Nriêr tsưr ziv trâu pêx xênhv tox siêz uô bluô nux

Tix lâus Muôk Xênhv Zax, hêir nênhs hmôngz nhoz jok Khấu Ly, xar Bản Mù, huyện Trạm Tấu, tsưr ziv txiêr jâuz tâux, vâuv uô zav nox trâu nhux, tưv tsênhv tâu tu zus cơư jông hâur têx guôx, chôngz lênhx nênhs cux xar tsik txos hlo. Viv thâuv ntêx no hêir nênhs Hmôngz tsuôk sưv đros trâu tu zus tsơưs thiêz tso yar xưz.

Tix lâus Muôk zos nênhs guôs, sir jos thiêz thâuv pov tâu tu zus nhux, tưv chiê sha mê nhuôv thiêz zus cơư hâur guôx huôv tsar jông đuô tu zus tso yar, tix lâus tưz sir jos hlôngr yiêz đuô tu zus. Tix lâus Muôk cux tâu paz nzir phênhv nhiêx 30 triệu đêiv pênhr nhiêx lơưr Hôiv đôngx  tỉnh Yên Bái li Nghị quyết 69.

Nhiv no, hâux lưv tu zus lơưr tsưr ziv cơư hâur guôx, tsik tu zus tso yar ntâu li no tưz paz muôx nzir phênhv sâu muôx 200 triệu đêiv iz shông trâu tix lâus Muôk chuôz zis:

“Têz qơưk paz li no mak cur chuôz zis zuôr sir jos khưr uô nox. Thâuv tưs hâur guôx cux muôx 7 txos 10 tuk nhux tưv. 6 luz hli nhiv kruôr đhâu mak xav oz niêv txir iz lênhx cux tâu 8 triệu đêiv”.

Zơưv Chang Xênhv Zax, Chủ tịch Ủy ban xar Bản Mù, huyện Trạm Tấu puz pâuz: Iz chas chor tsưr zis tu zus xưk li tix lâus Muôk ziv chuôz zis, xar tsênhv sir jos hêik pêx xênhv nriêr tsưr ziv yiêz chiê kriz uô nox hâur kôngz nuv, paz muôx tâu kinh têr siêz đuô thâuv ntêx:

“Muôx lok six ntâu ziv chuôz zis hla đhâu cêr pluôs txix tu zus tsiêx cxu. Tas nro chor tsiêx cxu hâur xar muôx 8000 ntâu tuk, hâur co nhux tưv zos 300 tuk”.

Zos huyện tox siêz tsênhv yuôr ntâu kror txov nhêv đros xar muôx 80% zos tsôngv box mênhx cxưx Hmôngz uô nênhx nhoz, ntu đhâu, Trạm Tấu tưz muôx ntâu tsưr ziv txơưx uô nox, sưv jê đros pêx xênhv, sưv jê đros cxuô thax tsav qơư chiê muôz Đại hôiv Đảng cxuô cấp têx Nghị quyết lok uô hâur luz nênhx. Lơưr co, đhâu ciês thâuv têx Nghị quyết tâu tso tơưv, chor đảng bộ hâur Huyện ủy tưz kriz uô ciês yênhx têx tsaz yênhx, tsưr ziv tsênhv tsênhz. Zơưv Lò Văn Chiến, Bí thư Đảng ủy xar Trạm Tấu puz pâuz: Lênhx tov xar nriêr pâuz tsênhz thax tsav qơư, yênhx ziv chuôz zis chiê muôx kruôz kriê, paz uô cov huv đros, jông tiv zix chiê tsôngv box pâuz thiêz uô trơưk:

“Pêx xênhv pov tâu huôv tsar kinh têr ntơưv thax tsav qơư mak pêx xênhv uô trơưk lok six jông”.

Đros tsưr ziv siêz tiv zix zos gra siêz phênhv sâu trâu pêx xênhv, huyện Trạm Tấu tưz thiêz tsênhv tsêx trung kriz uô hlôngr yiêz nganhx kôngz nuv lơưr saz gra siêz tsiv gri chuôz ndê thiêz huôv tsar truôx đrênhk. Txos nhiv no, huyện muôx 8 hax huv tâu côngz jênhv zos hax huv OCOP; muôx iz doanh nghiệp uô yuôx zêx, 10 ntâu hơp tác xã dịch vụ kinh doanh thiêz 90 tôv sik côngv uô nox hâur kôngz nuv. Thôngx cxix cxiv tsa yênhx côngz dự án sik côngv chos chor kok tsư ha, 42 qơư tu zus lơưr saz hax huv jông hữu cơ.

Tix lâus Thox Xênhv Zax, Bí thư Huyện ủy Trạm Tấu puz pâuz: đhâu xar muôx 2 shông kriz uô Nghị quyết Đảng bôv tỉnh jiês tiv 19, huyện Trạm Tấu tưz kriz uô truôx jông, uô yênhx têx kror hâux lưv tsênhv tsênhz chiê paz ciês trâu pêx xênhv uô bluô nux sâuv zuk qơư nhoz:

“Pêz zuôr tror sir jos, paz trâu cxuô thax tsav qơư thiêz uô tsênhz mênhx đuô, phêiz côngz trâu yênhx lênhx nênhs, yênhx kror hâux lưv, uô chak cux zuôr uô tâu jông tỉnh li têx Nghị quyết”.

Tsôngv box tox siêz Trạm Tấu nhiv no tưz tsik zos tsuôk pâuz uô bluô nux trâu chuôz zis mak tsênhv pâuz sik côngv hâur uô  nox, sik paz hâur uô nox chiê cxiv tsa jêx jok tsâu sor, shir phaz ciês sâuv thax tsav tox siêz Tây Bắc no./.

(Đinh Tuấn-Lik Thox cxêik nhênhv)