Sir jos phax tir thêir tsi chiê hluôr tơưk txeik cuz jôngr ntông cao su nhoz Sơn La

Hnuz tưs cux li ntơư, tix lâus Quàng Văn Toàn, công nhân Nông trường cao su Mường La, huyện Mường La, tỉnh Sơn La đros tổ côngz xưv phax cuz tuô cuz muôx 5 lênhx nênhs muk qênhz yuôx, tu thiêz por hưv têx ntông cao su.

Tix lâus Toàn heik, ntu no, sơưr đơưk hâur nông trường pheiz uô yênhx paz, iz paz seiz car iz qơư, qênhz shuôs hâur niêx hnuz hmo chiê qênhz pov, tuô tâu nzor tsi chiê hluôr tơưk txeik cuz têx xuz ntông; pêz muk luôx, qêz têx blôngx kruô cêv hluôr tơưk hur si hâur thiêz saz đrâuv chor hax ntông cao su.

“Lok sâuv phax cuz tuô cuz mak cur qêz suô hur si têx blôngx kruô tsi tsênhr hluôr tơưk txeik tâu trâu; kror tưs muôx blôngx kruô, đrox tsuôs ntâu zôngx ziv muôx hluôr tơưk txeik cuz trâu têx xuz ntông mak luôx, cêv, suô đu lus muk hlơưr ntơưv têx chiê truôx tuk trơưk công ty cui tinhv; thiêz zos thax qơư tưs zôngx ziv muôx hluôr tơưk txeik cuz, pêz zênhx max heik trâu nông trường pâuz chiê muôx tsưr ziv phax tir thêir sei đrơưv”.

Zos Công ty cao su Sơn La iz qơư chos ntâu đuô hur si tsoz chos cao su, Nông trường cao su Mường La muôx 1.800 ntâu ha, nhoz cxuô nro 21 jok hâur 3 xã ntơưv huyện Mường La, jê ntus jôngr, pêx xênhv têx liêx têz, zos thax tsav zôngx ziv muôx hluôr tơưk txeik cuz tox cuz jôngr. Trơưk li tix lâus Lê Văn Đại, Phưv Giám đốc Nông trường cao su Mường La, cheix ntux kruôr shông no, nông trường tưz tso sơưr đơưk muk kho, luôx đuô yiêz ntâu cêr, qơư cêv hluôr tơưk tsi chiê txeik cuz tâu trâu har jôngr, xuz tsuôs. Iz chas ntơư, nông trường cux uô qơư seiz jor, tso lênhx nênhs nhoz trơưr ntơưv qơư hâur niêx hnuz hmo đros bax jông cxuô zav chuôz zênhx phax cuz tuô cuz:

“Yax kriê trâu pêx xênhv, têx lênhx công nhân muôx liêx têz nhoz jê lok sik muk lol đhâu mak tsuv chênhr phax tsi tâu gra hluôr tơưk, jêk têx blôngx kruô thiêx tsi uô cuz tox cuz jôngr. Tas nro cxuô faz tsưr ziv puôr lênhx fuô kriê jông thiêz heik sơưr đơưk uô trơưk, chênhr viv li txos nhiv no, txơưv muôx mê njik hluôr tơưk txeik cuz ntơưv têx ntus, taz sik tsi uô ruôr hiêv li chas txos têx ntông hlo, cux tsênhv tsưx phưv tâu truôx tuk”.

Công ty cao su Sơn La nhiv no tsênhv tso cuô mik zuôr xar 5 cxênhz ha ntông cao su. Tiv zos tỉnh tox siêz, phênhv ntâu tsoz chos cao su nhoz pêv têx trôngz siêz, phiv liv muk lol đros trâu co zos pêx xênhv têx liêx têz cux nhoz shơư, jê ntus jok, ntus jôngr, chor blôngx kruô ntâu lok six zôngx muôx hluôr tơưk txeik cuz hâur cheix ntux kruôr gis; iz cxiê qơư, pêx xênhv tsi yuô tâu muôx tsưr ziv jênhv pâuz viv li tsi yuô chênhr phax thâuv hlơưr têx liêx têz, zôngv hluôr tơưk. Zơưv Nguyễn Bá Quý, Phưv Tổng Giám đốc Công ty cao su Sơn La heik pâuz, đros thiêz tsưr ziv “tsuv chênhr phax, sir jos tsi chiê hluôr tơưk txeik cuz jôngr”, công ty tsi so sox seiz njôngr ntux têx txơưr txar, kriê cxaz txux chi tsưr ziv phax cuz tuô cuz đros chor thax tsav muôx ntông cao su hâur qơư nhoz, Công ty sir jos tsi chiê muôx têx txuz hluôr tơưk cuz jôngr ntông cao su hâur cheix ntux kruôr:

“Nhoz thax tsav zôngx ziv muôx hluôr tơưk txeik cuz, công ty puôr lênhx bax muôx cxix cxuô têx yêz, chuôz zênhx uz no phax cuz tuô cuz hur si. Lar heik, uô hâux lưv đros ntơưv qơư, hu zâuv tsôngv cưr tix nênhx tsa, pêx xênhv sơưr đơưk nhoz cxuô jêx jok thâuv tưs qênhz pov muôx hluôr tơưk cuz jôngr, chor nênhs uô hâux lưv seiz car phax cuz tuô cuz nhoz co zuôr heik zênhx max trâu sơưr đơưk hâur thax tsav pâuz, txix ntơư hu pêx xênhv đros công ty tuô hluôr tơưk, tsi chiê txeik chis cuz đêz đar”.

Trơưk li njuôk xav, hâur ntu zuôr txos, zuôr cuz sor thiêz kruôr gis hênhr, đros trâu công ty cao su thiêz lưv lươngv muôx vax huôv hâux lưv, tsưr ziv bax tâu jông, tsôngv pêx cux tsuv chênhr phax đros phax tir thêir tsi chiê hluôr tơưk cuz jôngr. Txix ntơư, paz phax tar tâu têx txuz hluôr tơưk cuz tox cuz jôngr, tsưx phưv truôx tuk têx xuz tsuôs, jôngr ntông chiê ziv hnuz ziv muôx ntâu shôngz ntông njuôz vor tox trôngz câuv har hâur thax tsav qơư./.

Trấn Long-Riê Lâux cxeik, nhênhv

Phax tir thêir moz khâuz thuôk

           Pok kror ndâux thiêz kror njưk thâuv nôngk lok sik cxuz, jông tiv zix zos zôngv fuôv ntâuz lok sik fuôv ntơưr their lok sik so cuô njưk, kâuz ndâus. Zos tsi muôx têx co mak zôngv tês yo their kror ndâux, kror njưk thâuv nôngk, tsi zôngv tês viv tês khênhr cor têx chuôz zênhx lok sik zôngx ziv cik trâu lênhx nênhs txơưr đuô.

          Chox đeiv bos kror ndâux ntơưv têx qơư muôx chôngz lênhx nênhs sâuv têx yêz muk lok; yax six zôngv yuôx phongx nzuôr tês lok sik zôngv cuô đêx yuôx nzuôr (tiv zix zos thâuv nôngk, cxuz). Tsi nti kâuz ndâus ntơưv têx qơư muôx chôngz lênhx nênhs.

          Tsi nhoz jê lênhx nênhs trâus moz khâuz thuôk lok sik njuôs xav trâus moz thâuv tsi zuôr trâus.

          Nênhs moz li kâuz ndâus khênhr za đêz xar muôx 2 yiv. Viv li, tsi nhoz jê nênhs trâus moz thiêx tsi trâus cik moz.

          Nganhx y tế heik nênhs moz tsuv nhoz tsêr tsơưs tiv zix 24 six hơưv thâuv tsi uô cuz, tsuôk muk tsoz phưz y tế lok sik zuôr têx chuôz zênhx zuôr trâus. Nênhs uô cuz zuôr chiv chir jông mak tsi zuôr zôngv yuôx paz txu grês trâus uô cuz.

          Cxax yuôx vắc xin phax moz khâuz thuôk:

          Vắc xin phax moz khâuz thuôk lok six taz por, tsi uô zênhr shar txos nênhs cxax yuôx li đas jos. Mê nhuôk txix 6 luz hlik hnuz nhôngs txos nênhs hloz tiêr nênhs tsuv cxax yuôx phax moz khâuz thuôk cxix cxuô iz shông iz jiês. Six hơưv jông tiv zix chiê cxax yuôx moz khâuz thuôk khênhr zos hli 3, hli 4, hli 10 thiêz hli 11.

          Nhoz uô nênhx jông, nox hâuk muôx cxix cxuô tsơưr pưr chiê phax tar caz moz khâuz thuôk, chuôz tsar shâuv thiv thao, muôz siêz đas jos./.

(Tòng Anh KT-Txâur Vax cxeik nhênhv)