Công an xã li lớp kriê cơưv hâur pâuk ntơưr

          Tsâus ntux hnuz thứ 2 thiêz thứ 5 ciêz tưs, lớp kriê cơưv hâur pâuk ntơưr nhoz jos Kret Krot, xã H’ra, huyện Mang Yang cux tơưk pov cêr lus, đros têx shux xênhz li suôz nhênhv ntơưr. Lớp cơưv no muôx 40 lênhx nênhs, txix mê nhuôk zâu txos têx lênhx niêv lênhx txir, lênhx pos nênhs Ba Na nhoz jos Kret Krot.

          Đhâu iz hnuz khưr uô hâux lưv, niêv lâuk Sen (45 shông hnuz nhôngs) ho muk cơưv ntơưr. Li ntâu lênhx pox niêv txơưr, niêv lâuk Sen zuôr txir nzor, chuôz zis ho txov nhêv, tsi tâu muk cơưv ntơưr. Nhiv no krêz lớp cxuôv đis muôs ntơưr, niêv lâuk truôx siêz muk cơưv ntơưr cov pâuz ntơưr.

          “Cur tsi pâuz ntơưr, xar muk cơưv ntơưr chiê txơưx sâu zuk bê, muk tưs cux txơưx sâu zuk luz bê”

          Cux xưk li niêv lâuk Sen, niêv lâuk Mah (29 shông hnuz nhôngs) nhoz đros côngv iz jos hnuz tưs muk uô liêx têz lok cux muk cơưv ntơưr. Nênhs tsuôk pâuz tuôr hlâu uô têz nhiv no ho sâu ntơưr, txơưv phêv liv, taz sịk niêv lâuk Mah cux truôx siêz cơưv viv njênhs njôngr pâuz ntơưr mak tov kaz no zuôr paz trâu zuk thiêz chuôz zis ntâu đuô.

          “Cur xar cơưv ntơưr chiê pâuz ntơưr tov kaz no muk tưs, zuk txơưx nhênhv cux zôngx ziv đuô. Nhiv no tsi pâuz ntơưr muk tưs cux lax, xưk li hnuz muk tsêr kho moz chiê kho moz trâu mê nhuôk lơưr heik sâu zuk luz bê cux tsi pâuz sâu viv li bác sĩ chêv nyei hênhr. Nhiv no muk cơưv ntơưr chiê pâuz ntơưr tov kaz no cux jông đuô”

          Njiz pox nhuôs nhoz ntơưv qơư, trung úy Lê Tuấn Thành-cán bộ Công an xã H’Ra, huyện Mang Yang, tỉnh Gia Lai pâuz tsênhz pox nhuôk li têx phêv liv. Tsi pâuz ntơưr viv li pox nhuôk uô ntâuz ntơưr cxuô zav nhoz hâur xã puôr lênhx phêv liv. Chênhr viv li, tâu chính quyênx tiv phaz thiêz thênhv siêz thôngx ziv, trung úy Thành qir uô iz lênhx cưk kriê ntơưr chiê paz têx ziv chuôz zis tsôngv box pâuz ntơưr, txơưx njuôs xav, txix co yênhx trus hlôngr yiêz siêz xar, tsưr ziv uô hâur huôv tsar uô nox:

          “Qir thơưx tsênhv phêv liv viv pox nhuôk tsênhv txax muôs, tsi xar muk cơưv ntơưr. Pox nhuôk nênhs Ba Na viv li cux lax sik thav tâu chiê lơưr pâuz. Chiê tuôr truôx lớp cơưv no mak sik côngv đros cxix luôk chính trị, têx tsar jos, công an viên, reik đros hâux lưv cơưv ntơưr thiêz tax yênhx tix nênhs cơưv zuôr tâu khơưk muôz huv”

          Xã H’Ra, huyện Mang Yang, tỉnh Gia Lai nhoz 9 jêx jos, tsôngv box mênhx cxưx tsơưs nênhs tsav 2/3, phênhv ntâu zos tsôngv box nênhs Ba Na. Zơưv Dung- Phưv Chủ tịch Ub xã H’Ra puz pâuz, hâux lưv cưk kriê Lê Tuấn Thành cê kriê ntơưr, cê yax mông thiêz vênhv tôngv tsôngv box paz công an ntơưv qơư sik côngv tsôngv box sđ, uô jông côngz xưv jênh vênhv:

          “Paz pox nhuôk pâuz đuô, thâuv zuk uô côngz xưv yax mông mak cux zôngx ziv đuô, tov kaz no pox nhuôk txơưx uô nox, uô lox tôngv, zuôr qir zuôv, yuôx chiê khưx phưv tsiv uô, huôv tsar kinh têr. Chính quyênx tiv phaz tsưr tsix phuôx tôngv tsôngv box li yax mông lok qênhx shênhx siz zuôr nzor, siz zuôr cxênhz jê pox nhuôk cux zôngx ziv to tâuz. Xar njôngr lớp cơưv no tâu krêz ntơưv no tsênhv zuôr krêz đar txos têx jêx jos txơưr thiêz”./.

(Hoàng Qui-Txâur vax cxeik nhênhv)

Sơn La bax phax tar jông tơưs cuz ntơưv têx qơưk du lịch vênhx huôv

Ntơưv Tsêr mnov Trúc Lâm Hưng Quốc, thành phố Sơn La, iz hâur têx qơư vênhx huôv tâm linh muôx chôngz nênhs tuôx hlơưr shaz, tuôx txi côngv, Ban Trị sự tưz tsik so hêik, yêx kriê trâu pêx xênhv, phật tử sêiz car truôx jông hluôr tơưl thâuv hlơưr shaz, tơưl tênhz trox ntông, hlơưr têx ntâuz ntơưr nhiêx txiêx, zax khâuv chênhz khâuv; qênhz yuôx têx tênhv tênhz, chuôz zênhx tênhv, hluô tênhv… Thầy Thích Khai Bảo, Thường trực Ban Trị sự Giáo hôiv Phật Giáo tỉnh Sơn La puz pâuz:

“Tsêr mnov lok six uô jông sik côngv đros cxuô cấp, têx taz viv cungz bax têx chuôz zênhx phax tar tơưs cuz, tuô cuz… chiê kriê trâu pox nhuôs uô jông têx tsưr ziv phax tar tơưs cuz”.

Lưx lươngv cảnh sát phax tar tơưs cuz tuô cuz thiêz chơưv paz, Công an tỉnh Sơn La tưz sir jos yax kriê, qênhz yuôx, hêik kriê ban sêiz car chor di tích, chor tsêr mnov thiêz pêx xênhv tuôx hlơưr shaz, txi côngv uô jông lơưr têx cui tênhv ngaz tuk lok tơưs cuz. Bax cxix cxuô têx chuôz zênhx tuô hluôr tơưl chis cuz trâu ntơưv têx qơư di tích, muôx qơư hlơưr têx nhiêx txiêx, ntâuz ntơưr, zax khâuv chênhz khâuv ngaz tuk lok phax cuz tuô cuz; canr bôv sêiz car txơưx sir zôngv jông têx chuôz zênhx phax cuz tuô cuz thiêz têx tsưr ziv khiêr điv thâuv muôx yưv tơưs cuz.

Đại úy Nguyễn Mạnh Hùng, Đội Cảnh sát sêiz car hành chính lok ngaz tuk xar hôiv, Công an thành phố Sơn La puz pâuz:

“Txos chêix kriz uô ntênhk thâuv hâur shôngk shông, chor nênhs tuôx txi côngv ntơưv têx tsêr mnov lok six chôngz, tsênhv zos chêix ntux kruôr viv li pêz sir jos qênhz yuôx, hêik cxuô qơư kriz uô jông thiêz ngaz tuk lok phax cuz tuô cuz, tiv zix zos qênhz yuôx, kho đuô têx chuôz zênhx hâur phax tar jông tơưs cuz ciês ntơưv qơư”.

Iz chas têx taz viv, lưx lươngv muôx vax huôv li têx sir jos, tsôngv pêx xênhv sơưr đơưk li sir jos uô jông hâur phax tar tơưs cuz thâuv muk hlơưr shaz, sir zôngv hluôr tơưl ntơưv têx tsêr mnov, muk ndis uô si cux zuôr zos kror paz por vêv ngaz tuk trâu zuk thiêz côngv thôngx.

Tix lâus Nguyễn Đức Hà, thị trấn Hát Lót, huyện Mai Sơn, tỉnh Sơn La hêik:

“Txos hnuz 15 thiêz xiêz 1 yênhz hli, cur ziv chuôz zis tsik so muk hlơưr shaz txi côngv ntơưv têx tsêr mnov, cur cux uô jông lơưr têx cui tênhv hâur hlơưr shaz ntơưr, zax khâuv chênhz khâuv cov ngaz tuk trâu phax tar tơưs cuz tuô cuz”.

Nhoz tỉnh Sơn La ntâu thax tsav qơư, tsênhv muôx yar ntux cuz sor phiv liv đros chuô lox, viv li cxuô lênhx nênhs, cơ quan, taz viv tsuv phax tar thiêz uô jông côngz xưv phax tar tơưs cuz tuô cuz ntơưv ziv chuôz zis, côngv thôngx thiêz jêx jok./.

Lê Hạnh-Lik Thox cxêik nhênhv