mav zưs đêx hâur yênhx hnuz hmo cov ar têz nông, lok sik đhok uô qơư tso đêx tsuôs li lok nas trâu têx kôngz. Chênhr zos uô li heik co, nhiv no cux uô tâu têx kôngz ntâu đuô 3, 4 bâus pir li thâuv ntêx”.

           HTX jâuz truôx tuk Mộc Châu tsưr ziv zos, tsênhv jux juk huôv tsar uô kôngz trơưk cêr uô nox yiêz, lar heik zos uô trơưk công nghệ AI hâur huôv tsar uô kôngz. Pos Nguyễn Thị Thu Hiền, uô hâux lưv hâur HTX heik li no: “Nhiv no pêz tsênhv uô trơưk kỹ thuật số, hur tiz si cxuô luôs hâux lưv uô trơưk tsưr ziv yiêz, tsi uô thôngx li thâuv ntêx lơưv, viv li cux tsi yuô phiv liv thâuv ntêx ntơư”.

          Hâur iz cxênhz ntâu HTX ntơưv tỉnh Sơn La mak muôx zuôr xar 900 HTX huôv tsar uô kôngz nuv. Đhâu thâuv tỉnh cxiv tsa thiêz tâu côngk nhav 9 thax tsav uô trơưk công nghệ siêz ntơưv têx xã: Mai Sơn, Yên Châu, Mộc Châu, ntâu HTX tưz sir jos uô lơưr têx tsưr ziv, cêr uô nox yiêz, muôz meir uz no lok phưx vưv huôv tsar uô kôngz. Sơn La cux tsênhv tsưx phưv truôx 280 qơư côngz zav nox, kôngz nuv, shuôz njêl truôx tuk muôs trâu ciêz đrôngs, 294 thax tsav chos phưx vưv muôs trâu 2 chas thax tsav, têz qơưk đrâuv, 145 qơư uô kôngz trơưk cui tinhv Vietgap, globagap. Txix têx zoz qơưx tsênhv tsênhz, tỉnh Sơn La cux tưz tso tơưv cui tinhv, tsênhv chei cxơưz tiês hlôngr yiêz sôr hâur ngênhx kôngz nuv. Zơưv Nguyễn Thành Công, Phưv Chủ tịch Ủy ban tỉnh Sơn La heik pâuz: “Nhiv no tỉnh tưz choz trâu Sở Kôngz nuv, Tênhx qơư chiê uô trơưk, qênhz shuôs jông, muôx sôr laov sâu jênhv lok ar têz huôv tsar uô kôngz, lok tsoz chos, têx txir ntông, tsiêx tu zus chiê muôx tsưr ziv seiz car, huôv tsar uô. Tỉnh cux sir jos hlôngr yiêz sôr hâur huôv tsar uô nox, hâur tsiv uô thiêz lar heik zos hlôngr yiêz sôr hâur zuôr muôs, piêr kriê têx xiv huv kôngz nuv. Hlôngr yiêz sôr zuôr paz trâu pêx xênhv buôk ti sei txos tênhx qơư đhâu fabook, zalo.....”.

           Luôs hâux lưv uô lơưr công nghệ sôr hâur huôv tsar uô kôngz tsi tiêk paz pêx xênhv Sơn La uô kôngz sâu tâu nju, txo grêk tsơưs têx tsi jông, tsênhv paz cxiv tsa iz ngênhx kôngz nuv huôv tsar truôx, uô tâu kôngz, muôs tâu gri. No zos hâux lưv zov chênhr khav tinhv Sơn La sir jos huôv tsar kôngz nuv truôx vênhk thiêz jông, huv đros ntu têz qơưk hlôngr yiêz thiêz huôv tsar./.

Thu Thùy-Riê Lâux cxeik, nhênhv