Ntu tsôngv box Mảng Lai Châu luz nênhxhlôngr yiêz

Nậm Ban-nênhs Mảng thax tsav qơư iz txưv nhoz thâuv ntêx, nhiv no zos xã Pa Tần, tỉnh Lai Châu. Trơưk li tsôngv box ntơưv qơư, Nậm Ban zos đêx hur. Qơư muôx jông bê hu, taz sik tsôngv pêx xênhv hâur thax tsav luz nênhx tưz muôx kênh ntu lok six txov nhêv. Nênhs Mảng niêx shông khưr uô liêx têz, taz ziv sir jos khưr ziv txov nhêv, viv lơưr tsuôk pâuz uô trơưk chor lâul thâuv cêr uô nox, tsi uô lơưr tsưr ziv yiêz, tsi muôx tsưr ziv uô nox, tsi pâuz tuôr xav jông. Iz txiv thâuv muôx chor tuz lênhv Zênhx Pênhz phax Pa Tần tuôx nhoz, tsi tiêk uô hâux lưv tsưx phưv đriv têz, tsênhv kriê txux chi, tsưr ziv huôv tsar uô nox, cxiv tsa luz nênhx iz hnuz tsar ndê jux juk. Thiếu tá Nguyễn Văn Hoàn, canr bôv vênhv tôngv pêx xênhv huôv tsar uô nox, Zênhx Pênhz phax Pa Tần heik: “Cur tsi tâu uô cưk kriê iz jiês hlo, tiv 2 zos tsi pâuz shor zuôr kriê li chas, taz sik đhâu thâuv muk kriê lơưv, jux juk sưv pâuz tsôngv pêx xênhv cux lok six jông. Cur cux uô tsi tâu đaz tsi lox paz tsôngv niêv txir lax pêx xênhv, taz sik kriê tâu tus ntơưr, tsôngv pêx xênhv pâuz nhênhv, pâuz sâu xưz. Txix ntơư, sơưr đơưk njênhs njôngr, thôngx siêz đros tuz lênhv pênhz phax”.

Zos lênhx tuz lênhv lês uô luôs hâux lưv kriê txux chi, têx lớp cơưv hâur pâuk ntơưr tâu chor canr bôv, chiến sĩ krêz kriê tsôngv pêx xênhv ntơưv Nậm Ban, hmo tưs tênhz cux tơưk chis cax lus đros trâu têx suôz luôs, suôz nhênhv ntơưr lov jêv ntưk. Chor nênhs cơưv muôx kênh lênhx hnuz nhôngs tưz lâul, tus êr mê nhuôv, tus êr têx xênhz lênhx nzưr tuôx cơưv lok cux muôx hur si….., taz sik lênhx tưs cux moz siêz, viv nhiv no tưz pâuz tsênhz txos cêr pâuz txux chi têx muôx liv, pâuz ntâuz pâuz ntơưr thiêx muôx tsưr ziv huôv tsar uô nox, luz nênhx hlôngr yiêz, vav mênhx. Niêv lâul Chìn Thị Với, zos iz hâur têx lênhx cơưv lớp hâur pâuk ntơưv jok Nậm Ô heik: “Pêz tsôngv box Mảng cêr nênhx phôngz cxưx iz txưv muôx thâuv nzor lok, pox niêv zos khov ntâu trâu tus txir xưz, viv li uô đaz tsi cux zos tus txir ntâuk thơưx, uô ntêx, pox niêv uô trơưk. Pâuz ntơưr lơưv, pox niêv zuôr muôx txux chi huôv tsar uô nox, cxơưz luz nênhx hlôngr yiêz, tsi thôngx li thâuv ntêx lơưv”.

Niêx hnuz, chor cưk kriê ntơưr tuz lênhv tưz gra txux chi, tsưr ziv txos trâu yênhx chuôz zis, yênhx suôv qơư. Iz jax cơưv tâu kriê zos iz cêr cxơưz đas jos trâu tsôngv box Mảng hla đhâu cêr pluôs, txov nhêv. Taz sik cơưv txux chi cux zuôr tsuv uô trơưk têx cơưv thiêz pâuz tâu chiê huôv tsar luz nênhx. Chênhr viv li, lênhx tuz lênhv ho yênhx têx lênhx uô ntêx nyuôs kriê tsôngv pêx xênhv huôv tsar uô kôngz, cxiv tsa luz nênhx vav mênhx. Lơưr kriê pêx xênhv tsưr ziv uô blêx liêx, uô qơư tu zus tsiêx cxu, chos yuôx đrox njuôz, tsoz chos nox txir…. Zơưv Lý Văn Nhậm, Phưv Chánh văn phòng Đảng ủy xã Pa Tần, lênhx tưz muôx ntâu shông đros đreiv tsôngv pêx xênhv nênhs Mảng nhoz Nậm Ban heik pâuz: “Têx shông jê lok no, pox niêv muôx chei, vax huôv siz luôs đros luôs lưv tus huôv tsaruô nox lơưv. Thâuv ntêx tsôngv box, lar heik zos têx lênhx pox niêv tsi yuô tâu buôk ti txos têx chei têz qơưk, hâux lưv uz no hâur luz nênhx xã hội”.

Khov sir jos hlôngr yiêz tsưr ziv, siêz xar, nênhs Mảng nhoz Lai Châu nhiv no tưz pâuz xeir zuz nôngz tsoz chos, tsiêx tu zus, pâuz huôv tsar uô nox, lax luôv. Tsi tas li, lơưr cux muôx tsưr ziv xav txos huôv tsar uô ju lix côngv thôngx, por hưv, tuôr tsês têx txux chi cêr nênhx vênhx huôv jông, chiê hu zâuv tsôngv kruô tuôx ndis shuôs uô si. Thượng tá Nguyễn Bình Thắng, Phưv seiz car Chính trị, Ban chỉ huy tuz lênhv Pênhz phax Lai Châu heik: “Heir nênhs Mảng, lok sâuv cêr nênhx phôngz cxưx, tsưr ziv jênhv pâuz thiêz huôv tsar kinh tế mak tsênhv yuôr trâus ntâu, tsi yuô tâu huôv tsar. Txix tuz lênhv pênhz phax đros yax kriê, vênhv tôngv tsôngv pêx xênhv, lar heik zos uô lơưr 4 đros pêx xênhv li: Đros pêx xênhv nhoz, đros kriê pêx xênhv huôv tsar uô nox hla đhâu yeiz pluôs, đros uô têx hâux lưv hâur niêx hnuz…., tưz paz pêx xênhv jux juk muôx luz nênhx hlôngr yiêz, vav mênhx đuô”.

Txix têx txux chi chor tuz lênhv pênhz phax kriê, nênhs Mảng nhoz Nậm Ban-Pa Tần luz nênhx nhiv no tưz hlôngr pâur lok six ntâu; lơưr pâuz thiêz moz siêz sik tưr huôv tsar uô nox uô hnar chiê hla đhâu yeiz pluôs, jux juk cxơưz gra luz nênhx tsâu sor, huôv tsar lơưr chuôs lưv heir nênhs, 2 chas thax tsav qơư./.

Khắc Kiên-Riê Lâux cxeik, nhênhv

PHÊNHV SÊIZ CAR POR VÊV JÔNGR

Tsôngv pox nhuôs sơưr đơưk hmor yuô. Hâur phênhv sêz car, por vêv  thiêz huôv tsar jôngr hnuz no, tsaz yênhx tso trâu sơưr đơưk mnôngs têx cui tênhv hâur Chêi jôngr nuv lok por vêv thiê zhuôv tsar jôngr.

Grê 52. Kriz uô ntông hâur chor har jôngr đặc dụng (lok zos jôngr chiê por vêv têx đrox tsuôs, chiv xênhz, nhênhz chơưv khoa học, chiê por vêv chor di tích lịch sử-vênhx huôv, nhoz so…)

1. Đros vax jôngr têz qơưk, thax tsav tuôr tsês têx đros tsuôs, chiv xênhz, por vêv têx tsiêx, đrox tsuôs muôx tsiv gri, tâu cui tênhv li đrav kaz:

a) Tsik txiêr, ntor têx shôngz ntâu hâur thax tsav jôngr tâu por vêv truôx jông; Tsik txiêr, sâu têx ntông trâus lor vâu, trâus tuôs hâur thax tsav jôngr tsuv chiê têx shôngz ntông tror hloz huôv uô har jôngr;

b) Tâu txiêr, sâu tas nro chor ntông trâus tuôs, lor vâu, ndêz hâur thax tsav jôngr dịch vuv nhoz hâur chor har jôngr hêik sâur;

c) Tâu txiêr, sâu cxuô zav txix ntông, đrox tsuôs đrâuv ntông, ndêz hâur thax tsav chiê kriz uô têx côngz trinhx tâu cơ quan têz qơưk muôx vax huôv cir chiê kriz uô côngz trinhx;

d) Tâu zok nriêr, sâu tsês cxuô zav đrox tsuôs, tsiêx kuk, ndêz, têx gen muôx tsiv gri lơưr jênhv vưv khoa học thiêz công nghệ đhâu thâuv tâu cơ quan têz qơưk muôx vax huôv cir tso tơưv.

2. Đros thax tsav har jôngr chiê por vêv cxuô kror, tâu cui tênhv li đrav kaz:

a) Tâu txiêr, sâu têx shôngz ntông, txiêr tơưl, têx đrox tsuôs, cxuô zav đrâuv ntông, ndêz hâur ntu kriz uô tsưr ziv chiê paz tuôr tsês, kho đuô têx đrox tsuôs, vênhx huôv, lịch sử thiêz hâur thax tsav qơư chiê kriz uô cxiv tsa côngz trinhx đhâu tâu cơ quan têz qơưk muôx hax huôv cir tso tơưv;

b) Tâu sâu tsês cxuô zav đrox tsuôs, tsiêx kuk hâur har jôngr, ndêz, chor gen đrox tsuôs lơưr jênhv vưv khoa học thiêz công nghệ đhâu thâuv tâu cơ quan têz qơưk muôx vax huôv cir tso tơưv;

c) Đros chor jôngr tâu tsưx phưv uô jôngr lâul lơưr têx phongx cxưx hâur jêx jok, tâu txiêr sâu têx shôngz ntông tưz trâus tuôs, lor vâu, ndêz, cxuô zav txơưr đrâuv ntông; txiêr, kriz uô ntông phưx vưv trâu côngv thôngx têx hâux lưv tâu cơ quan têz qơưk muôx vax huôv cir tso tơưv./.

Tuyết Lan-Lik Thox cxêik nhênhv