Chor tuz nxeik nhuôs zâu nênhs Cho Quảng Ninh sik đros cơưv têx txux chi cêr nênhx vênhx huôv hâur cheix so sor

Nhiv kruôr cơưv tuôx cơưv 2, 3 jiês xưz, Dường Thị Thu Uyên (10 shông, nhoz jok Khe Tiền, xã Hoành Mô, tỉnh Quảng Ninh) tưz jux juk sênhr tâu suôz heik cưr cxiêx Pả Dung. Thâuv tưs muôx qơư cơưv, Thu Uyên tưz tsi so iz jiês tưs hlo, puôr lênhx shir phaz lus tuôx co tơư xar tas yênhx six hơưv tuôx cơưv hu gâux, heik cưr cxiêx:

“Cur ndo thiêz sênhr suôz heik tâu 4 jax lơưv. Cur lok six nhiêv cơưv têx txux chi hu gâux, heik cưr cxiêx no cơưk”.

Hoành Mô zos xã tox siêz ntus đriv hâur tỉnh Quảng Ninh, phênhv ntâu zos nênhs Cho Thanh Phán uô nênhx nhoz. Qir txos cheix so sor, txix hnuz 12/7, Ban chox kriê xênhz huôx cheix so sor krêz lớp kriê uô pax ntâuz, heik cưr cxiêx Pả Dung trâu chor tuz nxeik hluôk, nhuôs zâu, muôx 40 ntâu lênhx nhuôs đros cơưv. Ntơưv lớp cơưv txux chi uô pax ntâuz, chor nhuôs qir cơưv shâuv tuôr côngz, qoz xor, xơưs uô iz kro jux juk têx zôngx ziv txos trâu nriê xor liêz njuôz, hâur co muôx xơưs nriê têx pax ntâuz trâu lênhx pos, lênhx niêv chêr tsôngk hnar mak ziv xơưs uô jông đuô. Hok tov lớp cơưv heik cưr cxiêx, 20 ntâu lênhx nhuôs sik đros shâuv cơưv sênhr têx suôz heik cưr cxiêx Pả Dung-nênhs cho Thanh Phán txux chi heik cưr cxiêx uô si hâur têx hnuz lov jêv, hnuz hội, thâuv muôx cêr ndo yuô, siz hluz. Lý Thị Hạnh, lênhx buôk ti kriê txux chi heik cưr cxiêx heik pâuz:

“Thâuv sênhr tâu suôz heik têx txưv cưr cxiêx Pả Dung, chor nhuôs zuôr sênhr heik tâu trâu chôngz lênhx ntâu tus mnôngs, tsi nyei, tsi yênh. Muôx têx chor mê nhuôv muk nthuôr uô lov jêv phưx vưv tsôngv kruô thâuv kruô xar pâuz txos nênhs Cho têx suôz cưr cxiêx, txưv cưr cxiêx Pả Dung”.

Muk đhâu thax tsav ntus đriv Hoành Mô, lok trâu faz Tây, ntơưv tơư trôngz Yên Tử muôx iz lớp cơưv txơưr đuô. Co zos têx jiês xênhz huôx cheix sor sor ntơưv thax tsav Khe Sú, phường Yên Tử-Qơư muôx chôngz côngv thôngx nênhs Cho Thanh Y uô nênhx nhoz đuô hur si hâur phường. Zar tsâuk ntux hmo ciêz hâur yênhx ciêz, ntơưv tsêr piêr kriê nênhs Cho têx txux chi vênhx huôv nhoz Khe Sú, đoanx hluôk nênhs tsưr tsix xênhz huôx cheix so sor chuyên đề, qir txix uô pax ntâuz, xơưs sêr siê, uô nhiêk êv mê nhuôv.....thiêz phênhz mênhx gâux nhaz, gâux njuôz, cơưv têx txux chi krêiz nhaz, nox yôngz cok, piêr lok nênhs Cho Thanh Y txux chi cxênhx cxênhv đơưk bê trâu lênhx tuz hloz tiêr nênhx. Đros trâu têx li heik ntơư, zos têx txux chi siz tưr cox cxiêx cur cxeik thiêz nthuôr uô lov jêv. Kror jông đuô hur si, lớp cơưv no tsi tiêk zos nênhs Cho cxaz chuôz, tsênhv muôx ntâu lênhx nhuôv heir nênhs txơưr đuô đros cơưv thiêz. Bùi Duy Phúc, shux xênhz lớp 11 cux niêx hnuz moz siêz lus tuôx cơưv heik:

“Txơưv zos nênhs Choz Tsiz, taz sik cur lok six xar cơưv shâuv nênhs Cho têx txux chi vênhx huôv. Cur cux cxaz chuôz Câu lạc bộ đros chor fôngx zưs nênhs Cho, chiê cơưv shâuv thiêz pâuz nzir chor fôngx zưs têx txux chi cêr nênhx vênhx huôv đuô”.

Tix lâus Đặng Văn Khởi, Phưv Bí thư Đoàn phường Yên Tử heik pâuz, chi đoanx Khe Sú tsưr ziv uô tsênhv tâu cxơưz cxiz nthuôr đêz đar trâu lưv thax tsav qơư cơưv shâuv, uô trơưk, lar heik zos thâuv Yên Tử tưz yênhx Di sản vênhx huôv ntiêx têz:

“Đoanx phường muôx tsưr ziv cxơưz cxiz têx chi đoanx tsưr tsix têx jiês xênhz huôx chuyên đề, lar heik zos cik txos vênhx huôv, đhâu ntơư cux paz tâu chor hluôk, têx zâu pâuz tsênhz đuô txos Yên Tử têx muôx jông, txux chi vênhx huôv”.

Cheix so sor no, chor tuz nxeik hluôk, nhuôs zâu Quảng Ninh tsênhv muôx ntâu lớp cơưv, ntâu jiês xênhz huôx jông. Chor tuz nxeik cêr nhiêv txux chi vênhx huôv, nthuôr uô lov jêv tưz qir muôx txix têx zôngx ziv, txix cêr shir phaz thâuv chor lâul, têx lênhx pos, lênhx niêv nthuôr kriê têx txux chi uô pax ntâuz ntơưr, xơưs tsôngk tril yo, hu gâux, heik cưr cxiêx uô si lov jêv trâu cxênhx hluôk đros por hưv, tuôr tsês tsi chiê pôngz plox./.

VOVĐB-Riê Lâux cxeik, nhênhv

Hôngv x Zax huôv tsar truôx luôs hâux lưv ntok ntâuz

       Hôngv x Zax, xênhz shông 2003, huôv tsar uô nênhx hloz lox trâu ntơưv jos Sùng Đô, huyện Văn Chấn, tỉnh Yên Bái kuz, nhiv no zos xã Sơn Lương, tỉnh Lào Cai. Đhâu cơưv tiêr ntơưr lớp 12, Hôngv tưz muk cơưv hâux lưv ntok ntâuz, cxơưk cxuô zav pax ntâuz, tsôngk tiêz tsôngk yo hâur máy tính. Shông 2022, lênhx tuz hluôk co, tưz cxiv uô qơư thiêz muôz pênhr nhiêx muk zuôr máy ntok ntâuz, máy xơưk, máy niêk pax ntâuz. Thâuv piz uô luôs hâux lưv ntok ntâuz co cux njiz tsik tsơưs têx phiv liv, viv têx pax ntâuz, tsôngk tiêz tsôngk yo uô tâu tsik muôx qơư muôs, lênhx nênhs zuôr tsơưs:“Shông xuz thơưx tsôngv kruô zuôr tsơưs, taz sik hla trâu shông tiv oz, cux muôx chôngz lênhx kruô zuôr têx hax huv pax ntâu uô tâu. Txos trâu shông tiv pêz, chor kruô zuôr têx pax ntâuz tsôngk tiêz, tsôngk yo cux truôx tuk jux juk, viv zuk muôs đhâu mạng xã hội, chôngz lênhx pâuz txos”

Chiê kriz đar qơư muôs, iz chas xơưk têx pax ntâuz, tsôngk tiêz, tsôngk yo trơưk li tsôngv kruô siêz nhiêv, Hôngv x Zax cux tsênhv xar tsưr ziv tsiv uô tâu ntâu zav pax ntâuz txêix jông jav txơưr, ziv cxơưz cxiz tâu trâu chôngz lênhx kruô tuôx zuôr cxuô zav hax huv tsiv uô tâu. Iz đraz chox hax huv co, zos uô trơưk li tsôngv kruô siêz nhiêv; iz đraz zos uô muôs trâu tsôngv kruô nhoz cxuô tỉnh txơưr.

Chênhr zos li hêik ntơư, nhiv no, Hôngv x Zax kror qơư ntok ntâuz, xơưk pax ntâuz tsiv uô tâu ntâu zav jông txơưr tsik siz thôngx, muôx chôngz lênhx kruô zuôr chox muk sir zôngv, muôx phênhv sâu tâu txix 250 txos 300 triệu iz shông, muôx hâux lưv trâu 2-3 lênhx uô thơưv shông; 6-7 lênhx uô hâur chêix sâu kôngz tas. Niêv hluôk Phôngv x Zax nhoz xã Sơn Lương tuôx uô hâux lưv xơưk pax ntâuz trâu qơư no shir phaz lul hêik pâuz:“Nhiv no cxuô lênhx vir ndâuk puôr lênhx xơưk tâu cxuô zav pax ntâuz jông jav chiê muôs trâu tsôngv kruô sđ, muôx phênhv sâu tâu mê njik nhiêx txiêx chox muk cxiv kho chuôz zis, cxơưz trâu têx mê nhuôv muk cơưv ntơưr thiêz luz nênhx tsik yuô txov nhêv li đrav ntêx”

        Trơưk li Hôngv x Zax, kror zov chênhr zos chor hluôk nhiv no tsuv xêir tsov têx hâux lưv uô cov huv đros thiêz truôx siêz huôv tsar uô thiêx uô tâu truôx:“Cur cux shir phaz cơưs viv tâu uô zav hâux lưv no thiêz cur cux muôx hâux lưv trâu iz cxiê hluôk hâur thax tsav xã no uô”

        Trơưk li zơưv Đặng Phúc Chiêu, Phưv Chủ tịch UB xã Sơn Lương, Hôngv x Zax zos iz lênhx muôx tsưr ziv thiêz truôx siêz khưr huôv tsar uô nox trâu thax tsav qơư nhoz:“Hôngv x Zax zos iz lênhx hluôk car xar, car uô thiêz uô ntêx nyuôk trâu luôs hâux lưv cơưv shâuv tsưr ziv ntok ntâuz, xơưk cxuô zav pax ntâuz, tsôngv tiêz tsôngk yo, pâuz sir zôngv công nghệ số cxix cxuô”

      Cxuô zav ntâuz ntok thiêz têx pax ntâuz, tsôngk tiêz, tsôngk yo xơưk tâu txêik pax jông jav, cux chênhr zos luôs hâux lưv tuôr cov tâu truôx pêz Hmôngz têx txux chi, vênhx huôv jông cxôngx nzor muôx đros đrêiv hâur luz nênhx tsik chiê pôngz plox thiêz cxơưz cxiz tsôngk hluôk sđ huôv tsar uô nox muôx phênhv sâu tâu nhiêx txiêx chox lok cxiv kho chuôz zis, muôx luz nênhx truôx tuk, tsâu sor./.

                                         Tsu cxêik nhênhv- Đinh Tuấn, CQTT Tây Bắc