Tsaz yênhx “Truôx khor, bluô nux txix niêv đêx hiêr” paz phênhv trâu tsôngv px nhiêv têz nhiêv qơư

Nus: Zơưv Nguyễn Tấn Tuân, Chủ tịch uỷ ban tỉnh Khánh Hòa, tsar Ban  tsưr tsix tsaz yênhx chính trị, kinh tế, vênhx huôv, xã hội “Truôx khor, bluô nux txix zuk niêv đêx hiêr” paz phênhv trâu tsôngv px nhiêv têz nhiêv qơư” tsaz yênhx no muôx liv li chas trâu tsênhv qơư muôx niêv đêx hiêr li Khánh Hòa?

           Zơưv Nguyễn Tấn Tuân: Pêz tưz xav tâu tiêk, no zos iz tsaz yênhx muôx liv zos tỉnh Khánh Hoà tsênhv taz tov fuô uô trơưk Bộ Chính trị nghị quyết 09 chiê cxiv tsa thiêz huôv tsar tỉnh Khánh Hòa txos shông 2030 thiêz xav txos shông 2045. Hâur ntơư, xav luôs hâux lưv cxiv tsa huyện poz hiêr Trường Sa yênhx iz tsênhv qơư kinh tế xã hội sâuv niêv đêx hiêr hâur hur si têz qơưs. Ntơư zos iz luôs hâux lưv uô trâu cxuô lênhx px Việt Nam nhiêv têz nhiêv qơư thiêz cxuô lênhx nênhs Việt Nam nhoz oz chas têz qơưs tis tror lok trưx phưv truôx zuk têz qơưs Việt Nam nhiêv đêx hiêr. Tsôngv px Việt Nam cux xav tâu truôx zuôr uô bluô nux txix zuk niêv đêx hiêr.

Nus:Uô li! Njiêz luk hâur tsaz yênhx “Truôx khor, bluô nux txix zuk niêv đêx hiêr”, li ntơư, truôx khor, bluô nux txix niêv đêx hiêr, poz hiêr muôx liv li chas trâu tỉnh Khảnh Hoà huôv tsar?

          Zơưv Nguyễn Tấn Tuân: Khánh Hòa zos iz luz tỉnh nhoz trơưk ntus niêv đêx hiêr Đông thiêz pêz cux xav tâu tiêk, luôs hâux lưv tsưx phưv truôx niêv đêx hiêr, lar hêik zos muôx huyện poz hiêr Trường Sa- zos Khánh Hòa đơn vị hành chính. Chênhr zos li ntơư, txix tsaz yênhx chính trị, kinh tế, vênhx huôv, xã hội, cur xar tiêk, cxuô lênhx px  hâur thax tsavKhánh Hòa cux li tsôngv px hâur hur si têz qơưs, tsôngv px Việt Nam nhoz oz chas têz qơưs cux uô têx luôs hâux lưv muôx liv tis ndo txos zuk têz qơưs. Đhâu co, pêz sđ sik côngv paz cxiv tsa huyện poz hiêr Trường Sa cov ziv hnuz ziv truôx khor. Txix cxuô luôs hâux lưv uô truôx khor lok quốc phòng- an ninh, px nhoz huyện poz hiêr muôx luz nênhx truôx tuk, tsâu sor thiêz cxươz cxiz cxuô tsưr tsix, doanh nghiệp, têx lênhx nênhs siêz jông muôz pênhr nhiêx tuôx cxiv uô luôs hâux lưv tu zus thiêz ntâuk shuôz njêk hâur niêv đêx hiêr. Uô li chas cov muôx liv txix niêv đêx hiêr, poz hiêr hâur ntucxiv tsa thiêz huôv tsar pêz têz qơưs niêv đêx hiêr.

          Nus: Bluô nux, huôv tsar uô nox txix niêv đêx hiêr, pêz tsuv kriz uô li chas cov tâu truôx đrênhk chiê tỉnh Khánh Hoà huôv tsar uô nox hâur niêv đêx hiêr cov huv đros?

           Zơưv Nguyễn Tấn Tuân:  Luôs hâux lưv huôv tsar uô nox hâur niêv đêx hiêr, ntus niêv đêx hiêr ntêr 385 cây cêr, curr xar Khánh Hòa zos iz luz tỉnh zôngx ziv huôv tsar uô nox hâur niêv đêx hiêr. Kror zov chênhr, pêz tsuv uô huôv tsar uô nox truôx trâu cxuô qơư đrêk yêz gox đêx li: Qơư đrêk yêz gox đêx Cam Ranh, Nha Trang, Vân Phong… Ntơư zos thax tsav qơư zôngx ziv kriz uô, zok nriêr khơưz kror cxax thiêz cxơưz cxiz tâu cxuô tập đoanx kinh tế tuôx kriz uô. Đros ntơư, cux muôx

200 luz poz hiêr lox, zâu, tỉnh Khánh Hòa zôngx ziv kriz uô kinh tế ndis uô si, sêiz shuôk têz qơưs, txuôk đros tsiv uô cxuô zav nox kaz li: Nôngs lur ciz thiêz têx zav nox kaz uô txix cxuô zav nôngs txơưr hâur thax tsav chiê huôv tsar uô nox trâu niêv đêx hiêr cov tâu truôx đrênhk, huv đros.

          Nus: Li cox nhiv kruôr hêik tas ntơư, jiês no, cuiv paz huôv tsar uô hâux lưv tu zus njêk, tỉnh Khánh Hòa zuôr kriz uô trâu hnuz 12/8. Viv li, cuiv no muôx liv li chas chiê paz tsôngv px tỉnh Khánh Hòa truôx khor, bluô nux txix niêv đêx hiêr?

          Zơưv Nguyễn Tấn Tuân: Ntơư zos iz quyv lok six zov chênhr, uô trơưk Chính phủ Nghị định hêik lokcuiv chơưv paz px tỉnh Khánh Hoà huôv tsar tu zus njêk. Tỉnh Khánh Hòa tưz thôngx ziv paz trâu cuiv 10 tỷ nhiêx thiêz pêz cux tsênhv hêik cxuô huyện, thị xã, thành phố hâur thax tsav; iz huyện, thị xã, thành phố tsuv sir jos paz trâu cuiv 1- 2 tỷ nhiêx. Đros co, pêz cux tsênhv hêik trâu cxuô cấp, cxuô ngênhx, cxuô tsênhv qơư, cxuô tsưr tsix, têx lênhx nênhs siêz jông hâur têz qơưs thiêz oz chas têz qơưs sik đros côngv paz huôv tsar cuiv nhiêx chiê paz trâu luôs hâux lưv huôv tsar tu zus njêk hâur thax tsav tỉnh Khánh Hoà.

          Ntơư zos chor nhiêx sđ sik côngv paz chiê muôz paz trâu chor px tu zus shuôz njêk thiêz ntâuk muôz shuôz njêk hâur niêv đêx hiêr chiê muôs trâu oz chas têz qơưs thiêz chor nhiêx co cux tâu sir zôngv cxiv uô qơư trâu yêz gox đêx đrêk,vax tsêr muôs hax huv hâur niêv đêx hiêr. Đros ntơư, pêz cux sir zôngv chor nhiêx quyv co cxiv uô vax tsêr trâu huyện poz hiêr Trường Sa, cov yênhx iz huyện muôx chôngz px nhoz huôv tsar cêr uô nox-tsưx phưv truôx khor pêz têz qơưs VN niêv đêx hiêr thiêz poz hiêr.

          Uô cox tsâus,tưz tsês six hơưv đros pêz thav loktsaz yênhx “Truôx khor, bluô nux txix zuk niêv đêx hiêr”!

                                                                             Tsu cxêik nhênhv-VOVMT

Zơưv Điêu Chính Lả-Zos iz lênhx sir jos por hưv, tuôr tsês tsôngv box Poz Ziz đơưz Sơn La li txux chi trax tính tẩu tsi chiê pôngz plox

Đros thiêz tsôngv box nhoz jê iz ndis jok 5, xã Mường Giàng, huyện Quỳnh Nhai, tỉnh Sơn La, tưz lok six sưv đros têx suôz trax tính tẩu đror txix zơưv Điêu Chính Lả li tsêr tuôx txix ntâu shông lok no.

Zơưv Lả heik: Zos lênhx tuz nhuôs xênhz thiêz hloz lox nhoz suôv qơư muôx tsôngv box Poz Ziz đơưz Quỳnh Nhai li ntâu txux chi vênhx huôv jông, txix ciês thâuv tsênhv zâu zơưv tưz tâu hnor thiêz mnôngs têx lênhx pos zơưs, niêv txir, chor lâul têx suôz trax, sênhr chêr heik cưr cxiêx. Chênhr viv li shông 1973, thâuv nhiv kruôr muôx 15 shông, zơưv tưz pâuz trax, yuôz trax tính tẩu thiêz đros nthuôr uô têx txux chi cêr lov jêv zos ntơưv qơư tsưr tsix. Cux chênhr txix têx siêz nhiêv ntơư, zơưv tưz sir jos zok nriêr, cơưv shâuv nzir chor lâul txux chi jêik, đhok uô trax tính tẩu, zav trax nênhs Poz Ziz đơưz iz txưv muôx đros đreiv hâur luz nênhx xênhz huôx niêx hnuz. Lơưr zơưv Điêu Chính Lả: Chiê uô tâu iz luz trax tính tẩu, tsuv uô ntâu zav li: Uô tâuz trax, zok nriêr hluô trax, đhok..... Hok chiê uô tâu luz trax co đror gôngr jông, zov chênhr zos luz tâuz trax, tâuz trax mak khênhr zok nriêr têx tâuz hưz kruôr lok jêis uô. Tâuz hưz tsuv zos têx tâuz hưz lâul, khênhx, jông gâux thiêx uô tâu đror gôngr jông. Xuz thơưx thâuv zuôr uô trax ntơư, tsuv muk zok nriêr txiêr iz za ntông ziês lok tưk jêis uô chêr trax, muôz meir thiz cov đu, jông gâux, hok luz tâuz hưz mak muôz txiêr iz za pêv tuk co, câuk hur si têx nôngz saz hâur por tsês chiê uô tâuz trax: “Chiê uô tâu iz luz trax đror jông thiêz gôngr. Tiv iz zos zar ntông tsuv kruôr, thâuv jêis uô tâu chiê truz khi chor hluô trax thiêx truz tâu đrux, siz luôs. Tiv 2, luz tâuz hưz mak tsuv muôz txiêr ¼ zar pêv tus co por tsês, câuk hur si têx hlưz saz hâur li uô tâu đror jông”.

Sir jos jêik uô trax, moz siêz kriê têx txux chi trâu chor tuz nhuôs cơưv shâuv, txos nhiv no zơưv Điêu Chính Lả tưz uô tâu 2 cxênhz ntâu luz trax tính tẩu muôs trâu têx lênhx nênhs đros nhiêv zav trax co chox muk ntâuk uô si, uô huv puz trâu luôs lưv tus lok sik thâuv tưs muôx nênhs đas cir zuôr txos. 100 ntâu lênhx tâu zơưv kriê têx txux chi jêis đhok uô trax, ntâuk trax nhiv no cux tưz pâuz uô, pâuz ntâuk tâu jông lơưv. Hâur co, muôx kênh lênhx hnuz nhôngs tsênhv lok six zâu, nhiv kruôr muôx 10 shông xưz, co zos lênhx nhuôv Hoàng Đức Huy, nhoz jok Phiêng Nèn, xã Mường Giàng tưz pâuz ntâuk tâu jông zav trax nor. Huy heik: Chiê uô tâu iz luz trax đror jông thiêz gôngr mak tsi zos lav uô lav tâu, tsuv max mav jêis, đhok uô iz kro jux juk. Tâu zơưv Lả kriê têx txux chi, cur tưz pâuz ntâuk trax tính tẩu mê njik lơưv. Co zos tsuv muôz tâuz têk xông ntâuk mul ntâuk lol txox hluô trax, xuz thơưx zos ntâuk iz txox hluô jux juk, đhâu ntơư ntâuk 3 txox thiêz suôr iz txox jux juk chiê ntâuk yênhx suôz trax: “Cur tâu zơưv Lả kriê ntâuk trax tính tẩu txos nhiv no tưz tâu 2 shông, nhiv no cur tưz pâuz ntâuk tâu 6 jax trax. Hâur ntu zuôr txos, cur zuôr tror cơưv ntâuk trax chiê ntâuk tâu jông, đros por hưv, tuôr tsês zuk heir nênhs têx txux chi vênhx huôv tsi chiê pôngz plox”.

Tsi tiêk jêis đhok uô, kriê txux chi ntâuk trax tính tẩu, zơưv Điêu Chính Lả tsênhv moz siêz lus đros cxaz chuôz têx phôngz yaox vênhx huôv nthuôr uô lov jêv ntơưv qơư, zos lênhx sir jos đros cxaz chuôz ntâu têx cêr uô si lov jêv ntâuk trax, heik cưr cxiêx siz tưr hâur thiêz đrâuv luôs 2 chas tỉnh. Iz zav li: Tưr thik tâu 3 jiês hov iz nthuôr uô lov jêv hâur tas nro têz qơưk shông 2009, 2015, 2016; tưr thik tâu hov iz hội thik đhiê pax vuôs xoè côngv thôngx shông 2015.... Zơưv Lả li tsưr ziv, siêz xar njôngr zos por hưv thiêz tuôr tâu tsês zuk heir nênhs suôz trax tính tẩu tsi chiê pôngz plox: “Chiê trax tính tẩu tsi trâul pôngz plox, hâur ntu zuôr txos, cur tror kriê têx txux chi ntâuk trax trâu chor tuz nxeik nthuôr uô lov jêv, iz lớp shux xênhz hâur tsêr cơưv. Taz sik cux vav thiêz xar cov cxuô cấp, cxuô ngênhx đros moz siêz txos, muôz jông six hơưv paz max têx lênhx nênhs cơưv muôx đêx hâuk chiê cơưv tâu jông đuô”.

Trơưk li tix lâus Ngần Văn Ngoan, canr bôv vênhx huôv xã Mường Giàng: Zơưv Điêu Chính Lả tưz muôx ntâu côngz đas jos paz por hưv, tuôr tsês tsôngv box Poz Ziz đơưz nhoz suôv qơư no têx txux chi vênhx huôv jông thâuv nzor: “Zơưv Điêu Chính Lả zos iz hâur têx lênhx muôx côngz đas jos đros paz tsưx phưv jông heir nênhs Poz Ziz têx txux chi cêr nênhx vênhx huôv tsi chiê pôngz plox. Lar heik zos lok sâuv tsiv uô thiêz kriê têx txux chi ntâuk trax tính tẩu, txos nhiv no ntâu cxênhx hluôk lơưr tưz pâuz tsiv uô, ntâuk tâu jông trax tính tẩu. Pêz tror tôngv zênhx, cxiz zơưv Điêu Chính Lả tror sir jos tsiv uô thiêz kriê têx txux chi ntâuk trax trâu chor tuz nxeik hluôk cov sơưr đơưk đros por hưv, tuôr tsês chiê”.

Shông 2015, zơưv Điêu Chính Lả tưz tâu Chủ tịch têz qơưk muôz ntơưr kruôs zos lênhx nênhs muôx ntâu côngz đas jos đros por hưv, tuôr tsês zuk heir nênhs têx txux chi cêr nênhx vênhx huôv jông. Co zos đas jos cxơưz zơưv tror sir jos tsiv uô, tuôr tsês zuk heir nênhs li cêr nênhx vênhx huôv tsi chiê pôngz plox./.

Thiều Nghiệp-Riê Lâux cxeik, nhênhv