Nôngx cxênhz yiêz nhoz tox siêz Thuận Châu

Tuôx txos xã Tông Cọ, huyện Thuận Châu, tỉnh Sơn La têx hnuz no, zôngx ziv pov nôngx cxênhz nhoz xã no muôx têx hlôngr yiêz jông, đros têx txox cêr bê tông muk thôngz xã, jêx jos muk lok muôv muôs zôngx ziv đuô, paz kinh têr huôv tsar; têx thax ar, tox trôngz đo nhiv no tâu chos njuôz jông đros têx zav ntông nox txir, tsoz cà phê...

          Tix lâuk Lò Văn Toan nhoz jos Thúm Cáy, xã Tông Cọ puz pâuz: Txix thâuv qir krêz uô tsaz yênhx têz qơưk cxiv tsa nôngx cxênhz yiêz, chuôz zis tưz sir jos uô lơưr, gôngr ar uô cêr, chaz tsiêx cxu muk cơư đêz tsêr nhoz; thôngx cxix zôngv KHKT yiêz lok tsêz chos, tu zus. Nhiv no, chuôz zis muôx paz nhux đas zos 25 tul, 2 hecta ar chos cà phê, poz cưk, kok ntông, tso lok phênhv sâu zos zuôr xar 400 tsov đeiv iz shông:“Nhiv no cur chuôz zis thiêz têx ziv chuôz zis txơưr tưz muôx ntâu hlôngr yiêz, por li sir jos tax ploz tsênhr tso tơưv  thiêz sik đros cơưv shâuv huôv tsar KTXH. Nhoz nôngx cxênhz puôr lênhx uô lơưr KHKT lơưr Đảng, xã li tsưr ziv tưz yax mông thiêz cơưv shâuv chênhz zênhv chiê sik đros huôv tsar”.

          Chiê phuôx huiz đas jos cxiv tsa nôngx cxênhz yiêz, chinhr quyênx xã Tông Cọ tưz phuôx tôngv têx phongz yaox sik côngv đas jos cxiv tsa nôngx cxênhz yiêz; hnuz thứ 7 ndar txos cơ sở; tsưr tsix têx jiês muk kho đuô njưk đêx cưx đês, zaoz thôngz... Txix co, jênhv tâu cán bộ, đảng viên thiêz tsôngv box li thôngx ziv uô lơưr. Chôngz tsôngv box cxaz chuôz gôngr ar, txưv zênhv gôngr nhiêx txiêx, hnuz côngz uô cêr zaoz thôngz muk lok, tsêr vênhx huôv, qơư thiv thao... Hâur shông 2021, xã tưz huiz tôngv tâu zuôr xar 320 tsov đeiv. Zơưv Lò Minh Huệ, Chủ tịch UB xã Tông Cọ, huyện Thuận Châu puz pâuz: Txos nhiv no xã tưz tax 16/19 ploz tsênhr cxiv tsa nôngx cxênhz yiêz. Jông siêz txix têx yênhx tix tax tâu, tas nro cán bộ, tsôngv box hâur xã tsênhv sik đros truôx siêz cxiv tsa xã tax ploz tsênhr nôngx cxênhz yiêz hâur shông no:“Lênhs tov xã tưz yax mông, vênhv tôngv pox nhuôs chiê pox nhuôs thôngx ziv paz thiêz sik đros cxiv tsa nôngx cxênhz yiêz. Taz sik muôx iz ploz tsênhr nhiv no lok six lax uô tâu, co zos ploz tsênhr lok phênhv sâu, viv li cấp ủy, chính quyênx xã tưz chêx chôngk lênhs tov, chox kriê pox nhuôs zôngv KHKT lok tsêz chos yênhx hax huv chiê uô li chas cov phênhv sâu taz por luz nênhx, sir jos hla đhâu cêr pluôs thiêz uô bluô nux truôx vênhs”.

          Têx hnuz hâur shôngk shông yiêz Tsor shông, đảng bộ, chính quyênx thiêz tsôngv box xã nôngx cxênhz yiêz Phổng Lái, huyện Thuận Châu tsênhv shir phaz gôngr côngv đas jos chiê cxiv tsa xã tax nôngx cxênhz yiêz muôz siêz. No zos hâux lưv coaz tsôngv chiê Phổng Lái sir jos yênhx thax tsav kinh têr tsênhv hâur huyện. Zơưv Shôngx A Mang, Phưv chủ tịch UB xã Phổng Lái, huyện Thuận Châu puz pâuz: txos tas shông 2021, Phổng Lái tưz muôx 10 sâuv 17 ploz tsênhr tax nôngx cxênhz yiêz muôz siêz. Chiê tax têx ploz tsênhr tsênhv yuôr, tiv zix zos ploz tsênhr kinh têr, phênhv sâu, nhiv no Phổng Lái tsênhv sir jos chox tsoz yuôx zêx lok tsiv uô lơưr saz hữu cơ, krêz đar hâux lưv heik kriê xiv huv yuôx zêx Phổng Lái...Đrâuv co zos tror vênhv tôngv tsôngv box chox têx tsoz chos, tsiêx tu zus huv đros lok chos thiêz tu zus, tiv zix zos huôv tsar têx trâur nuv kôngz nuv zôngv công nghệ siêz:“Pêz cux tsênhv yax mông, chox riê têx jêx jos chiê sir jos yax six kho đuô uô li chas taz por têx ploz tsênhr tưz tax tâu, đhâu co muôz siêz đuô thiêz”.

          Đros têx sir jos truôx tul txix cxix luôk chính trị, đhâu 11 shông krêz uô, THuận Châu txos nhiv no tưz muôx 2 xã tax nôngx cxênhz yiêz; fênhx pheiz tax 10 ploz tsênhr iz xã, tsi muôx xã tưs tax tsơưs đuô 5 ploz tsênhr; 98% chor ziv chuôz zis tâu zôngv tênhv tênhz têz qơưk; 90% jênh số tâu zôngv đêx xênhz huôx huv vêv xênhz. Zơưv Trần Hữu Hùng, Tsar phongx kôngz nuv thiêz huôv tsar nôngx cxênhz huyện THuận Châu, Phưv tsar Ban chox kriê tsaz yênhx cxiv tsa nôngx cxênhz yiêz hâur huyện puz pâuz:“Pêz tsênhv uô uô cê tas nro têx pênhr jos, tiv zix zos muôx lênhx coaz txos côngz xưv xã hội hóa, uô li chas chiê pox nhuôs sir jos cxiv tsa nôngx cxênhz yiêz”.

          Txơưv tsênhv yuôr ntâu phêv liv, taz sik đros Đảng bộ, chính quyênx thiêz tsôngv box têx mênhx cxưx li chinhz yênhx sik côngv siêz, njênhs njôngr Đảng, têz qơưk li chủ trương, cêr chei, huyện tox siêz Thuận Châu tsênhv sir jos tưr thik, yênhx trus uô tiêr têx ploz tsênhr cxiv tsa nôngx cxênhz yiêz, taz por truôx vênhs./.

(Trấn Long-Txâur Vax cxeik nhênhv)

Pái tòng-zos hâux lưv zov chênhr hâur mênhx cxưx Cho Khâu ntênhk yôngz cok

Mênhx cxưx Cho Khâu li phôngz cxưx pê pox côngz zơưv côngz tâu piz uô txix thâuv 7 six txos 12 six iz tas hmo hâur hnuz nox yôngz. Chiê bax trâu kror hâux lưv pê pox côngz zơuv côngz no mak tos tuz chuôz zis zuôr tsuv bax iz luz trôngx muôx plâuz câuv, txơưz ndax trâu luz thax txi côngv pox côngz zơưv côngz. Pêz câuv trôngx saz pêv thiêz oz saz trôngx muôx pêz luz tos ntêr. Sâuv luz trôngx muôx iz ntiv cxur lox, cxok oz trêr pax sâuv luz ntiv cxur co; iz ntiv grêix buô hâu, oz luz têik lox; txix 8-10 txưv trơưs, 8-10 luz piz hâuk chơưr; 100 luz njiêr cưk. Saz đrav luz trôngx tâu puô iz chor nhar blêx, sâuv chor nhaz blêx puô oz đêiv lêr zâu, oz đêiv pav taz muôz têik uô iz kror zâu tso trâu ntơưv kror qơư tuk tuz thiêz tuk nhaz zuôr lok pê.

Uô ntêx thâuv zuôr uô kror hâux lưv no, tos tuz chuôz zis xêir tsov 12 lênhx nhuôs tuz tsik tâu muôx 12 shông lok jâuv iz ndis luz trôngx no. Chor nênhs ntâuk trax piz ntâuk trax, yuôx trax, chor nhuôs tuz no cê uô têx kror li hâuk chơưr, nox grêix, cê thav luk đror cov muôx yưv cêr lov jêv shir phaz hâur ntênhk nox yôngz. Chor suôz trax tâu ntâuk tas thiêz yuôz tas, chor nhuôs tuz co thiêx sơưr mus tas. Thâuv no mak thiêx kho tsôngk yo trâu oz tuk tuz nhaz. Pos Tẩn Mý Xoang, nhoz xar Tả Phìn, huyện Sìn Hồ puz pâuz: “Đros chor tsôngk yo uô yôngz tưz hnar, tuk nhaz tsênhv muôx nzir oz đêiv ntâuz liêz câur txix oz saz xuz pưs lok khi trâu oz saz kror tso. Iz đêiv ntâuz liêz lur zôngv chiê câur luz đuôr ntơưv xuz ntiês muk khi trâu saz đraz kâuv thiêz đâur chor tư ntâu co trâu hâur co tơư. Tuk tuz mak hnar nzir iz luz yo muôx njil njuôz ntêr zuôr txos hâur co tơư thiêz luz chêr cux tâu câur chor ntâu liêz iz zav li tuk nhaz, sâuv tâu hâu câur nzir iz txox ntâuz liêz rêik đros iz luz pax ntơưv hâur pliêx. Tuk nhaz mak ntông iz luz câuk mov đêi ntâu zav xor thiêz pax ntâu jông jav”.

Đhâu thâuv hnar tsôngk yo trâu tuz nhaz tiêr, oz tuk tuz nhaz iz lênhx nênhs tuôr iz txox fuôv nzuôr muôs yiêz, tuk tuz sơưr saz lâux thax txi côngv, tuk nhaz mak sơưr iz saz tuk tuz, oz saz muôx oz tuk nxêik niêv gâux njuôz, tas nro sơưr tis trâu saz pêv thax txi côngv. Oz tuk gâux njuôz no mak sơưr chiê tuk nhaz khơưv oz saz xuz pưs chiê cxok châus thiêz sơưr trơưk chor jiês tuk tuz pê pox côngz zơưv côngz. Hâur mênhx cxưx Cho Khâu li kror hâux lưv pê pox côngz zơưv côngz no mak nênhs chox luk zos lênhs nênhs lok six zov chênhr thiêz zos lênhx nênhs pâuz txos kror hâux lưv pe pox côngz zơưv côngz no. Nênhs chox luk tsuv jâuv ntơưv iz saz luz trôngx sêiz shuôk pê pox côngz zơưv côngz txix thâuv piz pê txos thâuv pê tas li: Hu sơưr đơưk lok jâuv ntơưv iz saz luz trôngx chiê tuz nhaz pê…Zơưv Tẩn A San nhoz xar Phăng Xô Lin, huyện Sìn Hồ puz pâuz:“Pê pox côngz zơưv côngz mak tsik jông xưk li pê hâur uô đaz uô kruô. Thâuv pê pox côngz zơưv côngz hâur yôngz cok no mak: tuk tuz xuôk cxêik têk xik tuôr iz txox fuôv nzuôr muôs, oz cxêik têk shaz ndax trâu oz saz thiêz lêv tror lok trâu ntơưv hâur siêz, yêv jux juk trâu sâuv hâur pliêx khôngr hơưv thiêz tror sơưr, hok cxok châus pê cux uô li co. Tuk tuz sơưr khôngr hoưv thiêz cxok châus pê li co pêz jiês, hok tuz nhaz lok cux tsuv cxok châus thiêz sơưr li co đros tuk tuz. Sơưr thiêz cxok châus pê pêz jiês li co mak tâu xav tiêk zos iz jiês pê trâu iz lênhx nênhs jâuv pêv trôngx”.

Thâuv piz pê mak jiês xuz thơưx zos pê pox côngz zơưv côngz, pos zơưs. Tuk tuz thiêz tuk nhaz tsuv pê li co sha jiês. Jiês tiv oz zos pê niêv txir thiêz niêv têik zơưv txir, nênhs chox luk thiêz lưv mê côngz, tuôv mê côngz, chor nênhs muk uô yôngz. Xav txix no muk mak chor jiês pê tâu xav trơưk lênhx nênhs muôx njêx muôs jâuv ntơưv luz trôngx co. Tuk tuz nhaz sơưr hơưv pêz jiês thiêz cxok châus pê pêz jiês mak  tâu xav tiêk zos pê trâu iz lênhx nênhs. zôngv chor njiêr poz cưk sâuv luz trôngx chiê suôr trâu chor jiês pê co. Thâuv pê tas mak chor nênhs tâu pê zuôr muôz têx khôngv plis paz trâu tuk tuz nhaz co tso trâu sâuv luz trôngx. Lơưr co zos pê chor cưr tix nênhs tsa, tsôngv kruô, têx fôngx zưs sơưr đơưk…taz sik chor nênhs zuk pê co mak tsuv muôx pox niêv lok sik muôx txir tas lơưv mak thiêx tâu pê.

Thâuv pê tiêr mak oz tuk tuz nhaz co thiêx tâu muôz tik uô yênhx niêv xir. Muôx luk kriê oz niêv txir muk uô nênhx tsuv pâuz ndo txos pox côngz zơưv côngz, pos zơưs, niêv txir luz txiêx njis, sir jos khưr uô nox. Phôngv oz niêv txir muôx tâu iz luz nênhx jông, shir phaz thiêz huôv vav…

Mênhx cxưx Cho Khâu nhoz Sìn Hồ li phôngx cxưx pê pox côngz zơưv côngz, sơưr đơưk zos muôx tsiv gri li co; viv li tâu pox nhuôs tuôr tsês chiê jông thiêz cux zos iz kror tsuv tâu uô truôx jông hâur tsôngv box li têx ntênhk yôngz cok./.

(Chẻo Thu-Lik Thox cxêik nhênhv)