Noz siêz kriê cxaz txux chi tsưr ziv trâu têx lênhx canr bôv heir nênhs tsơưs, chiê lês uô tâu jông têx hâux lưv zok muôz txix ciês ntơưv qơư

Trơưk li zơưv Lê Anh Đức, Phưv Giám đốc Sở Nội vụ tỉnh Lào Cai, Đại hội Đảng bộ tỉnh Lào Cai jiês tiv iz, six cxiv 2025-2030 nhiv kruôr đhâu tưz thôngz đhâu nghị quyết lok têx tsưr ziv, hâux lưv hâur six cxiv zuôr txos; hâur co muôx chox kriê lok cxiv tsa hâu nov cxuô cấp thiêz têx lênhx canr bôv, đảng viên, co zos: “Cxiv tsa hâu nov uô tâu hâux lưv jông viv tsôngv lax pêx xênhv, cxênhx txuôs; cxiv tsa canr bôv, công chức muôx txux chi, lês uô tâu truôx cxuô luôs hâux lưv viv pêx xênhv sơưr đơưk” Nghị quyết cux tưz xav tinhv tỉnh iz hâur 3 hâux lưv zov chênhr hâur ntu zuôr txos, co zos: Huôv tsar pênhr jos tsơưr lươngv siêz, sir jos hu zâuv thiêz moz siêz txos chor nênhs muôx txux chi, tsưr ziv jông, txơưx njê. Sir jos hlôngr yiêz côngz xưv canr bôv, cxiv tsa canr bôv hâu nov cxuô cấp, canr bôv xã muôx txux chi, tsưr ziv lês uô tâu jông cxuô cêr nuv.

Iz chas ntơư, xav tinhv iz hâur 5 hâux lưv zov chênhr zos: Cxiv tsa têx lênhx canr bôv, lar heik zos canr bôv hâu nov seiz car cxuô cấp, lênhx nênhs sơưr thơưx muôx txux chi, tsưr ziv jông, uô ntêx nyuôs hâur cxuô luôs hâux lưv, moz siêz lês uô jông têx hâux lưv zok muôz viv tsôngv lax pêx xênhv; tsov cưv canr bôv hluôk, canr bôv pox niêv, canr bôv zos heir nênhs tsơưs.

“Pêz zuôr sir jos trâu iz cxiê tsưr ziv, hâux lưv zov chênhr li: Sir jos qênhz shuôs, cxiv kho, cxaz nzir, lês uô jông têx hâux lưv trơưk cui tinhv lok côngz xưv canr bôv chiê taz por thôngx ziv, huv đros hâur fuô uô. Tiv 2 zos, gra siêz tsơưr lươngv luôs hâux lưv njuôk hov, xeir zuôr nênhs uô hâux lưv thiêz sir zôngv canr bôv, taz por jênh tsuv, côngz fênhx, tsênhz mênhx”.

Cux lơưr zơưv Lê Anh Đức, Phưv Giám đốc Sở Nội vụ tỉnh Lào Cai, tỉnh cux zuôr sir jos hlôngr yiêz luôs hâux lưv kriê cxaz têx txux chi, tsưr ziv yuôr trâus trâu canr bôv, công chức, viên chức, reik đros tsênhv tsênhz; moz siêz txos pênhr xưv, txux chi seiz car; gra siêz têx luôs hâux lưv, lar heik zos canr bôv hluôk, tsưr ziv hlôngr yiêz sôr hâur lês car, uô têx hâux lưv têz qơưk. Tiv zix moz siêz txos tsi so hlôngr qơư uô hâux lưv trâu canr bôv, txix thax tsav no trâu thax tsav tov, txix cơ quan Đảng, hâu nov, Mặt trận Tổ quốc thiêz têx đoanx thêv. Lar heik, sir jos uô jông lơưr têx cui tinhv, lênhx nênhs sơưr thơưx uô ntêx nyuôs hâur cxuô luôs hâux lưv, taz por têx lênhx canr bôv zos chor nênhs uô ntêx nyuôs, moz siêz lês uô jông cxuô cêr nuv zok muôz viv tsôngv lax pêx xênhv, lar heik zos ntơưv qơư, thax tsav buôk ti nhoz jê đros pêx xênhv.

“Chiê uô tâu têx hâux lưv tso tơưv, Nghị quyết Đại hội Đảng bộ tỉnh Lào Cai jiês tiv iz, six cxiv 2025-2030 tưz tso tơưv hâur côngz xưv cxiv tsa hâu nov cxuô cấp thiêz canr bôv, đảng viên, pêz xav tinhv co tsi tiêk zos ngênhx nội vụ hâux lưv, zos tas nro cxix luôs chính trị li, hâur no muôx têx lênhx sơưr thơưx cấp ủy, hâu nov cxuô cấp, tsuv tsênhv tsênhv zos chor uô ntêx nyuôs hâur cxuô luôs hâux lưv”.

Đros thiêz tsôngv pêx xênhv heir nênhs tsơưs ntơưv tỉnh Lào Cai nhiv no tsav 66% ntâu jênh sôr hâur tas nro tỉnh. Chênhr viv li, huôv tsar canr bôv zos heir nênhs tsơưs tâu xav tinhv zos hâux lưv zov chênhr, tsuv fuô uô ntêr thiêz muôx liv jông trâu cxiv kho cxix luôs chính trị ntơưv qơư, taz por truôx trâu huôv tsar thax tsav tox siêz, ntus đriv. Zơưv Lê Anh Đức heik pâuz:

“Muôx têx khav tinhv, đros thiêz sir jos, fuô uô jông, huv đros tox siêz ntus đriv, chor canr bôv cxuô cấp, lar heik zos canr bôv heir nênhs tsơưs zuôr yênhx têx lênhx uô ntêx nyuôs, paz uô tiêr tâu jông hâux lưv “Cxiv tsa tỉnh Lào Cai yênhx thax tsav huôv tsar, tsênhv qơư zuôr muôs têx hax huv muk lol đhâu trâu 2 chas têz qơưk đrâuv, huôv tsar truôx jông”, tsiv nhos zos qơư chi cax hâur thax tsav Tây Bắc”.

Moz siêz kriê cxaz têx txux chi, tsưr ziv uô hâux lưv trâu canr bôv heir nênhs tsơưs, chiê lês uô tâu têx hâux lưv zok muôz txix ciês ntơưv qơư zos qơư chuôz jos, cxơưz paz thax tsav tox siêz, thax tsav tsôngv box heir nênhs tsơưs sir jos huôv tsar, hlôngr yiêz hâur ntu zuôr txos./.

Đinh Tuấn-Riê Lâux cxeik, nhênhv

Lênhx txir ndâux txir luk uô ntêx nyuôk hâur huôv tsar

kinh têr

Tuôx txos jos Xa Lú, xã Lóng Sập, nus txos zơưv Tồng Xênhv Thox, lênhx txir ndâux txir luk hâur jos, lênhx tưs cux pâuz txos viv zơưv thâuv tưs cux sir jos cxaz chuôz têx phongz yaox, huôx tôngv hâur jos, txơưx huôv tsar uô nox; yax mông vênhv tôngv tsôngv box hlôngr yiêz tsưr ziv tsêz chos chiê chos ntông nox txir sâuv ar têz nxaz, huôv tsar tu zus lơưr saz hax huv. Chox pêz muk seiz chuôz zis li vax ntông nox txir, zơưv Tồng puz pâuz: Thâuv tâu cxaz chuôz cơưv shâuv têx trâur nuv huôv tsar uô nox muôx chêx cuk hâur tỉnh, cur truôx siêz hlôngr mênhv chêx ar chos kôngz lôngk tsi jông chiê chos ntông nox txir. Txos nhiv no, chuôz zis muôx 5 hecta ntâu ntông nox txir thiêz 3 hecta cà phê, shông tưs xav tas têx nhiêx txiêx tưz yưv mak sâuv liv tâu 600 tsov đeiv ntâu.

Tsi taz uô bluô nux trâu zuk, zơưv Tồng tsênhv heik kriê têx chuôz zis tsôngv box hâur jos tsưr ziv tsêz chos, zuôv qir, paz zuz nôngz thiêz sâu zuôr xiv huv. Tix lâuk Gia Xênhv Thox, nhoz jos Xa Lú pheiz kênh: Cur chuôz zis hlôngr mênhv chêx ar chiê chos ntông nox txir. Qir thơưx, cux njiz ntâu phêv liv viv tsi tâu txơưx tsoz phưz, ntâu tsoz chos tsi huôv tsar; taz sik khov muôx zơưv Tồng heik kriê, txos nhiv no cur chuôz zis chos tâu 3 hecta ntông nox txir, iz shông tsi lok phênhv sâu 200 tsov đeiv ntâu.

Yuôr ntơưv jos ntus đriv Phiêng Cài, zơưv Vav Đêz Xênhv Tsaz, lênhx txir ndâux txir luk hâur jos tưz sir jos vênhv tôngv tsôngv box sir jos huôv tsar uô nox, cxuôv yeiz thiv pluôk. Zơưv pheiz kênh: Xar chiê pox nhuôk njênhs thiêz sik côngv uô lơưr, zuk tsuv zos lênhx nênhs uô ntêx nyuôk uô uô ntêx. Thâuv muôx tsưr ziv hlôngr yiêz mênhv chêx ar chos tsi tâu kôngz lôngk chiê chos ntông nox txir, cur hlôngr zuôr xar 1 hecta ar têz chiê chos txir lưs hmaz, txir khơưz thiêz txir juôx, tâu cán bộ, chiến sĩ Zênhx pênhz phax trôngx đriv Lóng Sập heik kriê tsưr ziv chos, chuôz zis li mênhv chêx huôv tsar jông thiêz tror krêz đar ndê txos 3 hecta ntâu, chox lok phênhv sâu truôx zos zuôr xar 200 tsov đeiv iz shông. Txix têx lênhx nênhs jông li zơưv Vav Đêz, zơưv Tồng...tsôngv box sâuv thax tsav xã Lóng Sập tưz hlôngr ntâu hecta ar têz nxaz chos tsi tâu kôngz lôngk chiê chos ntông nox txir thiêz yuôx zêx, chox lok phênhv sâu truôx tul, tsôngv box luz nênhx ziv hnuz ziv tâu muôz siêz.

Xã Lóng Sập nhiv no muôx 22 lênhx txir ndâux txir luk zos cán bộ so lâuk, Bí thư chi bộ, lâuk jos, lênhx nênhs txơưx huôv tsar uô nox....Têx lênhx nênhs no tsênhv phuôx huiz jông pưs txux cxaz chuôz uô tsaz yênhx têz qơưk li qơư tsov txos lok huôv tsar KTXH nhoz thax tsav tsôngv box mênhx cxưx tsơưs nênhs thiêz tox siêz ntu 2021-2030, sir jos cxaz chuôz vênhv tôngv tsôngv box uô lơưr cxiv vênhv tôngv, phongz yaox sik tưr nhiêv têz nhiêv qơư, hlôngr yiêz tsoz chos, tsiêx tu zus, sik côngv đas jos cxiv tsa jêx jos yiêz.

Têx lênhx txir ndâux txir luk hâur tsôngv box mênhx cxưx tsơưs nênhs sâuv thax tsav xã thâuv tưs cux zos đeiv iêr chi cax lus, zos lênhx nênhs uô ntêx nyuôk hâur cxiv tsa têx trâur nuv huôv tsar uô nox tsi taz uô bluô nux trâu chuôz zis, mak tsênhv paz ntâu chuôz zis pluôk thôngz đhâu hâux lưv paz zuz nôngz, paz pênhr nhiêx, tsưr ziv uô...Khov co, txos nhiv no tas nro mênhv chêx ntông nox txir hâur xã tax 920 hecta ntâu; 178 hecta yuôx zêx, tu zus yênhx trus huôv tsar jông, đros muôx 11 cxênhz ntâu tul tsiêx cxu, 68 cxênhz tul keiz ok, tsôngv box luz nênhx ziv hnuz ziv hlôngr yiêz jông.

Thâuv tưs cux sir jos gruôs uô nox uô hâuk, đros thiêz zuk li chênhz zênhv, têx lênhx txir ndâux txir luk sâuv thax tsav xã Lóng Sập tưz vênhv tôngv tsôngv box sir jos uô têx phongz yaox sik tưr uô lox tôngv, huôv tsar uô nox uô hâuk, muôz siêz luz nênhx, tiv zix zos nhoz têx jêx jos tox siêz, ntus đriv, zos tul qox paz txuôk têx cấp ủy đảng, chính quyênx, MTTQ đros thiêz tsôngv pêx xênhv, gôngr phênhv chuôz cxaz cêr niêv côngv siêz tas nro mênhx cxưx.

Phênhv “Nôngx mênhx zuôr tsuv pâuz” hnuz no tsuôk muôx xâuk li no xưz. Phênhv no zos Chiz coaz Đeix nta suôz VN thax tsav Tây Bắc uô. Đros muôx Tsênhv qơư cxiz kôngz têz qơưk paz txưv./.

(Vừ Chu-Txâur Vax cxeik nhênhv)