Hâu nov cấp xã nhoz Điện Biên jux juk lês uô tâu truôx cxuô luôs hâux lưv zok muôz

Tsêr cơưv cxênhx nhuôs zâu jok Xôm thâuv sênhv tsi zôngv txos tâu hâu nov xã Nà Tấu yiêz, tỉnh Điện Biên nzaz nzơưv chiê trâu canr bôv công chức têx ban cxiv tsa đảng hâur xã nhoz uô hâux lưv. Txơưv qơư uô hâux lưv co mê grêiv, muôx tsi txâuk têx chuôz zênhx phưx vưv uô nuv thiêz tsênhv cxiv kho têx vax tsêr, qơư nhoz taz sik zuôr xar 10 hnuz đhâu, lơưr puôr lênhx lês uô tâu jông têx hâux lưv zok muôz, tsi trâus uô tuôr thênhv.  Pos Nguyễn Hồng Liên, seiz car Ủy ban qênhz yuôx Đảng ủy xã Nà Tấu, tỉnh Điện Biên heik pâuz: Ciês hâur ciêz xuz thơưx, cxuô phongx, ban lês car uô têx hâux lưv hâur xã puôr lênhx sir jos uô jông têx hâux lưv zok muôz trơưk têz qơưk cui tinhv, cux li đơưk uô tâu têx ntâuz ntơưr hành chính trâu pêx xênhv, tsi trâus uô tuôr thênhv, njiz trâus phiv liv li chas hlo.

“Ủy ban qênhz yuôx tâu phênhz nhoz tax ntơưv tsêr cơưv cxênhx nhuôs zâu cxiv uô thâuv shông 2006 ntơư, vax tsêr cux tsi yuô truôx khor lơưv, taz sik tập thể Ủy ban qênhz yuôx cux li sơưr đơưk hâur Ủy ban puôr lênhx sir jos lês uô têx hâux lưv zok muôz thiêz nhiv no phênhv ntâu tưz sưv jux juk”.

Cux xưk li heik sâuv, ntơưv xã Thanh Yên, xã yiêz qơư uô hâux lưv muôx tsi txâuk cxuô tsar zav, chênhr zos li heik co xã tưz nzaz nzơưv 2 xã kuz zos Noong Luống thiêz Thanh Yên qơư uô hâux lưv thâuv ntêx chiê nhoz uô nuv. Txơưv qơư uô hâux lưv tsi nhoz uô cê, taz sik chor canr bôv xã tưz sir jos siz paz lês uô têx hâux lưv zok muôz, taz por tsi trâus uô tuôr thênhv. Zơưv Trần Thế Hoàn, Phưv Chủ tịch ủy ban xã Thanh Yên, tỉnh Điện Biên heik:

“Txos nhiv no, đhâu iz ciêz ntâu lês uô têx hâux lưv lơưr 2 cấp, xã Thanh Yên cux tưz uô tâu truôx cxuô luôs hâux lưv, nhiv no taz por phưx vưv tsôngv pêx xênhv cux li têx hâux lưv uz no hâur xã”.

Trơưk li Ủy ban tỉnh Điện Biên ntâuk grê, đhâu 10 ntâu hnuz fuô uô têx hâux lưv ntơưv qơư lơưr 2 cấp, chor xã, phường phênhv ntâu tưz phênhz thiêz choz hâux lưv tsênhv tsênhz trâu yênhx lênhx nênhs, tso tơưv cui tinhv uô hâux lưv, yênhx lix tsênhv qơư phưx vưv hàng chính công thiêz lênhk txeik, đơưk uô yênhx puô têx ntâuz ntơưr uz no trâu tsưr tsix, lênhx nênhs, tsôngv pêx xênhv sơưr đơưk. Xav txos nhiv no, cxuô xã, phường tưz lênhk txeik 400 ntâu ntâuz ntơưr thiêz đơưk uô tâu 390 têx ntâuz ntơưr trơưk cui tinhv. Pos Lò Thị Học, uô hâux lưv hâur Tsênhv qơư phưx vưv Hành chính công xã Mường Nhà, tỉnh Điện Biên heik:

“Đhâu thâuv muôz iz cxiê xã, phường lok uô cê, txơưv phiv liv muk lol taz sik đros thiêz tsưr ziv sir jos lês uô jông têx hâux lưv phưx vưv tsôngv lax pêx xênhv, tas nro chor canr bôv hâur tsênhv qơư puôr lênhx khưx phưv phiv liv chiê tuôx uô hâux lưv trơưk six hơưv, phưx vưv tâu jông pêx xênhv”.

Zơưv Lê Thành Đô, Chủ tịch Ủy ban tỉnh Điện Biên heik pâuz: Ntâu xã, phường cux tsênhv njiz trâus phiv liv lok cxiv tsa cui tinhv uô nuv, choz hâux lưv trâu têx cơ quan, phênhz lênhx nênhs trơưk txux chi, tsưr ziv cơưv đhâu; iz cxiê qơư tsi tâu muôx thưx, tsi tâu muôx fuô kriê.... Txix têx li heik sâuv, tỉnh tưz heik cxuô thax tsav qơư zênhx max uô cov tiêr têx chei, cui tinhv hâux lưv trâu têx phongx; qênhz shuôs thiêz phênhz canr bôv, công chức, viên chức lês uô hâux lưv huv đros. Lar heik, hâux lưv kriê cơưv cxaz nzir têx txux chi tsưr ziv uô nuv trâu canr bôv cấp xã zuôr tâu tsưr tsix thiêz uô tiêr hâur hli 7/2025.

“Hâu nov cấp xã phênhv ntâu tưz lês uô tâu truôx jông têx hâux lưv zok muôz phưx vưv tsôngv pêx xênhv thiêz doanh nghiệp trơưk chei têz qơưk cui tinhv, lar heik zos hâux lưv taz por truôx tuk hâur thax tsav tưz uô tâu lok six jông. Hâur ntu zuôr txos, tỉnh zuôr tror sir jos chox car, chox kriê thiêz lês uô jông đuô cxuô luôs hâux lưv. Viv no zos iz hâux lưv zov chênhr zuôr trâus txos”.

Jux juk uô tiêr cxuô luôs hâux lưv, gra siêz txux chi tsưr ziv trâu canr bôv cấp xã, phường tsi tiêk paz hâu nov ntơưv qơư uô tâu jông  têx hâux lưv zok muôz, tsênhv khav tinhv tỉnh Điện Biên li sir jos hlôngr yiêz uô têx ntâuz ntơưr tâu truôx phưx vưv tsôngv pêx xênhv, doanh nghiệp. Txix cxuô sở, ngênhx cêr moz siêz thiêz ntơưv qơư bax jông, hâu nov 2 cấp nhoz Điện Biên vav chiê siêz zuôr tror lês uô tâu jông cxuô luôs hâux lưv zok muôz hâur ntu zuôr txos./.

Vũ Lợi-Riê Lâux cxeik, nhênhv

Phường Tô Hiệu sir jos phuôx huiz zos tỉnh Sơn La li tsênhv qơư chinhr triv, kinh têr, vênhx huôv

Phường Tô Hiệu tâu yênhx lix txix muôz 4 phường tsênhv qơư Thành phố Sơn La thâuv ntêx no, zos: Chiềng Lề, Tô Hiệu, Quyết Thắng, Quyết Tâm lok uô cê.

Đại hôiv đại biểu Đảng bôv phường Tô Hiệu jiês tiv 1, six cxiv 2025-2030 zos đại hôiv cấp xar, phường nhoz tỉnh Sơn La nhiv kruôr tâu tsưr tsix, đros muôx 150 đại biểu chênhr, hlôngr njêx muôs trau 5.000 ntâu đảng viên hâur Đảng bôv phường; đros co, tâu kriz txuôk đros trâu tas nro đảng ủy chor xar, phường hâur hur si tỉnh.

Hâur six cxiv 2020-2025, chiê uô tâu jông 3 kror chênhr, Ban Chấp hành Đảng bôv Thành phố Sơn La tưz cxiv tsa 10 đề anr nhoz yênhx kror hâux lưv chiê uô tiêr tsưr ziv cxiv tsa thành phố Sơn La huôv tsar hur jông, sêi, truôx đrênhk thiêz muôx ntâu kror vênhx huôv jông. 100% chor luôs hâux lưv, jênhv vưv Nghị quyết Đại hôiv Đảng bôv Thành phố Sơn La (kuz) tưz uô tiêr thiêz siêz đuô tsưr ziv tso tơưv; muôx 300 ntâu côngz trinhx, dưv anr lơưr tsưr ziv yưv pênhr côngz tâu kriz uô, đros tas nro pênhr yưv uô xar muôx 4.000 tiv đêiv; thành phố Sơn La zos yênhx UNESCO li thành viên chênhr nhoz cxiv luôs chor “Thành phố cơưv ntơưr sâuv ntiêx têz”; tsik so sơưr thơưx ntơưv tỉnh lok hlôngr yiêz uô têx ntâuz ntơưr hành chính…

Hêik ntơưv Đại hôiv, zơưv Hoàng Quốc Khánh, Bí thư Tỉnh ủy Sơn La tưz sâu jênhv thiêz kruôk txos cxuô kror mak canr bôv, đảng viên, chiến sĩ chor lưx lươngv vũ trang thiêz pêx xênhv thành phố thâuv ntêx no thiêz nhiv no zos phường Tô Hiệu tưz uô tâu. Bí thư Tỉnh ủy Sơn La hêik Đảng bôv phường Tô Hiệu sêi đrơưv uô truôx jông tsưr tsix, cxiv tsa thôngx niêv côngv siêz, thôngx ziv hâur tas nro Đảng bôv; xav jênhv tsênhz mênhx chor đề anr, tsưr ziv, jênhv vưv tsênhv njiêz tsuv kriz uô cov tâu jông lơưr nghị quyết Đại hội trơưk tsưr ziv “tsênhz lênhx nênhs, tsênhz hâux lưv uô, tsênhz txơưx jênhv, tsênhz hax huv, uô tâu truôx jông, huv six hơưv, huv lơưr tsưr ziv tso tơưv”:

“Đros zos tsênhv qơư thành phố Sơn La thâuv ntêx, phường Tô Hiệu muôx ntâu kror liv li thax tsav qơư, zuôr muôs, dịch vuv; tsuv kriz uô truôx jông cxuô kror liv zos huôv tsar kinh têr lơưr saz truôx đrênhk. Sir jos hlôngr yiêz đuô kinh têr, cxơưz cxiz huôv tsar chor nganhx dịch vuv tsơưr lươngv siêz; tror sir jos khav tênhv zuk kror liv zos tsênhv qơư, đros co zos khav tênhv uô tâu jông lơưr tsưr ziv uô hâux lưv yiêz”.

Six cxiv 2025-2030, Đảng bôv phường Tô Hiệu sir jos uô cov tiêr 25 luôs hâux lưv, hâur co: phênhv sâu nhiêx txiêx têz qơưk sâuv thax tsav phường 7-8%, tax tâu muôx 250 tiv đêiv; tok muôx 3 triệu lênhx kruô du lịch, phênhv sâu tâu muôx 1.500 tiv đêiv; yênhx lix yiêz 400 doanh nghiệp; 100% tôv dân phố, jêx jok muôx huôx tôngv “Luz tsêr txux chi”, câu lạc bôv cơưv ntơưr tas siv nênhx lok sik tsưr ziv vênhx huôv côngv thôngx; kết nạp tâu 150 lênhx đảng viên yiêz; 90% chi bôv uô tiêr tâu jông têx jênhv vưv… Zơưv Hà Trung Chiến, Bí thư Đảng ủy phường Tô Hiệu khav tênhv:

“Tập thể Ban Chấp hành, iz lênhx nênhs haur Ủy viên Ban Chấp hành Đảng bôv; cxuô cấp, cxuô nganhx, canr bôv, đảng viên thiêz pêx xênhv hâur tas nro phường muôx sir jos chinhr triv thiêz thôngx ziv siêz hâur jênhv pâuz thiêz huôx tôngv; txơưx xar tơưv, sir jos hla đhâu têx phiv liv, paz muôx têx hlôngr yiêz hâur huôv tsar kinh têr-xar hôiv, hâur côngz xưv cxiv tsa Đảng thiêz cxiv tsa cxiv luôs chinhr triv cov ziv hnuz ziv hênhr. Đhâu Đại hôiv, Ban Chấp hành Đảng bôv zuôr sêi đrơưv cxiv tsa tsaz yênhx huôx tôngv, uô jông nghị quyết yênhx têx đề anr huv đros tsênhv tsênhz ntơưv thax tsav qơư hâur ntu yiêz…”.

Nghị quyết lok tsưr ziv, jênhv vưv huôv tsar kinh têr-xar hôiv, côx phax, ngaz tuk thiêz côngz xưv cxiv tsa Đảng six cxiv 2025-2030 tưz tâu thôngz đhâu ntơưv Đại hôiv, đros muôx thôngx ziv, sir jos chiê cxiv tsa phường Tô Hiệu zos yênhx phường vav mênhx, hlôngr yiêz jông, huv đros trâu cấp ủy, chinhr quyền thiêz pêx xênhv sâuv thax tsav li siêz njênhs njôngr.

Hlôngr njêx muôs trâu chôngz canr bôv, đảng viên, pos Phạm Thị Mai Hương, Bí thư chi bôv, tôv tsar tôv 8, phường Tô Hiệu, Sơn La hêik pâuz:

“Pêz puôr lênhx thôngx siêz, thôngx ziv thiêz vav tiêk đros muôx Ban Chấp hành Đảng bôv phường li chox car, đros muôx chor canr bôv, đảng viên thiêz pêx xênhv li sir jos zuôr uô tâu jông Nghị quyết đại hôiv đảng bôv phường jiês tiv 1, paz trâu tỉnh Sơn La zos yênhx tỉnh huôv tsar sêi thiêz truôx đrênhk; paz trâu phường Tô Hiệu thiêz tỉnh Sơn La đros tâu têz qơưk hla trâu ntu hlôngr yiêz thiêz huôv tsar”./.

Lê Hạnh-Lik Thox cxêik nhênhv