Uô jông luôs hâux lưv qênhz yuôx yêz muk lol tâus cêr cov truôx tuk hâur têx hnuz zuôr txos tsiêz têz qơưk hâur thax tsav Sơn La

             Nhiv kruôr đhâu, Phongx cảnh sát Zoz thôngz, Công an tỉnh Sơn La txeik tâu đuôz zos pêx xênhv xa tuôx, heik lol 02 lênhx nênhs tsar yêz tsi ntông câuk mov por hưv tâuz hâu, tsar yêz muk chênhr, zôngx ziv uô tsi truôx tuk trâu luôs lưv tus muk lol tâus cêr. Đhâu hlo txeik tâu mông, taz viv tưz qênhz yuôx, xav jênhv 2 lênhx nênhs heik sâuv. Đại úy Ngô Kim Tiến, Phongx Cảnh sát Zoz thôngz, Công an tỉnh Sơn La heik: “Pêz tưz qênhz yuôx shuôs, pâuz tsênhz nênhs thiêz uô ntơưr bluô 02 lênhx tsi ntông câuk mov por hưv tâuz hâu thiêz thâux lênhx nênhs tov kaz tsi ntông câuk mov por hưv tâuz hâu zos pêx xênhv cxeik tâu đuôz xa kriê trâu pêz. Txix ntơư, lênhx nênhs tsar yêz tưz pâuz tsênhz lok zuk cêr cxâuv thiêz chos luk zuôr tsi chiê muôx yưv têx li heik sâuv nzir”.

         Fuô uô luôs hâux lưv tso tơưv lok taz por truôx tuk zoz thôngz kaz shôngk shông, lưv lươngv Cảnh sát Zoz thôngz, Công an tỉnh Sơn La tưz sir jos qênhz yuôx, xưv bluô ntov jông têx lênhx nênhs tsar yêz muk lol tâus cêr tsi trơưk cui tinhv li: Hâuk chơưr bia uô ntêx thâuv zuôr tsar yêz, hâur đros chêr muôx zax zênhz, thâux ntâu lênhx nênhs, ntâu hax huv tsi trơưk cui tinhv.... Đại úy Hồ Anh Dũng, Phongx Cảnh sát hình sự, Công an tỉnh Sơn La, cê zos iz tus hâur tổ côngz xưv 261 uô hâux lưv phax tir thêir têx tsi jông, riêz nênhs tỉnh Sơn La heik pâuz: “Lưv lươngv Cảnh sát hình sự cxaz chuôz tổ côngz xưv 261 Công an tỉnh hux jos đros chor công an zoz thôngz, kinh tế, zax zênhz qênhz yuôx, qênhz shuôs, phax tir thêir têx tsi jông, nênhs fêv uz no chiê tsưx phưv truôx tuk tsiêz têz qơưk Nênhk shông 2026”.

          Ntâu luz yêz meir, yêz lox tâu chor lưv lươngv công an qênhz yuôx, qênhz shuôs đros ntâu cêr cxâuv. Đhâu qênhz yuôx, lưv lươngv muôx vax huôv tưz qênhz pov thiêz xưv bluô iz cxiê lênhx nênhs uô cxâuv li: Tsi ntông câuk mov por hưv tâuz hâu, hâuk chơưr bia uô ntêx zuôr tsar yêz muk lol tâus cêr, tsi muôx cxix ntâuz ntơưr yêz, thâux ntâu lênhx nênhs tsi trơưk cui tinhv, sir zôngv xor tôngx thâuv tsar yêz muk lol tâus cêr.... Luôs hâux lưv qênhz yuôx tâu fuô uô tsênhz mênhx, trơưk cui tinhv, heik lol lênhx nênhs uô hâux lưv têx sir jos, iz chas ntơư paz gra siêz nênhs cheix yêz muk lol tâus cêr tsưr ziv jênhv pâuz uô trơưk chei têz qơưk, chiê sơưr đơưk hâur thax tsav muk lol tâus cêr truôx tuk. Tix lâus lò Văn Tỉnh, nhoz phường Chiềng Sinh, tỉnh Sơn La heik pâuz: “Hnuz no cur uô cxâuv lok sâuv muôx tsi cxix têx ntâuz ntơưr tsar yêz thiêz trâus công an tuôr yêz tsês, tsi puz cheix, cur cux pâuz tsênhz tâu tiêk, zos tsi muôx ntơưr tsar yêz mak tsi tâu tsar yêz muk lol tâus cêr. Cur zuôr sir jos muk thik cov muôx cxix ntâuz ntơưr tsar yêz, thiêx tâu cheix yêz muk lol”.

           Đros trâu sir jos xưv bluô têx uô cxâuv chei têz qơưk cui tinhv, tsi jav, tsi cxêv lênhx nênhs tưs hlo, lok six chôngz lênhx ntâu tus tưz trâus lưv lươngv công an qênhz yuôx thiêz xưv bluô thâuv uô cxâuv. Tsuôk xav ciês hâur 4 hnuz so tsiêz zax lix shông 2026, lưv lươngv cảnh sát zoz thôngz Công an tỉnh Sơn La tưz xưv bluô 670 lênhx nênhs uô cxâuv; hâur co muôx 162 lênhx hâuk chơưr bia uô ntêx thâuv zuôr tsar yêz muk lol tâus cêr, xav hur si nhiêx bluô tas 600 tsov đeiv ntâu.

             Trung tá Phạm Kiên Trung, Phưv tsar Phongx Cảnh sát Zoz thôngz, Công an tỉnh Sơn La heik pâuz: “Lưv lươngv cánh át Zoz thôngz tas nro tỉnh fuô uô luôs hâux lưv qênhz yuôx đrux ntov têx yêz muk lol tâus cêr, hâur co sir jos xưv bluô txos qơư têx cêr cxâuv buôk ti uô yêz siz yar siz tsông tâus cêr, li: Hâuk chơưr bia uô ntêx thâuv zuôr tsar yêz muk lol tâus cêr; tsar yêz hâur đros chêr muôx zax zênhz; tuz nxeik hluôk uô cxâuv chei truôx tuk zoz thôngz; têx uô cxâuv cik txos yêz thâux xa kruô, thâux hax huv muk lol tsi trơưk cui tinhv. Tsưx phưv truôx tổ côngz xưv 261 qênhz yuôx, qênhz shuôs, xưv bluô têx uô cxâuv lok sâuv cheix yêz muk lol tâus cêr thiêz phax tar nênhs fêv”.

          Đros thiêz cxuô lưv lươngv muôx vax huôv têx sir jos sik thôngx siêz, lês uô jông hâux lưv zok muôz, tror tsưx phưv tâu truôx têx yêz muk lol tâus cêr hâur thax tsav tỉnh, tsi muôx li chas yưv siv..../.

Thu Thùy-Riê Lâux cxeik, nhênhv

Ntux yiêz nzor ntơưv tsêr kho moz

           Têx suôz thav, hêik luk đrông ntưk no tsik zos ntơưv iz qơư tsar đrênhk yêz thâux xa kruô hâur têx hnuz jê Tsiêz, mak zos ntơưv Tsêr kho moz chor nênhs lâul-Paz đas jos tỉnh Lào Cai. Paz muôx ntux yiêz lok txos ntơưv yênhx qar kho moz-qơư muôx chor nênhs moz pluôs, mênhx cxưx tsơưs nênhs tsênhv tsuv nhoz chiê kho moz ntêr hnuz. Tsaz yênhx “Ntux yiêz siz hluz – Tsiêz Sor siêz” chênhr zos chor jiês yêz tuôx paz trâu lơưr muôx tâu Tsiêz nzor đuô.

           Pêz luz hli no, pos Lù Thị Bình (xar Phong Hải) li hâux lưv zos muk lok trâu tsêr kho moz chiê sêiz jor tuk txir trâus tuôs chêr. Txoz cxơưx txos nox hnar, yuôx kho moz tưz uô phiv li ntâu txos trâu lênhx pox niêv muôx luz nênhx txos nhêv no, uô trâu pos tsik car xar txos Tsiêz hlo. Taz sik hnuz no, txêik tâu têx hax huv zos chor bác sĩ muôz paz, têx kror cêr cxơưx co xưk tưz grêk tsơưs ntâu: “Uô tsâus tsêr kho moz tưz paz trâu chor nênhs pluôs li pêz muôx tâu Tsiêz cxix cxuô, zos tiêk muk tsêr mak cur cux tsik muôx tsiêz no…”.

           Zos tiêk pos Bình nhiv kruôr muôx oz pêz hli nhoz hâur tsêr kho moz, mak xưk pos Đặng Thị Mai, tsêr kho moz xưk li tưz zos zuk luz tsêr tiv oz. Pir đros pôngz siêz, pos tưz shir phaz đuô thâuv muôx chor bác sĩ sir jos đros paz. Pluôs mor ntux yiêz ciês ntơưv tsêr kho moz tưz paz trâu pos shir phaz thiêz sor siêz đuô: “Tsiêz no zos Tsiêz tiv 4 pos nox tsiêz ntơưv tsêr kho moz, thâuv txos kaz shông tưs cux muôx pluôs mor ntux yiêz trâu chor nênhs moz, uô tsâus chor bác sĩ thiêz nênhs siêz jông ntâu hênhr”.

         Pos Mai têx suôz luôs lok sik pos Bình cêr shir phaz chênhr zos têx kror tsiv gri lox paz cxơưz cxiz chor nênhs uô hâux lưv chơưv kho moz. Đros niêv tix Nông  Thị Hậu thiêz Tôv côngz xưv xar hôiv tsêr kho moz, lơưr tưz tsik zos uô hâux lưv njuôk kho moz xưz, mak sir jos tsik chiê lênhx tưs trâus tso tsês tov kaz: “Tas nro chor nênhs uô côngz xưv xar hôiv li pêz puôr pênhx pov shir phaz thâuv tưz uô tâu têx kror jông trơưk siêz xar, đros sir jos viv pêx xênhv, paz trâu lơưr truôx siêz, sir jos hla cov đhâu ntu phiv liv tiv zix hâur zuk luz nênhx”.

         Ntux yiêz Nênhl shông 2026 tsênhv lok zuôr txos. Tưz tsik zos muôx têx pax txir đuôx, pax mai, ntux yiêz tsênhv muôx nhoz hâur chor nênhs kho moz ntơưv no têx suôz luôs, cêr nênhx shir phaz. Co zos têx kror siêz jông, siz hluz, siz paz chiêz paz cxơưz cxiz, paz muôx cêr shir phaz jông tiv zix trâu sơưr đơưk./.

An Kiên-Lik Thox cxêik nhênhv