Phuôx huiz pưs txux chor cán bộ pox niêv thiêz uô tsênhv chêi đros têx pox niêv tâu tsov cưv nhoz thax tsav faz Bắc

          Ntơưv Sơn La, tỉnh muôx 1,3 tsov lênhx nênhs, hâur co mênhx cxưx tsơưs nênhs tsav 83%, chor cán bộ pox niêv mênhx cxưx tsơưs nênhs li pưs txux sik côngv, pheiz kênh, taz txơưx jênhv đros lênhs tov têx tiv phaz tâu tso pov tsênhz mênhx. Nhoz Sơn La zos chêx chôngk huôv tsar kôngz nuv công nghệ siêz, kôngz nuv hur, kôngz nuv hữu cơ. Pox niêv muôx pưs txux coaz tsôngv hâur tas nro têx jênhv vưv mak Sơn La tsênhv krêz uô.

          Lơưr zơưv Lưu Minh Quân, Tsar ban dân vận tỉnh ủy Sơn La, tỉnh thâuv tưs cux tsov cưv jông txos côngz xưv cán bộ, tiv zix zos pox niêv. Chor pox niêv teiv plor côx hôiv, pox niev Hội đồng pêx xênhv, chor pox niêv cxaz chuôz cấp ủy, pox niêv zos đảng viên….puôr lênhx siêz đuô pir đros six cxiv tov ntêx. Chor đảng viên zos pox niêv tâu nhoz hâur đảng txix hâur six cxiv txos nhiv no tsav txos 42% tas nro đangv viên. Heik lok iz cxiê chêx cuk hâur côngz xưv txir nênhx pox niêv vax huôv siz luôs thiêz muôz siêz pox niêv nhoz tiv phaz li qơư sơưr, zơưv Lưu Minh Quân pheiz kênh:

          “Vênhv thix tsênhv nhoz Sơn La, co zos hâux lưv lênhs tov chox kriê chiê cxơưz tiês côngz xưv paz pox niêv txu grês cêr pluôs truôx vênhs thôngz đhâu trâur nuv kinh têr tiv phaz. Sơn La zos iz hâur 14 tỉnh hâur tas nro têz qơưk đăng cir đros TW zôngv công nghệ hâur seiz car paz lênhx nênhs cxênhx txuôk txeik pênhr chiê muôz siêz tsơưr lươngv huôx tôngv đros zoz qơưx yiêz. Sơn la cux krêz uô Đề án paz pox niêv cơưv shâuv hâux lưv uô, paz hâux lưv uô trâu 9 cxênhz 700 lênhx pox niêv. Cxơưz tiês têx phongz yaox tưr thik cxiv tsa pox niêv VN hlôngr yiêz, tuôr truôx 651 trâur nuv, 1 cxênhz 818 lênhx nênhs hâur co muôx 1 cxênhz 200 ntâu lênhx pox niêv tax bê pox niêv VN ntu hlôngr yiêz”.

          Tỉnh ủy Lai Châu tưz tso tơưv Nghị quyết 06 hnuz 15/3/2021 lok muôz siêz tsơưr lươngv chor cán bộ lênhs tov, seiz car nênhs mênhx cxưx tsơưs nênhs thiêz cán bộ tsênhv têx cấp xã ntu 2021-2025, ndar txos shông 2030; Ban thường vụ tỉnh ủy li chỉ thị số 9/2021lok chuôz tsar cấp ủy đảng li lênhs tov đros hâux lưv txu grês qênhx shênhx siz zuôr nzor, siz zuôr cxênhz jê; đề án paz pox niêv huôv tsar cêr uô nox; tso tơưv chính sách đros lox tôngv zos pox niêv, chính sách so xênhz zus nhuôk, tsoz phưz đas jos, BHYT, tsưr ziv xênhz zus nhuôk, prỏ vêv pox neiev li vax huôv thiêz liv zix huv đros cêr chei….zơưv Vũ Mạnh Hà, Ủy viên dự khuyết TW Đảng, Phưv bí thư tỉnh ủy Lai Châu heik:

          “Chính sách njuôs siv thox cxov thiêz kriê cxaz cán bộ zos pox niêv đhâu 5 shông mak chêx cuk tax tâu iz cxiê njiêz luv: tiv iz, jênhv pâuz, txơưx jênhv thiêz cấp ủy li huôx tôngv, chính quyênx thiêz tas nro xã hội li txơưx jênhv, hâur co muôx pox niêv li pưs txux. Tiv oz, lok hâux lưv txir nênhx pox niêv vax huôv siz luôs sâuv têx vênhv thix chính trị, kinh têr, vênhx huôv xã hội tax tâu têx chêx cuk jông. Chor cán bộ zos pox niêv seiz car têx chiz coaz, taz viv chuôz ndê siêz”.

          Pos Tôn Thị Ngọc Hạnh, Phưv chủ tịch Hội liên hiệp pox niêv VN puz pâuz, thôngz đhâu chêx cuk uô côngz xưv pox niêv, tưz tax tâu ntâu chêx cuk jông thiêz hlôngr yiêz tsênhz mênhx lok jênhv pâuz. Têx cấp, têx nganhx, tiv phaz hâur ntu đhâu cux tâu muôz siêz. Thiêz tâu tsov cưv, pox niêv ziv hnuz ziv cxaz chuôz ntâu đuô hâur têx vênhv thix hâur luz nênhx xã hội, khav tênhv tâu pưs txux, qơư sơưr thiêz siêz xar tơưv, gôngr côngv lok tiv phaz cux xưk li tas nro têz qơưk li têx yênhx tix.

          Taz sik, siêz xar phênhz pêx cxênhx txir nênhx thiêz pox niêv tsênhv uô phêv liv lok vênhx huôv, chính sách, tsênhv uô zênhr shar lox txos pox niêv li huôv tsar. Tror tsov cưv txos côngz xưv pox niêv thiêz hâux lưv uô chính sách đros pox niêv hâur ntu nhiv no zuôr paz chiê pox niêv muôz siêz qơư sơưr cux xưk li côngz xưv fênhx zav cxênhx txir nênhx thiêz pox niêv sâuv cxuô vênhv thix chính trị, kinh têr, vênhx huôv xã hội. Pos Tôn Thị Ngọc Hạnh puz pâuz:

          “Đros hâux lưv uô têx chính sách cxuô đros pox niêv tâu tsov cưv, tiv zix, nhiv no têx chính sách pháp luật thâuv tưs cux taz por pox niêv li vax huôv ziv hnuz ziv tâu muôz siêz, chính sách nox nhoz xã hội tưz tâu uô cxuô qơư. Paz têx pox niêv mênhx cxưx tsơưs nênhs, pox niêv trâus sêv khiz lok luz chêr, pox niêv muôx hnuz nhôngs siêz….tâu sơưv têx chính sách tsênhv yuôr ntâu vênhv thix tsuv zuôr trâus tâu tsov cưv”.

          Chêx cuk côngz xưv pox niêv ntu đhâu tưz ziv hnuz ziv paz khav tênhv chor cán bộ zos pox niêv li pưs txux coaz tsôngv./.

VOV4-Txâur Vax cxeik nhênhv