Huôv tsar chos têx yuôx đrox njuôz chiê cxuz cêr pluôs

Nhoz thax tsav, suôv qơư jông huôv tsar chos têx yuôx đrox njuôz, txos nhiv no HTX Lũng Lô, xã Thượng Bằng La, huyện Văn Chấn, tỉnh Yên Bái tsênhv chos, tu đreiv 5 ha têx yuôx đrox njuôz. Têx yuôx đrox njuôz co chos, tu tâu bâuv li chas cux muôs tâu tas hur tiz si, chor nênhs uô hâux lưv hâur HTX muôx phênhv sâu tâu truôx tuk thiêz chor nênhs lox tôngv cux sâu tâu xar muôx 10 tsov đeiv iz luz hlik. Zơưv Sầm Văn Nưa, Phưv Giám đốc HTX Lũng Lô heik pâuz: “Kriê hur si têx tsưr ziv bax uô ar, chos thiêz tu trâu tas nro chor canr bôv, nênhs uô hâux lưv, hur si tsi zôngv iz zav yuôx đaz tsi tsuôs, cxiz têx yuôx co hloz. HTX cux tưz sik hux jos đros iz cxiê công ty tsiv uô thiêz zuôr muôs yuôx hâur tỉnh, luôs 2 chas tỉnh chiê muôs têx yuôx đrox njuôz uô tâu ntơư”.

Công ty yuôx đrox njuôz Đại Phú An, huyện Văn Yên nhiv no tsênhv zos qơư uô tsưr 5 zav yuôx tsoz phưz đas jos tâu côngk nhav zos yuôx jông, muôx qơư muôs truôx hâur ciêz đrôngs. Công ty tưz bax hlôngr yiêz tsưr ziv, muôz têx meir lok phưx vưv tsiv uô…. Chiê taz por tsơưr lươngv xiv huv, công ty cux sik đros têx chuôz zis pêx xênhv, txix kriê tsưr ziv chos, tu, sâu đê  têx yuôx txos trâu cir ntơưr nhav sâu zuôr xiv huv, paz krêz đar qơư chos yuôx đrox njuôz, truôx tuk phênhv sâu tâu trâu chuôz zis. Pos Hà Thị Hoa, nhoz jok Trung Tâm, xã Đại Phác, huyện Văn Yên heik: “Têx shông jê lok no, têz qơưk, cxuô zav huôv tsar, hlôngr yiêz, chor công ty lơưr sâu zuôr chiê tsiv uô cxuô zav trox, yuôx uz no”.

Pos Trần Thị Nhung, Phưv Chủ tịch Hôiv đôngx Quản trị Công ty yuôx đrox njuôz Đại Phú An, huyện Văn Yên heik pâuz: “Pêz công ty xeir têx xiv huv chênhr chiê tsiv uô, viv pêz seiz lok sâuv têx muôx jông ntơưv qơư, chor yuôx đrox njuôz no hloz lox lok six jông thiêz jông zôngv kho tâu zav moz gênhk”.

Nhiv no tas nro tỉnh Yên Bái muôx nhos 630 zav yuôx đrox njuôz kho têx moz gênhk, hâur ntơư muôx chor yuôx đrox njuôz jông li: Tuôz ziz, txir hơưk, ciêv fix….. Hâur luôs hâux lưv tror huôv tsar, hlôngr yiêz uô kôngz-jôngr nuv, tỉnh tsưr ziv huôv tsar chos têx yuôx đrox njuôz reik đros huôv tsar thiêz por hưv jôngr. Hâur co tsov cưv huôv tsar 14 zav yuôx đrox njuôz li: Ciêv fix, txir tuôz ziz, txir hơưk….. Tiến sỹ Trần Trung Kiên, Tsêr cơưv Đại học Kôngz jôngr nuv-Đại học Thái Nguyên jênhv tinhv: “Tỉnh Yên Bái zos thax tsav muôx muôx ntâu zav yuôx đrox njuôz. Lar heik hâur Việt Nam 200 zav yuôx đrox njuôz jông, Yên Bái muôx zuôr xar 100 zav. Chênhr viv li, tỉnh Yên Bái tsi tiêk muôx ntâu têx yuôx đrox njuôz li heik sâuv, tsênhv muôx ntâu têx yuôx jông, huôv tsar chos ntâu, tsiv uô chor yuôx co thiêz”.

Txos nhiv no, iz chas têx xiv huv tsiv uô txix yuôx đrox njuôz tưz muôx suôz bê hâur ciêz đrôngs, chor xiv huv yiêz Yên Bái puôr lênhx moz siêz txos têx huv hur jông OCOP. Zơưv Trần Quốc Toàn, Phưv Chủ tịch Thường trực Hội yuôx đrox njuôz tỉnh Yên Bái heik pâuz: “Iz chas fuô uô têx hâux lưv nhênhz chơưv qênhz yuôx, qênhz shuôs, ntâuk grê tỉnh Yên Bái têx yuôx, pêz tưz fuô uô têx jiês cơưv khoa học txuôk đros pêx xênhv thiêz doanh nghiệp, qơư sâu zuôr têx xiv huv thiêz pêz tưz cxiv uô tâu 3 zav yuôx đrox njuôz, iz zav nhoz xã Thượng Bằng La, huyện Văn Chấn; iz zav nhoz   huyện Yên Bình thiêz iz zav nhoz huyện Văn Yên….”./.

Đinh Tuấn-Riê Lâux cxeik, nhênhv

Sơn La uô jông hâux lưv phax tar caz moz

Tsêr kho moz đa khoa tỉnh Sơn La têx hnuz no, chor nênhs tuôx njuôk shuôk kho moz chuôz ndê chôngz lênhx, phênhv ntâu zos nhuôs zâu thiêz chor nênhs lâul trâus moz têx zav moz li: Moz kruô njưl, uô cuz uô no, moz kruô tâuv, hơưz poz, moz poz têk-tơư-kror ndâux thiêz têx zav moz cik txos nox hâuk.

Muôx 2 tuk mê nhuôv zâu tsênhv kho moz ntơưv tsêr kho moz, niêv tix Nguyễn Thị Thưởng, nhoz xar Chiềng Ban, huyện Mai Sơn, tỉnh Sơn La puz pâuz: Thâuv nhoz tsêr lok zos muk cơưv ntơưr, niêv tix chuôz zis puôr lênhx sêiz shuôk jông mê nhuôv, taz sik têx hnuz jê lok no, qiv hơưv txơưr txar uô trâu chor nhuôs trâus moz: “Nhoz tsêr pov mê nhuôv lok njưs, hnôngk thiêz uô cuz, cur chox muk njuôk shuôk moz, chor cưk yuôx cux muôz yuôx trâu nox, taz sik tsik jông moz cur thiêx chox mê nhuôv tuôx trâu ntơưv tsêr kho moz no, tâu chor cưk yuôx njuôk shuôk thiêz hêik tiêk zos trâus moz njưl; nhiv no oz tuk mê nhuôv tsênhv tuôx nhoz hâur tsêr kho moz thiêz tâu chor bác sĩ paz chơưv kho”.

Hâur hli 3 nhiv kruôr đhâu, ciês ntơưv khoa Nhi thiêz khoa phax tar caz moz siz cik, tsêr kho moz đa khoa tỉnh Sơn La tưz txêik kho xar muôx 400 lênhx nênhs moz têx zav moz siz cik đhâu cêr uô pa, nox hâuk. Lơưr bác sĩ Đỗ Xuân Thụ, Giám đốc Tsêr kho moz đa khoa tỉnh Sơn La, chuôs li shông tưs tsêr kho moz cux muôx chor nênhs moz tuôx kho moz chuôz ndê chôngz lênhx trâu thâuv hlôngr chêix, taz sik shông no qiv hơưv phiv liv đuô, viv li chor nênhs moz tuôx kho moz cux chuôz ndê chôngz lênhx nzor đuô: “Lok saz tsêr kho moz đa khoa tỉnh tưz bax cxix cxuô têx yuôx, chuôz zênhx y têr, tiv zix zos têx zav yuôx chiê chơưv kho trâu têx zav moz siz cik. Đuô li pêz sir jos uô côngz xưv yax mông, tiv zix zos côngz xưv yax mông zoz zux đas jos trâu chor nênhs moz zôngx ziv trâus moz hnhar, pâuz tuôr truôx jông vêv xênhz tiz nênhs, nox hâuk cov huv đros, sir zôngv yuôx huv tsưr ziv kriê… chiê txo grêk tsơưs moz hnhar lok sik têx moz phiv liv trâu thâuv hlôngr chêix”.

Chiê bax phax tar caz moz hâur ntu hlôngr chêix, lơưr tsưr ziv “Bax phax tar jông caz moz txix nzor txix đêz”, tỉnh Sơn La yênhx lix chor đoanx sêiz kaz caz moz đros paz trâu chor qơư y têr nhoz cxuô thax tsav qơư uô hâux lưv; sêiz shuôk, nriêr pâuz qir tiv uô huôv xênhz caz moz ntơưv têx qơư muôx moz kuz, qơư tsênhv muôx caz moz; uô truôx jông chor đôiv phax tar sêiz caz moz, bax lok txux chi uô hâux lưv, lênhx nênhs trâu chor huyện zos pov muôx huôv xênhz caz moz sâuv thax tsav sêiz car. Bác sĩ Nguyễn Tiến Dũng, Giám đốc Tsênhv qơư qênhz yuôx caz moz tỉnh Sơn La puz pâuz: hâur 2 shông tror lok no, chor txuz huôv xênhz caz moz ntơưv tỉnh Sơn La tưz tâu txo grêk tsơưs ntâu, shông 2021 pov muôx 3 qơư huôv xênhz caz moz, shông 2022 pov muôx 1 kror qơư huôv xênhz caz moz, hâur shông no mak tsik tâu pov kror qơư tưs muôx caz moz huôv xênhz: “Hla trâu shông 2023 pêz tsik tâu pov muôr kror qơư tưs huôv xênhz caz moz; têx zav moz txơưr li moz têk – tơư – kror ndâux, moz kruô tâuv pov muôx iz cxiê lênhx nênhs trâus moz taz sik cux tsênhv zos tsơưs tsik tâu huôv yênhx moz lox. Tsuv hêik tiêk no zos six hơưv hlôngr chêix, qiv hơưv sik txơưr ntâu uô phiv liv txos trâu lênhx nênhs đas jos, taz sik têx zav moz siz cik cux tsênhv tâu phax tar jông thiêz vav tiêk shông no pêz cux uô tâu truôx jông côngz xưv phax, tar caz moz siz cik sâuv thax tsav”./.

Trấn Long-Lik Thox cxêik nhênhv