Hâux lưv 500 hnuz hmo ntơưv Điện Biên: Paz cov nriêr pâuz tâu chor liệt sĩ

Iz jiês tuôx trâu chor qơư kuô nza liệt sĩ ntơưv Điện Biên, pos Nguyễn Thị Lại nhoz phường Điện Biên Phủ, tỉnh Điện Biên ho hlơưr shaz trâu chor nza tsênhv tsik tâu pâuz tsênhz xênhv bê. Pos ziv chuôz zis hâur ntâu shông đhâu cux tsênhv muk zok nriêr nza lênhx txir hloz trâus tuôs hâur jiês ntâuk tros châuz ntơưv điện Biên Phủ. Nhiv no, thâuv Côngz xưv 500 hnuz hmo tâu kriz uô, paz trâu pos chuôz zis vav njôngr zuôr nriêr pov tâu lênhx txir hloz co. Pos Lại hêik:

“Liệt sĩ, hloz Nguyễn Văn Chức zos pêz tuk txir hloz tâu tas siv nênhx ntơưv qơư ntâuk tros châuz Điện Biên Phủ shông 1954. Txơưv tsênhv yuôr ntâu luz nza liệt sĩ cux tsik tâu pâuz xênhv bê, taz sik cux vav njôngr trâu côngz xưv 500 hnuz hmo zuôr paz nriêr pâuz tâu xênhv bê trâu chor nza liệt sĩ”.

Côngz xưv 500 hnuz hmo zuôr mẫu ADN ntơưv chor qơư kuô nza sâuv thax tsav tsênhv tâu Bôv Chỉ huy Quân sự tỉnh Điện Biên sir jos kriz uô. Yênhx luz nza tâu muôz mẫu, uô ntâuz ntơưr, lo chiv truôx jông uô ntêx zuôr chox muk xav jênhv. Đros chor nênhs uô jênhv vưv, yênhx kror mẫu ADN puôr lênhx zos  txơưx jênhv thiêz ndo njôngr txos cxênhx nênhs uô ntêx.

Trung úy Đào Xuân Trường, Trợ lý Chính sách Phòng Chinhr triv, Bôv Chỉ huy Quân sự tỉnh Điện Biên puz pâuz:

“Txix thâuv uô jênhv vưv côngz xưv 500 hnuz hmo, pêz sêiz no zos jênhv vưv lox, co zos tsuv sir jos uô txix siêz xar txos trâu chor zênhx shôngx liệt sĩ tưz tâu tas siv nênhx viv tiêx tuk, tsưx phưv têz qơưk”.

Tưz tsik zos sir jos uô cov jông, côngz xưv tsênhv tâu kriz uô txix lok six ntâu hâux lưv. Txos nhiv no, Điện Biên tưz uô tiêr zuôr mẫu ntơưv chor Qơư kuô nza Liệt sĩ Tuần Giáo, Tủa Chùa, Him Lam thiêz Tông Khao; muôz tâu 1.822 kror mẫu, choz zok 1.154 mẫu ADN trâu Viện Pháp y Quân đôiv chiê phưx vưv njuôk xav, nriêr pâuz. Côngz xưv tsênhv tror tâu kriz uô ntơưv chor qơư kuôk nza txơưr sâuv thax tsav tỉnh.

Đại tá Dương Quốc Long – Phưv Chính ủy Bôv Chỉ huy Quân sự tỉnh Điện Biên puz pâuz:

“Ntơưv Điện Biên mak chor nza muôx lok six ntâu 4.500 ntâu luz, viv li Đảng ủy Quân sự tỉnh tưz choz ciês trâu pêz phêiz uô 6 tôv đôiv. Sir jos uô lơưr Quân ủy Trung, Bôv Côx phax thiêz Ban Chox kriê Trung ương, Ban Chox kriê Quân khu choz, pêz zuôr sir jos uô cov tiêr côngz xưv zuôr mẫu uô ntêx hnuz 22/12/2026”.

500 hnuz hmo uô hâux lưv cux tsênhv tâu tror kriz uô sâuv chor qơư kuô nza liệt sĩ txơưr nhoz tỉnh Điện Biên. Yênhx kror mẫu ADN muôz tâu nhiv no zos nzir iz kro paz nriêr pâuz tsênhz tâu xênhv bê trâu chor liệt sĩ, paz chox tâu chor liệt sĩ co tror lok đros chuôz zis, qơư nhoz, đhâu sha châuv shông ntâu vav tok njôngr./.

Vũ Lợi-Lik Thox cxêik nhênhv

Lai Châu bax tsoz phưz đas jos, luz nênhx trâu tsôngv pêx xênhv thax tsav trâus đêx nas uô ruôr hiêv Mường Than

Ntơưv têx thax tsav trâus đêx ngaz, ar gok thiêz khâuz nhaz, tos shôngz, tos tơưk cux tsênhv chuôs tsi. Hâur đêx xênhz huôx zôngx ziv trâus kiêk nênhs, vuôz tsuôz. Txix têx li heik co, ngênhx Y tế Lai Châu tưz chox kriê cxuô qơư y tế tso nênhs nhoz trơưr ntơưv qơư uô hâux lưv, bax chơưv paz, seiz njuôk shuôs đas jos trâu lênhx nênhs trâus moz, kho moz gênhk trâu pêx xênhv thâuv zuôr trâus txos; iz chas ntơư cux bax yuôx, chuôz zênhx  uz no phax tar têx moz zôngx ziv huôv xênhz. Bác sĩ chuyên khoa II Nguyễn Thế Phong, Phưv Giám đốc Sở Y tế Lai Châu heik pâuz:

“Sở Y tế tưz chox kriê cxuô taz viv qênhz shuôs, ntâuk grê têx trâus ruôr hiêv ntơưv thax tsav trâus đêx nas cuôr yôngz thiêz iz ndis; tsuôs yuôx, khơưk sâu têx vuôz tsuôz, kiêk nênhs, shôngz ntông vâu lor. Lar heik, moz siêz txos luôs hâux lưv taz por vêv xênhz truôx tuk zav nox ntơưv thax tsav trâus đêx nas cuôr yôngz, tiv zix zos hâur đêx xênhz huôx thiêz đêx hâuk. Iz chas ntơư, cux sox seiz njôngr, taz por truôx tuk đas jos trâu tsôngv pêx xênhv nhoz thax tsav heik sâuv, fuô uô cxuô faz tsưr ziv phax tir thêir moz gênhk muôx têx huôv xênhz ntơưv thax tsav trâus đêx nas cuôr yôngz”.

Ntơưv xã Mường Than, Tsênhv qơư qênhz njuôk shuôs moz gênhk tỉnh tưz muôz 9 cxênhz njiêr yuôx Aquatabs thiêz 2 luz thôngz tsuôs yuôx trâu qơư y tế xã tso hâur têx đêx sir zôngv thiêz tsuôs tênhx qơư. Ciês jok Chít, 138 chuôz zis pêx xênhv tâu muôz 4 cxênhz ntâu njiêr yuôx tso hâur têx đêx xênhz huôx. Muôx 35 cir Cloramin B tâu sir zôngv ntơưv têx tsêr cơưv ntơưr, qơư tsôngv pêx xênhv nhoz tax thiêz têx qơư y tế. Ngênhx y tế cux sir jos seiz kaz têx moz zôngx ziv siz cik tâu cik txos tênhx qơư vuôz tsuôz, kiêk nênhs; Kriê tsôngv pêx xênhv sir zôngv đêx hur, nox siêr, hâuk bâu, khơưk sâu têx vuôz tsuôz kiêk nênhs, muôz têx tsiêx cxu trâus tuôs phâuk por tsês thiêz thoz huk cưx đês cov đêx ntưk tâuk. Chi cục truôx tuk zav nox tỉnh qênhz yuôx shuôs têx qơư nhoz tax, seiz kaz tsơưr lươngv zav nox, pluôk nox thiêz đêx hâuk tâu sơưr đơưk paz tuôx, tsi chiê zav nox trâus tsư nxiêz, tsư pok, tas hax sir zôngv gra tuôx txos pêx xênhv.

Đros trâu tsoz phưz đas jos, tsôngv niêv txir cưr tix nênhx tsa, cxuô tsưr tsix, nênhs siêz jông....têx hax huv uz no muôz paz cux tsênhv tâu zênhx max xa trâu thax tsav trâus đêx nas cuôr yôngz. Xav txos tas hnuz 21/7, cxuô tsưr tsix, cxuô lênhx sơưr đơưk tưz paz tsôngv pêx xênhv trâus ruôr hiêv tiv đêx nas cuôr yôngz hâur thax tsav tỉnh thôngz đhâu Mặt trận Tổ quốc cxuô cấp 11 tỷ đeiv ntâu. Ciês Mặt trận Tổ quốc xã Mường Than mak lênhk txeik tâu zuôr xar 3 tỷ đeiv. Yênhx châuv tênhr cxur, zuôr xar 2 cxênhz far mì tôm, iz cxênhz ntâu thôngz đêx hâuk, xar muôx 540 thôngz cuô mik đros ntâu zav chuôz zênhx zuôr trâus txos, yuôx kho moz gênhk, chuôz zênhx phưx vưv seiz njuôk shuôs đas jos tưz tâu xa txos trâu tsôngv pêx xênhv thiêz lưv lươngv uô hâux lưv nhoz thax tsav trâus đêx nas cuôr yôngz. Zơưv Hoàng Phi Hùng, Phưv Chủ Ủy ban xã Mường Than, tỉnh Lai Châu heik pâuz:

“Iz chas tỉnh pênhr jos, Đảng ủy xã Mường Than tưz chox kriê Mặt trận Tổ quốc thiêz têx đoanx thêv sơưr thơưx đros lênhk txeik cxuô tsưr tsix, nênhs siêz jông thiêz tsôngv niêv txir cưr tix nênhx tsa sơưr đơưk têx hax huv, nhiêx txiêx muôz tuôx paz thax tsav trâus đêx nas cuôr yôngz. Hâu nov xã zuôr thôngz sâu cxix cxuô têx hax huv  sơưr đơưk muôz tuôx paz chiê pheiz trâu têx chuôz zis trâus ruôr hiêv, taz por côngz fênhx, tsênhz mênhx, zos lênhx nênhs zuôr trâus tâu paz chiê phưx vưv xênhz huôx hâur ntu zuôr txos”.

Coz nas lox cuôr yôngz heik sâuv tưz uô tuôs 9 lênhx nênhs, 11 lênhx txơưr đuô trâus saz; muôx 200 chuôz zis pêx xênhv trâus ruôr hiêv lok vax tsêr nhoz, zuôr xar 300 ha blêx, jâuz tâuv, shuôz njêl trâus đêx cuôr yôngz, ar, poz jêz cxuz. Xav hur si têx trâus ruôr hiêv tas zuôr xar 300 tỷ đeiv. Xar muôx 850 lênhx pêx xênhv ntơưv têx thax tsav Đội 11, jok Chít, Sắp Ngụa, Nậm Sáng thiêz Noong Thăng tưz tâu yêik txar muk nhoz tax trâu ntơưv têx tsêr cơưv, tsêr vênhx huôv hâur xã Pắc Ta. Nhoz no, têx chuz tơưk uô jâuz uô mor trâu sơưr đơưk nox thâuv tưs tưz chis tsuk, taz por pluôk nox, đêx hâuk thiêz têx zav zuôr trâus txos trâu pêx xênhv.

Txix têx trâus ruôr hiêv hnhar tiv đêx nas uô, Thủ tướng Chính phủ tưz quyết định muôz sei đrơưv 50 tỷ đeiv txix T.Ư têx nhiêx bax tsês chiê paz trâu tỉnh Lai Châu, phưx vưv têx luôs hâux lưv zov chênhr, hâur co muôx yêik txar pêx xênhv muk nhoz qơư truôx tuk, cxiv uô vax tsêr nhoz trâu têx chuôz zis muôx vax tsêr trâus đêx nas cuôr yôngz, uô puôk tsuôx.

Txix têx nxor hnho, phiv liv đhâu đêx nas cuôr yôngz, têx njiêr yuôx tso cov đêx nyiêz hur, têx pluôk nox txos trâu yênhx hnaz cxur, thôngz đêx hâuk, hax huv, zav nox tưz tâu choz txos trâu pêx xênhv trâus đêx nas cuôr yôngz. Txix hâu nov ntơưv qơư cêr bax, ngênhx Y tế thiêz côngv thôngx sơưr đơưk sik đros paz tsênhv muôz nzir qơư khov truôx, cxơưz tsôngv pêx xênhv thax tsav trâus đêx nas cuôr yôngz Mường Than sir jos hla đhâu phiv liv, jux juk truôx tuk luz nênhx, huôv tsar uô nox./.

VOVTB-Riê Lâux cxeik, nhênhv