Tror muôx yưv ntâu chor nênhs fêv nziêk đas zuôr muôs lênhx nênhs

          Lơưr thiếu tướng Phan Mạnh Trường, Phưv Cục tsar Cục cảnh sát qênhz yuôx nênhs phamv cxâuv lok trật tự xã hội, Bộ công an, thâuv moz phax tar tâu moz Covid-19 thiêz Trung Quốc cxiv tsa xor their ntus đriv têz qơưk mak qênhx shênhx nênhs phamv cxâuv muôv muôs lênhx nênhs txu grês tsênhz mênhx. Taz sik, txix kaz shông 2023 thiêz 6 luz hlik hâur shôngk shông 2024, qênhx shênhx nênhs phamv cxâuv pov tror muôx yưv ntâu sâuv ntus đriv VN-Campuchia; VN- Trung Quốc thiêz VN- Lào. Têx lênhx nênhs no li tsưr ziv nziês đas muôx ntâu hlôngr yiêz li: cxoz txưv nhiêv uô gâux đrâus chiê đas muk muôs, xeir zuôr uô lox tôngv saz đrâuv têz qơưk đros phênhv nhiêx shar siêz, taz sik tsênhz mênhx zos trâus muôs uô luôk pox niêv, uô hluôk nxeik muôs pax muôs chêr, uô hâux lưv hâur têx paz nênhs nziês đas ntơưv Campuchia…Thiếu tướng Phan Mạnh Trường puz pâuz cxaz:

          “Muôx yưv tsưr ziv nziês đas yiêz zos cxoz txưv jênvh uô mê nhuôv puôs chiê chox muk muôs. Nênhs phamv cxâuv muôv muôs lênhx nênhs xav txix 6 luz hlik hâur shôngk shông 2024 muôx 39 txuz tsav 0,1% chor nênhs phamv cxâuv, taz sik chuôz ndê 18% ntâu. Tas nro têz qơưk tik cêr cxâuv 35 txuz, đros 104 lênhx nênhs phamv cxâuv muôv muôs lênhx nênhs, heik cxuô mak qênhx shênhx no chuôz ndê đros thiêz muôx yưv ntâu tsưr ziv nziês đas yiêz”

          Têz pov tsir lok hâux lưv cxiv tsa Dự án Chei phax tar muôv muôs lênhx nênhs, thiếu tướng Phạm Công Nguyên, Cục tsar cục pháp chế thiêz hlôngr yiêz hành chính, tư pháp (V03), Bộ công an puz pâuz: Bộ công an tsênhv cxiv tsa ntâuz ntơưr chiê muozo trâu Côx hôiv seiz shuôk thiêz thôngz đhâu hâur 2 jiês khiêz phêv. Ntơưv jiês khiêz phêv tiv 7 nhiv kruôr đhâu, Côx hôiv tưz sik seiz lax dự án chei no nhoz hâur Tuêv thiêz Hội trường. Lơưr tsaz yênhx, dự án Chei phax tar nênhs phamv cxâuv muôv muôs lênhx nênhs zuôr tâu Côx hôiv thôngz đhâu hâur jiês khiêz phêv tiv 8 tsưr tsix lok kaz shông no:

          “Nhiv no, pêz tsênhv sâu jênhv thiêz têz tas nro teiv plor côx hôiv li ziv chênhv. Hâux lưv cxiv tsa Chei no tso pov Chính phuv Vn li cam kết hâur tơưv txênhz đros zav nênhs phamv cxâuv muôv muôs lênhx nênhs thiêz uô têx chính sách siêz jông huv đros pháp luật sâuv ntiêx têz cux xưk li têx điều ước ntiêx têz mak VN cxaz chuôz cir hâur tas nro ntiêx têz li hâux lưv phax tar muôv muôs lênhx nênhs nhiv no”./.

(Minh Hường-Txâur Vax cxeik nhênhv)

Têx kror liv tsênhv tsênhz thâuv cxaz chuôz BHXH chiv chir zuôr

Bảo hiểm xar hôiv Việt Nam puz pâuz: Bảo hiểm txưv zênhv kriz uô txix shông 2009, taz sik tưz chuôz ndê txix 6 triệu lênhx nênhs shông 2009, tsar ndê 14 triệu ntâu trâu ntu nhiv no (tsar ndê zuôr xar 2,5 jiês). Pir đros lưx lươngv lox tôngv hâur hnuz nhôngs, chor nênhs cxaz chuôz BH chiv chir zuôr nhiv no xar muôx 31% ntâu. BHYT muôx txos 93% ntâu dân sôr cxaz chuôz, bâuv li muôx 93 triệu ntâu lênhx nênhs cxaz chuôz, uô zuôr xar tâu tsưr ziv tas nro pêx xênhv muôx BHYT.

Đros co, têx qơư dịch vuv sâu nhiêx BHXH, BHYT thiêz chor côngv tác viên cux tâu kriz đar, tâu uô txos trâu yênhx xar, phường, thị trấn đros muôx chor côngv tác viên nhoz tas nro têx jêx jok… paz zôngx ziv trâu pêx xênhv buôs ti tâu têx tsênhv chêi thiêz cxaz chuôz BHXH chiv chir zuôr. Đros têx uô tâu li hêik sâur puz pov, tsênhv chêi BHXH chiv chir zuôr tsênhv ziv hnuz ziv khav tênhv tâu kror zov chênhr hâur paz ngaz tuk xar hôiv trâu Pêx xênhv, sir jos uô cov tâu Đảng, Têz qơưk li tsưr ziv tas nro pêx xênhv cxaz chuôz BHXH. Tsênhv tsênhz li đrav kaz:

1.Nênhs cxaz chuôz tâu xêir tsov phênhv thêv thiêz tâu têz qơưk paz iz phênhv nhiêx thêv.

Thâuv cxaz chuôz BHXH chiv chir zuôr, sơưr đơưk zuôr tâu Têz qơưk paz iz phênhv nhiêx thêv xav lơưr phênhv puô kror nhiêx thêv BHXH yênhx hli bâuv phênhv ploz tsênhr pluôs nhoz thax tsav jêx jok, tsênhv tsênhz:

- Bâuv 30% trâu chor nênhs cxaz chuôz BHXH chiv chir zuôr zos chuôz zis pluôs;

- Bâuv 25% trâu nênhs cxaz chuôz BHXH chiv chir zuôr zos chuôz zis zuôr xar pluôs;

- Bâuv 10% trâu chor nênhs txơưr.

Six hơưv paz mak khov trâu nênhs cxaz chuôz li six hơưv cxaz chuôz BHXH chiv chir zuôr tsênhv tsênhz taz sik tsik ntâu đuô 10 shông (120 luz hli).

Đhâu thâuv tâu têz qơưk paz nhiêx thêv, nênhs cxaz chuôz BHXH chiv chir zuôr chor nhiêx tsuv thêv li đrav kaz:

Tiv zix, chiê paz trâu nênhs lox tôngv tự do tâu cxaz chuôz thiêz sơưv tsênhv chêi BHXH, nhiv no, ntâu tỉnh tsênhv paz nzir txix nhiêx txiêx têz qơưk ntơưv thax tsav qơư trâu nênhs cxaz chuôz BHXH chiv chir zuôr đrâuv têz qơưk li phênhv paz. Viv li, nênhs cxaz chuôz BHXH chiv chir zuôr chor nhiêx tsuv thêv hax zav tas tsơưs đuô.

2.Tâu xêir tsov tsưr ziv thêv huv zos.

Tưz tsik zos tâu xêir tsov phênhv thêv, nênhs lox tôngv thâuv cxaz chuôz BHXH chiv chir zuôr tsênhv tâu xêir tsov tsưr ziv thêv huv đros trâu zuk phênhv sâu, tsênhv tsênhz:

- Thêv lơưr six hơưv: yênhx hli, 3 luz hli, 6 luz hli iz jiês; 12 luz hli iz jiês; ntâu shông iz jiês (tsik ntâu đuô 5 shông iz jiês).

- Uô iz jiês thêv: trâu chor shông tsênhv yuôr (Tsik ntâu đuô 10 shông) chiê txâuk hnuz nhôngs tâu sơưv nhiêx hli so lâul.

3. Tâu sơưv ntâu kror.

Nênhs cxaz chuôz BHXH chiv chir zuôr thâuv txâuk cxuô kror lơưr cui tênhv, tâu sơưv têx kror li đrav kaz:

Tiv iz, tâu sơưv nhiêx hli so lâul yênhx hli chiê muôx tâu phênhv sâu truôx tuk thâuv tas hnuz nhôngs uô lox tôngv.

Nênhs cxaz chuôz BHXH chiv chir zuôr tâu sơưv nhiêx hli so lâul yênhx hli thâuv txâuk cxuô kror; nhiêx hli so lâul đros phênhv tâu sơưv siêz đuô lok six ntâu pir li phênhv tsuv thêv thiêz tsik so tâu kho chuôz ndê  lơưr sir zôngv, chuôz ndê kinh têr huv đros trâu nhiêx txiêx têz qơưk thiêz cuiv BHXH chiê paz truôx tuk luz nênhx trâu nênhs cxaz chuôz.

Oz sos, tâu cungz ntơưr BHYT tsik tas nhiêx txiêx chiê tsoz phưz đas jos ntu thâuv lâul.

- Paz uô đaz uô kruô: Nênhs cxaz chuôz BHXH chiv chir zuôr muôx six hơưv thêv BHXH chiv chir zuôr txix txưv 60 hli tror sâur lok sik nênhs tsênhv tâu sơưv nhiêx hli so lâul thâuv trâus tuôs, nênhs uô đaz uô kruô tâu jênhv phênhv paz uô đaz uô kruô bâuv 10 jiês phênhv nhiêx hli kik tiv zix.

- Paz nhiêx trâus tuôs iz jiês: Nênhs tsênhv cxaz chuôz thêv nhiêx BHXH chiv chir zuôr, tsênhv tuôr tsês six hơưv thêv, tsênhv tâu sơưv nhiêx hli so lâul trâus tuôs mak chor nênhs cxênhz jê tâu sơưv phênhv paz trâus tuôs iz jiês.

Nênhs cxaz chuôz BHXH chiv chir zuôr uô zôngx ziv, sêi têx ntâuz ntơưr đăngk cir, lơưr tsưr ziv: trực tiếp (đhâu tsưr tsix dịch vuv tâu choz vax huôv sâu BHXH, BHYT lok sik cơ quan BHXH qơư nhoz lok sik tạm trú) lok sik trực tuyến (đhâu Cổng dịch vuv công BHXH Việt Nam lok sik Cổng Dịch vuv công têz qơưk)./.

VOV4-Lik Thox cxêik nhênhv