Sơn La đơưk kho têx phiv liv, sir jos zaz zâuv yưv pênhr paz cxơưz cxiz tsar ndê kinh têr

Dưv anr txox cêr muk chênhr Hòa Bình-Mộc Châu, ntu đhâu tỉnh Sơn La zos côngz trinhx, dưv anr zov chênhr têz qơưk tsênhv tâu tỉnh Sơn La sir jos kriz uô.

Zơưv Hoàng Mạnh Thắng, Phưv Giám đốc Ban Sêiz car dưv anr yưv pênhr cxiv tsa chor côngz trinhx zoz thôngz tỉnh Sơn La-tsưr yưv pênhr dưv anr cxiv tsa côngz trinhx no puz pauz, nhiv no, tas nro Dưv anr tsênhv kriz uô 33 kror qơư đros xar muôx 350 lênhx nênhs thiêz 260 chuôz zênhx uô hâux lưv sâuv têx qơư uô; chor nênhs thầu tsưr tsix kriz uô 3 ca, 4 kíp, khov trâu muôx ntux paz chiê sir jos uô cov tâu sêi. Txơưv tiêk côngz xưv njêis yêv qơư uô tưz tâu uô tiêr, taz sik hâur ntu uô cux tsênhv yuôr iz cxiê kror phiv liv li qơư nquôr têx ar, poz jêz, cêr muk lok, iz cxiê qơư tsênhv muôx ntâu têx shôngz ntông, uô phiv liv txos choz zok qơư kriz uô cêr… Viv li, taz viv tsênhv sik côngv jông đros cxuô thax tsav qơư, nênhs thầu đơưk kho têx phiv liv chiê sir jos uô cov tâu sêi chor côngz trinhx:

“Ntu zuôr txos, pêz zuôr tsêx trung chox kriê heik pâuz sêiz kaz pênhr jos, chuôz zênhx; nênhs thầu têx hâux lưv uô sâuv chor công trường lơưr tsưr ziv kriz uô; yênhx ciêz ntâuk gri txos six hơưv uô kênhz lok sêi; hêik chor nênhs thầu uô lơưr tsưr ziv muôz pênhr nhiêx shông 2026, nzor hêik pâuz tâu chor nênhs thầu uô kênhz”.

Đros muôx thax tsav lox đar, tiv zix zos muôx 22.000 ntâu héc ta pak đêx nhoz 2 luz pak đêx tsêr mêir đêx tênhv Sơn La thiêz đêx tênhv Hòa Bình, đros muôx chor thax tsav tox siêz li Mộc Châu, Vân Hồ, Nà Sản; chor thax tsav Sông Mã, Sốp Cộp, Bắc Yên muôx liv lok năng lượng chuô thiêz bức xạ nhiệt, shông 2026, tỉnh Sơn La sir jos zaz zâuv chor dưv anr năng lượng yưv pênhr txos 100.000 tiv đêiv. No zos kror huôv tsar tâu truôx, cux zos paz trâu tsar ndê kinh têr ntơưv thax tsav qơư; đros co paz muôx hâux lưv uô, muôx nzir phênhv sâu trâu pêx xênhv.

Trơưk zơưv Nguyễn Thành Công, Phưv Chủ tịch Ủy ban tỉnh Sơn La, hâur qênhx shênhx sik txênhz zaz zâuv yưv pênhr li nhiv no, chiê uô cov têx krir liv zos yênhx têx pênhr nhiêx tsênhv tsênhz, tỉnh Sơn La tsênhv sir jos uô têx tsưr ziv, tsênhv njiêz zos sir jos uô jông hành chinhr, muôz doanh nghiệp li thôngx ziv uô kror njuôk xav; hâur co sir jos txo grêk txix 20-50% six hơưv đơưk kho têx ntâuz ntơưr hành chinhr cik txos thôngx ziv tsưr ziv yưv pênhr, muôz ntơưr tso chêi cxiv tsa, tênhv qơư, ar têz pir li cui tênhv cxuô; uô tsênhz mênhx thiêz sir jos uô tâu jông cxuô kror paz zaz zâuv yưv pênhr.

Đros co zos uô tiêr hạ tầng txix sik côngv truôx jông đros Trung ương thiêz têx tỉnh iz ndis sir jos uô sêi chor dưv anr Cêr muk chênhr Hòa Bình-Mộc Châu-Sơn La. Thâuv ntu cêr muk chênhr no tâu uô tiêr, muk txix Hà Nội thiêz têx cảng lox tuôx trâu Sơn La zuôr tas tsơưs đuô iz đraz, paz kriz uô tâu jông zuôr muôs hax huv, siz txuôk thax tsav zôngx ziv đuô trâu tỉnh… Zơưv Nguyễn Thành Công puz pâuz:

“Sơn La vav tiêk zuôr uô tiêr li tsưr ziv tso tơưv. Zuôr zos tỉnh sơưr thơưx hâur thax tsav Tây Bắc lok huôv tsar năng lượng truôx đrênhk thiêz zaz zâuv tâu chor nênhs yưv pênhr ntâu. Txix têx Tập đoàn kinh têr tưz tuôx yưv pênhr trâu tỉnh mak vav tiêk chor tập đoàn lox txơưr zuôr muôx tâu tsưr ziv uô thiêz muôx chinhr quyền ntơưv qơư sir jos uô, mak têx tập đoàn kinh têr zuôr tror yưv pênhr trâu Sơn La, tsik zos hâux lưv năng lượng xưz mak têx hâux lưv txơưr thiêz cov paz trâu tỉnh huôv tsar truôx đrênhk”.

Txix ntâu tsưr ziv uô jông, cxix cxuô hêik sâur, đros sir jos huôv tsar kinh têr kôngz nuv, du lịch… zos tỉnh têx kror uô tâu hênhr, hâur 6 luz hli hâur shôngk shông 2026, tas nro phênhv sâu (GRDP) sâuv thax tsav tỉnh Sơn La tưz ndê muôx 6% ntâu.

Zơưv Nguyễn Văn Phong, Phưv Giám đốc Sở Tài chính tỉnh Sơn La puz pâuz têx tsưr ziv chiê uô cov tiêr luôs hâux lưv tsar ndê GRDP shông 2026 cov tâu xar muôx 8%, hâur 6 luz hli kaz shông:

“Tỉnh Sơn La zuôr tror sir jos muôz pênhr nhiêx yưv pênhr côngz thiêz xav jênhv tsưr ziv muôz pênhr nhiêx yưv pênhr côngz zos kror zov chênhr hâur paz cxơưz cxiz tsar ndê. Tiv 2 zos sir jos zaz zâuv yưv pênhr thiêz hlôngr yiêz tênhv qơư yưv pênhr kinh doanh; paz trâu doanh nghiệp huôv tsar thiêz sir jos hlôngr yiêz sôr, hlôngr yiêz xar tơưv thiêz huôv tsar kinh têr sôr. Pêz zos chuôz cxaz sêiz kaz tài nguyên, por vêv tênhv qơư, phax tar tâu jông qiv hơưv txơưr txar thiêz ntux nas chuô ruôr hiêv, uô cov tâu jông huôv tsar sêi thiêz truôx đrênhk”.

Đros thôngx siêz thiêz sir jos chinhr triv siêz, tỉnh tưz tsik zos sir jos uô cov tâu tsưr ziv tsar ndê xar muôx 8% hâur shông no, mak tsênhv sir jos cov huôv tsar hur jông, sêi thiêz truôx đrênhk hâur ntu zuôr txos./.

Thu Thùy-Lik Thox cxêik nhênhv

Bí thư xã Phú Thọ “cxơưz tiês” huôv tsar không gian số nhoz

 tiv phaz

          Têx hnuz jê ntơưv no, zơưv Nguyễn Duy Tư li kênh “Bí thư xứ Mường” tâu chôngz lênhx nênhs tsov cưv txos thâuv tsi so đăng têx video heik kriê lok trôngz jôngr chiv xênhz, lok tsôngv px li luz nênhx thiêz tiv phaz li têx muôx jông chiê huôv tsar uô ju lix. Tsuôk hâur ntu tsi ntêr, têx video heik kriê ju lix zos zơưv Tư chiv chir uô tưz zaz zâuv tâu yênhx tsov jiês lênhx nênhs seiz sâuv têx nền tảng mạng xã hội. Zơưv Nguyễn Duy Tư puz pâuz, đhâu 1 shôngk ntâu lok uô côngz xưv ntơưv tiv phaz, têx uô zơưv xar txos lok six ntâu zos Vân Sơn txơưv tsênhv yuôr ntâu phêv liv taz sik ho muôx tâu trôngz jôngr chiv xênhz jông jav, jông chiê huôv tsar uô ju lix…txix co zơuv cux yênhx lix thiêz chiv chir uô têx video chiê heik riê lok ju lix thiêz kinh têr nhoz hâur xã.

          " Cur truôx siêz xar cxiv uô video thiêz cur zos lênhx nênhs muk cxeik đuôz chiê đăng, gôngr phênhv yênhx trus heik kriê ju lix nhoz Vân Sơn txos tsôngv kruô nhoz cxuô thax tsav qơư pâuz txos Vân Sơn ntâu đuô. Txix co, tsôngv kruô zuôr nriêr tuôx ndis seiz uô si ntơưv xã, tiv zix zos ju lix zuor zos tsôngv px li iz tsưr ziv huôv tsar uô no…uô hlôngr yiêz tsôngv px li siêz xar, jênhv pâuz hâur hâux lưv huôv tsar ju lix”.

          Cux lơưr zơưv Tư, chiê tsôngv px pov tâu chêx cuk, tiv zix zos hâux lưv hlôngr yiêz số tsi zos lax uô tâu, tsuôk txix iz hâux lưv uô mê cux zuôr paz tsôngv box yênhx công dân số, tov kaz no zuôr zos kinh têr số. Niêv lâuk Đinh Thị Quyết, tsôngv px nhoz xã Vân Sơn pheiz kênh:

          “ Nhiv no cxiv tsa têx njiêz luv số zos jênhv vưv coaz tsôngv. Cur cux xưk li pox nhuôk nhoz no tsi tâu tâu txơưx. Cur pov hloz Bí thư zos lênhx nênhs uô uô ntêx, viv li ntu zuôr txos pêz xar njôngr tsi taz hloz Bí thư xưz mak tas nro lênhs tov xã cux zuôr muôx ntâu tsaz yênhx hlôngr yiêz chiê pox nhuôk nhoz no muôx phênhv sâu truôx tul đuô”.

          Zos iz haur têx lênhx nênhs uô ntêx nyuôk hâur huôv tsar ju lix côngv thôngx, tix lâuk Bùi Văn Khánh, nhoz jos Bắc Thung, xã Vân Sơn puz pâuz:

          “ Thâuv ntêx tsi muôx lênhx tưs car xar car uô, taz sik đrâuv six hơưv muk uô hâux lưv, đồng chí Bí thư tsês six hơưv muk heik kriê têz qơưk trâu tsôngv px tiv phaz thiêz cur zos lênhx nênhs tâu sik côngv đros mak pov lok six muôx chêx cuk siêz. Viv thâuv thôngz xor mông tâu chôngz lênhx ntâu tul pâuz txos, iz tul heik kriê iz tul mak cur chuôz zis thâuv tưs cux tas phongx thâuv kruô nriêr tuôx nhoz so thiêz ndis shuôk têz qơưk”.

          Txơưv muôx trôngz jôngr chiv xênhz jông jav, taz sik chiê uô têx co yênhx tsôngv px li iz tsưr ziv huôv tsar uô nox, tsuv tâu yưv pênhr, njuôs xav, tsuv muôx tsôngv px cxaz chuôz thiêz muôx tsưr ziv heik kriê cov huv đros, tiv zix cêr zaoz thôngz muk lok tsênhv zos iz kror phêv liv lox. Viv Vân Sơn nhiv no muôx ntâu qơư jông jav chiê tsôngv kruô nriêr tuôx ndis seiz li trôngz Mâm Xôi, thax tsav Phòng Không nhoz jos Lở, têx qơư ndis seiz huôz, têx tsas đêx, kror tsuô Nam Sơn, muk ndis shuôk trôngz jôngr chiv xênhz… ./.

(Mùi Sơn-Txâur Vax cxeik nhênhv)