Thax tsav trâus ntux nas ruôr hiêv Việt Hồng shir phaz tok tsiêz yiêz

          Têx hnuz zuôr txos tsiêz têz qơưk, pos Hà Thị Khang nhoz jos Nả, xã Việt Hồng, tỉnh Lào Cai luz tsêr yiêz đar 100 yiv ndis nhiv kruôr tâu cxiv uô tiêr lok six jông.

          Kuôk nor 3 luz hlik tov ntêx, iz jiês tox poz zov chênhr muôx yưv hâur cheix ntux lok nas tưz uô pos tul txir trâus tuôs. Ntu co pos Khang đros têx mê nhuôk tsi nhoz tsêr viv li môngr jông tsi trâus uô chas.

          Đhâu cêr pôngz siêz co, pos Khang chuôz zis tưz njiz lok six ntâu phêv liv, cê muôx tul txir trâus tuôs, cê tsi muôx tsêr nhoz, tsi muôx chuôz zênhx chuôz tas sir zôngv. Txix qênhx shênhx co, chính quyênx tiv phaz tưz ciêr chênhr cungz ar têz, paz pos Khang chuôz zis cxiv uô tsêr yiêz nhoz.

          Pos Khang puz pâuz, đrâuv 80 tsov đeiv txix têz qơưk paz thiêz 100 tsov đeiv txix têx lênhx nênhs siez jông paz, chuôz zis cux tưz tâu cưr tix nênhx tsa thiêz tsôngv pox nhuôk hâur jos sik côngv đas jos paz chiê nzor uô tiêr luz tsêr, tsi taz muôx qơư their ntux yar ntux nas, mak tsênhv paz lok chinhz yênhx lok six ntâu trâu pos têx chor niêv tuz tso siêz nox Tsiêz yiêz, yênhx trus tror cxiv kho luz nênhx yiêz: “ Uô tsâus ntâu txos têz qơưk, têx lênhx nênhs siêz jông tưz paz max, cur chor niêv tuz cux pov tso siêz đuô lok six ntâu”.

          Tsar jos Nả, xã Việt Hồng zơưv Nguyễn Văn Thôi lok six shir phaz thâuv pov têx ziv chuôz zis trâus zênhr shar tiv ntux nas nhiv no tưz tâu txar muk nhoz qơư yiêz uô ntêx thâuv txos Tsiêz yiêz. Têx chuôz zis tâu cxiv uô buôk jê uô cê, zôngx ziv muk lok xênhz huôx, tsiv uô kôngz nuv thiêz sik đros paz max hâur luz nênhx. “ Hâur jos Nả phênhv ntâu pox nhuôk huôv tsar chos jôngr, uô kôngz  nuv, cux muôx ntâu lênhx nênhs muk uô hâux lưv ntơưv têx công ty phênhv sâu truôx tul. Hâur shông 2026 no, txơưv pox nhuôk nhiv kruôr trâus ruôr hiêv hnhar tiv ntux nas taz sik pêz tror vênhv tôngv pox nhuôk huôv tsar uô tu zus, chos jôngr, tiv zix zos têx mênhv chêx shôngz Bát độ...”

          Zơưv Nguyễn Tiến Chiển, Chủ tịch UB xã Việt Hồng, tỉnh Lào Cai puz pâuz, coz nas chuô số 10 shông 2025 uô ntux lok nas lox, tưz uô 2 luz tsêr sâuv thax tsav trâus poz vâu tas nro, 42 ziv chuôz zis tsuv ciêr chênhr txar qơư nhoz. Haur co muôx 35 ziv tsuv ciêr chênhr txar muk, 9 ziv mak thor tsi txar muk qơư nhoz yiêz thiêz tror hôx phưx nhoz truôx ntơưv qơư nhoz kuz...

          Khov muôx tas nro cxix luôk chính trị li sik côngv uô, muôx têx chiz coaz, taz viv sik côngv paz, côngz xưv cxiv uô tsêr nhoz trâu têx ziv chuôz zis trâus ruôr hiêv tiv ntux nas sâuv thax tsav xã Việt Hồng tâu krêz uô taz por trơưk tsưr ziv. Txos nhiv no tưz uô tiêr 35 luz tsêr nhoz chiê tsôngv px bax tos tsiêz yiêz.

          Têx luz tsêr yiêz truôx jông, taz por tsi taz paz pox nhuôk tso siêz nhoz truôx têz truôx qơư mak tsênhv chuôz cxaz siêz njênhs njổng, đas jos chiê hla đhâu cxuô phêv liv đhâu jiês ntux nas uô ruôr hiêv: “ Xã tưz krêz uô jiês paz max têx ziv chuôz zis trâus ruôr hiêv lok tsêr nhoz, cxiv kho đuô tsêr nhoz chiê truôx tul luz nênhx, txos nhiv no muôx 35 ziv chuôz zis tsuv txar qơư nhoz thiêz tsêr poz vâu tas nro tưz cxiv uô tiêr tsêr yiêz nhoz. Chiê taz por trâu tsôngv px truôx tul luz nênhx, xã tưz krêz uô tỉnh li têx chính sách paz txưv tsiv uô kôngz nuv. Đros co xã tưz hu lơưs têx lênhx nênhs siêz jông, taz viv paz txưv têx zav nôngz zuz thiêz chuôz zênhx chiê tsôngv px tsiv uô kôngz nuv”.

          Lok têx huôx tôngv bax tsiêz trâu pox nhuok, zơưv Nguyễn Việt Tuấn, Tsar phongx vênhx huôv- xã hội xã Việt Hồng puz pâuz, đrâuv chêx chôngk bax tsiêz trâu têx ziv chuôz zis trâus zênhr shar tiv ntux nas, xã cux sik côngv đros têx lênhx nênhs siêz jông khơưk muôz huv tsiêz trâu lơưr, chiê pheiz kênh phênhv tưs têx phêv liv, gôngr phênhv chiê tsôngv px hâur xã lênhx tưs cux muôx tsiêz nox sor si, shir phaz: “ Tsiêz trâu pox nhuôk, tiv zix zos pox nhuôk thax tsav trâus ntux nas ruôr hiêv, têx lênhx nênhs muôx côngz, chuôz zis pluôk, zuôr xar pluôk...mak xã tưz tsưr tsix Tsiêz jông siêz, tsưr tsix seiz nus, khơưk muôz huv chiê taz por tsi muôx pox nhuôk tưs tsi muôx tsiêz nox, lênhx tưs cux tâu tos iz luz tsiêz sor si, taz por thiêz cxix cxuô”./.

Đinh Tuấn-Txâur Vax cxeik nhênhv

Phảng Củ, Háng Chua muôx tênhv tênhz tơưl pov cêr chiê tok ntux yiêz

         Hâur thax tsav tox siêz Sáng Nhè muôx huôz tsâuk thâuv txos chêix ntux yiêz, chor kê tênhv tênhz tâu piz tso chis pov cêr lus. Chor kê tênhv tênhz xuz thơưx ciês tâu tso chis pov cêr đros muôx pox nhuôs 2 jok Phảng Củ thiêz Háng Chua li cêr shir phaz, zos chôngz lênhx nênhs nhoz ntơưv no kror vav tok njôngr txix ntâu shông lok no.

         Phảng Củ thiêz Háng Chua zos 2 luz jok tox siêz, tsuôk muôx tsôngv box Hmôngz uô nênhx nhoz, cêr muk lok đaz tuôs, luz nênhx tsênhv txov nhêv. Thâuv ntêx no, txos tsâuk ntux, tênhz trox a zos zav tênhz tâu sơưr đơưk tơưl cov pov cêr. Nhiv no, tênhv tênhz têz qơưk tâu chaz lok txos hâur jok tưz paz trâu 171 ziv chuôz zis tsôngv box mênhx cxưx tsơưs nênhs nhoz ntơưv no shir phaz đuô. Zơưv Vàng Xênhv Zax, nhoz jok Phảng Củ hêik pâuz: “Cur xênhz zus shông 1949, txix thâuv zâu txos nhiv no thiêx pov muôx tênhv tênhz tơưl pov cêr hâur tsêr, cur shir phaz hênhr, têx tuz nhuôs muôx tênhz tơưv pov cêr chiê cơưv ntơưr, luz nênhx cux tsik yuô txov lơưv. Uô tsâus Đảng, Têz qơưk ntâu hênhr”.

          Côngz trinhx chaz tênhv tênhz tez qơưk lok trâu oz jok Phảng Củ thiêz Háng Chua zos Bôv Công an uô tsưr yưv pênhr, tas muôx 17 tiv đêiv, tâu kriz uô thiêz uô tiêr hâur muôx 28 hnuz. Dưv anr muôx chaz chor hluôk tênhv 35 kV ntêr xar muôx 4 cêik cêr, 48 tuk ndê tênhv, cxiv tsa 2 trạm biến áp, 4,4 cêik cêr hluô tênhv hạ thế thiêz lôngx đhok xar muôx 200 công tơ điện tử njuôk tênhv txix đêz, paz tso tênhv tênhz têz qơưk ngaz tuk, truôx tuk txos trâu yênhx ziv chuôz zis.

            Zơưv Khai Xênhv Shôngx, Tsar jok Phảng Củ shir phaz puz pâuz: Muôx tênhv tênhz, cêr shir phaz muôx nhoz tas nro jêx jok hâur têx hnuz zuôr txos tsiêz, ntux yiêz lok, thâuv paz trâu tsôngv box nhoz tox siêz buôs ti tâu têx thôngz mông, dịch vuv công, jux juk paz uô hlôngr yiêz siêz xar, tsưr ziv hâur huôv tsar kinh têr, txo grêk yêiz pluôs truôx đrênhk: “Thâuv ntêx pox nhuôs luz nênhx lok six txov nhêv, tơưl tênhz trox a xưz, tsuv trâur tơưl chiê uô jâuz mor nox. Nhiv no tâu paz tênhv tênhz têz qơưk, pox nhuôs shir phaz hênhr. Pox nhuôs sơưr đơưk zênhx vav njôngr txos tênhv tênhz têz qơưk thiêz xav tiêk txos shông 2030 thiêx zuôr muôx tênhv tênhz lok zôngv, tsik xar tiêk zuôr muôx tâu nzor li no”.

           Chiê côngz trinhx tâu uô tiêr huv tsưr ziv tso tơưv, Công an tỉnh Điện Biên tưz hêik pâuz thiêz tsưr tsix kriz uô ciês. Txix qơư kriz uô, hêik pêx xênhv, txos paz ngaz tuk jông hâur tas nro ntu kriz uô, canr bôv, chiến sĩ tsik so nhoz trơưr hâur jêx jok, nhoz đros pêx xênhv.

          Trung tá Đoàn Văn Kết, Tiểu đoàn tsar Tiểu đoàn Cảnh sát cơ động sôr 1, Trung đoàn Cảnh sát cơ động Tây Bắc puz pâuz: “Muôx ntâu tuk ndêx, hluô tênhv mak pêz tsuv xuôk têz cxok, xuôk têk chaz. Iz zav li 27 ziv chuôz zis nhiv kruôr đhâu mak tsuv xuôk têk chaz xưz, txix ndêx txos chor hluôk lok tsuôk xuôk têz uô xưz thiêz cux ndê tox siêz hênhr. Sơưr đơưk cux sir jos uô yênhx hnuz hmo cê cxok ndêx, cê chaz hluô thiêz tsuv tas 2 hnuz ntâu thiêx chaz tiêr. Txix sik côngv đros pox nhuôs, sơưr đơưk cux sir jos uô cov uô tiêr tâu dưv anr huv tsưr ziv tso tơưv”.

           Tưz tsik zos muôx tsiv gri ngaz tuk xar hôiv, côngz trinhx chaz tênhv tênhz têz qơưk lok jok Phảng Củ, Háng Chua tsênhv zos kror zov chênhr chiê paz uô tâu jông côngz xưv ngaz tuk, sik côngv nhoz thax tsav ntus đriv. Thiếu tướng Vũ Văn Đấu, Giám đốc Công an tỉnh Điện Biên hêik mênhx: “Côngz trinhx uô tiêr zos kror hâux lưv zov chênhr, hêik tơưv tâu sir jos viv pêx xênhv, sik côngv siêz tas nro mênhx cxưx thiêz muôx tas nro cxiv luôs chinhr triv đros uô. Đros muôx Đảng chox car, pêz vav tiêk pox nhuôs zuôr tror sir jos khưr uô nox, uô jông lơưr Đảng, Têz qơưk têx cêr chêi đros cấp ủy, chinhr quyền thiêz lưx lươngv công an tuôr truôx ngaz tuk, cxiv tsa luz nênhx cov ziv hnuz ziv tsâu sor, huôv tsar shir phaz đuô”.

          Ntux yiêz tưz lok txos sâuv tox siêz Sáng Nhè. Tênhv tênhz tâu tơưl chis pov cêr hâur yênhx luz tsêr tưz tsik zos paz muôx tâu luz nênhx hlôngr yiêz jông đuô, mak tsênhv paz muôx siêz njênhs, vav njôngr trâuz ntu nênhx zuôr txos tsâu sor, shir phaz thiêz huôv tsar jông đuô./.

Vũ Lợi-Lik Thox cxêik nhênhv