Cao Bằng: Chiê txiêz nanv zuôr muôs lênhx nênhs tsik zos têx jêx jok tox siêz li kror cêr cxơưx

           Hli 2/2023, Bôv đôiv Pênhz phax tỉnh Cao Bằng tưz ruôr tâu yênhx côngz chuyên anr CB223p lok kror cxâuv zuôr muôs lênhx nênhs, nênhs trâus muôs zos iz lênhx nhuôv tsik tâu muôx 1 hliz hnuz nhôngs. Lưx lươngv muôx vax huôv tưz cxov tâu Lê Thị Mỹ Lệ thiêz Phạm Thành Sinh (đros nhoz ntơưv huyện Krông Pắc, tỉnh Đắk Lắk). Chor nênhs no trâus cxov thâuv tsênhv sik thav zuôr muôs tuk mê nhuôv no đhâu ntus đriv (nhoz thax tsav jok Tềnh Quốc, xar Cần Nông, huyện Hà Quảng).

            Hli 7/2023, Công an tỉnh Cao Bằng tror ruôr tâu yênhx côngz chuyên anr sôr 623M, chơưv paz tâu oz lênhx pox niêv zos nênhs trâus chor nênhs fêv nziêk đas zuôr muôs lênhx nênhs txix Myanmar lok Việt Nam.

             Phêiz kênh lok qênhx shênhx zuôr muôs lênhx nênhs muôx yưv sâuv thax tsav qơư, niêv tix Hứa Thị Thạch, Chủ tịch Hôiv Liên hiệp pox niêv xar Cần Nông, thị trấn Thông Nông, huyện Hà Quảng, tỉnh Cao Bằng puz pâuz: “Xar Cần Nông zos xar ntux đriv. Qênhx shênhx zuôr muôs lênhx nênhs đhâu ntus đriv mak cux tsênhv muôx yưv sâuv thax tsav, tiv zix zos hâur têx shông đhâu thiêz cux tưz muôx yưv iz oz txuz ntơưv xar. Iz txuz yiêz tiv zix zos thâuv hli 2 shông 2023 muôx iz lênhx nhuôv tuz  nhiv kruôr xênhz zus muôx 16 hnuz nhôngs trâus chor nênhs fêv nziêk đas thiêz muôs muk trâu saz Trung Quốc taz sik tưz tâu chor lưx lươngv muôx vax huôv pov ntơưv ndêx chiv ntus đriv 614 xar Cần Nông. Đhâu thâuv chor nganhx muôx vax huôv pov thiêz cxov tsês mak cur zos Chủ tịch Hôiv Liên hiệp pox niêv xar pâuz tâu xor mông cux tưz muk tsoz phưz ciês tuk nhuôv co ntơưv zênhx Pênhz phax thiêz hêik chor ziv chuôz zis muôx mê nhuôv mok paz têx khâuz ndơưk thiêz paz muôz mik trâu nox thiêz cuiv cxơưz cxiz cơưv ntơưr huyện cux paz 2 triệu đêiv chiê zuôr cuô mik trâu tuk mê nhuôv no nox, đhâu cor chox tuk mê nhuôv no tuôx choz zok trâu Tsênhv qơư paz txưv xar hôiv tỉnh chiê tror tsoz phưz thiêz tu zus”.

                Chiê tir tar chor nênhs fêv no, đrâuv chor lưx lươngv muôx vax huôv li Công an, Bôv đôiv Pênhz phax têx sir jos, hâur kriz uô têx tsênhv njiêz Dưv anr 8 “Uô lơưr pox niêv txir nênhx vax huôv siz luôs thiêz đơưk kho têx vênhv thix trâu pox niêv thiêz nhuôv zâu”, Hôiv Liên hiệp Pox niêv tỉnh Cao Bằng tưz muôx ntâu tsưr ziv yax mông jông. Niêv tix Hứa Thị Thạch, Chủ tịch Hôiv Liên hiệp Pox niêv xar Cần Nông puz pâuz nzir: “Hâur pox nhuôs nho no li jênhv pâuz, mak vênhv thix zuôr muôx têx tuz nhuôs trâu saz têz qơưk đrâur chiê uô jos, zuôr txir saz đrâuv têz qơưk… mak tsênhv muôx yưv. Ntơưv thax tsav qơư pêz cux tsik so yax kriê txos trâu pox nhuôs, txox trâu chor nênhs zôngx ziv trâus nziêk đas muôs pâuz thiêz hêik trâu chor nênhs nziêk đas zuôr muôs lênhx nênhs pâuz tsênhz txos têx kror uô cxâuv thiêz paz gra siêz tâu côngv thôngx li jênhv pâuz, hâur co hâux lưv hêik pâuz chor nênhs fêv li chor nênhs zuk pâuz tsik tsênhz ntơưv thax tsav ntus đriv mak tsuv hêik ciês trâu chinhr quyền lok sik lưx lươngv muôx vax huôv pâuz chiê xưv lik”.

             Lơưr niêv tix Hoàng Trang Định, Chủ tịch Hôiv Liên hiệp pox niêv thị trấn Thông Nông, huyện Hà Quảng, đros zos lênhx nênhs yax kriê, hêik thiêz paz trâu pox niêv, nhuôs zâu trâus nziêk đas muôs tror lok uô nênhx đros côngv thôngx, iz hôiv viên pox niêv zos iz lênhx nênhs yax kriê viên ntơưv thax tsav qơư. Kror no zuôr paz trâu chor nênhs uô côngz xưv yax kriê ntơưv thax tsav qơư yax kriê txos trâu chor pox niêv tsuv tâu paz pâuz tâu ntâu đuô: “Lok côngz xưv yax kriê phax tar zuôr muôs lênhx nênhs mak hâur ntu đhâu cux tâu cấp ủy đảng, chinhr quyền sir jos đros uô. Hâur têx shông đhâu cux muôx iz lênhx hôiv viên trâus đas muôs muk trâu saz Trung Quốc. Thâuv tâu paz tror lok ntơưv qơư nhoz mak lênhx hôiv viên no cux pov txax muôs, taz sik đhâu tâu sơưr đơưk sir jos hêik kriê thiêz paz max mak lênhx hôiv viên no cux tưz truôx siêz tror uô nênhx đros côngv thôngx thiêz sir jos đuô hâur luz nênhx, cxaz chuôz trâu têx hôiv ntơưv thax tsav qơư”.

               Ntu đhâu, Hôiv Liên hiệp Pox niêv tỉnh Cao Bằng sêiz hâux lưv yax mông phax, tar zuôr muôs lênhx nênhs zos iz hâur têx tsênhv njiêz zov chênhr hâur kriz uô pox niêv txir nênhx muôx vax huôv siz luôs thiêz đơưk kho têx vênhv thix cik txos chor pox niêv thiêz nhuôv zâu nhoz tỉnh.

                Lơưr pos Nông Thị Tuyết, Chủ tịch Hôiv Liên hiệp Pox niêv tỉnh Cao Bằng, chiê uô tâu truôx jông têx tsênhv njiêz hâur Dưv anr 8, tiv zix zos yax mông lok phax, tar zuôr muôs lênhx nênhs mak tsuv muôx têx tsưr ziv uô yiêz jông thiêx zuôr uô tâu thiêz gra siêz tsơưr lươngv hâur côngz xưv phax, tar zuôr muôs chor pox niêv, nhuôv nxêik; paz gra siêz chor hôiv viên, pox niêv li jênhv pâuz chiê txo grêk tsơưr têx phiv liv li ntâuk tsiv hâur chuôz zis, zuôr muôs pox niêv, nhuôv zâu.

             Chor tsưr ziv yax mông ntơưv Cao Bằng puz pov têx hlôngr yiêz, xar tơưv nhoz cxuô cấp hôiv, chor canr bôv, hôiv viên pox niêv, tôv yax mông côngv thôngx li txơưx jênhv thiêz sir jos hâur hâux lưv phax, tar zuôr muôs lênhx nênhs, sik côngv têk cxiv tsa paz muôx tâu tênhv qơư uô nênhx ngaz tuk trâu chor pox niêv thiêz chor nhuôv nxêik./.

VOV4-Lik Thox cxêik nhênhv

Cui tênhv lok yưr lir têx hâux lưv muôx lênhx coaz txos xeir nhuôv tuz nhuôv nxeik, hâur co muôx hâux lưv heik kriê nhuôv tuz nhuôv nxeik thâuv tsênhv nhoz hâur niêv plaz

           Tsov lơưr têx grê 98, grê 99, mục 6, yôngx 2, Chính phuv li nghị định số 117/2020/NĐ-CP hnuz 28/9/2020 cui tênhv yưr lir uô cxâuv hành chính lok vênhv thix y tế. Lơưr co, phênhv xưv bluô siz tiv zix zos 3 tsov đeiv, siêz tiv zix zos 20 tsov đeiv; sâu tsês ntơưr tso chei huôx tôngv lok sik tsuv muozo têx chuôz zênhx, yuôx tâu sir zôngv chiê uô cxâuv cêr chei por tsês. Tsênhz mênhx li đrav kaz:

          Uô cxâuv têx cui tênhv lok njuôs siv, xav tênhv nhuôv tuz lok sik nhuôv nxeik thâuv tsênhv nhoz hâur niêv plaz

        Xưv bluô nhiêx txiêx txix 3 tsov txos 5 tsov đeiv đros hâux lưv seiz zeis chiê xav tênhv nhuôv tuz nhuôv nxeik thâuv tsênhv nhoz hâur niêv plaz.

         Xưv bluô nhiêx txiêx txix 5 tsov txos 10 tsov đeiv đros hâux lưv njuôs siv lok sik siêu âm nênhs tsênhv xênhz tuz ci hâur chêr chiê xav tênhv zos nhuôv tuz lok sik nhuôv nxeik, tsi xav têx lênhx nênhs tâu pháp luật cui tênhv txơưr.

           Tsưr ziv xưv bluô cxaz nzir:

          Sâu tsês ntơưr tso chei huôx tôngv, chứng chỉ uô hâux lưv txix 1 txos 3 luz hlik đros hâux lưv uô cxâuv cui tênhv ntơưv khoản 2 Grê no.

Nhạc cắt

          Uô cxâuv cui tênhv lok xeir tsov nhuôv tuz nhuôv nxeik thâuv mê nhuôk tsênhv nhoz hâur niêv plaz

         Xưv bluô txix 5 tsov txos 10 tsov đeiv đros hâux lưv hêv, ntâuk tsiv zuôv lênhx nênhs txơưr zôngv tsưr ziv chiê xênhz zus nhuôk lơưr trơưk siêz xar.

            Xưv bluô txix 10 tsov txos 15 tsov đeiv đros hâux lưv zuôv lênhx nênhs txơưr zôngv tsưr ziv chiê zus tâu mê nhuôk zos nhuôv tuz lok sik nhuôv nxeik lơưr trơưk siêz xar.

            Xưv bluô txix 15 tsov txos 20 tsov đeiv đros iz hâur têx hâux lưv li đrav kaz:

            Heik kriê zôngv yuôx chiê muôx tâu nhuôv tuz nhuôv nxeik trơưk siêz xar.

            Cungz chuôz zênhx, yuôx chiê muôx tâu nhuôv tuz nhuôv nxeik lơưr trơưk siêz xar.

           Nhênhz chơưv têx tsưr ziv chiê muôx tâu nhuôv tuz nhuôv nxeik lơưr trơưk siêz xar, tsi xav têx lênhx nênhs tâu pháp luật tso chei.

            Tsưr ziv xưv bluô cxaz nzir:

          Tsi puz qơư uô cxâuv tror huôx tôngv txix 1 txos 3 luz hlik đros hâux lưv uô cxâuv cui tênhv ntơưv khoản 3 Grê no;

            Tsi puz tror sir zôngv chứng chỉ uô hâux lưv seiz njuôs moz, kho moz txix 1 txos 3 luz hlik đros hâux lưv uô cxâuv cui tênhv ntơưv khoản 3 Grê no.

            Tsưr ziv khưx phưx zos: poz tsês têx chuôz zênhx, yuôx tưz tâu sir zôngv chiê uô cxâuv cui tênhv ntơưv điểm b khoản 3 Grê no.

Nhạc cắt…

             Cxuô lênhx tsôngv box tsuv jênhv pâuz tsênhz cêr chei thiêz tsuv muôx têx luk heik tơưv tsênhz mênhx têx hâux lưv uô cxâuv no, zos pov muôx tsưr tsix, lênhx nênhs tưs uô cxâuv tsuv pov ciês trâu chiz coaz muôx txơưx jênhv lok sik chính quyênx tiv phaz chiê muôx tsưr ziv phax tar. No zos hâux lưv zuôr trâus uô cov huv đros chính sách jênh số, huv đros mênhx cxưx li cêr uô nênhx chax chês jông cux zos gôngr phênhv uô jông côngz xưv jênh số thiêz luz nênhx xã hội./.

Bích Thủy- Txâur Vax cxeik nhênhv