Paz cxơưz siêz nhiêv txos lix xưv trâu shux xênhz txix têx muk ndis seiz, nriêr pâuz tsênhv tsênhz

Muk tâus cêr lơưr txox cêr chaz fov lox ntêr zuôr xar 2 cei cêr zos iz hâur têx huôx tôngv nhoz hâur tsaz yênhx muk ndis seiz “Lơưr chiến sĩ Điện Biên” zos tsêr cơưv PT mênhx cxưx nội trú tỉnh Điện Biên tsưr tsix. Thôngz đhâu huôx tôngv no, bộ đội thiêz pêz tsôngv box li têx luz hli khưr tơưv txênhz tik ntâuk tros châuz tâu shux xênhz pov njôngr tsênhv tsênhz.

          Shux xênhz Nguyễn Bùi Khánh Ngọc, cơưv lớp 11B1, tsêr cơưv PT mênhx cxưx Nội trú tỉnh Điện Biên pheiz kênh: “Cur pov lok six jông, tiv zix zos huôx tôngv muk tơư txos đuôz tix lâuk Tô Vĩnh Diện, viv thâuv tuôx txos qơư tix lâuk thix xênhz, cur lok six txưv haox. Pêz tsênhv tâu muk lơưr txox cêr pêz chiến sĩ thâuv ntêx truz fov lox muk đhâu, pov lok six phêv liv, pov tsênhz cxênhx nênhs tov ntêx li têx sir tas đas jos trox nya por vêv têz qơưk”

          Txix hli 10/2023, iz tsưr ziv đros njiêz luv lok lix xưv tsês trâu shux xênhz têx cấp cxênhx 2, cxênhx 3 sâuv thax tsav tỉnh zos Đeix nta suôz xa đuôz tỉnh Điện Biên tsưr tsix đros luz bê zos “Âm vang Điện Biên” tâu tso sâuv sóng thiêz jênhv tâu ntâu tsov cưv txos. Têx yênhx tưv lok lix xưv tâu uô yiêz đhâu têx shux xênhz li têx xar tơưv jông tưz gôngr phênhv paz môn cơưv no tâu ntâu lênhx nênhs nhiêv đuô.

          Cưk kriê Nguyễn Thiện Thuật, kuz cưk kriê Văn-Sử, nhoz TP Điện Biên Phuv heik: “Đros Âm vang Điện Biên li hlôngr yiêz tưz paz shux xênhz nhiêv môn cơưv no đuô, nhiêv têz nhiêv qơư, nhiêv txos têz qơưk li têx poz hiêr….tsaz yênhx no lok six jông”

          Cưk kriê Phạm Thị Thanh Huyền, Phưv Hiệu trưởng Tsêr cơưv phổ thôngz mênhx cxưx Nội trú tỉnh Điện Biên puz pâuz: tsi zos trơưk li cơưv sâuv ntâuz ntơưr, têx yênhx tưv muôx tâu đhâu têx huôx tôngv muk nriêr pâuz tsênhv tsênhz tưz paz shux xênhz nriêr pâuz lix xưv zôngx ziv đuô, tiv zix zos têx tsiv grê txix jiês ntâuk zênhx Điện Biên Phuv. No cux zos qơư tsov txos mak ntâu tsêr cơưv tsênhv chêx chôngk ndar txos, tâu uô txix ntâu huôx tôngv tsênhv tsênhz: “Zaoz zux cêr chax chês nhiêv têz nhiêv qơư zos iz hâur têx njiêz luv lok six coaz tsôngv. Tsêr cơưv cux tưz chox kriê đoanx hluôk nênhs, têx tuêv chuyên môn tsưr tsix lok six ntâu huôx tôngv chiê gôngr phênhv zaoz zux siêz nhiêv têz nhiêv qơư, mênhx cxưx VN li cêr chax chês cơưx mênhv. Pir li tsưr tsix têx jiês ngoại khóa lok sik têx huôx tôngv muk nriêr pâuz tsênhv tsênhz…”

          Lix xưv zos môn cơưv muôx pưs txux thiêz ziz njiêz lok six coaz tsôngv, paz kriê cxaz têx yênhx tưv muôx tsiv grê, paz cxênhx hluôk nênhs ziv txưv haox đuô txos zuk mênhx cxưx. Muôx yênhx tưv lix xưv truôx tul zos lok six zuôr trâus, tiv zix zos hâur ntu sik côngv hlôngr yiêz, paz têx shux xênhz muôz siêz siêz xar tuôr tsês thiêz seiz jông txos lix xưv, txix co yênhx têx lênhx nênhs jông cxiv tsa ndê txos luz nênhx tov kaz no tiêv tiêv truôx tul./.

Vũ Lợi-Txâur Vax cxeik nhênhv

Gra siêz côngv thôngx txux chi-Tsưr ziv chiê phax tar moz vưv

Tsuôk hâur 2 luz hlik hâur shôngk shông 2024,Krông Bách tưz muôx 3 lênhx nênhs trâul tuôs tiv moz vưv, zos huyện muôx ntâu lênhx nênhs trâul moz đuô hur si hâur tỉnh Đắk Lắk. Zơưv Y Doãn Niê, Phưv Chủ tịch Ủy ban huyện Krông Bách nhav tiêk, luôs hâux lưv phax tar moz vưv hâur thax tsav qơư njiz trâul ntâu phiv liv viv ntâu chuôz zis tu zus đêr thiêz mir tsi hux jos đros cơ quan muôx vax huôv phax tir thêir moz: “Pêx xênhv tu zus đêr, mir hâur thax tsav huyện phênhv ntâu lơưr tso xưz, tsi muôz khi, muôz cơư; canr bôv kho moz tsiêx cxu ntâu jiês muk cxax yuôx phax phôngz moz vưv, taz sik chuôz zis cxov tsi tâu thiêz cxoz txưv tsi xar cxax yuôx vắc xin”.

Hâur TP Buôn Ma Thuột lok sik thax tsav qơư tưs hâur Đắk Lắk txix tox siêz txos đrav đrôngs puôr lênhx njiz thiêz pov đêr tso tâus cêr. Têx li heik co zôngx ziv uô tsi jông txos lênhx nênhs muk lol đhâu cêr. Niêv lâul Trịnh Thị Hồng Hạnh, nhoz phường Tân Lợi, TP Buôn Ma Thuột heik nyei trưk, viv tưz muôx jiês trâul đêr tov: “Kuôk no iz ciêz cur muk tơư muk car ciêz, tsênhv taz tov muk cêr muôx iz tus đêr đhiê tuôx tov cur. Thâuv co cur lok six nyei thiêz cur tưz đhiê, taz sik ziv đhiê đêr ziv châuv chênhr. Nhiv no zos cur pov đêr tso tsi khi mak cur lok six nyei cơưk”.

Xav kror đruôz đraz iz shông, Đăk Lắk muôx 6 cxênhz lênhx nênhs trâul đêr tov, mir khơưz tsuv muk cxax yuôx phax tar moz vưv. Txix ciês hâur shôngk shông txos nhiv no, tỉnh muôx 4 lênhx nênhs trâul tuôs tiv moz vưv. Zơưv Đỗ Xuân Dũng, Phưv Giám đốc Sở Kôngz nuv thiêz huôv tsar tox siêz tỉnh Đắk Lắk heik pâuz, qir tiv muôx chôngz lênhx ntâu tus trâul moz vưv phênhv ntâu zos seiz car tsi tâu têx đêr thiêz mir; tsi yuô moz siêz txos cxax yuôx phax phôngz moz vưv, tsuôk tax 37%. Iz chas co, cux tsi uô đrux ntov têx cui tinhv lok seiz car, tsưx phưv đêr, cxax yuôx phax phôngz moz vưv trâu đêr, trâu mir: “Têx lênhx tu zus đêr, mir tsi uô trơưk chei têz qơưk cui tinhv thiêz chiê đêr, mir tov luôs lưv tus mak cơ quan muôx vax huôv zuôr muôz tus tsưr tu zus đêr, mir ntơư tik cêr cxâuv cov txos qơư cui tinhv”.

Lơưr zơưv Nguyễn Thiên Văn, phưv Chủ tịch ủy ban tỉnh Đắk Lắk, chiê txo grêk tsơưs moz vưv huôv xênhz cux li txo grêk tsơưs chor nênhs trâul tuôs viv moz vưv, cxuô ngênhx muôx vax huôv thiêz hâu nov ntơưv qơư tsuv sir jos uô cxuô faz tsưr ziv chiê uô đrux ntov têx chei, cui tinhv lok phax tar moz vưv trơưk li tỉnh hâux lưv tso tơưv: “Heik Ủy ban huyện, thị xã, TP sir jos uô luôs hâux lưv yax kriê, vênhv tôngv tsôngv pêx xênhv gra siêz tsưr ziv jênhv pâuz lok moz vưv têx tsi jông trâu lênhx nênhs. Têx lênhx tu zus đêr, mir tsuv cax yuôx vắc xin phax phôngz moz vưv cxix cxuô trâu têx đêr thiêz mir. Thâuv trâul đêr, mir tov thiêz khơưz tsuv zênhx max muk chuôs cưk yuôx chiê seiz njuôk shuôs, cxax yuôx phax tar moz vưv”.

Đắk Lắk tsênhv zos cheix ntux kruôr gis, zôngx ziv uô trâucaz moz vưv huôv xênhz, têx đêr thiêz mir zôngx ziv trâus cik moz. Chênhr viv li, đros trâu cxuô cơ quan muôx vax huôv têx sir jos, tsôngv pêx xênhv sơưr đơưk tsuv gra siêz tsưr ziv jênhv pâuz lok phax tir thêir chiê txo grêk tsơưs moz vưv./.

VOVTN-Riê Lâux cxeik, nhênhv