Sơn La jux juk uô tiêr têx cêr zoz thôngz muk lol 

Iz hâur têx dưv anr zov chênhr tâu tỉnh Sơn La fuô uô zos txox cêr lus muk đhâu TP Sơn La, xav hur si têx pênhr yưv uô tas xar muôx 500 tyv đeiv, txix tsêr nhiêx ntiêx têz têx pênhr txeik. Dưv anr txox cêr co ntêr zuôr xar 19 cêik, tâu yưv pênhr uô jông. Txox cêr co qir tâu cxiv uô txix hli 10/2021, txos nhiv no, dưv anr uô tâu trơưk li tsưr ziv xar, njuôk xav zuôr uô tiêr thiêz tso yêz muk lol hâur shông 2022. Zơưv Nguyễn Thế Phương, Phưv Chủ tịch Uỷ ban TP Sơn La heik pâuz:

“Txox cêr lus muk đhâu TP uô tâu tiêr zuôr txo grêk tsơưs lok six ntâu têx yêz muk hâur đrôngs, txo grêk chor yêz lox thâux ntâu têx hax huv uz no muk đhâu hâur đrôngs, iz zav li muk trâu Điện Biên lok sik chor huyện txơưr đuô. Đhâu ntơư, paz taz por truôx tuk zoz thôngz, txo grêk tsơưs têx yêz muk lol ntâu sâuv txox cêr lox sôr 6 đhâu hâur đrôngs”.

Iz chas têx côngz trênhx zoz thôngz zov chênhr, tỉnh Sơn La tror fuô uô cxiv kho cov jông têx cêr muk lol hâur jêx jok. Txos nhiv no, tưz muôx 72 hâur 188 xã uô tiêr luôs hâux lưv co, 183 hâur 188 xã muôx cêr jông muk txos tsênhv qơư. Têx uô tâu li heik ntơư, iz chas tso tơưv têx tsênhv chei, phênhz lênhx nênhs, pênhr huv đros cấp uỷ, hâu nov ntơưv qơư, tsênhv muôx tsôngv pêx xênhv sơưr đơưk sik đros paz uô thiêz. Zơưv Vì Quốc Toản, Tsar jok Bó Hiềng, xã Hua Păng, huyện Mộc Châu heik:

“Pêz tưz uô 8 cêik cêr muk lol jêx jok, xav hur si tas muôx 2 tyv 620 tsov đeiv, tsôngv pêx xênhv gôngr paz iz tyv 2, têz qơưk paz iz tyv 383 tsov đeiv. Muôx cêr jông, lok six zôngx ziv muk lol, thâuv ntêx tsi muôx cêr jông mak têx kôngz, xiv huv uz no uô tâu chox muk muôs trâu chor tuz luôv tưz tsi tâu gri, iz txix thâuv muôx cêr, uô đaz tsi lok cux zôngx ziv đuô lok six ntâu. Hâur jok yax kriê trâu pêx xênhv cov sơưr đơưk sik đros tsưx phưv, cxiv kho têx cêr jông muk lol, muôx cêr li no pêz lok six shir phaz”.

Tas nro tỉnh Sơn La muôx 18 cxênhz ntâu cêik cêr ar, têx cêr jông tax 41% ntâu. Ntâu luôs hâux lưv thiêz tsưr ziv tưz tâu cxuô cấp, cxuô ngênhx tso tơưv chiê huôv tsar uô tâu chor cêr zôngx ziv muk lol hâur ntu zuôr txos. Zơưv Nguyễn Văn Chính, Phưv Giám đốc Sở zoz thôngz tỉnh Sơn La heik pâuz:

“Ngênhx zoz thôngz zuôr nhênhz chơưv trâu Uỷ ban tỉnh fuô uô têx dưv anr zov chênhr lok zoz thôngz, iz zav li txox cêr muk chênhr Hoà Bình-Mộc Châu tưz tâu Thủ tướng Chính phủ tso chei fuô uô lơưr tsưr ziv PPP, ntu txuôk lơưr co zuôr hux jos đros Bộ zoz thôngz, têx bộ ngênhx T.Ư, fuô uô têx luôs hax trâu cxiv tsa yar yêz za Nà Sản. Hux jos đros Tổng Cục Cêr ar cxiz uô cov tiêr sei txox cêr lus muk đhâu TP. Yuôr têx côngz trênhx cêr muk lol hâur tỉnh, hâur xã, jêx jok, ngênhx đros tsưr yưv pênhr zênhx max fuô uô têx dưv anr”.

Njuôk xav hâur shông 2022, txox cêr lus muk đhâu TP Sơn La zuôr tâu uô tiêr, têx côngz trênhx zov chênhr txơưrd duô zuôr tâu fuô uô trơưk li six hơưv, cui tinhv. Tỉnh Sơn La cux sir jos cov txos shông 2025, tas nro chor xã muôx cêr yêz muk lol txos tsênhv qơư tâu cxiv uô jông; niêx shông xav kror đruôz đraz muôx 10-15 xã uô tâu têx cêr jông muk lol, sir jos uô tiêr luôs hâux lưv Đại hội Đảng bộ tỉnh Sơn La jiês tiv 15 tưz tso tơưv./.

(Lê Hạnh-Riê Lâux cxeik, nhênhv)

Cxơưx txos zav caz moz yiêz, pêx xênhv Đắk Lắk sêi đrơưv cxax yuôx vắc xin phax moz Covid-19

Tsênhv qơư cxax yuôx phax tar caz moz tỉnh Đắk Lắk li qơư cxax yuôx oz pêz hnuz đhâu muôx lok six chôngz nênhs tuôx cxax yuôx vắc xin phax moz Covid-19. Jâuv tok cxax yuôx vắc xin, niêv tix Nguyễn Thị Hoa nhoz phường Thống Nhất, thành phố Buôn Ma Thuột puz pâuz, đhâu thâuv cxax  txưv 3 côngz yuôx vắc xin, hli 2/2022 niêv tix trâus cik moz Covid-19. Tưz jông moz ntêr lơưv sik niêv tix cux tsik tâu xar tuôx cxax côngz yuôx tiv plâuz. Taz sik, đhâu hnor mông tiêk chor zav caz moz yiêz Covid-19 tưz cik lok hâur pêz têz qơưk viv li niêv tix tưz tuôx ntơưv no chiê cxax nzir côngz yuôx tiv plâuz.

“Tsik xar cxax côngz yuôx tiv plâuz taz sik tưz trâus cik moz iz jiês lơưv viv li cux cxơưx, nhiv no muôx zav caz moz yiêz mak tsuv tuôx cxax yuôx xưz, nyêi tsav moz hnhar thiêx tuôx cxax nzir côngz yuôx tiv plâuz. Sơưr đơưk cux tsuv tuôx cxax côngz yuôx tiv plâuz chiê paz đas jos trâu zuk thiêz cxuô lênhx nênhs”.

Nyêi txos chor zav caz moz yiêz cux zos zơưv Nguyễn Văn Hải oz niêv txir nhoz phường Tân Thành, thành phố Buôn Ma Thuột li cêr cxơưx, viv li tuôx cxax nzir côngz yuôx tiv plâuz chiê paz trâu zuk muôx nzir đas jos phax tar caz moz.

“Nhiv no cur oz niêv txir tuôx no chiê cxax nzir côngv yuôx vắc xin tiv plâuz, viv hnor tiêk caz moz tror huôv xênhz lơưv mak cux cxơưx thiêz zuk cux xar tiêk tuôx cxax nzir côngv yuôx no chiê paz trâu zuk đas jos muôx đuô cav phax tar tâu caz moz trâu zuk thiêz côngv thôngx jông đuô”.

Bác sĩ Võ Minh Hùng, Giám đốc Tsênhv qơư Y têr thành phố Buôn Ma Thuột puz pâuz: Nhiv no, chor nênhs muôx 18 shông tror sâur thành phố tưz kriz uô cxax côngz yuôx tiv pêz tâu muôx 45%, côngz tiv plâuz muôx 6% thiêz cxax côngz tiv pêz trâu chor nhuôs zâu txix 12-17 shông muôx 38% ntâu. Kror no mak tax tsik tâu tâu li Bôv Y têr tsưr ziv tưz tso tơưv. Taz sik, têx hnuz đhâu, chor nênhs cxaz chuôz cxax yuôx vắc xin côngz tiv pêz, côngz tiv plâuz tưz chuôz ndê lok six ntâu, tiv zix zos hâur jiês 24 thiêz 25 đros muôx nhos 20.000 côngz yuôx vắc xin, Tsênhv qơư y têr tưz kriz uô cxax tas chor yuôx vắc xin, tsik chiê sênhv têx yuôx vắc xin no.

“Pêx xênhv li jênhv pâuz lok cxax yuôx vắc xin phax moz tưz hlôngr yiêz ntâu lơưv. Chor pêx xênhv hâur ntu jê lok no tuôx trâu têx qơư y têr, chor trạm y têr chiê cxax chor côngz yuôx tiv pêz, tiv plâuz cux chuôz ndê lok six chôngz”.

Bác sĩ Hoàng Hải Phúc, Phưv Giám đốc sêiz car Tsênhv qơư qênhz yuôx caz moz tỉnh Đắk Lắk puz pâuz, hâur ciêz nhiv kruôr đhâu, chor pêx xênhv tuôx cxax yuôx vắc xin phax moz Covid-19 chuôz ndê chôngz lênhx. No zos iz kror jông paz Đắk Lắk uô tâu tiêr tsưr ziv txos hli 8 tas nro tỉnh tax tâu muôx 90% ntâu chor pêx xênhv tâu cxax yuôx vắc xin phax moz Covid-19 côngz tiv pêz.

“Txos hli 8 pêz zuôr kriz uô nzir iz jiês cxax yuôx vắc xin thiêz pêz tưz muôx ntâuz ntơưr xa trâu têx taz viv cxax yuôx. Chiê uô tâu hâux lưv no mak zos nganhx y têr xưz zuôr uô tsik tâu, tsuv muôx Tỉnh ủy, Thành ủy, Huyện ủy, Thị ủy li sir jos chox kriê chiê muk trâu yênhx jêx jok, yênhx chuôz zis hêik pêx xênhv cir jênhv thiêz hêik pêx pâuz tsuv sir jos tuôx cxax yuôx vắc xin”./.

(TTTN-Lik Thox cxêik nhênhv)