Lênhx tsar jos yax kriê tsôngv px nhoz jos Cang Dông muôx cêr côngv siêz jông

Shông 2007, thâuv muôx  21 shông, zơưv Lò Văn Ngô tâu tsôngv px bâux xêir uô tsar jos Cang Dông. Viv pâuz tsênhz lok hêir nênhs poz ziz, Hmôngz têx txux chi, vênhx huôv jông đros tsôngv px sđ têx cêr nox nhoz muk lok hâur niêx hnuz; txix ntơư zơưv Lò Văn Ngô tưz đros đơưk tu txênhz liêx têz, txênhz hâur đêx huv đros px thiêz tsênhv yax kriê tsôngv px huôv tsar uô nênhx zos đrêiv têz qơưs têx chêi kriê, têx tuz cxêik siz zuôr tsik côngv trox nya. Chênhr zos li hêik ntơư, hâur ntau shông đhâu lok no, jos tsik muôx gơưv niêv txir tưs siz zuôr côngv trox nya. Cxuô txuz txênhz ar têz tâu tu khơưk kho huv đros, tsôngv px muôx cêr côngv siêz siz chos huôv tsar uô nênhx jông.

Tsar jos Lò Văn Ngô zos iz tus uô ntêx nyuôk trâu luôs hâux lưv huôv tsar uô nox thiêz yax kriê px chos oz chiv blêx liêx, poz cưk/shông, xêir tsov têx nôngz kôngz sâu tâu nju lok tsêz chos huv đros thax tsav qơư nhoz. Xav txos trâu nhiv no, jos muôx 79 chuôz zis khưr txâuk nox, txâuk hnar, tsik yuôr chuôz zis tưs trâus njiz cêr yêiz:”Thâuv cur nhiv kruôr uô tsar jos, px tsuôk chos iz chiv kôngz hâur iz shông, px luz nênhx tsênhv txov nhêv thiêz tsik so trâus njiz cêr yêiz. Txos shông 2009, cur thiêx đros cơưv đhâu lớp cơưv uô nox, tsưr ziv tsêz chos kôngz. Đhâu co, cur thiêx lok yax kriê tsôngv px tsêz chos oz chiv kôngz hâur iz shông. Txix ntơư, tsôngv px muôx txâuk nox, luz nênhx hlôngr yiêz tsâu sor jux juk, tsik txov nhêv li đrav ntêx”

Txix têx luôs hâux lưv uô tâu co, zơưv Lò Văn Ngô tưz tâu tsôngv px hâur jos njênhs njôngr uô trơưk, thâuv tsôngv px trâus njiz têx phiv liv, zơưv Ngô zênhx max đros đơưk kho huv đros. Zơưv Vav x Vax shir phaz lul hêik pâuz:

Tsar jos Lò Văn Ngô tưz tâu tsôngv px Hmôngz, poz ziz njênhs njôngr cơuv shâuv uô trơưk-siz chos huôv tsar cêr uô nênhx jông. Zơưv Lường Văn Bun cux hêik pâuz tiêk, Tsar jos Lò Văn Ngô, muôx ntâu faz tsưr ziv đơưk kho têx phiv liv thiêz tâu tsôngv px njênhr njôngr bâux xêir uô tsar jos ntâu shông: “Zos chiê đuô tus uô tsar jos, tsik tâu muôx tsưr ziv, tiv oz nyêi tsar siêz cuz hênhr, hêik tsik huv px siêz, px tsik nhiêv”

Iz chas yax kriê tsôngv px tsôngv px hâur jos muôx cêr côngv siêz jông, tsar jos Lò Văn Ngô tsênhv zos iz qơư txuôk đros cấp ủy, hâu nov thiêz công an  ntơưv qơư tsưx phưv truôx thax tsav qơư nhoz. Pir li hâur hli 7 xiêz, thâuv muôx txuz nênhs fêv nhiês cxov iz lênhx mê nhuôv ntơưv tỉnh Sơn La lok đhâu thax tsav xã Trạm Tấu, zơưv Lò Văn Ngô zos iz lênhx uô ntêx nyuôk yươz phươz tâu tus mê nhuôv trâus lênhx nênhs fêv nhiês cxov chox lok nhoz ntơưv iz chuôz zis hâur jos. Đhâu co, zơưv Ngô tưz zênhx max hêik trâu công an tuôx chơưv paz tâu tus mê nhuôv co thiêz ntêk cxov tâu lênhx nênhs fêv Hà Văn Tý. Chênhr zos zơưv Lò Văn Ngô đros công an ntơưv qơư uô truôx luôs hâux lưv sêiz car thax tsav qơư nhoz, zơưv Ngô tưz đros yax kriê tâu 5 lênhx nênhs muôx zênhk zax zênhz muk chiv zênhk zênhz tror lok đros côngv thôngx huôv tsar cêr uô nênhx jông. Thiếu tá Hà Giang, Phưv Tsar Công an xã Trạm Tấu, tỉnh Lào Cai hêik pâuz: “Tsar jos Lò Văn Ngô, tưz tâu Công an ntơưv qơư njênhs njôngr, viv lênhx tsar jos no pâuz thôngz luk Hmôngz, luk poz ziz, pâuz tsôngv px têx cêr uô nênhx, nox nhoz muk lok hâur niêx hnuz, zôngx ziv yax kriê tsôngv px huôv tsar cêr uô nênhx zos đrêiv têz qơưs têx chêi tso tơưv. Lar hêik zos lênhx tsar jos no tưz đros Công an xã uô truôx luôs hâux lưv sêiz car jêx jos, ntêk cxov tâu lênhx nênhs fêv nhiês ntêk cxov lênhx mê nhuôv muôx yưv ntơưv tỉnh Sơn La, thâux chox lênhx mê nhuôv co lok jêik trâu jos Cang Dông”

Hâur zuôr xar 20 shông đhâu, tsar jos Lò Văn Ngô tưz tâu cxuô cấp ngênhx muôz 10 jiês ntơưr kruôk, viv uô tâu truôx cxuô luôs hâux lưv zok muôz, tâu tsôngv px Hmôngz, poz ziz njênhs njôngr thiêz baux xêir uô tsar jos hâur ntâu shông đhâu./.

Nziêk đas tiêk zos lưx lươngv por vêv txiv ngaz nhoz tiv phaz

          Xưv bluô nhiêx txix 1-2 tsov đeiv, zos lênhx nênhs tưs đas tiêk zuk zos lưx lươngv cxaz chuôz por vêv txiv ngaz nhoz tiv phaz.

          Xưv bluô nhiêx txiêx txix 3-5 tsov đeiv đros têx hâux lưv tir tar, hêv, chêv lưx lươngv cxaz chuôz por vêv txiv ngaz nhoz tiv phaz thâuv lưx lươngv tsênhv uô hâux lưv.

          * Uô cxâuv cui tênhv zuôr muôs hax huv nhoz tiv phaz

          Têx qơư tsiv uô, zuôr muôs hax huv, nhoz so, karaokê, internet...tsi taz por txiv ngaz li ( huôx tôngv đhâu six hơưv cui tênhv, kruô tsi muôx txâuk ntâuz ntơưr...) trâus xưv bluô nhiêx txiêx txix 3 txos 15 tsov đeiv (tsov lơưr hâux lưv uô cxâuv) thiêz zuôr trâus sâu tsês ntơưr tso chei zuôr muôs hax huv.

          Phênhv xưv phuôv hành chính tâu cui tênhv tsênhz ntơưv nghị định 282/2025/NĐ-CP.

          * Uô cxâuv cui tênhv tsik truôx tuk nhoz tiv phaz: Têx hâux lưv uô tsik jông txos côngv thôngx, tsưr tsix chôngz lênhx nênhs tsi trơưk chei, sir zôngv chuôz zênhx loa uô zênhr shar txos thax tsav qơư nhoz mak zuôr trâus bluô nhiêx txix 1 tsov txos 8 tsov đeiv thiêz tsuv trâus tik cêr cxâuv lơưr têx hâux lưv uô cxâuv./.