Pêz Hmôngz huôv tsar truôx têx blêx liêx tơư ntêir jông jav

          Huyện Mù cang Chải nhiv no muôx 7 cxênhz ntâu ha blêx liêx tơư ntêir, nhoz trâu cxuô xã hâur thax tsav huyện. Nhoz siêz 1 txos 2 cxênhz thiêr, têx tsiêx cxu li nhux tưv cux muk tsik tâu txos, taz sik tsôngv px Hmôngz hâur thax tsav co tưz muôz têx thax tsav ar co khơưz, puôz uô tâu cxuô jêk blêx liêx tơư ntêir trâu sâuv têx ntar trôngz. Zơưv Chang Nov Lưv nhoz jos La Phu Khơ, xã Kim Nọi hêik pâuz tiêk: Iz cxiê jêk blêx liêx tơư ntêir yiêz cux tsênhv taz tov tâu kriz uô ntâu jux juk; iz cxiê jêk tưz uô tâu tiêr, tsôngv px sđ siz chos kho cov khor tsik chiê trâu puôk tsuôx. Lar hêik zos tsik chiê cxuô jêk blêx liêx tơư ntêir co trâus kruôr đêx: “Tưz kriz uô tâu cxuô jêk blêx liêx tơư ntêir co, sđ tsuv siz chos côngv đas jos tsưx phưv tsik trâus puôk tsuôx”

          Chiê muôx ntâu cxuô jêk blêx liêx tơư ntêir, nhiv no tsôngv px Hmôngz nhoz Mù Cang Chải tsênhv taz tov sir jos kriz đar nzir iz cxiê jêk blêx liêx, cxaz nzir chêix chiv tsêz chos, iz chas tsêz chos uô oz chiv blêx, tsôngv px cux tsênhv chos iz cxiê zav tsoz chos lur hnuz nhôngs thiêz cxiv kho cxuô jêk blêx liêx-huôv tsar uô du lix, chiê tsôngv kruô tuôx sêiz shuôk txos. Zơưv Yax x shôngx, Bí thư Đảng uỷ xã Kim Nọi hêik pâuz nzir: “Pêz tưz fuô yax kriê txos tsôngv px sđ pâuz, tsik cxoz cxiv uô tsêr trâu hâur têx jeek blêx blêx liêx tơư ntêir tưz tâu njuôk hov uô ntêx. Iz kro thiêz zos têx jêk blêx liêx tơư ntêir co cux tsik tâu jông jav pês tsơưs, tsênhv zuôr tror cxiv kho đuô cov huv đros tsôngv kruô siêz nhiêv”

          Pos Lương Thị Xuyến, phưv chủ tịch uỷ ban huyên Mù Cang Chải cux hêik pâuz tiêk: huyện tưz fuô uô cxuô faz tsưr ziv chiê huôv tsar thiêz tsưx phưv têx qơư di tích cov yênhx iz qơư du lix jông jav, gra siêz tsôngv px luz nênhx. Tsênhz mênhx, tsưx phưv truôx têz qơưs têx blêx liêx tơư ntêir jông jav Mù Cang Chải; cxiv kho đuô iz cxiê jêk liêx cov jông jav huv đros têx cêr nênhx vênhx huôv jông cxôngx nzor, cxơưz cxiz tsôngv kruô tuôx sêiz shuôk: “Pêz cux hêik kriê trâu tsôngv kruô hâur pêz têz qơưs thiêz kruô oz chas têz qơưs pâuz txos cxuô jêk blêx liêx tơư ntêir jông jav hâur thax tsav Mù Cang Chải”

          Hâur têx hnuz no, pêz hêir nênhs Hmôngz nhoz huyện mù Cang Chải cxuô jêk blêx liêx tơư ntêir jông jav, zos iz zav hax huv jông, tsiv grê txuôk đros huôv tsar cêr uô nox thiêz huôv tsar truôx pêz Hmôngz têx txux chi, vênhx huôv jông muôx đros đrêiv hâur luz nênhx tsik chiê pôngz plox./.

                                              Tsu cxêik nhênhv-Đinh Tuấn Tây Bắc

Têx jênhv pâuz chiê phax txar jav nênhs fêv đas nziêk nox đhâu mạng xã hội

Đas nziêk nox đhâu mạng xã hội zos têx nhiv kruôr muôx yưv hâur iz ntuk jê lok no, tsi thôngx li têx tsưr ziv đas nziêk txơưr đuô thiêz lơưr chor nênhs fêv co muôx têx uô li heik ntơư nhoz cxuô thax tsav qơư đêz đar. Têx lênhx tiz nênhs no, lơưr lok six txơưx sir zôngv têx mạng xã hội, txơưx jêik uô lênhx nênhs zôngv muôx têx pâuz  tsi tâu lơưr tsưr ziv đas nziêk. Iz chas ntơư, tsôngv pêx xênhv nhiv no ho tsi yuô tâu muôx têx txux chi tsưr ziv jênhv pâuz, lar heik tsôngv box cxuô heir nhoz têx thax tsav tox siêz đêz đrôngs  li tỉnh Sơn La, viv li lok six phiv liv trâu công an hâur buôk ti, đơưk tu txuz nuv li heik co.

Trơưk li Trung tá Nguyễn Xuân Thủy, Đội tsar đội Cảnh sát qênhz yuôx têx nênhs fêv uô cxâuv chei têz qơưk, Công an huyện Mai Sơn (Sơn La), chor nênhs zôngx ziv trâul têx lênhx nênhs fêv heik sâuv đas nziêk đhâu hâur mạng xã hội zuôr zos têx lênhx li: Tsi yuô pâuz thôngz lok têx sâuv mạng xã hội (lơưr khênhr heik zuk, chuôz zis  têx mông, qơư nhoz, qơư uô hâux lưv….trâu luôs lưv tus pâuz thâuv sir zôngv mạng xã hội); têx lênhx zôngx ziv njênhs lok têx tsi muôx tsênhz tiês lơưr khênhr tso thiêz heik trâu sâuv mạng xã hội; têx lênhx muôx txux chi thiêz lês uô têx hâux lưv lox, zov chênhr uz no li: Tuôr nhiêx txiêx….. Thâuv chor nênhs fêv xar đas nziêk, lơưr khênhr zok nriêr, tâus cov pâuz tsênhz lol zuk tiz nênhs, hâux lưv uô, qơư nhoz, têx zuk tsi yuô chênhr phax chiê đas nziêk; lơưr cux uô têx paz, siz tuôr hâur uô iz tsưr ziv đas tiêk, lơưr tsênhv uô cxâuv chei têz qơưk, zos tsi muôz, tsi heik mênhx têx mông mak zuôr heik, zuôr pênhr trâu cơ quan lơưr tsênhv uô hâux lưv ntơư pâuz lok têx nuv lơưr tsênhv uô cxâuv co….

Cux trơưk li Trung tá Thủy, lưv lươngv Công an buôk ti têx mông li heik sâuv đros chor cơ quan txơưr đuô li: Tsêr nhiêx, công ty viễn thông…..tsênhv yuôr trâul ntâu; têx mông heik pâuz tsênhv kênhz, uô tuôr thênhv txos six hơưv, hnuz nhôngk xav jênhv, muôz têx xor mông uz no chiê phưx vưv trâu hâux lưv qênhz yuôx, đơưk tu têx txuz nuv co. Txos thâuv pâuz tsênhz lok têx nênhs fêv co mak têx mông ho kênhz li ntơư, viv li lơưr muôx têx tưz muôz chuôz zênhx, têx uz no phưx vưv tsưr ziv đas nziêk nox tsi trơưk chei li co por tsês tas. Iz chas ntơư, ho muôx moz gênhk huôv xênhz ntêr thiêz phiv liv cux iz phênhv tưs uô tuôr thênhv txos hâux lưv qênhz yuôx, xav jênhv têx txuz nuv no.

Chiê phax tir their chor nênhs fêv đas nziêk nox đhâu hâur mạng xã hội, tsôngv niêv txir lax pêx xênhv sơưr đơưk tsuv lok six chênhr phax thiêz seiz shuôs jông, tsơưs heik li uz li no lol zuk lênhx tiz nênhs trâu sâuv mạng xã hội, seiz shuôs jông têx mông uô ntêx thâuv zuôr muôz tso sâuv têx mạng xã hội. Thâv pâuz tiêk, zuk trâul luôs lưv tus đas nziêk sâuv mạng xã hội mak zênhx max heik trâu cơ quan Công an nhoz jê co yax chiê sik đros phax tir their, đơưk tu.

Txix qênhx shênhx chor nênhs fêv đas nziêk nox đhâu Interet thiêz mạng xã hội tsênhv phiv liv li nhiv no, Giám đốc Công an tỉnh Sơn La tưz chox kriê têx taz viv công an hâur tỉnh sir jos uô luôs hâux lưv yax kriê lok chor nênhs fêv li tsưr ziv đas nziêk đhâu sâuv mạng xã hội chiê pêx xênhv, lar heik zos tsôngv niêv txir lax pêx xênhv nhoz tox siêz đêz đrôngs pâuz tsênhz thiêz đros chênhr phax, txar jav tsi trâul nênhs fêv đas nziêk. Chor taz viv công an tỉnh lês car uô đreiv têx hâux lưv phax tir their nênhs fêv li heik co nhiv no cux tsênhv sir jos uô hâux lưv qênhz yuôx, qênhz shuôs chiê zênhx max qênhz pov, đơưk tu têx tsi jông li heik sâuv, muôz chor nênhs fêv tik cêr cxâuv cov txos qơư, lar heik zos têx nênhs fêv đas nziêk đhâu hâur mạng xã hội.

Nhạc cắt

Hâur shông 2021, ntơưv thax tsav tỉnh Sơn La tưz qênhz pov, qênhz yuôx, uô tsênhz mênhx 32 txuz, 40 lênhx nênhs, xav hur si têx chuôz zênhx trâul chor nênhs fêv đas nziêk ntơư tas muôx 19 tyv đeiv ntâu; hâur co, tưz xơưz xưv 28 txuz, 38 lênhx nênhs, xưv bluô hành chính 2 txuz, 2 lênhx nênhs. No zos têx tâu cơ quan muôx vax huôv qênhz pov, ntêk cxov tâu thiêz qênhz yuôx đhâu tsôngv pêx xênhv têx mông heik pâuz. Tsênhz tiês, tsênhv yuôr lok six ntâu lênhx pêx xênhv trâul đas nziêk li heik sâuv, taz sik tsi heik trâu cơ quan muôx vax huôv pâuz./.

(CTV-VOVTB-Riê Lâux cxeik, nhênhv)