Jax 1: "Vênhv tôngv viên mênhx cxưx tsơưs nênhs Sơn La muôx bê hâur têx giải tưr thik têz qơưk, sâuv ntiêx têz"

Têx cêr shir phaz tsuôk li tsênhv nhoz đeiv hâur 3 lênhx vênhv tôngv viên nênhs Poz Ziz nhoz Sơn La Quàng Thị Thu Nghĩa, Bạc Thị Khiêm, Lò Thị Hoàng li siêz thâuv tax tâu giải siêz. Đros 3 luz Huy chương cuz siêz tiv zix jiês Đại hội thiv thao Đông Nam Á Seagame 31 nhiv kruôr đhâu nhoz 3 môn thik Pencak Silat, Taekwondo…3 lênhx nxeik no tưz chuôz cxaz yênhx tix trâu têx vênhv tôngv viên mênhx cxưx tsơưs nênhs đros thiv thao têz qơưk. Nhiv no lơưr tas nro 3 lênhx tsênhv sir jos cơưv shâuv cxaz chiê tax yênhx tix siêz đuô ntơưv Đại hội thiv thao tas nro têz qơưk đraz hli 12 no.

          Tâu xênhz zus thiêz hloz lox nhoz têz qơưk nto bê đros chor txir trâuv nhux kaz jông Yên Châu, Sơn La, Quàng Thị Thu Nghĩa tâu xeir thiêz qir cxaz chuôz cơưv shâuv txix shông 2013 ntơưv tsênhv qơư cơưv shâuv thiêz tưr thik tỉnh Sơn La thâuv nhiv kruôr muôx 14 shông hnuz nhôngs. Shông 2022, đrâuv đeiv huy chương cuz tax tâu ntơưv Đại hội thiv thao Đông Nam Á, Nghĩa tsênhv tax huy chương cuz ntơưv giải Pencak Silat ntiêx têz jiês tiv 19 tâu tsưr tsix ntơưv TP Melaka- Maylayxia, uô ntêx co zos têx huy chương cuz têx giải tưr thik hâur têz qơưk, ntiêx têz. Quàng Thị Thu Nghĩa pheiz kênh: "Đros cur, chiê yênhx iz lênhx vênhv tôngv viên gra tâu têx yênhx tix siêz lok trâu têz qơưk, trâu tỉnh cur tưz hla đhâu têx cêr nyei thâuv tưr thik, têx jiês trâus saz. Tiv zix zos tsuv gruôs cơưv shâuv, sir jos chiê txơưx lok chuyên môn".

          Cux xưk li Quàng Thị Thu Nghĩa, vênhv tôngv viên mênhx cxưx Poz ziz Bạc Thị Khiêm cux zos iz lênhx mê nhuôk mênhx cxưx tsơưs nênhs nhoz thax tsav Mường Giôn, Quỳnh Nhai, Sơn La. Cxaz chuôz cơưv shâuv thiêz cơưv ntơur đêz niêv thiêz txir txix thâuv nhiv kruôr tâu 12 shông, ntâu jiês xar tso tsês chiê muk tsêr viv ndo niêv ndo txir, cơưv shâuv ntâu…Taz sik, six hơưv jux jus Khiêm cux sưv thiêz nhiêv môn thiv thao Taewondo. 22 shông hnuz nhôngs, nhiv no, Bạc Thị Khiêm muôx zuôr xar 10 shông cơưv shâuv Taewondo, đros ntâu yênhx tix tax tâu hâur Seagame 30,31; giải Đông Nam Á 2017,2022 đros têx yênhx tix siêz hâur têz qơưk. Bạc Thị Khiêm shir phaz heik: "Six hơưv cơưv shâuv mak lok six khưr thiêz ntêr. Cur tsuv truôx siêz shâuv chiê uô tiêr jax cơưv cưk kriê tso tơưv".

          Lò Thị Hoàng- iz lênhx nhuôk mênhx cxưx Poz ziz nhoz Pắc Ngà, Bắc Yên, Sơn La tưz gra lok luz huy chương cuz hâur lix xưv ntơưv Seagame 31 nhiv kruôr, thôngx cxix tax siêz tiv zix hâur Seagame môn leiv lao zos 56,37 yiv. Đros lok six ntâu huy chương cuz, huy chương nhiêx nhoz têx giải hâur têz qơuk, sâuv ntiêx têz. Lò Thị Hoàng xar njôngr ziv hnuz ziv txơưx thiêz hênhr đuô. Hoàng cê tror cơưv shâuv, cê cơưv Đại học thiêz nhiv no tưz muôx bằng đại học chuyên ngành kriê shâuv thiv thao, Đại học thiv thao Bắc Ninh: "Pêz tsuv sir jos chiê hla đhâu têx phêv liv, têx jiês cơưv shâuv hnhar. Cur cux zuôr sir jos đuô chiê tuôr tâu zuk đeiv huy chương cuz".

          Quàng Thị Thu Nghĩa, Lò Thị Hoàng, Bạc Thị Khiêm tsuôk zos 3 hâur lok six ntâu lênhx vênhv tôngv viên mênhx cxưx tsơưs nênhs nhoz Sơn La tax yênhx tix siêz ntơưv têx giải tưr thik hâur têz qơưk thiêz sâuv ntiêx têz.

          Hâur 10 shông đhâu, tỉnh Sơn La tưz muôx 342 lênhx vênhv tôngv viên tax têx giải lok six siêz. Txix shông 2020 txos nhiv no, tưz tax 369 huy chương cxuô zav, hâur co huy chương cuz tax 99 luz, huy chương nhiêx zos 103 luz, huy chương tôngx tax 167 luz. Tiv zix zos têx vênhv thôngv viên môn Pencak Silat, Taewondo, đhiê li 3 luz huy chương cuz hâur Seagame 31; 1 luz huy chương cuz, 1 luz huy chương nhiêx ntiêx têz môn Pencak Silat; 1 huy chương cuz giải Châu á; 1 huy chương cuz Seagame môn đhiê; 04 vênhv tôngv viên cxaz chuôz đội tuyển têz qơưk, 5 vênhv tôngv viên cxaz chuôz đội tuyển hluôk tas nro têz qơưk./.

                                              Bích Thủy-Txâur Vax cxeik nhênhv

Du lix côngv thôngx nhoz tox siêz Quảng Ninh

Hâur têx hnuz kaz ciêz, jos Thượng, jos Khe Phương, xã Kỳ Thượng –zos thax tsav qơư nhoz siêz yax đrôngl Hạ Long đros trâu tsôngv kruô ndis shuôk têz qơưs têx suôz luôs, suôz thav luk. Xav txix hâur shôngk shông txos trâu nhiv no, tưz muôx chôngz lênhx kruô tuôx uô si, ndis shuôk têz qơưs. Nhoz đêz xar 60 cêik cêr, muk đhâu têx tox trôngz câuv har, ndê tox, grêk tâus, đhâu têx trôngz jôngr ntông, tsôngv kruô cux tâu sêiz pov ntâu tsênhv qơư jông jav huv đros tsôngv kruô siêz nhiêv thiêz tsênhv sêiz pov hêir nênhs Cho cxuô zav hax huv li vơưs tsư ha chi, cxuô zav nox kaz. Zơưv Lý Tài Ngân, Giám đốc công ty Am Váp Farm xã vùng cao Kỳ Thượng hêik pâuz: "Xuz thơưx tsôngv px tsik yuô đros côngv uô. Taz sik, nhiv no muôx cux muôx ntâu chuôz zis tuôx muôs vơưs tsư ha chi, muôs jâuz, muôs jiz mur muôs trâu tsôngv kruô ndis shuôk têz qơưs thiêz tsênhv muk đê têx yuôx đrox njuôz pêv têx har jôngr lok muôs trâu công ty, tsôngv px muôx phênhv sâu tâu nhiễ txiêx chox lok sir zôngv hâur chuôz zis”

          Tsik đros cxiv uô tsêr tok kruô, taz sik zơưv Đỗ Đức Uyên, hêir nênhs Tày, HTX Tuệ Lâm, xã Vô Ngại, huyện Bình Liêu ho xêir tsov cxiv uô qơư liv cuô trox tâux đuz, đâux txis, lưk jôngr…zos têx zav muôx ciês ntơưv tsênhv qơư nhoz. Co zos zav hax huv jông ntơưv tỉnh Quảng Ninh, tâu chox muk muôs trâu cxuô tsênhv qơư ciêz đrôngl. Zơưv Đỗ Đức Uyênhêik pâuz: "Hâur luz chêix muôx kruô tuôx ndis shuôk têz qơưs,iz hnuz cux hax huv, sâu tâu 2-3 triệu nhiêx. Zos muôs hax huv ntâu hnuz, pêz cux muôx phênhv sâu tâu ntâu nhiêx txiêx chox lok sir zôngv thiêz. Zos muôs tâu ntâu hax huv, cux cxơưz cxiz tâu tsôngv px muk đê têx yuôx đrox njuôz chox lok muôs trâu công ty"

        Txơưv uô zav tưs, lênhx nênhs li zơưv Lý Tài Ngân lok sik zơưv Đỗ Đức Uyên cux tsênhv taz tov paz phênhv cxơưz cxiz trâu luôs hâux lưv huôv tsar uô thiê muôx phênhv sâu tâu txix huôv tsar uô du lix côngv thôngx. Ntơư zos huôv tsar du lix, grê fênhx zis, muôx chôngz lênhx kruô tuôx ndis shuôk txos cxuô luz jêx jos, sêiz shuôk tsôngv px têx cêr khưr huôv tsar cêr uô nox hâur luz nênhx niêx hnuz. Zơưv Lại Văn Toàn, zos iz lênhx muôx ntâu shông huôv tsar uô du lix nhoz trâu ntâu tsênhv qơư hâur têz qơưs shir phaz lul hêik pâuz: "Pêz cux yax kriê tsôngv px huôv tsar uô du lix côngv thôngx, tsuôk zos hâur iz ciêz, tsôngv px cux pâuz tâu cxuô faz tsưr ziv chox kruô ndis shuôk têz qơưs, cxiv uô tsêr tsar lơưx huv đros thax tsav qơư nhoz”

          Chiê cxơưz cxiz huôv tsar du lix cov huv đros, huyện Bình Liêu cux đros iz cxiê cơ quan yax kriê tsôngv px cxuô hêir nênhs ntơưv qơư huôv tsar uô du lix thiêz huôv tsar truôx zuk hêir nênhs Tày, Dao, Sán Chỉ têx txux chi, vênhx huôv jông cxôngx nzor chiê hêik kriê trâu tsôngv kruô pâuz txos. Zơưv Phùng Hữu Ngọc Anh, Tổng giám đốc Cty huôv tsar du lix Hà Nội xav tênhv: "Pêz zuôr yax kriê trâu cxuô lênhx tsôngv px sđ hâur thax tsav qơư nhoz chiê huôv tsar uô. Lar hêik zos huôv tsar thiêz khơưk tsês chiê hêir nênhs Cho Thanh Phán, Tày, Sán Chỉ chiê tok tsôngv kruô tuôx sêiz shuôk"

        Huôv tsar du lix côngv thôngx, txơưv yuôr ntâu luôs hâux lưv tsuv tâu uô, chiê hêik kriê cxuô hêir nênhs tsơưs têx txux chi, vênhx huôv jông trâu tsôngv kruô sđ pâuz txos./.

                             Tsu cxêik nhênhv- Vũ Miền, CQTT Đông Bắc