Jos yiêz, ntâu hâux lưv yiêz

          “Cur pov thâuv sik côngv chor jêx jos, cán bộ jos yax six muk tiv phaz. Ntâu hâux lưv coaz tsôngv li phax tar ntux nas, tox poz, phax tar zax zênhz lok sik heik kriê huôv tsar kôngz nuv puôr lênhx tâu thôngz pov yax six đhâu nhóm zalo, paz pox nhuôk pâuz tâu xor mông sei thiêz tsênhz đuô”.

          Co zos tix lâuk Zax A Khua, tsôngv px nhoz jos Púng Luông, xã Púng Luông, tỉnh Lào cai li pheiz kênh hâur têx hnuz xuz thơưx uô hâux lưv côngv 2-3 jêx jos yênhx iz jos.

          Thâuv 2 jos Púng Luông thiêz Đề Chờ Chua B muôz lok côngv uô cê, jos Púng Luông yiêz muôx 230 ziv chuôz zis đros zuôr xar 1 cxênhz 200 lênhx nênhs, hâur co tsôngv px mênhx cxưx Hmôngz tsav 99%. Thax tsav đar, jênh số chôngz viv li ciês thâuv sik côngv, cấp ủy tưz ciêr chênhr hlôngr yiêz chor cán bộ chiê tuôv zênhv zoz qơưx jênhv vưv.

          Đồng chí Zax A Lềnh, muôx ntu uô Bí thư chi bộ txix shông 2022, tror tâu bo xeir uô Bí thư chi bộ jos Púng Luông yiêz. Lơưr Bí thư Chi bộ Zax A Lềnh, hâux lưv seiz car thax tsav đhâu thâuv sik côngv njiz ntâu phêv liv. CHeix ntux nas, cêr lax muk lok, uô trâu hâux lưv pâuz tâu xor mông tsênhv tsênhz, hâux lưv qênhz yuôx pôngz ntâu six hơưv đuô. Zos cán bộ hluôk, muôx têx thâuv tix lâuk cux njiz ntâu phêv liv thâuv yax mông, vênhv tôngv têx lênhx nênhs muôx hnuz nhôngs. Hâur co, hâux lưv zôngv ứng dụng công nghệ thôngz xor mông nhoz tox siêz cux njiz ntâu phêv liv. Muôx ntâu chuôz zis tsi tâu zôngv điện thoại thông minh lok sik tsuôk zôngv facebook, tik tok mak tsi zôngv Zalo viv li tsi cxaz chuôz tâu lok hâur jos li nhóm Zalo, iz cxiê txơưr mak tsi tror nhoz hâur nhóm viv nhóm muôx lok six ntâu thôngz pov.

          Thâuv sik côngv yênhx luz jos yiêz, chi bộ jos muôx 52 lênhx đảng viên, hâur co, ntâu đảng viên hluôk muk uô nox đêz viv li hâux lưv cxaz chuôz xênhz huôx cux tsi cxix cxuô, muôx ntâu đảng viên muôx hnuz nhôngs siêz njiz ntâu phêv liv thâuv zôngv têx nền tảng số.

          Chiê khưx phưx têx phêv liv co, bí thư chi bộ Zax A Lềnh tưz phuôx huiz lâuk jos, têx lênhx txir ndâux txir luk li pưs txux sik đros yax mông, vênhv tôngv pox nhuôk cxuôv por tsês têx cêr uô nênhx pôngz kaz li tsi siz zuôr nzor, siz zuôr cxênhz jê, tuôr jông vêv xênhz tênhx qơư, phax tar tiv nanv xã hội...Đros chor hluôk nênhs, tix lâuk zôngv Zalo côngv thôngx chiê thôngz xor mông sei thiêz cxênhx txuôk six hơưv, nhiêx txiêx muk lok.

          Qơư tsov txos lox tiv zix zos muôz siêz phênhv sâu, hlôngr yiêz luz nênhx trâu tsôngv px:

          “ Cur tsênhv vênhv tôngv pox nhuôk chêx chôngk chos iz cxiê tsoz chos zos yuôx njuôz tsiv grê chiê muôz siêz phênhv sâu. Nhiv no ntơưv jos tsênhv muôx iz đ/c đảng viên muôx thax tsav chos tam thất thiêz sâm Ngọc Linh đar zuôr xar 1 hecta. Trâur nuv co muôx chêx cuk mak pêz zuôr tsưr tsix têx jiês yax mông, vênhv tôngv pox nhuôk muk seiz chiê sik đros huôv tsar uô nox. Têx mênhv chêx blêx, poz cưk mak pox nhuôk chuv tôngv tsoz phưz...”

          Tsi taz nhoz Púng Luông, ntâu cán bộ ntơưv têx jos yiêz cux tsênhv yênhx trus shưv đros têx zoz qơưx seiz car hâur theox chênhv yiêz.

          Lơưr đ/c Zax A Vừ, Bí thư đảng ủy xã Púng Luông, phênhv ntâu cán bộ hluôk tâu pheiz côngz puôr lênhx muôx yênhx tưv đại học. Txơưv chênhz zênhv mak tsuv muôx cxaz six chênhz chiê sâu jênhv, taz sik no zos lưx lươngv sei đrơưv thiêz zuôr tror thox cxov, cơưv shâuv nzir hâur ntu uô côngz xưv:

          “ Txơưv nhoz cấp jêx jos, cấp chi bộ mak côngz xưv hlôngr yiêz số nhiv no tsênhv lok six zuôr trâus. Chiê heik kriê tsôngv px uô têx jix vuv côngz, txu grês hâux lưv muk lok mak tsuv muôx chor cán bộ hluôk, txix chi bộ txos jêx jos, tuôv zênhv tâu têx ploz tsênhr no. Nhiv kruôr đhâu côngz xưv hlôngr yiêz bộ meir pêz chox kriê xeir zuôr lênhx nênhs, xeir têx đ/c tưs muôx yênhx tưv siêz tiv zix, sei đrơưv tiv zix, moz siêz uô hâux lưv...”

          Uô chủ trương hlôngr yiêz taz viv hành chính, xã Púng Luông, tỉnh Lào Cai tưz txu grês txix 25 jos grês yuôr 16 jos. Txos nhiv no, bộ meir ntơưv têx jêx jos tưz huôx tôngv truôx. Nhoz têx jêx jos tox siêz, đhâu iz jiês sik côngv zos têx phêv liv yiêz đros cán bộ tiv phaz. Taz sik cux chênhr txix co, têx cán bộ hluôk, muôx yênhx tưv car jênhv jênhv vưv yiêz ho yênhx trus khav tênhv tâu zuk li pưs txux, paz têx jêx jos đhâu thâuv sik côngv huôv tsar truôx tul đuô./.

(Đinh Tuấn-Txâur Vax cxeik nhênhv)

Phax tar têx moz gênhk hâur cheix ntux nas

Hâur ntu lok nas lox: Thâuv têx đêx tsênhv huôv hloz, kror cxiê qơư zuôr ntuz nông, hâur đêx hur kiêk nênhs, vuôz tsuôz, zôngx ziv muôx têx caz moz siz cik tâu đhâu cêr nox hâuk, tơưr grêix thiêz uô pa huôv xênhz.

Lok têx moz khênhr njiz trâus thâuv muôx nas chuô

-Trơưk plaz, trơưk plaz liêz: Tiv nox hâuk tâu têx zav nox tsi hur, đêx kiêk nênhs vuôz tsuôz.

-Moz tơưr grêir, tơưv poz, hlê tơưr: Zos viv tsâu đêx ntêr.

-Moz khâuz thuôs, moz njưk, moz chax đaz: Zos viv mê njik no nziês, nông ntâu, đas jos tsi yuô truôx tuk.

-Iz cxiê zav moz uô đax tơưr grêix: Zos viv cor, buôk tik têx đêx, ar gok.

Tsưr ziv phax tir thêir moz hâur cheix ntux nas:

-Sir zôngv đêx truôx tuk: Tsuv zôngv têx đêx hur chiê taz por vêv xênhz thiêz truôx tuk. Zos sơưr đơưk tsuv zôngv đêx nas mak tsuv muôz liv cov jông, râuz bâu lok sik muôz Cloramin B tso trâu trơưk li nhân viên y tế heik kriê.

-Nox siêr, hâuk bâu, vêv xênhz têx zav nox: Sơưr đơưk tsi tâu nox têx zav nox tưz tsư pok, tsi hâuk chơưr bia, đêx txiêk. Têx zav nox siêr tsuv muôx hâu vor ntov chiê zôngr tsi njôngr, tsi tsơưk uô kiêk nênhs, vuôz tsuôz.

-Vêv xênhz iz chêr hur si: Muôz xaz phôngx, đêx hur nzuôr têk uô ntêx thâuv zuôr nox mor thiêz đhâu tơưv trôngx tas. Tsi chiê têx grêix trâus to ntuz đêx nas; zos trâus ntuz đêx mak sơưr đơưk tsuv muôz cuô đêx yuôx plênhr ciês trâu luz kror cxaz ntơư. Iz chas ntơư cux têx hnar têx tril yo ntêr thiêz sor cov iz chêr sor si, tsi nhoz tsâu đêx ntêr; đhâu thâuv muk hâur đêx lok tsuv muôz xaz phôngx nzuôr, đa đêx hur, so iz chêr kruôr krơưr.

-Xưv lik vêv xênhz tênhx qơư: Khơưk sâu têx vuôz tsuôz, kiêk nênhs tso trâu iz kro; muôz têx tsiêx trâus tuôs phâuk trơưk cui tinhv thiêx tsi uô vuôz tsuôz tênhx qơư.

Đhâu thâuv nas tu: Đhâu thâuv têx đêx nas grik, ntâu zav caz moz zôngx ziv huôv xênhz viv tênhx qơư kiêk nênhs, vuôz tsuôz, đêx tênhr, khâuz nhaz, tsiêx cxu trâus tuôs.... No zos ntu zôngx ziv muôx cxuô zav caz moz siz cik tâu huôv xênhz, zos tsi xưv lik zênhx max.

Têx moz zôngx ziv huôv xênhz đhâu đêx nas:

Moz plaz: Trơưk plaz, moz siêz A viv têx hâur đêx kiêk nênhs.

Moz tơưr grêix thiêz kror muôs: Moz kror muôs liêz, tơưv poz ntơưv têx tơưr grêix uz no. Moz suôz liêz, moz uô cuz uô no. Moz khâuz thuôs, moz njưk.....

Tsưr ziv phax tar đhâu đêx nas chuô:

Qêz suô, nzuôr hur si têx vax tsêr, qơư trâu đêx. Muôz yuôx Cloramin B tso hâur têx đêx trơưk li nhân viên y tế heik kriê cov đêx nyiêz, tsi tsư nxiêz tsư kiêk.

Tsuôs yuô tuô, lov zôngr; thoz huk têx qơư tênhr đêx cov đêx ntưk tâuk, tuô caz vêiv uz no thiêz qêz suô, thoz têx cưx đês hur si tsi chiê đêx tênhr iz ndis vax tsêr, qơư nhoz.

Tsưx phưv truôx tuk đas jos: Hnar têx chêr tsôngk yo ntêr, so cov iz chêr sor si. Đhâu muk cưv, cor têx đêx kiêk nênhs lok sơưr đơưk tsuv đa đêx, nzuôr cov hur si thiêz hlôngr hnar têx chêr tril yo kruôr krơưr. Zos thâuv pov uô cuz uô no, trơưk plaz, đax tơưr grêix, moz kror muôs, khâuk têx tơưr grêix....mak tsuv muk chuôs cưk yuôx zênhx max chiê tâu seiz njuôk shuôs đas jos, kho moz huv đros.

Chênhr phax tir thêir moz suôz liêz: Qêz, tu thiêz nzuôr hur si têx thôngz, qơư trâu đêx iz ndis vax tsêr, pư vor vix tsav, muôz yuôx tsuôs tuô lov zôngr, lơưr zôngv tsi chiê tov lênhx nênhs.

Ntux txơưr txar muôx têx uô phiv liv trâu sơưr đơưk luz nênhx, taz sik đros thiêz tsưr ziv “Phax tar nzor, txo grêk tsơưs têx tsi jông trâu đas jos”, cxuô lênhx cxuô tus tsôngv niêv txir lax pêx xênhv tsuv uô jông trơưk têx tsưr ziv tsưx phưv truôx tuk đas jos trâu zuk thiêz chuôz zis./.

Đức Anh-Riê Lâux cxeik, nhênhv