Đơưk têx phêv liv trâu tsaz yênhx têz qơưk 1719

Jos Cốc Mù, xã Nậm Chảy nhoz huyện Mường Khương muôx 22 ziv chuôz zis zos tsôngv box mênhx cxưx Bố Y zos mênhx cxưx lok six tsơưs nênhs đros iz cxiê ziv chuôz zis tsôngv box mênhx cxưx txơưr nhoz uô nênhx. Lơưr tsaz yênhx 1719 lok paz txưv tsôngv box mênhx cxưx tsơưs nênhs, tsôngv box jos Cốc Mù zuôr tâu têz qơưk paz txưv uô 5 ceik cêr zaoz thôngz nôngx cxênhz. Tix lâuk Lờ Củi Khờ, jos Cốc Mù, xã Nậm Chảy puz pâuz: “Ntu zuôr txos cux xar njôngr têz qơưk paz uô cêr. Cêr muôx lơưv taz sik cux xar njôngr cêr tâu uô jông đuô chiê zôngx ziv muk lok đuô”.

          Taz sik, hâur UB mênhx cxưx li Đề án cxiv tsa ploz tsênhr seiz jênh số mênhx cxưx muôx luz nênhx txov nhêv tsav txix 15% ndê muk pir đros tas nro côngv thôngx mênhx cxữ tsơưs nênhs heik cxuô chiê seiz shuôk thax tsav yưv pênhr lok cơ sở cxuô zav, viv li dự án uô cêr tsi tâu krêz uô ntơưv jos Cốc Mù. Tsênhz mênhx nhoz Lào Cai têx ziv chuôz zis mênhx cxưx tsơưs nênhs nhoz uô nênhx tsi chêx chôngk, muôx têx jos ziv chuôz zis mênhx cxưx tsơưs nênhs txov nhêv tsơưs, taz sik taz por tax 15% tas nro ziv chuôz zis. Đrâuv co, muôx têx jos ziv chuôz zis mênhx cxưx tsơưs nênhs txov nhêv chôngz, taz sik tsi taz por 15%. Zơưv Nguyễn Trí Dương, Tsar phongx mênhx cxưx huyện Mường Khương puz pâuz: Nhiv no cui tênhv heik kriê uô Tsaz yênhx 1719 tsi tâu uô jông, têx bộ, ban nganhx li ntâu ntâuz ntơưr heik kriê tsi tâu tsênhz mênhx uô phêv liv trâu chính quyênx tiv phaz thâuv krêz uô: “Txos nhiv no đros dự án 9 tsi tâu muôx cui tênhv tsênhz mênhx, heik kriê tsênhz mênhx viv li pêz krêz uô tsi tâu. Huyện Mường Khương coaz tsôngv tiv zix zos yưv pênhr cơ sở cxuô zav mak Trung ương, chính phuv tsuv nzor tso tơưv ploz tsênhr lok cơ sở zuôr trâus chiê pêz chêx chôngk yưv pênhr”.

          Mường Khương zos iz hâur 3 huyện pluôk nhoz tỉnh Lào Cai. Lơưr tsưr ziv huôv tsar kôngz nuv hax huv tỉnh Lào Cai, huyện Mường Khương tưz hlôngr yiêz muôx nhos 2 cxênhz hecta ar chos tsoz chos tsi jông chiê huôv tsar chos yuôx zêx, txir pôngr lux, ciêv fix. Hâur co, yuôx zêx tsav 50% mênhv chêx têx tsoz chos tsênhv, sâuvtâu 15 cxênhz ntâu tênhr iz shông, cungz ngaz tul trâu 7 tsêr meir tsiv uô yuôx zêx sâuv thax tsav. Zơưv Lê Thanh Hoa, Tsar phongx kôngz nuv huyện Mường Khương puz pâuz: Hâux lưv paz txưv tsôngv box hlôngr yiêz tsoz chos tsênhv krêz uô kênhz viv tsi tâu muôx ntâuz ntơưr chox kriê: “Mường Khương sik côngv thôngz đhâu taz viv tsưr tsix tsiv uô, sâu zuôr xiv huv, nhiêx txiêx têz qơưk paz txưv đhâu doanh nghiệp. Doanh nghiệp paz nôngz zuz uô ntêx đhâu co têz qơưk sâu zuôr xiv huv. Doanh nghiệp yưv pênhr uô ntêx lơưr cui tenhv, tsi uô thâuv tsi tâu muôx heik kriê”.

          Tsaz yênhx têz qơưk li qơư tsov txos lok huôv tsar kinh têr, xã hội thax tsav tsôngv box mênhx cxưx tsơưs nênhs tox siêz thiêz txu grês cêr pluôk truôx vênhs njuôs xav tas nro pênhr Trung ương yưv paz tỉnh Lào cai ntu 2021-2025 zos 6 cxênhz 500 tỷ đeiv ntâu. Tsaz yênhx têz qơưk huôv tsar KTXH thax tsav tsôngv box mênhx cxưx tsơưs nênhs tox siêz paz zuôr xar 4 cxênhz tỷ đeiv. Txos nhiv no, hâux lưv muôz pênhr uô tsaz yênhx tsênhv kênhz. Zơưv Nông Đức Ngọc, tsar ban mênhx cxưx tỉnh Lào Cai puz pâuz: “Đros tsaz yênhx paz tsôngv box mênhx cxưx tsơưs nênhs tsênhv njiz iz cxiê phêv liv hâur têx thông tư, muôx têx njiêz luv tsi tâu uô tsênhz mênhx lok phênhv lok sik njiêz luv muôz. Txix tsi muôx njiêz luv muôz, tsi muôx heik kriê tsênhz mênhx viv li hâux lưv muôz pênhr nhoz tiv phaz njiz ntâu phêv liv, pênhr paz tsiv uô zuôr kênhz tâu muôz”./.

VOV-Txâur Vax cxeik nhênhv