Car chêx têx phêv liv hâur muôv muôs xiv huv nhoz tox siêz

Xiv huv kôngz nuv zos xiv huv muôs tơuv tsênhv nhoz tỉnh Gia Lai, đros tsiv grê tax 500 tsov USD iz shông thiêz tsênhv tsi so chuôz ndê. Muôx tâu têx no zos khov ntâu shông đhâu, tỉnh tưz tsov cưv cxiv tsa, krêz đar têx thax tsav tsêz chos lơưr têx ploz tsênhr tâu côngz jênhv.

          Lơưr Sở kôngz nuv thiêz huôv tsar nôngx cxênhz tỉnh Gia Lai, nhiv no tas nro mênhv chêx tsêz chos haur tas nro tỉnh njuôs xav tax 557 cxênhz hecta ntâu. Hâur co, muôx 230 cxênhz hecta, bâuv 41 phênhv puô mênhv chêx, tâu tsêz chos lơưr ploz tsênhv VietGap, GlobalGap…Đros co, nhiv no Gia Lai cux tâu côngz jênhv 55 mã thax tsav chos têx xiv huv ntông nox txir, taz por ploz tsênhr muôs tơưv saz đrâuv têz qơưk.

          Zơưv Lưu Trung Nghĩa- Giám đốc Sở kôngz nuv thiêz huôv tsar nôngx cxênhz Gia Lai puz pâuz, tỉnh li iz cxiê xiv huv li cà phê, txir lưk hmaz tưz tâu muôs trâu têx niêv ciêz lox li Nhật Bản, EU. Lơưr tsưr ziv, ntu 2022-2025, tỉnh zuôr chuôz tsar mênhv chêx tsêz chos lơưr ploz tsênhr tâu côngz jênhv muôx nhos 5 cxênhz hecta iz shông, muôz siêz tsơưr lươngv xiv huv kôngz nuv phưx vưv muôs tơưv saz đrâuv têz qơưk chiê chuôz cxaz phênhv sâu trâu tsôngv box: "Tỉnh li xiv huv kôngz nuv ziv hnuz ziv khav tênhv tâu tsơưr lươngv thiêz tuôv zênhv tâu niêv ciêz têx têz qơưk li zoz qơưx. Tiv zix zos đhâu jiês moz Covid-19 huôv xênhz, tỉnh tưz hôx phưx tâu nganhx muôs tơưv. Têx doanh nghiệp li hâux lưv muôs tơưv tuôv zênhv tâu zoz qơưx. Hâur ntu nhiv kruôr đhâu, tsi muôx zav xiv huv jôngz nuv tưs tsuv chơưv paz thiêz. Tiv zix, zos muôx têx doanh nghiệp li HOàng Anh Gia Lai, Hương Sơn, Doveco….tưz yênhx lix têx sik côngv muôs tơưv lok six yênhx côngz".

          Zos Gia Lai tsênhv tsov cưv krêz đar têx thax tsav tsêz chos xiv huv kôngz nuv lơưr têx ploz tsênhr tâu côngz jênhv mak nhoz Tây Bắc, Sơn La tsênhv chêx chôngk yưv pênhr lok jix vuv logistic chiê car chêx hâux lưv sâu zuôr xiv huv kôngz nuv trâu tiv phaz.

          Sơn La nhiv no muôx 55 doanh nghiệp huôx tôngv dịch vuv logistic taz sik tsi lox. Hâur huôx vênhv teiv muôv muôs, tỉnh tsênhv muôx 2 tsưr ziv zos cêr ar thiêz cêr đêx. Taz sik, viv cêr đêx tsi tâu tâu yưv pênhr sik côngv jông, viv li huôx tôngv muk lok phênhv ntâu zos muk cêr ar. Taz sik, yuôr ntâu phêv liv viv niêv cêr 6 thiêz têx cêr muk lok hâur tỉnh muôx ntâu cêr riêz nênhs, cêr greiv, yêz thâux hax huv hnhar mak hnhar mak lok six lax muk lok têx cêr nôngx cxênhz.

          Tsi muôx jix vuv Logistic, cux uô hâux lưv muôv muôs jâuz tâuv, txir ntông nhôngs nhoz Sơn La njiz ntâu phêv liv. Tsôngv box tsêz chos mak tsov lơưr chiv cheix ntâu, trâus tuz luôv zuôv grê…Đros co zos tsi muôx qơư tsiv uô, por coar, thâux gra, tsi muôx txâuk lênhx nênhs uô hâux lưv…

          Zơưv Nguyễn Khắc Hào, Tsar phongx kôngz nuv thiêz huôv tsar nôngx cxênhz huyện Mai Sơn, tỉnh Sơn La puz pâuz: Huyện nhiv no muôx 11 cxênhz hecta ntông nox txir, đros muôx 70 cxênhz ntâu tênhr iz shông. Hâux lưv sâu txir ntông khênhr chêx chôngk lok têx ntu txos cheix sâu, six hơưv lur, viv li hâux lưv por coar zos lok six zuôr trâus. Taz sik, cxix luôk têx qơư uô txiêk sâuv thax tsav tâu yưv pênhr uô mê, phênhv ntâu nhoz têx ziv chuôz zis, HTX, por coar tsi tâu ntâu: "Huyện tưz muôx têx thix ziv trâu tỉnh, xar njôngr hâur ntu zuôr txos sâuv thax tsav huyện zuôr cxiv tsa iz tsênhv qơư logistic, paz têx ziv chuôz zis nhoz Mai Sơn thiêz têx huyện buôk co tsiv uô, por coar thiêz sâu zuôr xiv huv jông đuô"

          Sơn La muôx 856 doanh nghiệp, HTX, ziv chuôz zis tsiv uô kinh doanh vênhv teiv, taz sik phênhv ntâu zos mê; muôx 6 chi nhánh, đại lý doanh nghiệp bưu chính, thâux xa. Tas nro tỉnh muôx nhos 30 qơư uô txiêk;2 cxênhz 500 qơư kruô krâur txir nhôngs mê; 12 container txiêk, tsi tâu muôx qơư tsiv uô xiv huv phưx vưv huôx tôngv krưr ntiv hax huv, muôs tơưv saz đrâuv têz qơưk.

          Têx phêv liv co hâur tsiv uô kôngz nuv tưz uô zênhr shar xos hâux lưv nriêr qơư sâu zuôr xiv huv kôngz nuv. Zơưv Trần Thanh Hải, Phưv cục tsar Cục muôs tơưv saz đrâuv têz qơưk, Bộ công thương xar li no: "Nhiv no, cxix luôk zaoz thôngz sik côngv têx thax tsav hâur tỉnh Sơn La tsi tâu jông, tsi muôx cêr đêx hiêr, cêr đêx, cêr yêz za. Viv li, hâux lưv yưv pênhr uô cêr muk chênhr Hòa Bình- Mộc Châu cux xưk li krêz đar cêr muk lok hâur niêv đrôngs zos lok six zuôr trâus chiê sik côngv đros têx thax tsav txơưr. Đrâuv co, đros xiv huv kôngz nuv zuôr trâus por coar, Sơn La tsuv muôx cơ chế, chính sách zaz zâuv lênhx nênhs yưv pênhr cxiv uô qơư uô txiêk, qơư uô lax khiêv thiêz tsênhv qơư tsiv uô xiv huv kôngz nuv".

          Pos Phạm Thị Doan, giám đốc Sở kôngz công thương tỉnh Sơn La puz pâuz, chiê huôv tsar kôngz nuv truôx vênhs, tỉnh Sơn La xav tênhv logistic zos iz kror zov chênhr hâur cxơưz tiês sâuv zuôr xiv huv kôngz nuv thiêz hax huv: "Sở công thương zuôr đros têx sở, nganhx heik tỉnh njuos xav têx zuôr trâus chiê huôv tsar logistic lok zaoz thôngz, qơư tso xiv huv, tiv zix zos lênhx nênhs, chính sách zaz zâuv yưv pênhr lok vênhv thix no"

          Đros hâux lưv krêz uô uô cê têx cấp, têx nganhx li têx tsưr ziv, iz doanh nghiệp, HTX, nôngx mênhx Sơn La cux tsuv hlôngr yiêz siêz xar,tsưr ziv, muôz siêz tsơưr lươngv xiv huv, hlôngr yiêz hâux lưv tsêz chos tsiv uô lơưr saz huv jông, muôz siêz tsiv grê, đas jos tơưv txênhz trâu têx xiv huv kôngz nuv Sơn La./.

VOV4-Txâur Vax cxeik nhênhv