Tsi hâuk chơưr ntâu, jêx jos ziv truôx tul

          Muôx ntu, têx jiês hâuk chơưr mak truz ntêr txix zar zuôr tsâus ntux txos yênhx tas hmo. Viv kâus chơưr mak hâux lưv zâu cux uô yênhx hâux lưv lox; siz char siz chêv, siz ntâuk, uô chuôz zis tsi shir phaz, côngv thôngx tsi thoanx chêx, muôx têx thâuv uô txiv ngaz tsi taz por.

          Zơưv Hoàng Văn Gửi, nhoz jos Tông Áng, xã Lâm Thượng puz pâuz, chơưr, bia cux tsênhv tâu hâuk ntâu hâur têx jiês tsưr tsix nox yôngz, têx hnuz tsiêz lok sik thâuv tiêv kruô. Taz sik zơưv cux pov muôx ntâu lênhx hâuk chơưr kâus viv li mak phênhz tsi tâu zuk li luk heik, huôx tôngv, uô zênhr shar txos chuôz zis li cêr shir phaz, txos cêr sik côngv hâur jêx jos.

          “Đhâu tsênhv tsênhz, muôx têx txuz zos cưr tix nênhx tsa siz char, siz chêv; hâur jêx jos cux viv hâuk chơưr kâus mak uô muôx yưv têx hâux lưv tsi jông. Tiv zix zos niêv txir siz char, siz chêv, tul txir hâuk chơưr lok mak chêv thiêz ntâuk pox niêv, uô pox niêv, mê nhuôk yênhx hmo tsi tâu pư tsâus jos”.

          Zơưv Nông Đức Doãn, Bí thư chi bộ jos Khánh Thiện puz pâuz, jos muôx 1 cxênhz 500 ntâu lênhx nênhs, phênhv ntâu zos tsôngv px mênhx cxưx Zir thiêz Cho. Thâuv ntêx muôx nhos 10 lênhx nênhs yax six hâuk chơưr kâus, uô txiv ngaz tsi taz por, chêv pox niêv, mê nhuôk, krêz loa lox thiêz sik zâuv ntâuk baix. Đhâu ntâu jiês yax kriê, zaoz zux…têx lênhx nênhs co tưz muôx têx hlôngr yiêz jông.

          “Pêz tưz yax kriê lok six ntâu đros têx lênhx nênhs yax six hâuk chơưr kâus, ntâuk pox niêv, mê nhuôk…Pêz sik côngv đros Ban côngz xưv MT thiêz tuêv tu txuz plâuz hu têx lênhx nênhs uô cxâuv co tuôx chiê yax kriê, zaoz zux. Đhâu co, têx lênhx nênhs co jux jus jênhv pâuz tâu zuk li hâux lưv uô cxâuv, tsi tror hâuk chơưr ntâu, gôngr phênhv txu grês qênhx shênhx ntâuk tsiv chuôz zis thiêz uô txiv ngaz jêx jos tsi taz por”.

          Tsi taz yax kriê hâur thax tsav qơư tsôngv px nhoz uô nênhx, Công an xã Lâm Thượng tsênhv xav tênhv phax tar txix nzor zos tsưr ziv uô lêx ntêr. Cán bộ công an yax six muk tiv phaz, heik riê têx txuz hâux lưv muôx yưv ciês sâuv thax tsav chiê tsôngv px pov tsênhz têx tsi jông thâuv hâuk ntâu chơưr bia.

          Tiv zix, Công an xã li trang Facebook đros muôx 27 cxênhz jiês lênhx nênhs seiz shuôk cux zos kênh thôngz xor mông, yax mông muôx chêx cuk. Têx thôngz yax li “Hâuk chơưr, bia tsi zos uô cxâuv, taz sik hâuk kâus thiêz uô txiv ngaz tsi taz por zos uô cxâu cêr chei” lok  sik “Hâuk chơưr kâus, siz char, siz ntâuk zuôr trâus yưr lir trơưk cui tênhv”…tâu chôngz lênhx nênhs pheiz kênh, tiv zix zos hluôk nênhs.

          Đros hâux lưv yax kriê, lưx lươngv công an cux truôx siêz yưr lir têx lênhx nênhs uô cxâuv. 3 shôngk jê ntơưv no, tưz muôx 4 lênhx nênhs trâus uô ntâuz ntơưr hồ sơ chox muk thax tsav chiv zênhs chơưr; 12 lênhx nênhs tâu yax kriê, kiểm điểm đros ntâu lênhx nênhs trâus xưv bluô hành chính.

          Thiếu tá Nông Thuý Nga, Phưv tsar Công an xã Lâm Thượng puz pâuz:

          “ Hâur ntu zuôr txos, pêz zuôr tror hlôngr yiêz njiêz luv, zôngv ứng dụng khoa học, công nghệ uô côngz xưv yax kriê, chuôz tsar qênhz yuôx sâuv thax tsav; sik côngv đros têx phòng, ban, đoanx thêv krêz đar têx trâur nuv seiz car txiv ngaz jêx jos, thôngx cxix vênhv tôngv tsôngv px sir jos cxaz chuôz phongz yaox Tas nro tsôngv px por vêv txiv ngaz têz qơưk, muôz siêz chinhz yênhx heik kriê nênhs phamv cxâuv”.

          Têx hlôngr yiêz co tsênhv jux jus chox lok chêx cuk tsênhv tsênhz. Têx txuz hâux lưv cik txos chơưr, bia li ntâuk tsiv chuôz zis, uô txiv ngaz jêx jos tsi taz por lok sik txiêz nanv zaoz thôngz sâuv thax tsav xã Lâm Thượng puôr lênhx txu grês. Coaz tsôngv tiv zix, hâur cxuô ziv chuôz zis, cxuô xênhv nênhs, hâux lưv yax kriê tsi hâuk chơưr, bia ntâu tưz yênhx iz cêr cor cav. Zơưv Hoàng Văn Hoà, lênhx txir ndâux txir luk hâur xênhv nênhs Hoàng nhoz xã Lâm Thượng, tỉnh Lào Cai pheiz kênh:

          “ Cưr tix nuk muôs hâur pêz xênhv nênhs, têx thâuv xênhz huôx xênhv nênhs, hâur têx jiês nox yôngz, pêz puôr lênhx heik tsi hâuk ntâu chơưr bia. Zos hâuk mak hâuk cov huv đros, cov shir phaz; tsi hâuk kâus, uô zênhr shar txos đas jos, uô côngv thôngx tsi taz por. Đrâuv co thâuv hâuk chơưr, bia zôngx ziv muôx yưv hâux lưv siz char, siz chêv, uô zênhr shar txos cêr sik côngv siêz jông hâur xênhv nênhs”./.

(Trịnh Xuân-Txâur Vax cxeik nhênhv)