Sor so têx luz tsêr siêz jông

Tix lâus Phưv Xênhv Zax, nhoz jok Phìn Chải, xar Giang Mang, huyện Tam Đường (Lai Châu) ziv chuôz zis zos iz hâur chor chuôz zis txov nhêv tiv zix nhoz hâur jok tiv muôx mê nhuôv chôngz, ar uô nox tsơưs, tix lâus tuk pox niêv ho tsik so muôx moz gênhs. Chiê phêiz kênh cêr txov nhêv đros chuôz zis, cuiv “Viv nênhs pluôs” Ủy ban Mặt trận Têz qơưk Việt Nam tưz paz 30 triệu đêiv chiê cxiv uô vax tsêr, paz trâu chuôz zis muôx qơư nhoz truôx chiê sir jos khưr huôv tsar uô nox. Tix lâus Phưv puz pâuz: Uô ntêx Tsiêz, txơưv luz tsêr tsik tâu uô tiêr cxix cxuô, taz sik chuôz zis tưz lok nhoz hâur luz tsêr yiêz co chiê tok tsiêz. Đhâu tsiêz, khov txos chor hluôk nênhs, pox nhuôs hâur jok, cưr tix nênhx tsa sơưr đơưk paz nzir hnuz côngz uô, luz tsêr tưz tâu uô tiêr. Luz tsêr cấp 4 đar muôx 100 thiêr ndis no tsênhv tsênhz zos chuôz zis li siêz vav njôngr txix ntâu shông lok:“Oz pêz shông uô ntêx cur chuôz zis nhoz hâur iz luz tsêr zâu xưz, lok six grêiv; taz sik shông no tâu têz qơưk paz trâu zuk thiêz uô tâu luz tsêr lox đuô, viv li lok six shir phaz. Lok six uô tsâus têz qơưk, canr bôv xar thiêz canr bôv huyện tưz paz trâu cur chuôz zis”.

Cux xưk li tix lâus Phưv Xênhv Zax, đhâu ntâu shông nhoz hâur chor nênhs cxênhz jê têx vax tsêr, zơưv Pao Xênhv Cưr, 65 shông nhoz jok Sử Thàng, xar Giang Ma nhiv no tưz muôx luz tsêr khor truôx chiê nhoz. Zơưv thiêz cưr tix nênhx tsa thiêz pox nhuôs hâur jok cux lok six shir phaz thâuv  tâu jênhv tsêr yiêz nhoz. Zơưv Pao Xênhv Cưr hêik pâuz:“Thâuv tror lok ntơưv jok mak cur chuôz zis tsik muôx vax tsêr chiê nhoz, tsuv nhoz hâur têx tuz nhuôs vax tsêr muôx 10 ntâu shông lơưv. Nhiv no têz qơưk paz uô iz luz tsêr chiê nhoz, viv li shông no muôx tsêr yiêz nhoz lơưv. Tsiêz mak zuk cux muôx vax tsêr chiê nox tsiêz lơưv, shir phaz hênhr, nhiv no uô đaz tsi lok cux tso siêz đuô”.

Chiê cxiv vênhv tôngv paz trâu cuiv “Viv nênhs pluôs” tâu kriz uô truôx jông hâur côngv thôngx, Ủy ban Mặt trận Têz qơưk huyện Tam Đường tưz sik côngv đros chor ban, nganhx, đoanx thêv, chor xar, thị trấn huiz ntâu pênhr jos hâur xar hôiv đros paz. Khov uô jông côngz xưv yax kriê, vênhv tôngv, têx cơ quan, taz viv, doanh nghiệp, cxuô cxênhx nênhs sâuv thax tsav tưz sik côngv têk, côngv jos paz trâu chor chuôz zis pluôs sir jos hâur luz nênhx. Zơưv Tẩn A Nao, Phưv Chủ tịch Ủy ban Mặt trận Têz qơưk huyện Tam Đường puz pâuz: Txix hâur shôngk shông 2022 txos nhiv no, Ủy ban Mặt trận Têz qơưk huyện tưz paz trâu 15 ziv chuôz zis pluôs sâuv thax tsav uô yiêz, kho đuô tsêr nhoz; hâur co muôx 7 luz tsêr tâu paz txix “Cuiv nhiêx viv nênhs pluôs” tỉnh, đros tas nro tsiv gri muôx 350 triệu đêiv; 8 luz tsêr tâu paz txix cuiv ‘Viv nênhs pluôs” huyện, tsiv gri muôx 220 triệu đêiv. Đhâu six hơưv uô tsêr, chor chuôz zis cux tâu chinhr quyền ntơưv thax tsav qơư, têx cưr tix nênhs tsa thiêz pox nhuôs sơưr đơưk hâur jêx jok đros paz lok nhiêx txiêx thiêz hnuz côngz lox tôngv, viv li tsêr tâu uô tiêr cux tưz lox đar thiêz jông đuô: “Tiv phiv liv txix caz moz Covid-19 viv li iz cxiê chuôz zis tsuv muk uô nox ntơưv têx tỉnh txơưr chiê muôx nzir nhiêx txiêx lok uô tsêr. Txos nhiv no mak luz tsêr uô kaz ciês cux tưz tâu uô tiêr thiêz nhiv no pêz tsênhv uô cov tiêr têx ntâuz ntơưr chiê choz zok trâu chor chuôz zis pluôs lok nhoz chiê tso siêz khưr uô nox”.

Chor tsêr siêz jông no tsênhv tsênhz zos kror muôx tsiv gri trâu chor chuôz zis pluôs nhoz tox siêz đêz đrôngl hâur thax tsav ntus đriv tỉnh Lai Châu, paz trâu lơưr muôx cêr shir phaz thiêz sir jos uô lox tôngv, khưr uô nox cov hla đhâu cêr pluôs truôx đrênhk./.

                                                      Khắc Kiên-Lik Thox cxêik nhênhv

Lênhx đảng viên uô ntêx nyuôk hâur huôv tsar kinh têr nhoz tox siêz Sơn La

  Zos tus nhuôs hloz hâur chuôz zis muôx luz nênhx txov nhêv, niêv txir khưr tu zus 5 cưr tix nuk muôs nox hâuk cơưv ntơưr tsuôk khov txos phênhv sâu txix 1 cxênhz yiv ndis ar chos blêx thiêz 4 hecta liêx têz, tix lâuk Lò Văn Hặc nhoz jos Lào, xã Tông Cọ, huyện Thuận Châu (Sơn La) thâuv tưs cux xar lok six ntâu seiz uô li chas chiê hla đhâu cêr pluôs, paz chuôz zis txu grês phênhv tưs têx phêv liv hâur luz nênhx.

          Shông 2010, tix lâuk heik chuôz zis truôx siêz hlôngr 1 hecta mênhv chêx ar chos kok ntông tsi jông chiê chos cà phê nôngz Arabica, cê uô cê cơưv shâuv chênhz zênhv chos thiêz tsoz phưz. Đros siêz xar tsoz chos tsuv huv đros thax tsav ar têz co thiêx li tso lok yar lengx siêz thiêz ngaz tul, tix lâuk Hặc tsi so tsoz phưz, nthuô đrox, zuôv qir, txiêr têx chês cà phê cov huv đros. Đhâu iz ntu, tix lâuk Hặc têx cà phê tưz huôv tsar njuôz jông, txos shông tiv 3 tưz qir sâu tâu 1,5 tênhr txir; txos shông tiv 4 sâu tâu 18 tênhr txir nhôngs. Tix lâuk Lò Văn Hặc puz pâuz: tsoz cà phê zôngx ziv chos, zôngx ziv tsoz phưz, huv đros ar têz nhoz no; viv li chuôz zis tưz krêz đar mênhv chêx chos cà phê lơưr yênhx shông, txos nhiv no chuôz zis tưz muôx zuôr xar 3 hecta cà phê.   “Tsưr ziv

zos hlôngr txix chos kok ntông chiê chos cà phê, viv kok ntông sâu tsi tâu chêx cuk. Zuk cơưv shâuv nôngx mênhx nhoz têx jêx jos txơưr lok chos cà phê muôx chêx cuk thiêz lok uô ntơưv zuk jêx jos. Hâur ntu chos cà phê, zuk tsov cưv tiv zix txos tsoz phưz, zuôv qir, nthuô đrox thiêz tsuôk yuôx tuô caz hmoz”

          Tix lâuk Hặc cux puz pâuz, đrâuv hâux lưv chos thiêz tsoz phưz cà phê, chuôz zis tsênhv muôz têx mênhv chêx ar nxaz, ntus liêx...chos 3 cxênhz yiv ndis tâux nxư chiê tu zus 20 tul nhux đas, yik thiêz 100 ntâu tul keiz tso vax chiê muôz siêz phênhv sâu cux xưk li muôx cxaz qir zuôv phưx vưv tsoz phưz chuôz zis li vax chos:    “Tas nro chuôz zis li phênhv sâu hâur iz shông muôx nhos 500 tsov đeiv. Hâur co phênhv sâu txix cà phê zos 400 tsov đeiv, đrâuv co tsênhv muôx phênhv sâu cxaz txix tu zus. Hâur ntu zuôr txos cur njuôs xav zuôr chos cxaz cà phê, krêz đar cxaz 3-4 cxênhz yiv ndis huôv tsar tu zus thiêz”

          Zơưv Lường Văn Chính, Bí thư chi bộ jos Lào, xã Tông Cọ puz pâuz cxaz: Tix lâuk Lò Văn Hặc zos iz hâur têx đảng viên uô ntêx hâur hlôngr yiêz tsoz chos tsiêx tu zus. Tsi taz uô bluô nux trâu chuôz zis, tov kaz no zos Tsar jos, tix lâuk tsênhv paz têx ziv chuôz zis txov nhêv txơưr hâur chi bộ, hâur jos lok zuz tsoz chos, nôngz tsiêx tu zus chiê huôv tsar kinh tế, cux xưk li heik kriê têx ziv chuôz zis lok tsưr ziv chos thiêz tsoz phưz cà phê.

          Txix cơưv shâuv tix lâuk Hặc li trâur nuv cà phê, txos nhiv no 130 ziv chuôz zis tsôngv box hâur jos puôr lênhx muôx phênhv sâu siêz thiêz yênhx trus ngaz tul luz nênhx; chor ziv chuôz zis pluôk hâur jos lơưr co cux txu grês jux jus lơưr yênhx shông. “Đ/c Hặc zos đangv viên hâur chi bộ thiêz zos tsar jos thâuv tưs cux uô jông Đảng li chủ trương cêr chei, uô ntêx hâur cxuô hâux lưv. Đ/c cux vênhv tôngv tsôngv box hlôngr yiêz tsoz chos, tsiêx tu zus. Pir li chos cà phê, ntông nox txir sâuv ar têz nxaz. Lok kinh têr hâur jos cux hlôngr yiêz jông, chor ziv chuôz zis pluôs txu grês, iz shông 5-6 chuôz zis, pêz jos muôx 130 ziv mak yuôr zuôr xar 30 ziv zos chuôz zis pluôs”.

          Tsi nyei phêv liv, thâuv tưs cux uô ntêx nyuôk hâur cxuô phongz yaox huôv tsar kinh têr thiêz paz max tsôngv box hâur jêx jos huôv tsar khưr uô nox, đangv viên Lò Văn Hặc tưz tâu têx cấp, nganhx muôz ntâu ntơưr kruôk lok huôv tsar kôngz, jôngr nuv nhoz tiv phaz./.

                                                       (Trấn Long-Txâur Vax cxeik nhênhv)