Đà Nẵng: Nênhs moz suôz liêz chuôz ndê siêz tiv zix

hâur 5 shôngk đhâu

          Niêv lâuk Nguyễn Thị Lanh, tsêr nhoz phường An Hải Tây, quận Sơn Trà, thành phố Đà Nẵng muôx mê nhuôk muôx 13 shông hnuz nhôngs trâus moz siêz suôz tsênhv tâu kho moz ntơưv Tsênhv qơư y tế quận Sơn Trà. Niêv lâuk Lanh puz pâuz, iz ndis thax tsav niêv lâuk nhoz uô nênhx cux muôx iz cxiê lênhx mê nhuôk trâus moz suôz liêz viv li thâuv niêv lâuk cux pâuz zuk mê nhuôk cux zuôr trâus cik moz. Đhâu coz nas chuô số 4, ntux nyar ntux nas tsi so uô zôngr huôv xênhz ntâu. Niêv lâuk Nguyễn Thị Lanh heik:“Cur tâu pâuz hâur ntu no moz suôz liêz huôv xênhz viv li mê nhuôk trâus moz mak cux zos fênhx yax, iz ndis no tưz muôx ntâu lênhx mê nhuôk trâus moz lơưv. Viv chuôz zis zôngv điều hòa, tsi đei vix tsav, heik cxuô mak txix thâuv co tsi đei vix tsav thâuv pư. Jiês no lok tsêr mak zuôr đei vix tsav thâuv muk pư. Pư hâur vix tsav cov tsi trâus zôngr tov, trâus cik moz”

          Số laov txix tsênhv qơư seiz car moz Thành phố Đà Nẵng, nênhs moz suôz liêz sâuv thax tsav thành phố tror chuôz ndê siêz txix hâur hlik hli 10 txos nhiv no. Têx tiv phaz sâu jênhv muôx ntâu lênhx nênhs trâus moz zos ntơưv têx quận Liên Chiểu, Cầm Lệ thiêz Hòa Vang. Sâuv thax tsav TP Đà Nẵng tưz muôx ntâu qơư huôv xênhz moz lox zâu nhoz têx quận, huyện. Ntơưv quận Sơn Trà, moz suôz liêz huôv xênhz zov chênhr. Zos xưk li thâuv ntêx nênhs moz chuôz ndê phênhv ntâu nhoz têx quận Liên Chiểu, Cẩm Lệ, mak txix hâur hlik hli 10 txos nhiv no, tiv zix zos đhâu coz nas chuô số 4, nênhs moz suôz liêz nhoz quận Sơn Trà chuôz ndê siêz. Bác sĩ Nguyễn Ngọc Việt, Phưv tsar Khoa mê nhuôk zâu, Tsênhv qơư y tế quận Sơn Trà puz pâuz, khoa mê nhuôk zâu nhiv no muôx 40 luz txax trâu nênhs moz mak 1 đraz ntâu zos kho moz suôz liêz, muôx têx thâuv iz hnuz muôx 10 lênhx mê nhuôk trâus moz, siêz đuô lok six ntâu pir đros têx shông tov ntêx:“Mê nhuôk mak nhoz hov hnuz nhôngs tưs cux zôngx ziv trâus cik moz, muôx têx lênhx mê nhuôk nhiv kruôr tâu 12 luz hlik cux trâus moz suôz liêz. Moz suôz liêz shông no tsi hnhar li niêx shông taz sik nênhs moz mak chôngz đuô. Moz suôz liêz txix nhiv no txos hli 11 qir chuôz ndê. Chiê tir tar tâu moz đros shux xênhz zuk tsuv tso mê nhuôk pư hâur vix tsav, plênhr yuôx tir tar zôngr tov thiêz uô vêv xênhz tsêr nhoz hur đu”

          Đhâu thôngz sâu lok lênhx nênhs trâus moz suôz liêz ntơưv thành phố Đà Nẵng tso pov, txix hâur shôngk shông txos nhiv no, nênhs moz suôz liêz chuôz ndê siêz tiv zix hâur 5 shôngk đhâu. Muôx zuôr xar 6 cxênhz 300 lênhx nênhs trâus moz suôz liêz hâur shông no. Txos nhiv no, tas nro Thành phố sâu jênhv zuôr xar 640 qơư lox zâu muôx moz huôv xênhz. Lơưr ziv chênhv iz cxiê cán bộ seiz car moz cik, qir tiv nênhs trâus cik moz chuôz ndê đrâuv tiv qiv hơưv txơưr txar, mak tsôngv box tsênhv tsi tâu uô jông hâux lưv phax tar moz. Ntâu ziv chuôz zis pư tsi đei vix tsav, hâur tsêr, hâur vax tsênhv muôx têx teik tso đêx ntêr hnuz, zos têx qơư jông chiê zôngr huôv xênhz. Zơưv Nguyễn Hóa, Phưv giám đốc Tsênhv qơư seiz car moz Đà Nẵng puz pâuz, taz viv tưz yênhx lix têx tuêv côngz xưv muk txos têx qơư muôx moz huôv xênhz chiê ntâuk grê qênhx shênhx thiêz muôx têx tsưr ziv yưr lir lơưr yênhx thax tsav moz huôv xênhz:          “Tsênhv qơư seiz car moz cux tưz chuôz tsar cán bộ tsênhv qơư đros têx tsênhv qơư y tế, têx qơư y tế sưeiz car thiêz yưr lir têx qơư muôx moz huôv xênhz lơưr cui tênhv. Thôngx cxix đros têx cán bộ têx tuyến cxiv tsa tsưr ziv ntâuk grê qênhx shênhx uô ntêx thâuv yưr lir cux xưk li đhâu thâuv yưr lir tas”./.

(VOV faz Trung-Txâur Vax cxeik nhênhv)

Tsênhv chei nhiêx hli so lâul shông 2022-Tsar ndê phênhv sâu tâu trâu nênhs lâul hnuz nhôngs siêz

Tsênhv tsênhz, tsênhv chei nhiêx hli so lâul shông 2022 tâu uô lơưr Chính phủ Nghị định 108 tso tơưv hnuz xiêz 07/12/2021, li đrav kaz:

Tsar ndê nhiêx hli so lâul:

+Phênhv cxiv kho: Kho tsar ndê 7% ntâu têx nhiêx hli so lâul hâur hli 12/2021.

+Six hơưv uô lơưr: Txix hnuz xiêz 01/01/2022.

Lênhx nênhs tâu sơưv têx chei heik sâuv zos: Canr bôv, công chức, công nhân, viên chức thiêz nênhs lox tôngv; bôv đôiv, công an….tsênhv tâu sơưv nhiêx so lâul hâur niêx luz hlik; canr bôv xã, phường, thị trấn cui tinhv ntơưv Nghị định sôr 92 hnuz 22/10/2009 thiêz chor nênhs lês car uô đreiv têx nuv tâu zok muôz hâur xã trơưk cui tinhv;

Bôv đôiv, công an tâu sơưv nhiêx so lâul iz zav li bôv đôiv,c ông an tsênhv tâu sơưv têx nhiêx chơưv paz niêx luz hlik lơưr Quyết tinhv sôr 62 hnuz xiêz 09/11/2011.

Iz chas ntơư, Nghị định 108 cux cui tinhv txix hnuz xiêz 01/01/2022, cxiv kho tsar ndê nzir trâu chor nênhs so lâul uô ntêx hnuz xiêz 01/01/1995 đhâu thâuv cxiv kho lơưr cui tinhv, muôx nhiêx so lâul tsơưs đuô 2 tsov 500 cxênhz đeiv iz hlik, tsênhv tsênhz li đrav kaz:

Tsar ndê nzir 200 cxênhz đeiv iz lênhx nênhs iz hlik trâu chor nênhs muôx nhiêx hli so lâul txix 2 tsov 300 cxênhz đeiv iz lênhx nênhs iz hlik tror zar hâur.

Tsar ndê bâuv 2 tsov 500 cxênhz đeiv iz lênhx nênhs iz hlik trâu têx lênhx muôx nhiêx hli so lâul txix 2 tsov 300 cxênhz đeiv iz lênhx nênhs iz hlik txos 2 tsov 500 cxênhz đeiv iz lênhx nênhs iz hlik.

Tsar ndêx têx nhiêx chơưv paz Bảo hiểm xã hội thiêz paz niêx luz hlik:

Đros trâu tsênhv chei tsar ndê têx nhiêx hli so lâul, Nghị định 108 cux cui tinhv tsar ndê nhiêx chơưv paz bảo hiểm xã hội thiêz paz niêx luz hlik nzir 7% ntâu bâuv li phênhv paz hâur hli 12/2021.

Chor nênhs tsênhv tâu sơưv chơưv paz bảo hiểm xã hội thiêz paz niêx luz hlik tâu cxiv kho tsar ndê iz zav li têx lênhx nênhs tsênhv tâu sơưv nhiêx so lâul.

Lênhx nênhs đhâu thâuv uô lơưr cxiv kho, muôx phênhv paz tsơưs đuô 2 tsov 500 cxênhz đeiv mak tsar ndê nzir 200 cxênhz đeiv iz lênhx nênhs iz hlik lol sik tsar ndê bâuv 2 tsov 500 cxênhz đeiv iz lênhx nênhs iz hlik.

Shông 2022, tsar ndê phênhv sâu tâu trâu nênhs lâul hnuz nhôngs siêz, cov muôx luz nênhx jông đuô. Nhoz pêz têz qơưk, têx lênhx nênhs li heik co tâu moz siêz txos zos Đảng, têz qơưk li iz hâur têx tsênhv chei zov chênhr. Đros thiêz nênhs lâul hnuz nhôngs siêz tsênhv tâu nhiêx so lâul, nhiêx paz bảo hiểm xã hội lok sik nhiêx paz niêx luz hlik phênhv ntâu tưz tsi muôx đas jos khưr uô nox, phênhv sâu tâu tsơưs, viv li uô lơưr cxiv kho tsar ndê nhiêx hli so lâul thiêz paz bảo hiểm xã hội, paz niêx luz hlik hâur ntu nhiv no zos lok six zuôr trâul txos.

Nzênh trâu shông 2022, pêz têz qơưk cux tsênhv trâul moz Covid-19 uô ruôr hiêv txos, iz chas co  cxuô zav tsar ndê gri, tsênhv sir jos lês uô têx luôs hâux lưv chiê phax tar moz gênhk, chênhr viv li tsôngv pêx xênhv luz nênhx xênhz huôx ziv trâul txov đuô. Tsênhv chei tsar ndê nhiêx hli so lâul, paz bảo hiểm xã hội, paz niêx luz hlik tưz paz tsar ndê phênhv sâu tâu trâu chor nênhs lâul hnuz nhôngs siêz, zuôr paz uô hlôngr yiêz lơưr luz nênhx nox nhoz, xênhz huôx jông đuô. Thiêz no cux zos qơư khov truôx trâu nênhs lâul, txo grêk tsơưs têx phiv liv trâu chor tuz nhuôs lok sik têx tsưr tsix xã hội./.

(Thu Thùy-Riê Lâux cxeik, nhênhv)