Quảng Trị: Sir jos kriz uô têx muôx hâur niêv đêx hiêr

Tror lok đhâu jiês muk ntâuk cxov shuôz njêl ntâu hnuz sâuv đêx hiêr, zơưv Võ Văn Hùng, nhoz khối phố 7, thị trấn Cửa Việt, huyện Gio Linh, tỉnh Quảng Trị ho bax trâu jiês tror muk yiêz. Đhâu ntâu shông muk ntâuk cxov shuôz njel sâuv đêx hiêr, zơưv Hùng ziv chuôz zis tưz muôx tâu luz tàu ntêr muôx 15 thiêr ntâu, công suất muôx 410 CV. Uô ntêx shông 2017, zơưv luz tàu tsuôk ntâuk cxov tâu suôz njêl jê ntơưv ntus xưz. Txix thâuv muk tâu đêz đuô, zơưv Hùng luz tàu cux tưz ntâuk cxov tâu ntâu đuô lơưv. Têx shông jê lok no, khov cxaz chuôz txêik chor pênhr nhiêx paz trâu chor pêx xênhv nriêr nox sâuv đêx hiêr, zơưv Hùng tưz yưv pênhr zuôr nzir têx chuôz zênhx, kho đuô tàu ntâuk cxov suôz njêl: “Cur mak vav tiêk chor bôv, nganhx cik txos muôx nhênhz chơưv nriêr pâuz qơư ntâuk cxov suôz njêl, chêix muôx ntâu suôz njêl. Têx hli tưs zos chêix njêl ntês kê mak hêik kriê trâu sơưr đơưk pâuz tsik ntâuk cxov chuôs tsi, ntâul cxov tsuv lơưr chêix thiêz trơưk qơư, txix co paz trâu pêx xênhv muôx tsưr ziv ntâuk cxov huv đros đuô”.

Oz pez shông tror lok no, pêx xênhv Quảng Triv tsov cưv txos đuô trâu yưv pênhr uô, kho đuô têx tàu cov lox, mêir lox đuô, muk ntauk cxov tâu đêz đuô sâuv đêx hiêr. Chor suôz njêl ntâuk cxov tâu tas nro tỉnh shông 2022 xar muôx 36 cxênhz tấn. Tỉnh Quảng Trị tsik so cxơưz cxiz pêx xênhv muk ntâuk cxov suôz njêl cov huv chêix, huv qơư, tso tơưv ntâu tsênhv chêi paz đơưk tu têx phiv liv, paz trâu pêx xênhv pênhr nhiêx uô têx tàu cov lox đuô, kho đuô têx qơưk đrêk chor tàu, fuôx gox, qơư muôs têx suôz njêl thiêz tsưr tsix têx dịch vụ hậu cần nghề njêl. Zơưv Nguyễn Hữu Vinh, Phưv Giám đốc Sở Kôngz nuv thiêz Huôv tsar jêx jok, tox siêz tỉnh Quảng Trị puz pâuz: “Sở zuôr hêik trâu cxuô cấp muôx vax huôv pâuz kriz uô têx tsênhv chêi lok huôv tsar ntâuk cxov đêz ntus đêx hiêr, cux xưk li tsênhv chêi paz trox yêz trâu chor tàu ntâuk cxov đêz ntus lơưr Thủ tướng Chinhr phuv li Cuêz tênhv 48. Têx tsênhv chêi tưz paz zôngx ziv trâu pêx xênhv cux xưk li chor tsưr têx tàu sir jos uô nox sâuv đêx hiêr chiê ntâuk cxov têx suôz njêl chiê huôv tsar kinh têr xar hôiv, đros trâu por vêv tsưr qênhx đêx hiêr, poz hiêr Têz qơưk thiêz ntâuk cxov suôz njêl cov huv đros tâu truôx jông”.

Tỉnh Quảng Trị nhiv no muôx 2.300 ntâu tàu ntâuk cxov suôz njê lox zâu. Hâux lưv phuôx huiz kror liv lok têx suôz njêl muôx sâuv đêx hiêr, poz hiêr thiêz thax tsav jê đêx hiêr đros por vêv tưz tsik zos muôx tsiv gri zov chênhr hâur huôv tsar kinh têr-xar hôiv, por vêv tênhv qơư mak tsênhv paz por vêv tâu truôx jông tsưr qênhx đêx hiêr, poz hiêr têz qơưk.

Zơưv Hà Sỹ Đồng, Phưv Chủ tịch Ủy ban tỉnh Quảng Trị puz pâuz, ntu zuôr txos, tỉnh tsêx trung sir jos kriz uô, khưx phưx têx phiv liv trơưk Ủy ban Châu Âu hêik pâuz lok phax tar ntâuk cxov têx suôz njêl tsik huv zos lơưr cui tênhv, côngv têk đros tas nro têz qơưk nzor đơưk tu têx phiv liv cik txos chor suôz njêl: “Ntu zuôr txos, tỉnh zuôr tsês ntâu pênhr jos thiêz uô uô cê chor tsaz yênhx tsưr ziv tez qơưk, cux li khov trâu trung ương têx pênhr paz, tror uô cov tiêr cxuô kror cux li têx dịch vụ, cxơưz cxiz paz trâu doanh nghiệp, pêx xênhv chiê yưv pênhr huôv tsar. Tỉnh kho đuô têx dịch vụ trơưk ntus đêx hiêr chiê kriz uô tâu jông cxuô kror liv, cux xưk li paz jông trâu đêx hiêr. Por vev tênhv qơư, huôv tsar cov cxix cxuô, truôx đrênhk lok kinh têr xar hôiv thiêz tênhv qơư”./.

Lê Hiếu-TTMT-Lik Thox cxêik nhênhv

Tox siêz Sơn La lax txu grês qênhx shênhx nhuôv tuz nhuôv nxeik tsi siz bâus

Zuôr xar 30 shông hnuz nhôngs thiêz tưz muôx 3 tul mê nhuôv nxeik, taz sik tix lâuk Zax A Tánh 2 niêv txir nhoz xã Lóng Luông, huyện Vân Hồ, tỉnh Sơn La tsênhv tror muôx tsưr ziv xênhz zus cxaz mê nhuôk. Tix lâuk Tánh heik, luz nênhx tsênhv txov nhêv, txơưv pâuz tiêk muôx chôngz mê nhuôk zuôr khưr thiêz txov nhêv đuô, taz sik chuôz zis cux xar zus tâu iz tul nhuôv tuz chiê tov kaz no uô đaz kruô: “Têx jiês tsênhv zuôr xênhz zus nzir iz tul nhuôv tuz, tsês 2,3 shông thiêz thiêx zus cxaz. Pêz Hmôngz mak tsi muôx nhuôv tuz cux khưr, zos zus iz huôv puôr lênhx zos nhuôv nxeik cux khưr trâu chuôz zis”.

          Cux muôx siêz xar li ntơưv, niêv lâuk Zax Y Chi, nhoz xã Lóng Luông txơưv tưz 2 jiês xênhz zus mê nhuôk taz sik thâuv tưs cux cxơưx tsi muôx mê nhuôv tuz. Niêv lâuk Chi cux pâuz tiêk xênhz zus chôngz mê nhuôk zuôr uô zênhr shar txos đas jos thiêz khưr thâuv tsoz phưz mê nhuôk, taz sik niêv lâuk cux xar zus iz tul mê nhuôk viv pêz Hmôngz li phongz cxưx cxôngx ntâu cxênhx nênhs lok no zos tsuv muôx nhuôv tuz chiê tov kaz uô đaz kruô: “Zuk zos nhuôv nxeik muk zuôr txir lơưv mak cxơưx tsi tâu trâu niêv txir lok sik tov kaz no uô tsi tâu đaz kruô trâu niêv txir. Viv li tsuv muôx mê nhuôv tuz chiê tov kaz no uô đaz kruô trâu niêv txir. Zos mê nhuôv nxeik mak cux xưk li zuk tsi muôx lênhx tưs uô đaz kruô, pêz Hmôngz mak zos li ntơưv”.

          Zơưv Tênhr A Kháng, cán bộ phưv chuyên trách dân số Qơư y tế xã Lóng Luông, huyện Vân Hồ puz pâuz, têx siêz xar, phongz cxưx, cêr uô nênhx muôx txix nzor co zos iz hâur têx qir tiv uô nhuôv tuz nhuôv nxeik tâu xênhz zus tsi siz bâus nhoz tiv phaz: “Txơưv tưz muôx 2,3 tul nhuôv nxeik lơưv taz sik cux xar zus cxaz mê nhuôv tuz. Viv Hmôngz li phongz cxưx zos li ntơưv, tsuv muôx nhuôv tuz chiê tov kaz uô đaz kruô thâuv niêv txir pôngz lơưv”

          Zos iz hâur têx tiv phaz muôx nhuôv tuz nhuôv nxeik tsi siz bâus siêz tiv zix tỉnh Sơn La, đros 117 lênhx nhuôk tuz sâuv 100 lênhx nhuôv nxeik, nganhx y tế huyện Vân Hồ tsênhv krêz uô ntâu tsưr ziv chiê txu grês qênhx shênhx no, hâur co phênhv ntâu zos tsuv muôz siêz pox nhuôk li jênhv pâuz:

          Zơưv Shôngx A Vưx, Phưv giám đốc Tsênhv qơư y tế huyện Vân Hồ, tỉnh Sơn La pheiz kênh: “Pêz yax mông trâu pox nhuôk pâuz tâu têx zênhr shar thâuv nhuôv tuz nhuôv nxeik tsi siz bâus; kriê cxaz trâu y tế xã, chuyên trách dân số xã chiê chuôz cxaz yênhx tưv, yax mông trâu tsôngv box, txưr tsi xeir nhuôv tuz nhuôv nxeik chiê xênhz zus. Thôngx cxix, sik côngv đros tsêr cơưv krêz têx lớp ngoại khóa trâu shux xênhz lok yênhx tưv xênhz zus nhuôs”.

          Hâux lưv nhuôv tuz nhuôv nxeik tâu xênhz zus tsi siz bâus muôx nhoz ntâu tiv phaz tox siêz, thax tsav tsôngv box mênhx cxưx tsơưs nênhs nhoz Sơn La, zos iz luôs hâux lưv njuôs xav uô muôx yưv qênhx shênhx nhuôv tuz mak muôx chôngz, nhuôv nxeik mak muôx tsơưs hâur ntu tov kaz no./.

Lê Hạnh-Txâur Vax cxeik nhênhv