Njuôs Bát Độ nhoz Yên Bái sâu tâu cheix, muôs tâu grê

          Zơưv Hà Văn Liên, nhoz jos Đồng Cát zos iz hâur têx ziv chuôz zis chos njuôs shôngz Bát Độ xuz thơưx nhoz xã Kiên Thành, huyện Trấn Yên, tỉnh Yên Bái. Nhiv no chuôz zis tưz muôx 15 hecta sâu tâu njuôs thiêz 5 hecta nhiv kruôr chos yiêz. Chungz fênhx iz shông, zơưv Liên chuôz zis sâu tâu 100 ntâu tênhr njuôs nhôngs. Đros grê muôs txix 5 cxênhz 500 txos 6 cxênhz 500 đeiv iz cir, chiv njuôs shông no, njuôs xav zơưv chuôz zis zuôr sâu tâu muôx nhos 600 tsov đeiv. Zơưv Liên shir phaz heik: “Njuôs shôngz zos tsoz chos tsênhv. Viv li pir đros ciêv fix mak ciêv fix chos ntêr shông đuô, six hơưv tsoz phưz ntêr viv li cur chuôz zis phênhv ntâu zos njuôs”.

          Huyện Trấn Yên, tỉnh Yên Bái nhiv no muôx zuôr xar 4 cxênhz hecta njuôs Bát Độ, hâur co muôx 3 cxênhz 300 hecta tsênhv txos chêix sâu, chêx chôngk phênhv ntâu nhoz têx xã Kiên Thành, Hồng Ca, Hưng Khánh, Lương Thịnh, Hưng Thịnh… Njuôs chiê muôs fênhx pheiz zos 30 cxênhz tênhr iz chiv. Đros grê muôs li nhiv no, shông no, phênhv sâu njuôs xav tax muôx nhos 200 tỷ đeiv.

          Chiê taz por qơư sâu zuôr thiêz grê muôs ngaz tul, têx shôngk jê ntơưv no, huyện Trấn Yên thiêz tỉnh Yên Bái tưz tsov cưv hu grus, zaz zâuv têx doanh nghiệp, công ty, HTX lok yưv pênhr cxiv tsa tsêr meir sâu zuôr thiêz tsiv uô têx xiv huv kôngz nuv heik cxuô, xiv huv njuôs nhoz Trấn Yên heik taz. Hâur têx taz viv tsênhv huôx tôngv nhoz Trấn Yên, Công ty cổ phần Yên Thành Yên Bái nhiv no tsênhv sik hux jos đros tsôngv box chos 100 hecta ntâu njuôs shôngz Bát độ thiêz cir ntơưr sâu zuôr tas nro tsôngv box, HTX li xiv huv chiê tsiv uô njuôs tsâu cuô txoz, njuôs kruôr muôs tơưv trâu Nhật Bản, Đài Loan (Trung Quốc) thiêz tsiv uô iz cxiê xiv huv njuôs OCOP muôs hâur têz qơưk. Zơưv Nguyễn Đức Dũng, Giám đốc công ty puz pâuz: “Công ty cir hôx thôngx sâu zuôr 20 txos 30 shông đros têx HTX thiêz muôx têx cấp chính quyênx paz txưv; têx HTX ho cir hôx thôngx yưv pênhr qir zuôv, chuôz zênhx thiêz têx nhiêx phí txơưr đros tsôngv box thiêz cir ntơưr sâu zuôr xiv huv trâu pox nhuôk nôngx mênhx. Fênhx yax txos chiv cheix mak grê sâu zuôr tsênhv siêz đuô grê fênhx yax. Thiêz đros tsưr ziv no mak tsôngv box tso siêz đuô thâuv muôx niêv ciêz sâu zuôr đros grê ngaz tul”.

          Tâu pâuz, uô ntêx thiêz thâuv txos cheiv cheix, chính quyênx tiv phaz thiêz nganhx kôngz nuv muôx tsưr ziv heik kriê chiê nôngx mênhx sâu njuôs cov huv đros tsi uô zênhr shar txos chiv cheix tov kaz no. Cux đros co zos zoz qơưx têx doanh nghiệp, HTX sâuv thax tsav bax tsưr ziv sâu zuôr huv đros chiê njuôs tsi trâus lâuk thiêz muôx yưv qênhx shênhx chuôz ndê grê muôs, zuôv grê…chiê niêv ciêz ngaz tul. Zơưv Hoàng Ngọc Chấn, Phưv Chủ tịch UB xã Kiên Thành, Huyện Trấn Yên, tỉnh Yên Bái puz pâuz: “ Tâu tỉnh txos huyện tsov cưv, chính quyênx tiv phaz tror sik côngv nriêr tsưr ziv sik côngv đros công ty chiê sik côngv tsiv uô, sâu zuôr. Tiv zix têx shông jê ntơưv no, sâuv thax tsav xã Kiên Thành tsênhv uô Nghị quyết 69 lok hâux lưv sik côngv tsiv uô njuôs shôngz Bát độ mak xã tưz thiêz tsênhv đros têx công ty, doanh nghiệp tsưr tsix muôv muôs, heik kriê xiv huv njuôs shôngz Bát độ”.

          Tsôngv box li sir jos đros cấp ủy, chính quyênx têx cấp li tsov cưv hâur hâux lưv cxơưz tiês tsiv uô li nhiv no, njênhs njôngr zuôr paz nganhx tsiv uô kôngz nuv heik cxuô, nganhx tsiv uô njuôs shôngz Bát độ heik taz nhoz Trấn Yên ziv hnuz ziv huôv tsar, paz tsôngv box luz nênhx ziv hnuz ziv huôv tsar, hlôngr yiêz jông./.

Trịnh Xuân-Txâur Vax cxeik nhênhv

Tsưr ziv chos jâuz tâuv sâu đê tâu nju

             1.Xeir ar têz chos jâuz tâuv-Tsưr ziv lêix uô ar chiê chos

            Phênhv ntâu têx jâuz tâuv tâu chos nhiv no huv đros trâu cxuô zav ar têz li: Ar shơư suôz jêz, ar ntus đêx, ar đax.....

           Thâuv xeir ar chos jâuz tâuv, sơưr đơưk tsuv xeir têx ar têz tsi yuô tsuôs. Jâuz tâuv jông chos trâu têx ar mok, chênhr viv li uô ntêx thâuv zuôr chos sơưr đơưk tsuv lêix, uô ar cov nxênhr thiêz mok, tsês jiêz yar muôx 20 hnuz li chos. Co zos kror zov chênhr chiê chos tâu têx jâuz tâuv thiêx hloz lox jông, đê sâu tâu nju. Tsuv sir zôngv têx qir tsiêx cxu tưz đhâu vâuv tsês tso trâu chiê thâuv lêix cov têx ar thiêz qir siz shơưk.

            2.Muôz ar huk uô têx hax chiê chos jâuz tâuv

          Huk uô têx hax siêz thâuv cheix ntux nas đêx li tsi ngaz têx jâuz tâuv, chas tsi lưx, chor jâuz tâuv thiêx tsi tuôs, zôngx ziv tu, đoz têx đrox.

           3.Uô qơư vor thêir têx hax jâuz tâuv

          Uô trơưk tsưr ziv li heik sâuv zos zôngv trâu iz cxiê zav jâuz tâuv chos ntêr hnuz nhôngs.

         Tiv iz zos muôz ar huk uô têx hax cov tiêx, siêz xar iz đok txos iz đok ntâu.

        Tiv 2, muôz qir puô trâu: Hur si têx hmôngr jêz siz, qir tsiêx cxu thiêz qir têz qơưk tsuv muôz fmông, tso pur ntiê trâu sâuv hax ar zuôr chos jâuz tâuv. Zos uô qơư vor thêir mak sơưr đơưk tsuv tso chor qir puô ntâu đuô pir li chos muôz kuôr blêx vor, viv têx qir hâur luz têik lok sik qơư trâu qir chiê chos co tsi thôngx li chos kuôr blêx.

         Tiv 3, uô ntêx thâuv zuôr vor thêir mak sơưr đơưk tsuv zưs đêx cov hax ar ntơư ntuz, nông.

         Tiv 4, Tsuôs yuôx tuô lov caz hmoz uô ruôr hiêv jâuz tâuv uô ntêx thâuv zuôr muôz tso hâur têik chos.....

           4. Xưv lik têx nôngz jâuz tâuv thiêz tsưr ziv tsêz chos

          Chor nôngz jâuz tâuv quyết tinhv txos têx jâuz tâu sâu đê zar tov kaz no. Taz sik phênhv ntâu zos khênhr tsêz ciês trâu sâuv têx hax ar tưz huk lêix uô tâu ntơư xưz.

          Tsêz li no têx jâuz zuôr hloz lox thiêz khor đuô, tsi yuô trâul kêix, vâu lor. Taz sik ho tsi yuô jông tsoz phưz, thâuv tưs lok nas lox mak têx jâuz tâuv mok khênhr trâul uô ruôr hiêv ntâu.

           Uô zuz chos: Uô zuz chos mak jâuz tâuv lox siz luôs đuô, tsi yuô trâul tuôs. Taz sik uô li co ho pôngz ntâu côngz đas jos thiêz têx chas tsi yuô khor truôx.

           5.Tsoz phưz jâuz tâuv trơưk cui tinhv

          Jâuz tâuv nziv nông thiêz muôx đêx, viv li sơưr đơưk muôx têx zưs đêx tsi so trâu cov têx ar nông.

          Tsi so bôngk ar trâu têx hâur pâuk, chor jâuz tâuv thiêx khor, tsi kêix, vâu thâuv muôx nas chuô.

            Iz chas ntơư, cux tsi so đoz têx đrox por tsês chiê jâuz tâuv jông, hloz lox tâuk.

            6.Sâu đê jâuz tâuv trơưk tsưr ziv

          Jâuz tâuv đhâu thâuv sâu đê, tsuv muôz tso trâu têx qơư txiêk, lax, jâuz tâuv thiêx tsi trâul tuôs njưk, Sơưr đơưk tsuv tsưv ziv, tsi sâu đê jâuz tâuv đhâu thâuv nhiv kruôr zưs đêx tas, zos sâu đê thâuv co chor jâuz tâuv tsênhv ntuz, zuôr uô têx jâuz tâuv lưx, tsi jông.

          Phênhv “nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN iz suôv faz Tây Bắc đros tsênhv qơư cxiz kôngz têz qơưk uô./.

Vàng Lan KT-Riê Lâux cxeik, nhênhv