Ntâu tsưr ziv jông cxiv uô cêr muk lol nhoz Lào Cai

Thâuv ntêx, chiê fax thâux hax huv muk lol, tsôngv pêx xênhv nhoz jok Kim Quang, xã Kim Sơn, huyện Bảo Yên, tỉnh Lào Cai tsuv cưr hla đhâu txox cêr hlâu. Taz sik nhiv no, yêz lox muôx têx muk lol tâu txos yênhx ziv chuôz zis pêx xênhv thiêz txos iz cxiê liêx têz chiê thâux xa hax huv, têx kôngz..

Txox cêr ntêr 4 cêik ntâu muk đhâu thax tsav muôx 80 chuôz zis pêx xênhv uô nênhx nhoz tsênhv jux juk paz tsôngv pox nhuôs nhoz tox siêz no hlôngr yiêz luz nênhx. Seiz pov têx jông thiêz muôx liv txix muôx cêr zôngx ziv muk lol, niêv lâul Bùi Kim Dung chuôz zis tưz jông siêz hlo chiv chir muôz zuôr xar iz cxênhz xưv phaz ar têz chiê uô cêr muk lol. Nzir trâu têx co, muôx meir câuk ar, chuôz zênhx, taz viv cxiv uô cêr zuôr paz niêv lâul khơưz kho têx liêx têz cov tiêx jông chos kok ntông, uô kôngz: “Pêz cux xar njôngr cov muôx tâu iz txox cêr chiê zôngx ziv muk lol. Pêz cux shir phaz, jông siêz muôz ar trâu lơưr uô cêr chiê taz por cxiv uô tâu trơưk hâux lưv tso tơưv. Thiêz pêz cux xar cov muôx mê njik ar têz tiêx chiê jông chos kok ntông, ciêv fix”.

Cux xưk li niêv lâul Dung, 40 ntâu chuôz zis pêx xênhv nhoz jok Kim Quang chiv chir muôz ar têz krêz uô cêr cov đar jông muk lol. Muôx kênh ziv lơưr muôz txix 4 cxênhz txos 5 cxênhz xưv phaz ar têz. Zơưv Nguyễn Văn Toản, nhoz jok Kim Quang heik pâuz: Đros thiêz têx chuôz zis muôz ntâu ar, taz viv cxiv uô cêr zuôr paz lơưr khơưz pak njêl, khơưz kuô tsêr lok sik khơưz kho têx liêx têz cov tiêx zôngx ziv muk lol uô kôngz..... Đros trâu tsưr ziv uô li heik co, tsôngv pêx lok six shir phaz, taz viv cux jông siêz viv cxiz uô tâu sei luôs hâux lưv uô cêr muk lol: “Xưk li nhiv no tsôngv pêx xênhv muôz iz cxênhz xưv phaz ar têz mak taz viv cxiv tsa paz khơưz uô cêr trâu luôs muk uô liêx têz, lok sik paz khơưz kho pak njêl trơưk li pêx xênhv tsưr ziv siêz xar, paz khơưz kuô tsêr...., pêx xênhv lok six jông siêz, thôngx ziv”.

Thâuv têx phiv liv lok zuôr ar uô côngz trênhx tưz zok nriêr tâu tsưr ziv đơưk tu, Kim Sơn tưz uô ntêx nyuôs krêz uô têx cêr txix hâur thax tsav muk trâu 2 chas xã, jêx jok chiê zôngx ziv muk lol uô hâux lưv, thâux xa hax huv, kôngz nuv. Zơưv Nguyễn Thành Công, Chủ tịch Ủy ban xã Kim Sơn, huyện Bảo Yên, tỉnh Lào Cai heik pâuz: “Đros thiêz têx chuôz zis pêx xênhv muôx ntâu liêx têz uô kôngz yênhx ha, lar heik zos chos têx ntông lox lok sik lưv zav tsoz chos txơưr đuô, chiê zôngx ziv trâu pêx xênhv muk lol huôv tsar uô nox mak pêz cux tsov cưv trâu têx chuôz zis co uô ntêx. Hâu nov ntơưv qơư thiêz taz viv cxiv tsa tưz uô li chas cov huv đros trâu 2 tos txix ntâu faz tsưr ziv li: Sik pâur côngz đas jos, pâur meir khơưz chiê pêx xênhv muôx jông qơư uô nox, muk lol, pêx xênhv thiêx shir phaz, jông siêz muôz ar têz uô cêr”.

Đros trâu têx tsưr ziv uô, txơưx xar tơưv, têx phiv liv cik txos zuôr ar cxiv uô côngz trênhx tưz tâu xã Kim Sơn đơưk uô tâu jông, luôs hâux lưv cxiv uô têx cêr muk tâu trơưk li tsưr ziv tso tơưv. Chor cêr yiêz heik sâuv zos tsưr ziv krêz hâu cêr trâu tsôngv pêx xênhv hla đhâu cêr pluôs, gra siêz luz nênhx xênhz huôx. Khov co, luôs hâux lưv cxiv tsa jêx jok yiêz cux jux juk uô tiêr nhoz thax tsav tox siêz no./.

CTVVOVTB-Riê Lâux cxeik, nhênhv