Sor siêz hli 7 ndo txiêx pâux njik

          Shông 1969, thâuv têz qơưk trâus tros châuz Mỹ tuôx txênhz, txơưv tsi tâu nto 18 shông hnuz nhôngs taz sik zơưv Đoàn Thế Kỷ đros têx hluôk nênhs nhoz Thái Bình thâuv co tưz truôx siêz bo sơưr cêr muk tir ntâuk tros. Txix biên chế quân chủ lực nhoz Sư đoàn 473, shông 1970 zơưv cxaz chuôz tơưv txênhz ntơưv qơư tsav txênhz Nam Lào; shông 1971 lok cxaz chuôz tsav txênhz ntơưv qơư tsav txênhz thành cổ Quảng Trị; kaz shông 1972 zơưv trâus saz hnhar thâuv flâuz muôk txưr za trâus tâuz hâu thiêz trâus tu lơưv 2 cxeik tês…Đhâu iz ntu ntêr chơưv kho, tsoz phưz thiêz so ntơưv Tsênhv qơư điều dưỡng thương binh Thuận Thành (Bắc Ninh) zơưv tưz uô ntơưr thor lok so ntơưv chuôz zis nhoz tiểu khu Sao Đỏ 2, xã Vân Hồ, tỉnh Sơn La. Nhiv no tưz muôx 75 shông hnuz nhôngs, taz sik thương binh ¼ Đoàn Thế Kỷ tsênhv niêx hnuz đros pox niêv thiêz mê nhuôk tsoz phưz jông chuôz zis li 1 hecta ntâu têz poz cưk thiêz vax chos ntông nox txir.

          “ Tiv iz zos zuk tsi xar muôx luz nênhx nyeiz pluôk. Tiv oz zos ar têz muôx mak zuk tsuv sir jos uô. Pir đros ntu tir ntâuk tros mak tsi khưr li ntơưv, nhiv no têz qơưk tâu tiêx tul, zuk xar tâu mak tsuv uô tâu, thauv tưs tsênhv muôx đas jos mak zuôr sir jos uô, uô chiê tuz nhuôk uô lơưr, sir jos huôv tsar uô nox chiê cxuôv yeiz thiv pluôk”.

          Nhiv kruôr đhâu, zơưv jông siêz tâu tos Tổng bí thư, Chủ tịch têz qơưk Tô Lâm tuôx seiz nus, tôngv vênhx chuôz zis. Đros zơuv no zos iz phênhv huv lox, tsênhz tsênhz zos đas jos chiê zơuv tror sir jos nhoz uô nênhx shir phaz, tuôr jông đas jos, gôngr zuk li iz phênhv đas jos lok huôv tsar têz qơưk. Zơưv Đoàn Thế Kỷ shir phaz heik:

          “ Tâu TBT, Chủ tịch têz qơưk Tô Lâm thiêz đoanx cán bộ TƯ tuôx seiz nus, cur lok six jông siêz, shir phaz, cur zuôr tror sir jos gôngr côngv, đros tuz nhuôk tsâu siêz uô xênhz yar lox tôngv chiê tsôngv px muôx tâu luz nênhx bluô nux, li ntơưv mak têz qơưk thiêx li huôv tsar”.

          Muôx ntu trâus tros châuz tuô trâus saz hnhar, đhâu co trâus ntês cơư tux ntơưv ntâu tsêr cơư li: Tsêr cơư Bồng Sơn, Bình Định; tser cơư Quy Nhơn; tsêr cơư Pleiku thiêz nhoz poz hiêr Phú Quốc, zơưv Trần Xuân Hán, 86 shông hnuz nhôngs, nhiv no tsênhv đros pox niêv thiêz tuz nhuôk nhoz uô nênhx tuêv jênh phố 19/8, phường Thảo Nguyên, tỉnh Sơn La. Ndax chiv nhênhv 79 shông hnuz thương binh-liệt sĩ 27/7, zơưv Trần Xuân Hán pheiz kênh thâuv tâu TBT, Chủ tịch têz qơưk Tô Lâm thiêz đoanx côngz xưv TW tuôx seiz, zos iz kror tôngv vênhx chiê têx thương binh, bệnh binh xưk li zơưv tror nhoz uô nênhx shir phaz, muôx jông đas jos, sik côngv tês cxiv tsa Sơn La thiêz têz qơưk VN ziv hnuz ziv huôv tsar bluô nux:

          “Tâu TBT, Chủ tịch têz qơưk Tô Lâm tuôx seiz cur lok six shir phaz, tivi mak pov li co, taz sik hnuz no tâu njiz tâu đros sik thav mak cur lok six jông siêz”

          Ntơưv têx chuôz zis muk seiz nus, Tổng bí thư, CHủ tịch têz qơưk Tô Lâm tưz nus lơưr li đas jos, heik tơưv siêz ndo txiêx njik txos têx thương binh, bệnh binh thiêz nênhs muôx côngz đros cơưx mênhv li têx gôngr côngv lox hâur côngz xưv por vêv têz qơưk; xar njôngr têx thương, bệnh binh thiêz nênhs muôx côngz thâuv tưs cux zos đeiv iêr chi cax lus hâur uô Đảng, têz qơưk li chủ trương, cêr chei chiê cxênhx hluôk nênhs sik đros cơưv shâuv uô lơưr.

          Six hơưv no, ntâu lênhx txir ndâux txir luk, têx lâuk jos, tsar jos, têx chuôz zis chính sách muôx luz nênhx txov nhêv sâuv thax tsav tỉnh Sơn La cux tâu đoanx côngz xưv TƯ thiêz tiv phaz tuôx seiz nus, khơưk muôz huv, tso pov siêz uô tsâus ntâu txos têx cxênhx nênhs tov ntêx li têx gôngr côngv hâur côngz xưv cxiv tsa, por vêv têz qơưk.

          “ Cur zos Vì Văn Thu, nhoz jos Phụ Mẫu, Vân Hồ, tỉnh Sơn La. Cur trâus tsơưr tưx đas. Pêz lok six jông siêz viv tsi taz hnuz no mak tsiêz shông tưs txix TƯ txos tiv phaz cux tuôx khơưk muôz huv tôngv vênhx. Hnuz no, TBT, Chủ tịch têz qơưk tuôx khơưk muôz huv mak pêz lok six shir phaz. Pêz zuôr tuôr jông đas jos, kruôz kriê tuz nhuôk sir jos huôv tsar uô nox, cơưv ntơưr hênhr, uô jông Đảng têz qơưk li têx chủ trương cêr chei”.

          Têx huôx tôngv ndo txiêx njik ndar txos hnuz Thương binh- Liệt sĩ 27/7 tưz tso pov tsênhz Đảng, têz qơưk thiêz tas nro xã hội li tsov cưv tsês trâu têx lênhx nênhs tưz muôx têx gôngr côngv viv têz qơưk li tiêx tul nhiv no. No tsi taz zos têx hâux lưv tso pov siêz ndo txiêx njik mak tsênhv zos têx luk heik kriê cxênhx nênhs tov kaz no tsuv ndo njôngr thiêz muôx txơưx jênhv por vêv, tuôr tsês têx yênhx tix cơưx mênhv thiêz tror chuôz tsar sik côngv siêz, gôngr phênhv chox têz qơưk ziv hnuz ziv huôv tsar truôx tul./.

(Thu Thuỳ-Trấn Long-Txâur Vax cxeik nhênhv)