MUÔZ AR CXIV UÔ TSÊR CƠƯV NTƠƯR THIÊZ TÊX HÂUX LƯV UÔ JÔNG NHOZ DÀO SAN

Tix lâus Dì A Miền nhoz jos Dền Thàng A qơư muôs huv ntơưv ntus cêr, nhoz jê côngz trênhx cxiv uô tsêr cơưv ntơưr cxênhx iz cxênhx oz Dào San. Thâuv UB tỉnh Lai Châu tso tơưv luôs hâux lưv cxiv uô côngz trênhx tsêr cơưv no, tix lâus miền chuôz zis tưz muôz 4.000  thiêr ar trâu xã chiê cxiv uô tsêr cơưv ntơưr:“PX tsuôk zos khov trâu têx liêx tsêz chos blêx. Chor ar liêx niêv thiêz txir phêiz, iz lênhs tâu mê njik xưz, taz sik zos têz qơưs sâu ar cxiv uo tsêr cơưv ntơưr cur cux muôz trâu. Tsêr cơưv cxênhx iz cxênhx oz cxiv uô tâu tiêr, têx mê tuz mê nhuôv hâur thax tsav no muôx qơư cơưv ntơưr cxix cxuô”.

Đros trâu zơưv Miền chuôz zis, Trung tá Phưv x Vax- Phưv tsar công an xã Dào San cux muôz nưs chuôz zis zuôr xar 1h ar têz chos kôngz chiê cxiv uô tsêr cơưv ntơưr:“Chor ar niêv thiêz txir phêiz tsuôk muôx bâus li xưz, nhiv no tsik yuôr iz đêiv ar tưs chos kôngz lôngk. Cxiv uô tâu tiêr tsêr cơưv cxênhx iz cxênhx oz, sđ têx tuz nxêik muôx qơư truôx jông cơưv ntơưr thiêz muôx yar tiêx uô si”

Têx luk thav txos tix lâus Dì A Miền thiêz Trung tá Pưv x Vax chuôz zis muôz ar têz cxiv uô tsêr cơưv ntơưr nhoz xã Dào San tsuv tâu kruôk txos, viv thax tsav xã no ar tsêz chos kôngz tsik muôx ntâu. Xav hur si têx ar têz tsêz chos kôngz tsuôk txênhz txos 30%, yuôr 70% zos ar har jôngr. Zơưv Trần Ngọc Khẩn-Chủ tịch UB xã Dào San hêik pâuz: “Luôs hâux lưv cxiv uo tsêr cơưv ntơưr cxênhx iz, cxênhx oz, zos tâu tsôngv px hâur thax tsav jông siêz kênh ar chiê cxiv uô. Taz sik, hâur ntu lêix têx ar chiê cxiv uô tsêr cơưv cux tsênhv njiz trâus têx phiv liv thiêz đhâu fuô yax kriê, tsôngv px pâuz tsênhz lok têx muôx liv cxiv uô tsêr cơưv ntơưr; đhâu co tsôngv px cux jông siêz chiê cxiv uô tsêr cơưv ntơưr zos đrêiv ủy ban tỉnh luôs hâux lưv tso tơưv”

Dào San zos xã tâu muôz 3 luz xã chox lok uô cê, xav hur si xã đar 140 cêik, 28 luz jos, phênhv ntâu zos Pêz hêir nênhs Hmôngz muôx txos 82%. Thâuv yax kriê tsôngv px txar qơư nhoz yiêz, zuôr qơư cxiv uô tsêr cơưv ntơưr, hâu nov xã thiêz công an cux njiz tsik tsơưs têx phiv liv.

Chiê cxiv uô tsêr cơưv ntơưr Dào San, lar hêik zos Trung tá Hoàng Anh Thắng- Tsar công an xã tưz đros hâu nov xã muk trâu cxuô jêx jos yax kriê px yêik qơư nhoz yiêz, zuôr qơư cxiv uô tsêr cơưv ntơưr. Trơưk li Đại tá Phạm Hải Đăng- Phưv Giám đốc Công an tỉnh Lai Châu: Cơ quan cxiv uô zos Tập đoàn A ma cao-Công ty huôv tsar yưv pênhr cxiv uô VN cxaz nzir công nhân cxiv uô cov tâu tiêr tsêr cơưv chox lok sir zôngv cơưv ntơưr hâur shông cơưv yiêz. Uô trơưk luôs hâux lưv 50 hnuz, hmo thiêz 50 lênhx cán bộ công an đros cxiv uô tsêr cơưv ntơưr Dào San:“Têx muôx liv hâur luôs hâux lưv cxiv uô cxuô luz tsêr cơưv ntơưr cxênhx iz, cxênhx oz nhoz cxuô xã thax tsav ntus đriv, zos Đảng têz qơưs luôs hâux lưv uô huv đros chiê tsưx phưv truôx ntus đriv, px muôx luz nênhx truôx tuk, tsâu sor”

Sđ hmor yuô! Tsôngv px sđ jông siêz đros trâu cơ quan yưv pênhr sir tas đas jos tsưr ziv đơưk kho têx phiv liv cxiv uô cov tâu tiêr tsêr cơưv ntơưr Dao San chox lok sir zôngv hâur shông cơưv yiêz, zos tsôngv tuz nxêik shuv xênhz, cưk kriê ntơưr thiêz hâu nov, công an tỉnh Lai Châu cêr shir phaz./.

Zuôr muôs, sir zôngv têx triêv fov tsik trơưk chêi têz qơưs zuôr trâu xưv bluô li chak?

Tsôngv pox nhuôs sơưr đơưk hmor yuô! Việt Nam txưr tsiv uô, zuôr muôs, tsês chiê, thâux xa thiêz sir zôngv cxuô zav triêv, fov, chuôz zênhx cuz tơưs li fov Hmôngz đros trâu cxuô zav fov, triêv, chuôz zênhx cuz tơưs riêz nênhs txơưr. Chôngz lênhx pox nhuôs cux xar tiêk, tsês iz traz fov Hmôngz chiê tuô nak, tuô nôngs lok sik tsês hâur tsêr chiê phax tar têx tsik jông cux tsik muôx phiv liv li chak. Taz sik, zos tsik tâu cơ quan muôx vax huôv tso chêi, lênhx nênhs tưs tsês chiê cxuô zav cxuô zav fov, triêv, chuôz zênhx cuz tơưs hêik sau cux trâus xưv bluô zos đrêiv chêi têz qơưs tso tơưv.

Zos lênhx nênhs tưs uô cxâuv chêi sir zôngv têx zav chuôz zênhx hêik sâu, tsuv trâus bluô nhiêx txix 2 triệu txos 40 triệu đêiv, khov trâu têx kror uô cxâuv ntâu lok tsơưs. Iz chas trâus bluô nhiêx, hur si chor fov thiêz cxuô zav cux zuôr trâus sâu tsês lơưr cui tênhv.

Zos nênhs uô cxâuv tưz muôx jiês trâus xưv bluô, taz sik cux ho tror tsês chiê, zuôr muôs lok sik sir zôngv tsik zos chêi têx triêv fov, tsuv trâus tik cêr cxâuv nhoz tux txix 3 txos 7 shông, đros co tsênhv zuôr trâus bluô nhiêx txiêx 10 triệu đêiv txos 50 triệu đêiv thiêz trâus bluô nzir lơưr chêi têz qơưk cui tênhv.

Tiv zix, zos sir zôngv chor triêv fov tsik trơưk chêi uô têx lênhx nênhs txơưr đuô trâus saz, uô hiêv txos cxuô zav thiêz uô tuôs lênhx nênhs; tsuv trâus trâus xưv bluô trơưk têx kror zuk uô cxâuv co. Đros chor nênhs uô muôx yưv têx phiv liv cik txos triêv fov, muôx têx jiês tsuv trâus tik cêr cxâuv cơư tux tas siv nênhx.

Viv ngaz tuk trâu zuk, chuôz zis thiêz côngv thôngx, pox nhuôs sơưr đơưk tsik zuôr muôs, tsik tsiv uô, tsik tsês chiê, tsik sir zôngv triêv fov thiêx tsik trâu bluô nhiêx thiêz tsik trâus tik cêr cxâuv. Zos pov nhuôs pov lênhx nênhs tưs zuôr muôs, tsiv uô, tsês chiê lok sik sir zôngv triêv fov tsik  trơưk chêi, pox nhuôs tsuv hêik ciês trâu Công an thiêz hâu nov ntơưv qơư pâuz chiê xưv bluô zos đrêiv chêi têz qơưs tso tơưv./.