Xor their tsêr chos jâuz tâuv hur krêz tsưr ziv uô yiêz trâu kôngz nuv nhoz Lai Châu

          Kaz shông 2023, HTX An Bày, xã Bình Lư (huyện Tam Đường kuz) zos taz viv uô ntêx nyuôk nhoz Lai Châu yuv pênhr xor their tsêr chos jâuz kok hur đar 1 cxênhz yiv ndis, đhok cxix luôk zưs đêx chiê chos têx kâuz kok lơưr chiv cheix. Đhâu 1 shôngk ntâu uô, trâur nuv chox lok chêx cuk kinh têr siêz đuô pir đros tsưr ziv chos kuz. Zơưv Lê Đức Tiến, Phưv giám đốc HTX An Bày puz pâuz:

          “ Txos nhiv no iz shôngk ntâu cur xor their tsêr chiê chos jâuz kok, puôr lênhx taz por vêv xênhz zav nox. Pir li điz Hàn Quốc, nhiv kruôr muôs tâu trâu hâur xã taz sik tâu lok six chôngz lênhx nênhs nhiêv txos, muôs tâu grê. Jâuz cxuô zav puôr lênhx hloz lox jông, tuôv zênhv tâu niêv ciêz nhiv no li zoz qơưx”.

          Xã Bình Lư yiêz tâu yênhx lix thâuv sik côngv têx xã Sơn Bình, Bình Lư thiêz thị trấn Tam Đường, huyện Tam Đường kuz, zos thax tsav ar chos jâuz kok ntêr lok no nhoz tỉnh Lai Châu. Txos nhiv no, tas nro xã tưz muôx zuôr xar 100 hecta jâuz kok cxuô zav. Khov uô trơưk tsưr ziv xor their tsêr tax chiê chos, iz shông, têx HTX xã tsêz chos 7-8 chiv jâuz. Chêx cuk trâur nuv no tưz thiêz tsênhv krêz tơưv tsưr ziv uô yiêz trâu pox nhuôk nôngx mênhx hâur huôv tsar tsiv uô taz por, truôx tul. Tix lâuk Trần Đình Vượng, lênhx nênhs hâur Tuêv sik hux jos tsiv uô jâuz VietGap Tân Bình pheiz kênh:

          “ Cur chuôz zis yưv pênhr uô cxix luôk zưs đêx seiz car đhâu điện thoại, muk tưs tsuôk zuôr zôngv điện thoại txơưv krêz tâu chiê zưs đêx. Uô tsêr tax paz txu grês caz uô hiêv tsoz chos, txu grês 30% qir zuôv, jâuz kok huôv tsar jông, tâu sâu sei đuô”.

          Txix têx trâur nuv muôx chêx cuk nhoz Bình Lư, phongz yaox tsiv uô kôngz nuv công nghệ siêz tsênhv tâu krêz uô đêz đar hâur tas nro tỉnh Lai Châu. Lơưr zơưv Bùi Huy Phương, Giám đốc Sở kôngz nuv thiêz tênhx qơư tỉnh Lai Châu, txos nhiv no, Lai Châu tưz muôx 6 cxênhz hecta ntâu blêx zôngv tsưr ziv yiêz SRI chiê chos, 200 hecta jâuz kok cxuô zav zôngv IPM, zuôr xar 57 hecta tsêr tax cxuô zav; 30 hecta zôngv cxix luôk zưs đêx cxênhx txuôk; 200 hecta ntâu tsoz chos tâu côngz jênhv VietGap lok sik hữu cơ. Ntu zuôr txos, Lai Châu zuôr tror hlôngr txix tsêz chos mê yênhx huôv tsar kinh têr kôngz nuv, huôv tsar lơưr tsưr ziv sik côngv kôngz nuv đros ju lix thiêz kinh têr.

          “Jênhv vưv tso tơưv nhoz tỉnh ntu zuôr txos zos huôv tsar kôngz nuv hax huv, yuôx njuôz thiêz hur jông. Viv li nganhx zuôr heik tỉnh tror hlôngr yiêz siêz xar hâur tsêz chos, lơưr saz txix uô kôngz nuv yênhx kinh têr kôngz nuv, tiv zix zos sik côngv huôv tsar. Nganhx li tsưr ziv zos zôngv công nghệ yiêz, cxiv tsa xiv huv ÔCP thiêz gôngr phênhv uô tỉnh li tsưr ziv zos huôv tsar xiv huv hur jông, truôx tul”.

          Đros chính quyênx thiêz tsôngv box li sik côngv, kôngz nuv công nghệ siêz tsênhv jux jus yênhx đas jos yiêz chiê huôv tsar kinh têr nôngx cxênhz Lai Châu. Têx trâur nuv xor their tsêr tax chiê tsêz chos jâuz kok tsi taz chox lok tsiv grê kinh têr, mak tsênhv gôngr phênhv hlôngr yiêz tsôngv box nôngx mênhx li siêz xar lok tsêz chos txix tsưr ziv uô chax chês hlôngr yênhx tsiv uô kôngz nuv yiêz, hur jông thiêz truôx tul./.

(Khắc Kiên-Txâur Vax cxeik nhênhv)

Thủ tướng Chính phủ Chỉ thị lok cxơưz tiês phôngz yaox sik tưr nhiêv têz qơưk

Chỉ thị muôx têx tsênhv njiêz chênhr li đrav kaz:

Chiê uô tâu têx hâux lưv tso tơưv lok huôv tsar kinh tế xã hội shông 2024 thiêz shông 2025, sir jos uô tiêr hâux lưv 5 shông (2021-2025) trơưk Đảng Nghị quyết Đại hội đại biểu tas nro têz qơưk jiês tiv 13, bax tok đại hội đảng bộ cxuô cấp thiêz Đảng Đại hội đại biểu tas nro têz qơưk jiês tiv 14, Đại hội sik tưr nhiêv têz qơưk thôngz têz qơưk jiês tiv 11 thiêz têx hnuz ntênhs lox hâur shông 2025, Thủ tướng Chính phủ heik cxuô bộ, cơ quan iz zav li bộ, cơ quan nhoz hâur Chính phủ, Ủy ban cxuô tỉnh, TP nhoz T.Ư tror qênhz shuôs, yax kriê đêz đar Chủ tịch HCM tsưr ziv kriê lok sik tưr nhiêv têz qơưk, Đảng thiêz têz qơưk tsưr ziv, tsênhv chei lok sik tưr uô hâux lưv jông; yax mông, choz kriê cêr uô nênhx nhiêv têz qơưk, sik thôngx siêz tas nro tsôngv box...chiê gra siêz canr bôv, đảng viên thiêz tsôngv pêx xênhv tsưr ziv jênhv pâuz lok sik tưr uô hâux lưv jông hâur cxiv tsa thiêz tsưx phưv têz qơưk.

Tsưr tsix sik tưr uô hâux lưv jông, cxênhx txuôs

Xav tinhv tsênhz mênhx tsưr ziv, hâux lưv, zoz qơưx, tsênhv njiêz tsưr tsix phôngz yaox sik tưr, uô jông trơưk têz qơưk têx tsưr ziv, hâux lưv tso tơưv huôv tsar kinh tế, xã hội, sir jos đơưk uô cxuô ngênhx, cxuô cấp, cxuô thax tsav qơư....têx hâux lưv zov chênhr. Muôz bộ, ban, ngênhx, ntơưv qơư têx phôngz yaox sik tưr uô hâux lưv jông reik đros trâu phôngz yaox sik tưr zov chênhr tsênhv tâu fuô uô hâur tas nro têz qơưk li: Cxơưz tiês huôv tsar têx côngz trênhx truôx khor thiêz jông; cxênhx txuôs, phax tir thêir uô tuôr xuôv nhiêx txiêx”; “Tas nro têz qơưk sik côngv têk cxiv tsa jêx jok yiêz”; “viv nênhs pluôs-tsi chiê lênhx tưs trâus pôngz kaz”; “Tas nro têz qơưk sik đros paz uô tsêr nhoz trâu têx chuôz zis pluôs, chuôz zis txov nhêv hâur shông 2025”; “canr bôv, công chức, viên chức sik tưr uô hâux lưv jông ntơưv qơư uô côngz xưv”; “ tas nro têz qơưk sik tưr cxiv tsa xã hội cơưv txux chi, cxơưz tiês cơưv iz siv nênhx”, đros trâu cxiz cơưv ntâuz ntơưr thiêz uô trơưk Lâul Hôx cêr nênhx jông.

Sir jos huôv tsar kinh tế-xã hội, cxiv tsa jêx jok yiêz, taz por truôx tuk xã hội, txo grêk cêr pluôs truôx; tsưr tsix phuôx tôngv, fuô uô jông têx phôngz yaox sik đros cxiv kho têx tsi jông, trâus puôk tsuôx tiv nas chuô, moz gênhk uô, truôx tuk luz nênhx trâu pêx xênhv, huôv tsar uô nox uô hâuk..... Fuô uô têx hâux lưv ntâuk grê phôngz yaox sik tưr uô hâux lưv jông, uô trơưk têx uô tâu, têx tsưr ziv jông hâur fuô uô lơưr chiê cxơưz cxiz têx phôngz yaox sik tưr uô nuv jông hâur ntu zuôr txos.

Iz chas ntơư, cấp ủy đảng, hâu nov ntơưv qơư, đoanx thêv thiêz lênhx nênhs sơưr thơưx cux sir jos uô jông hâux lưv chox car, têx luôs hâux lưv zok muôz lok tsưr tsix têx phôngz yaox sik tưr thiêz uô trơưk chei têz qơưk lol sik tưr uô nuv jông, chiê hu zâuv, cxơưz cxiz cxuô lênhx cxuô tus, cxuô tập thể sik tưr uô hâux lưv, xar tơưv tsưr ziv jông, lês uô tâu truôx têx hâux lưv zok muôz viv sơưr đơưk.

Sir jos ntâuk grê huv zos têx hâux lưv uô tâu jông lok tsưr tsix fuô uô phôngz yaox sik tưr, hâux lưv uô tâu jông, lênhx nênhs muôx txux chi tsưr ziv yiêz, uô tâu truôx hâur 05 shông đhâu, iz chas ntơư cux heik txos têx uô tsi tâu tsi tiêr, qir tiv thiêz têx pâuz tâu, txix co tso tơưv tsưr ziv, hâux lưv sik tưr uô hâux lưv jông hâur ntu 2026-2030.

Tror gra siêz tsơưr lươngv hâux lưv kruôs txos têx lênhx nênhs uô tâu hâux lưv jông huv đros, taz por trơưk cui tinhv, tsênhz mênhx, côngz fênhx, zênhx max, choz kriê cêr uô nênhx, cơưv shâuv, uô trơưk têx uô tâu jông.....

Thủ tướng Chính phủ heik Bộ Nội vụ seiz car, hux jos đros cxuô bộ, ngênhx cik txos fuô kriê, qênhz yuôx, heik cxuô bộ, ngênhx, ntơưv qơư tsưr tsix fuô uô Chỉ thị no; sox seiz njôngr, sâu jênhv heik trâu Thủ tướng pâuz./.

Bích Thủy-Riê Lâux cxeik, nhênhv