Hli 7 ndo txiêx njis chor tuz lênhv tir ntâuk tros châuz Điện Biên côngz đas jos

Hli 7 shông tưs cux li ntơư, zơưv Đinh Văn Bán, tuz lênhv lâul, trâus saz hâur ntu tir ntâuk tros châuz tsưx phưv têz qơưk nhoz phường Điện Biên Phủ, tỉnh Điện Biên ho muk trâu qơư nza tuz lênhv hâur thax tsav chiê hlơưr shaz ndo txiêx njis têx lênhx tuz lênhv đros tir ntâuk tros châuz tâu tas siv nênhx ntơưv qơư tir ntâuk tsav. Zơưv cxeik têk xik tưz trâus tu pôngz trâu qơư tir ntâuk tros, iz cxêik têk hlơưr shaz trâu chor tuz lênhv tâu tas siv nênhx,zos cêr ndo txiêx njis têx lênhx sir tas đas jos, trox nyar tir ntâuk tros chuâz, tsưx phưv têz qơưk. Tơưv txix qơư cuz nxor, tir ntâuk tros châuz tror lok, zơưv Đinh Văn Bán pâuz tsênhz, têz qơưk tâu thax zênhz, tiêx tuk li nhiv no, tsi tiêk zos grêix pôngz, nyar đros, tsênhv tas tsi pâuz pêk tsơưs lênhx lâul thâuv ntêx luz đros chêr, iz siv nênhx viv tsưx phưv qơư nhoz.

“Cur cux zos iz tus tuz lênhv lâul. Nhiv no cux muôx tâu luz nênhx tsâu sor, shir phaz khov chor tuz lênhv thâuv ntêx tir ntâuk tros châuz tsưx phưv têz qơưk tâu tas siv nênhx têx côngz đas jos lox, pêz thiêx muôx luz nênhx li nhiv no. Uô tsâus lok six ntâu txos chor tuz lênhv sir đas jos, trox nyar tir ntâuk tros châuz viv tsưx phưv têz qơưk tâu tas siv nênhx”.

Têx hnuz no, txix qơư nda tuz lênhv têz qơưk A1 txos Him Lam lok sik Độc Lập thâuv tưs tưz muôx yênhx cxênhz lênhx pêx xênhv, chor tuz lênhv lâul thiêz tsôngv kruô 2 chas thax tsav hâur têz qơưk siz zâuv tuôx hlơưr shaz, hơưv shov têx lênhx tuz lênhv tâu tas siv nênhx viv tsưx phưv têz qơưk. Đros thiêz ntâu lênhx nênhs, co tsi tiêk tror lok trâu qơư tir ntâuk châuz lịch sử thâuv ntêx, tsênhv zos six hơưv chiê choz kriê cxênhx hluôk nhiv no ndo txiêx njis txos chor lâul thâuv ntêx tâu siv nênhx viv tsưx phưv têz qơưk truôx tuk côngz đas jos. Tuz lênhv lâul Nguyễn Kim Cương nhoz Quảng Ninh tuôx Điện Biên tưz tsês ntâu six hơưv chiê hơưv nda têx tuz lênhv tâu tas siv nênhx tsi tâu pâuz tsênhz bê, hlơưr shaz ndo txiêx njis txos chor tuz lênhv tâu tas siv nênhx viv tsưx phưv têz qơưk côngz đas jos lox.

“Tsuv ndo txos chor tuz lênhv heik sâuv têx côngz txiêx njis, tưz sir đas jos, trox nyar tir ntâuk tros châuz chiê tsưx phưv truôx tuk têz qơưk. Txix co pêz zuôr pâuz tsênhz txos cxuô heir nênhs Việt Nam cêr thôngx siêz, choz kriê trâu cxuô lênhx cxuô tus, cxênhx hluôk sik đros tsưx phưv truôx cux li cxiv tsa têz qơưk cov ziv hnuz ziv huôv tsar, vav mênhx”.

Cux trâus moz trâus saz thâuv ntu tir ntâuk tros châuz, zơưv Nguyễn Văn Khôi, nhoz jok Bồ Hóng, phường Mường Thanh tưz muôx jiês tâu đros tir ntâuk tros châuz ntơưv ntâu qơư tir ntâuk tsav li: Thượng Lào, Nam Lào thiêz Quảng Trị. Đros thiêz iz chêr trâus tsơưr tưx da cam 64%, tâu sơưv têz qơưk têx chei paz tsês trâu nênhs muôx côngz têz qơưk tsi tiêk paz truôx tuk luz nênhx, tsênhv muôz nzir cêr njênhs njôngr, cxơưz đas jos chiê uô nênhx jông đuô trâu luôs lưv tus cơưv shâuv, uô trơưk. 

“Pêz têz qơưk nhiv no huôv tsar, vav mênhx lơưv, pêz cux tâu têz qơưk moz siêz thiêz paz txos ntâu đuô. Nhiv no lâul, đas jos ntâus lơưv taz sik tsênhv uô nênhx, muôx txo siê nhoz txos hnuz tưs mak zuôr sir jos uô nênhx jông chiê cxênhx hluôk cơưv shâuv, uô trơưk, yênhx nênhs tsiv txiêx thiêz chuôz zis tsuv zos chuôz zis uô ntêx nyuôs hâur cxuô luôs hâux lưv”.

Nhiv no, hâur thax tsav tỉnh Điện Biên muôx yênhx cxênhz lênhx nênhs muôx côngz têz qơưk, tuz lênhv tâu tas siv nênhx viv tsưx phưv têz qơưk nênhs hâur tsêr, tuz lênhv lâul trâus moz trâus saz thiêz chor nênhs tâu sơưv têz qơưk têx chei paz tsênhv tâu sơưv cxix cxuô Đảng, têz qơưk têx chei paz max. Zos thax tsav muôx ntâu lênhx nênhs muôx côngz têz qơưk, xã Sam Mứn thâuv tưs xav tinhv luôs hâux lưv txoz cxơưx trâu nênhs côngz têz qơưk zos hâux lưv uô tsi so. Zơưv Lê Ngọc Hoàn, Phưv Chủ tịch Ủy ban xã Sam Mứn heik pâuz.

“Chor chuôz zis muôx côngz, pêz tsi tiêk txoz cxơưx mak thâuv tưs tưz muôx têx huv puz, muk seiz shuôs, seiz njuôk đas jos tsi so trâu chor nênhs muôx côngz têz qơưk, taz por uô tâu truôx jông cxuô luôs hâux lưv zok muôz”.

Têx luôs hâux lưv ndo côngz txiêx njis hâur hli 7 paz choz kriê cêr nhiêv têz nhiêv qơư, nthuôr đêz đar cêr uô nênhx jông “hâuk đêx tsuv ndo njôngr txos hâur đêx”. Hâur thax tsav Điện Biên lịch sử, têx hâux lưv uô ndo txiêx njis tsênhv tror tâu fuô uô truôx txix têx nuv tsênhv tsênhz, chiê sơưr đơưk ndo njôngr txos chor lâul thâuv ntêx côngz đas jos lox viv tsưx phưv têz qơưk./.

   Vũ Lợi-Riê Lâux cxeik, nhênhv

Bộ ploz tsênhr têz qơưk lok jêx jos yiêz ntu 2026-2030

          Cuiz tênhv no cui tênhv Bộ ploz tsênhr têz qơưk lok jêx jos yiêz ntu 2026-2030 muôx:

          a) Bộ ploz tsênhr têz qơưk lok jêx jos yiêz ntu 2026-2030;

          b) Cui tênhv têx ploz tsênhr uô siv hâux lưv cxiv tsa jêx jos yiêz jông ntu 2026-2030;

          c) Cui tênhv tỉnh, TP uô tiêr jênhv vưv cxiv tsa jêx jos yiêz ntu 2026-2030.

           Bộ ploz tsênhr têz qơưk lok xã jêx jos yiêz tâu pheiz lơưr 3 nhóm xã

          Lơưr cui tênhv 51/2025/QĐ-TTg, bộ ploz tsênhr têz qơưk lok xã jêx jos yiêz ntu 2026-2030 muôx 10 ploz tsênhr, 47 chỉ tiêu:

          10 ploz tsênhr muôx: 1- njuôs xav; 2- KTXH; 3- Huôv tsar kinh têr jêx jos; 4- Thox cxov lênhx nênhs hâur jêx jos; 5- vênhx huôv, zaoz zux, y tế; 6- Txu grês cêr pluôk thiêz taz por nox nhoz xã hội; 7- KHCN thiêz hlôngr yiêz số; 8- Tênhx qơư jêx jos; 9- cxiv tsa cxix luôk chính trị thiêz hành chính côngz; 10- Pháp luật thiêz txiv ngaz, côx phax.

          Iz ploz tsênhr puôr lênhx tâu pheiz lơưr 3 nhóm xã 1,2,3 chiê huv đros hâux lưv hlôngr yiêz, tsưr tsix đuô têx taz viv hành chính xã thiêz têx xã li huôv tsar. No zos trus huôv tsar jông chiê tso tsês tsưr ziv “iz bộ ploz tsênhr tsês trâu ntâu xã”, paz uô huv đros, muôz siêz pênhr xưv uô tiêr.

          Bộ kôngz nuv thiêz tênhx qơư puz pâuz, tsuôk tso tơưv iz Bộ ploz tsênhr têz qơưk lok xã jêx jos yiêz ntu 2026-2030 zos viv: tas nro têz qơưk tưz uô tsưr tsix chính quyênx tiv phaz 2 cấp, têx taz viv hành chính xã đhâu thâuv sik côngv puôr lênhx lox đar đuô. Viv li, chiê sir jos cxiv tsa xã tax ploz tsênhr jêx jos yiêz hâur ntu huôv tsar yiêz taz por tsơưr lươngv, muôx chêx cuk thiêz truôx tul, têx tiv phaz tsuv chêx chôngk uô txos qơư têx pênhr jos thiêz six hơưv chiê krêz uô.

          Đros hâux lưv seiz shuôk, nhênhz chơưv, sâu jênhv têx bộ, nganhx, tiv phaz li têx ziv chênhv, iz cxiê chỉ tiêu, ploz tsênhr jêx jos yiêz muôz siêz (nhoz cấp xã, huyện) ntu 2021-2025 tưz tâu sik côngv chiê uô hâux lưv cxiv tsa xã jêx jos yiêz ntu 2026-2030; têx cui tênhv ntơưv têx ntâuz ntơưr pháp luật lok sik chính sách yiêz tso tơưv cik txos huôv tsar kôngz nuv, nôngx mênhx, nôngx cxênhz, muôx têx hlôngr yiêz cux tâu uô yênhx têx chỉ tiêu, ploz tsênhr đros zoz qơưx tax siêz, chiê uô hlôngr yiêz jông lok hâux lưv cxiv tsa xã jêx jos yiêz ntu 2026-2030.

Li ntơưv, chiê sir jos cxiv tsa tâu xã tax ploz tsênhr jêx jos yiêz ntu 2026-2030, têx tiv phaz tsuv truôx siêz đuô, sir jos đuô thiêz huiz tôngv ntâu đuô têx pênhr jos chiê uô. Viv li, hâur ntu 2026-2030, Trung ương tsuôk tso tơưv 1 “Bộ ploz tsênhr têz qơưk lok xã jêx jos yiêz ntu 2026-2030” chiê chuôz cxaz têx xã sir jos tax ploz tsênhr jêx jos yiêz hâur ntu 2026-2030, gôngr phênhv muôz siêz tsơưr lươngv luz nênhx trâu tsôngv px nhoz jêx jos./.

(Tòng Anh-Txâur Vax cxeik nhênhv)