Krêz uô đêz đar phongz yaox tas nro tsôngv box por vêv txiv ngaz têz qơưk nhoz thax tsav tsôngv box mênhx cxưx tsơưs nênhs

Ntâu trâur nuv por vêv txiv ngaz têz qơưk muôx chêx cuk tưz tâu krêz uô đêz đar li: Tỉnh Sơn La li “CLB zaoz zux, paz max nênhs uô zuôv cêr tror lok đros côngv thôngx uô nênhx”; tỉnh Lai Châu li “Qơư xênhz huôx tôn giáo taz por txiv ngaz ntơưv jos Giàng Ly Cha; tỉnh Hòa Bình li trâur nuv “Suôz tsưz ngaz tul nhoz Mường Riệc”; tỉnh Nghệ An li trâur nuv “Phax tar tsir têz tsir qơưk tsi trơưk cêr chei”. Heiz kênh lok chêx cuk trâur nuv “Qơư xênhz huôx tôn giáo chiv chir seiz car txiv ngaz” ntơưv huyện Nậm Pồ, tỉnh Điện Biên, zơưv Zax A Pao, lênhx nênhs hâur paz tôn giáo Tin Lành Báp-tít Việt Nam, jos Sam Lang, xã Nà Hỳ, huyện Nậm Pồ heik: “Pêz cxaz chuôz chiv chir seiz car tsi zôngx ziv, cux tsi muôx phênhv paz txưv tul tsi. Taz sik pêz pâuz tiêk zos tsi muôx tuêv chiv chir seiz car no, jos muôx lok six ntâu kror lax car chêx tâu. Thâuv muk car chex cux trâus tsôngv box chêv, lok six phêv liv. Pêz tưz truôx siêz heik trâu tsôngv box, chiê tsôngv box pâuz pêz zos tuêv chiv chir seiz car, pox nhuôs mnôngs, zos huv đros mak thôngx ziv đơưk tu têx luôk hâux lưv siz char, siz pênhr hâur tsôngv box…”

          Lơưr Công an têx tiv phaz li pov cov, thôngz đhâu têx trâur nuv li huôx tôngv, tsôngv box tưz cungz zuôr xar 70 cxênhz xor mông muôx lênhx coaz txos txiv ngaz jêx jos, ntâu xor mông muôx tsiv grê, paz lưx lươngv muôx txơưx jênhv qênhz yuôx, ruôr yênhx côngz 13 cxênhz 300 ntâu txuz hâux lưv, ntês tâu 11 cxênhz 500 ntâu lênhx nênhs…Hâur 5 shông, tsôngv box tưz cxaz chuôz vênhv tôngv nênhs uô cxâuv luk chiz coaz muôx txơưx jênhv jênhv zuk li têx uô cxâuv, ntês tâu 900 ntâu lênhs nênhs phamv cxâuv khiêr gâuv; cxaz chuôz seiz car, zaoz zux, paz 3 cxênhz 700 ntâu lênhx nênhs uô zuôv cêr tror lok đros côngv thôngx nhoz uô nênhx; ruôr por tsês yênhx cxênhz yiv qơư chos zax zênhz…Zos iz lênhx nênhs jông hâur cxaz chuôz phax tar zax zênhz, zơưv Shôngx A Dính, lâuk jos, lênhx txir ndâux txir luk nhoz xã Hang Kia, huyện Mai Châu, tỉnh Hòa Bình pheiz kênh: “Zuk tsuv yax mông trâu zuk tuz nhuôk uô ntêx, zuk tuz nhuôk uô jông mak zuk heik jêx jos lơưr thiêx li mnôngs. Cur kriê mê nhuôk tsi hâuk zax zênhz, tsi uô cxâuv cêr chei…Lênhx tưs muôx zênhs zênhz tsi muk chiv zênhs zênhz mak cur muk txos ciês tsêr vênhv tôngv muk chiv zênhs zênhz; lênhx tưs muôx lênhv nriêr zok ntês cxov mak cur cux đros hluok nênhs, pox niêv, bộ đội lâuk muk yax mông….Muôx têx lênhx muk uô jos, muk lơưr vax tsưr, tror lok tsêr hlơưr por tsês thax đaz, cur ho muk yax mông lơưr tror uô thax đaz txi côngv pos zơưs li kuz, tsi mnôngs lơưr vax tsưr…”

          Têx lênhx lâuk jos, tsar jos, têx lênhx txir ndâux txir luk nhoz têx tiv phaz tox siêz, ntus đriv tưz gôngr phênhv ntâu thâuv yax mông tsôngv box cxaz chuôz côngz xưv por vêv txiv ngaz nhoz ntơưv qơư; por vêv tsưr qênhx têz qơưk, txiv ngaz ntus đriv. Tiv zix zos tsi mnôngs lơưr nênhs fêv li têx luk hâuz zâuv, uô têx hâux lưv tsi trơưk cêr chei têz qơưk, gôngr phênhv ruôr por tsês hâux lưv yênhx lix “ Têz qơưk Hmôngz”, tơưv txênhz cxuôv por tsês tsưr tsix tsi huv cêr chei Dương Văn Minh, vax tsưr “Giê Sùa”, “Bà Cô Dợ”…Zơưv Zax Tsưr Măng, lâuk jos, lênhx txir ndâux txir luk nhoz jos Sam Quảng, xã Mường Lèo, huyện Sốp Cộp, tỉnh Sơn La pheiz kênh: “Cur thâuv tưs cux vênhv tôngv pox nhuôk por vêv truôx tuk ntus đriv têz qơưk, uô trơưk Đảng, têz qơưk li chủ trương, cêr chei. Cur nhoz no tưz tâu 30 shông ntâu, tsi tâu muôx yưv vênhv thix tưs mak thênhv siêz tsuv paz car chêx, cur tôngv vênhx pox nhuôk sik côngv siêz, sik đros huôv tsar cêr uô nox, chiê cxuô chuôz zis muôx txâuk nox, txâuk hnhar; mê nhuôk tâu cơưv ntơưr cxix cxuô, pox nhuôk tsi mnôngs lơưr vax tsưr, sik đros cxiv tsa jêx jos hlôngr yiêz, jông jav”.

          Cxuô tiv phaz, cxuô lưx lươngv công an, quân đội, pênhz phax nhoz thax tsav Tây Bắc tsênhv uô jông côngz xưv dân vận chinhr quyênx, dân vận vũ trang; paz tsôngv box, jê tsôngv box, uô jông hâux lưv taz por txiv ngaz xã hôiv, phuôx huiz chinhz yênhx sik côngv siêz mênhx cxưx, cxiv tsa truôx tul ntus đriv têz qơưk ziv hnuz ziv muôx luz nênhx tsâu sor./.

Lê Hạnh-Txâur Vax cxeik nhênhv

Chôngz lênhx hluôk nênhs tox siêz Lai Châu muôx tsưr ziv huôv tsar uô nox

Xênhz thiêz hloz lox hâur thax tsav tsôngv box heir nênhs Poz Ziz, nhoz huyện Tân Uyên, tỉnh Lai Châu, txix ciês thâuv tsênhv zâu, Phan Thanh Quang nhoz jok sôr 5, thị trấn Tân Uyên tưz nhiêv chos têx tsoz chos, nôngz kôngz yiêz. Đhâu thâuv cơưv tas ngênhx kôngz nuv tror lok ntơưv qơư, Quang tưz qir têk huôv tsar uô kôngz nuv hur đros thiêz têx zav tsoz chos ntông nox txir li: Txir tuôz thox, txir lưk pax, thanh long..... Txos nhiv no txơưv nhiv kruôr muôx 30 ntâu shông, taz sik tix lâus Quang tưz uô tâu 3 xiv huv hur jông tâu côngk nhav zos xiv huv OCOP cấp tỉnh. Tix lâus Phan Thanh Quang heik, txix têx uô tâu yênhx côngz xuz thơưx lok chos têx tsoz chos li heik sâuv, tix lâus tror huôv tsar nzir luôs hâux lưv tu zus tsiêx cxu. Đros thiêz têx pênhr cxênhx txuôs tâu iz kro mê njik, hli 4/2022 tix lâus kêr txeik nzir cuiv nhiêx paz pêx xênhv huôv tsar uô nox iz tyv đeiv chiê cxiv uô qơư tu zus nhux sha mê nhuôv. Txos nhiv no, tix lâus chor nhux tưz vav muôx 150 ntâu tus thiêz tix lâus cêr huôv tsar uô nox co tưz gra lok phênhv sâu tâu 300 tsov đeiv ntâu iz shông đhâu yưx tas têx nhiêx txiêx ntiêr nênhs đros hlêis jâuz puz, tu thiêz sâu đê têx txir ntông: “Xuz thơưx cux phiv liv lok pênhr, tiv 2 zos tsưr ziv, cur muk cơưv lok sâuv kôngz nuv taz sik tsi yuô cơưv jông lok sâuv têx txux chi uô kôngz. Hmôngr jông tâu hâu nov ntơưv qơư paz max, phongx kôngz nuv thiêz đoanx hluôk nênhs tưz paz kriê pêz lok têx tsưr ziv tu zus”.

Đros trâu tsưr ziv xar huôv tsar uô bluô nux xưk tix lâus Quang, 7 lênhx hluôk nênhs Poz Ziz ntơưv xã Mường Mô, huyện Nậm Nhùn (Lai Châu) tưz sir jos huôv tsar uô nox txix têx muôx jông ntơưv qơư li: Pak đêx tênhv. Đhâu thâuv yênhx lix HTX hluôk nênhs Mường Mô, txix têx nênhs cxênhz jê cêr cxơưz paz, chor hluôk nênhs tưz kêr txeik pênhr cxiv uô 15 qơư tu zus njêl, thiêz 2 luz tsêr sâuv blêiv đêx phưx vưv tsôngv kruô ndis shuôs têz qơưk uô si li zoz qơưx tuôx ndis seiz thax tsav thiêz nox hâuk. Têx uô tâu yênhx côngz txix tsưr ziv uô nox yiêz no hâur xã Mường Mô tưz muôz cêr njênhs njôngr thiêz krêz hâu cêr trâu ntâu lênhx hluôk nênhs hâur thax tsav huyện huôv tsar uô nox uô hnar. Tix lâus Lò Văn Duy, nhoz hâur HTX hluôk nênhs Mường Mô heik pâuz: “Pêz trâur nuv huôv tsar uô nox co, thâuv ntêx phiv liv lok qơư sâu zuôr. Taz sik nhiv no pêz tưz muôx nzir têx dịch vụ thiêz muôz chênhr zuk têx xiv huv shuôz njêl ntơư chiê uô phưx vưv kruô tuôx nox hâuk sâuv đêx, viv li cux nhoz khênhr đuô”.

Lai Châu nhiv no muôx zuôr xar 129 cxênhz lênhx hluôk nênhs, tsav 23% jênh sôr hâur tas nro tỉnh, hâur co hluôk nênhs heir nênhs tsơưs tsav xar muôx 86%. Đros trâu cấp uỷ, hâu nov ntơưv qơư txix tỉnh txos ntơưv qơư cêr moz siêz, paz max, muôz jông six hơưv, hluôk nênhs Lai Châu tsênhv jux juk huôv tsar uô nox tâu trơưk têk, tsưr ziv siêz xar sâuv chênhr zuk li qơư nhoz. Iz chas pênhr jos cxơưz paz huôv tsar uô nox uô hnar thôngz đhâu tsưr tsix kriê tsưr ziv uô nuv, chor hluôk nênhs tsênhv tâu piêr kriê tsưr ziv, zok nriêr qơư sâu zuôr xiv huv thiêz.

Ntơưv huyện Than Uyên-thax tsav qơư muôx phôngz yaox hluôk nênhs huôv tsar uô nox uô hâuk tâu jông đuô hur si hâur tỉnh, txix shông 2017 txos nhiv no, Huyện đoanx tưz paz yênhx lix 11 HTX hluôk nênhs, đros thiêz 110 lênhx nênhs cxaz chuôz, uô tâu 11 xiv huv zos hluôk nênhs uô tsưr tax xiv huv hur jông OCOP thiêz ntâu huv jông chiê uô yênhx xiv huv OCOP cấp têz qơưk. Tix lâus Đỗ Văn Tấun, Bí thư Huyện đoanx Than Uyên, tỉnh Lai Châu heik: “Ciês cur cux lok six xar huôv tsar uô bluô nux thiêz vav chiê siêz, hluôk nênhs huyện Than Uyên heik taz, hluôk nênhs tỉnh Lai Châu heik cxuô muôx têx zuôr sir jos huôv tsar uô nox tâu trơưk tsưr ziv, siêz xar. Cxuô lênhx hluôk nênhs zuôr đros Đảng bộ, hâu nov ntơưv qơư, tsôngv pêx xênhv cxuô heir nênhs cxiv tsa tsaz yênhx huôv tsar kinh tế”.

Nhoz kror tưs muôx tsưr ziv jông, car xar car uô, nhoz co muôx hâu cêr muk-cêr chiê siêz, njênhs njôngr ntơư tsênhv tâu hluôk nênhs hâur tỉnh ntus đriv Lai Châu sir jos fuô uô chiê siz zâuv, siz tưr huôv tsar uô nox. Têx luôs hâux lưv uô nox uô hâuk tâu yênhx côngz zos hluôk nênhs nhoz no uô tsưr tưz thiêz tsênhv jux juk khav tinhv cxênhx hluôk nhiv no li tsưr ziv, côngz đas jos paz trâu thax tsav, têz qơưk huôv tsar./.

Khắc Kiên-Riê Lâux cxeik, nhênhv