Hêir nênhs Ê Đê Đắk Lắk chax chêk tok vâur

Hâur qơư tsês chiê cxuô chuôz zênhx cxôngx nzor ntơưv Đắk Lắk, cxuô lênhx lâuk jos Tơng Jŭ, phường Ea Kao tưz tror kriz uô hêir nênhs Ê Đê chax chêk tok vâur. Trơưk li hêir nênhs co chax chêk, đhâu nox yôngz tas, tus nhaz co zuôr đros tus tuz tos pox zơưv nhoz 1 txos 3 shông thiêx tok tus vâur lok zos tuz co lok trâu tus nxêik co tsêr.

Thâuv tok tus vâur lok, tus vâur tsuv muôz câux tôngx choz trâu têx cxênhz jê tos nênhx tsa, tus vâur thiêx tâu lok hâur tsêr. Hêir nênhs Ê Đê chax chêk, câux tôngx chox ntơưv têk choz trâu têx nênhs cxênhz jê tos nênhx tsa, chênhr zos tus cxêik thiêz tus tuz cox siz zuôr uô txix, gơưv, siz hluz tas iz siv nênhx, sir jos muk đhâu têx phiv liv cov muôx luz nênhx tsâu sor. Zơưv Y Djing Adrơng, nhoz jos Tơng Jŭ, cux hêik pâuz tiêk, co zos hêir nênhs Ê ĐÊ chax chêk siz zuôr uô txix gơưv cxôngx nzor, cxơưz cxiz paz phênhv trâu cxuô hêir nênhs sđ tuôr tsês zuk hêir nênhs têx txux chi, vênhx huôv jông cxôngx nzor cov muôx đros đrêiv hâur luz nênhx txuôk đros cxiv uô cxuô qơư ndis uô si, sêiz shuôk têz qơưs.

“Cur jông siêz tâu đros côngv jiês kriz uô hêir nênhs Ê Đê chax chêk tok vâur cxôngx nzor. Jos Tơng Jú nhiv no tưz kriz uô cxuô qơư ndis uô si côngv thôngx chiê tsôngv px sđ huôv tsar uô nox thiêz huôv tsar truôx sđ têx txux chi, vênhx huôv jông cxôngx nzor. Ntơư zos têx txux chi, vênhx huôv ntok ntâuz đros trâu têx đruôk tôngx, cxêz tôngx cov muox đros đrêiv hâur luz nênhx tsik chiê pôngz plox”

Đhâu co, tsôngv kruô sđ zuôr tâu đros côngv chor tuz nxêik hluôk kriz nthuôr uô cêr lov jêv, khoz đruôk tôngx, cxêz tôngx đror lov jêv lul. Zơưv Đàm Đức Chính, nhoz xã Pơng Drang, tỉnh Đắk Lắk shir phaz lul hêik pâuz:

“Hnuz no cur shir phaz cơưs, viv tâu đros côngv cêr lov jêv khoz đruôk tôngx, cxêz tôngx, sênhr chêr, đhiê pax vuôs. Lar hêik zos pâuz tâu hêir nênhs Ê Đê chax chêk tok vâur. Hêir nênhs co têx txux chi, vênhx huôv jông cxôngx nzor tsuv tuôr cov tâu truôx tsik chiê pôngz plox, thiêz chor tuz cxêik hluôk nhiv no tsuv tâu cơưv shâuv tuôr tsês cov muôx đros đrêiv hâur luz nênhx”

Lar hêik zos hêir nênhs Ê Đê têx txux chi, vênhx huôv jông cxôngx nzor tưz uô trâu tsôngv kruô oz chas têz qơưs pâuz txos thiêz tuôx ndis uô si txos trâu thax tsav tỉnh Đắk Lăk:

“No zos thơưx jiês cur tâu sêiz pov hêir nênhs Ê Đê chax chêk kriz nthuôr uô cêr lov jêv, sênhr chêr đhiê pax vuôs. Têx txux chi, vênhx huôv jông cxôngx nzor tsuv tuôr cov tâu truôx thiêz hêik kriê trâu tsôngv kruô oz chas têz qơưs pâuz txos”.

Trơưk li luôs hâux lưv tso tơưv, nthuôr uô cêr lov jêv tsênhv zuôr tror kriz uô hâur yênhx ntu trâu ntơưv qơư tuôr tsês cxuô hêir nênhs têx têx txux chi, vênhx huôv cux li cxuô chuôz zênhx cxôngx nzor hâur thax tsav Đăk Lăk, paz phênhv tuôr tsês tâu cxuô hêir nênhs sđ têx txux chi, vênhx huôv jông cxôngx nzor tsik chiê pôngz plox./.

                                  Tsu cxêik nhênhv-H’ Xíu/VOV-Tây Nguyên

Pak đêx ntơưv jos Hùn, cxơưz cxiz tâu chôngz lênhx kruô tuôx nur njêk, cxêik đuôz

Đros trâu têx fôngx zưs muôx njêx muôs ntơưv pak đêx jos Hùn, phường Chiềng Cơi, tỉnh Sơn La, thâuv têis cik sơưr nzor hnuz kaz ciêz, zơưv Lò Văn Nam, nhoz phường Chiềng An, tỉnh Sơn La thiêz têx fôngx zưs cux nhiês tuôx sêiz shuôk, ndis uô si thiêz nur njêk trâu thax tsav qơư no. Zơưv Nam shir phaz lul hêik pâuz:

“Txix thâuv tsênhv zâu, cur zênhx nhiêv nur njêk thiêz hâur têx hnuz kaz ciêz, cur tuôx trâu thax tsav qơư no nur njêk, ndis uô si. Pak đêx no muôx ntâu njêk, zos muk iz lênhx mak thâuv nur tâu njêk muôz trâu tus tsưr pak đêx cox lux chiê thêv nhiêx gra lok tsêr uô nox; zos muk chôngz lênhx, nur tâu njêk muôz ciês trâu tus tsưr pak co  uô trâu sđ nox”

Tsưr pak đêx, Tòng Đức Nhân-nhoz luz jos co shir phaz lul hêik pâuz tiêk: Chuôz zis pak đêx, muôx liêx, muôx ar têz chos ntông nox txir, muôx đêx hâur yênhx shông. Chênhr zos li hêik co, txix shông 2018, chuôz zis tưz muôz pênhr nhiêx cxiv uô pak đêx zus njêk, tsiv uô cxuô zav nox, cxơưz cxiz tsôngv kruô tuôx nur njêk, ndis uô si. Hur si thax tsav qơư đar 5.000 thiêr.

Chiê muôx ntâu njêk, hâur yênhx shông, zơưv Nhân chuôz zis tưz tso nzir 1-2 tấn njêk trâu luz pak đêx no. Đros co, chuôz zis cux uô nzir têx tsêr fênhz suôz, qơư tsiv uô zav nox hâuk tok tsôngv kruô tuôx nur njêk, ndis uô si. Thâuv chor kruô nur tâu njêk cux muôs ciês trâu lơưr gra muk uô nox. Zơưv Lò Văn Kiên, nhoz xã Yên Châu, tỉnh Sơn La tuôx ndis uô si, nur njêk trâu qơư no shir phaz lul hêik pâuz:

“Qơư tsiv uô zav nox ntơưv jos Hùn, phường Chiềng Cơi hâur têx hnuz so kaz ciêz, cur chox mê nhuôv thiêz cur pox niêv thiêz têx fôngx zưs tuôx ndis uô si trâu ntơưv no, cxuô zav nox huv đros tsôngv kruô siêz nhiêv”

Hâur ntu đhâu lok no, ntơưv thax tsav pak đêx nur njêk hêik sâu, chuôs li tưz pov muôx ntâu zav hlôngr yiêz. Zơưv Tòng Đức Nhân zos iz hâur chuôz zis uô ntêx muôz iz phênhv luz pak đêx no chos tsoz chos sen, uô trâu luz pak đêx co ziv jông jav đuô thiêz cxơưz cxiz tâu tsôngv tuz nxêik hluôk tuôx cxêik đuôz hâur chêix pax sen tơưs yiêz jông jav. Pos Lê Thị Thu Hường, iz lênhx kruô nhoz Hà Nội tuôx ndis uô si txos thax tsav qơư no shir phaz lul hêik pâuz:

"Cur ndis uô si, sêiz shuôk têz qơưs muk đhâu Sơn La, tâu chor fôngx zưs chox tuôx ndis uô si trâu qơư pak đêx nur njêk no cxêik đuôz. Cur sêiz pov thax tsav qơư co jông jav huv đros tsôngv kruô siêz nhiêv. Lar hêik zos sêiz pov têx pax sen tơưs yiêz jông jav thiêz pâuz txos tsôngv px hâur thax tsav têx cêr uô nênhx nox nhoz muk lok hâur niêx hnuz, cux li têx txux chi, vênhx huôv jông cxôngx nzor”

Xav txix shông 2025 txos trâu nhiv no, qơư pak đêx nur njêk jos Hùn tưz tok tâu 4.000 ntâu lênhx kruô tuôx ndis shuôk, muôx phênhv sâu tâu 700 triệu đồng. Zơưv Tòng Đức Nhân shir phaz lul hêik pâuz nzir:

"Hâur ntu zuôr txos no, cur chuôz zis tsênhv zuôr cxiv kho đuô thiêz chos pax trâu iz thax tsav ntus pak đêx cov ziv hnuz ziv jông jav huv đros tsôngv kruô siêz nhiêv. Cxuô zav nox, nhiv no cux pâuz uô tâu kaz, taz sik cur tsênhv zuôr sir jos uô nzir zuk hêir nênhs zav nox kaz muôs trâu tsôngv kruô tuôx ndis uô si, sêiz shuôk têz qơưs”

Tsênhz tiês, pak đêx nur njêk ntơưv jos Hùn, zos qơư cxêik đuôz, qơư uô tâu ntâu zav nox kaz thiêz tuôr tsês tâu hêir nênhs poz ziz têx txux chi, vênhx huôv jông cxôngx nzor muôx đros đrêiv hâur hêir nênhs co luz nênhx niêx hnuz, cxơưz cxiz tâu tsôngv kruô tuôx ndis uô si, sêiz shuôk têz qơưs, tsôngv px muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor./. 

                     Tsu cxêik nhênhv-Đức Anh, Cà Thành –VOV Tây Bắc