Cheix ntux yiêz đhiê tsưx tsiêk- tsôngv box Hmôngz li pax vuôk trâur lâuk

          Đhiê tsưx tsiêk mak tsuv muôx tul tsưx tsiêk. Tul tsưx tsiêk tâu uô txix iz tul shôngz ntêr txix 1 txos 1,2 yiv, muôx 3 zas tâu tho kror chiê đhok 2-3 luz chor los nhiêx lâuk, zas tsênhv yuôr tsi tho kror chiê nênhs đhiê tuôr thâuv đhiê. Oz tos tul tsưx tsiêk mak khi têx tâur xor liêz, njuôz jông jav, chiê thâuv đhiê mak jông seiz đuô. Tsưx tsiêk thâuv njiê mak pov lok six zôngx ziv uô, taz sik chiê uô tâu iz tul tsưx tsiêk mak nênhs uô tsuv lok six txơưx uô thiêx li uô tâu. Tix lâuk Hải Xênhv Zax, sêiz car qơư uô kênhx Hmôngz Bắc Hà (Lào Cai), iz lênhx nênhs nhênhz chơưv ntâu lok pêz Hmôngz li vênhx huôv, phongz cxưx jông puz pâuz:

          Thâuv ntêx đhiê tsưx tsiêk muôx iz jax zos 18 zav li kênhx, ntax, pak, hnênhr, tsưx tsiêk... viv li thâuv đhiê zuôr trâus muôx txâuk 18 lênhx nênhs đhiê, tul muk uô ntêx, tul đhiê lơưr tov kaz sik đros đhiê lok six jông. Jax co khênhr tâu đhiê hâur pox nhuôs li têx phongz cxưx lox.

          Nhiv no, đhiê tsưx tsiêk tsuôk tâu tuôr tsês phênhv tưs thiêz tsi cxix cxuô hâur pêz Hmôngz li têx chei đaz kruô. Thâuv muôx iz tus lâuk pur 120 shông tâu tas siv nênhx, lơưr zuôr gra hnênhr, tsưx tsiêk, kênhx...muk iz ndis tsêr, zos pox niêv mak muk 7 lưv, txir nênhx mak muk 9 lưv. Đhiê tsưx tsiêk tsênhv tâu hlôngr yiêz cov huv đros chiê đhiê hâur têx ntênhs phêv lov jêv, đhiê vênhx ziv...taz sik cux tuôr tsês tâu têx muôx thâuv nzor hâur jax đhiê chax chês. Đhiê tsưx tsiêk muôx lok six ntâu jax txơưr, zos nênhs đhiê tsuv xar tơưv, taz sik tas nro puôr lênhx zos đhiê trơưk 11 tsưr ziv đhiê tsênhv thiêz tâu xar tơưv cxaz cov yênhx iz jax txơưr. Đrâuv co, chiê đhiê tsưx tsiêk ziv lov jêv đuô, pox nhuôs tsênhv đhiê tsưx tsiêk đros têx suôz đruôk tôngx, nxêz tôngx.

          Tul nxeik Dôngr Xênhv Vax, tưz shâuv thiêz muk đhiê tsưx tsiêk đhâu 10 shôngk ntâu, thiêz jê ntơưv no zos tuôx đhiê hâur hnuz “Ntênhs vênhx huôv mênhx cxưx Hmôngz tas nro têz qơưk jiês tiv III” tsưr tsix ntơưv tỉnh Lai Châu shir phaz heik:

          Đros trâu nthuôr uô cêr lov jêv đhiê kênhx Hmôngz cxôngx nzor, đhiê tsưx tsiêk cux zos jax đhiê muôx cxôngx nzor tưz thiêz tsênhv tâu pox nhuôs tuôr tsês jông. Ntơưv Lào Cai, ntâu qơư tâu yênhx lix chiê paz pox nhuôs muôx qơư xênhz huôx, nriêr pâuz thiêz tuôr tsês zuk mênhx cxưx li vênhx huôv jông. Pir li cơưv shâuv, khơưk tsês chiê kênhx Hmôngz Bắc Hà mak tix lâuk Hải Xênhv Zax sơưr yênhx lix. Tix lâuk pheiz kênh:

          Tuôx txos têx jêx jos tsôngv box Hmôngz hâur cheix ntux yiêz, têx suôz kênhx Hmôngz côngv đros tsưr ziv đhiê tsưx tsiêk, tsôngv box chuôs li pov tâu khôngz qiv cheix ntux yiêz ziv sor so, lov jêv thiêz chuôz cxaz cêr sik côngv siêz nhoz têx jêx jos tox siêz./.

(Txâur Vax cxeik nhênhv)

Chêix ntux yiêz muk ndis uô si hâur thax tsav xã Tà Xùa-Sơn La

        Muk txos trâu xã Tà Xùa, thâuv têis cik sơưr nzor, hnuz tuôx nto trôngz chi cax, pov têx tâur huôz za trơưk têx hâur trôngz siêz kik, jông jav, uô trâu tsôngv kruô sđ, txơưv lênhx tưs cux xar tuôx sêiz thiêz nhiêv txos. Tix lâus Hoàng Anh Dũng, iz lênhx kruô nhoz Hà Nội tuôx ndis uô si sêiz shuôk têz qơưs shir phaz lul hêik pâuz: “Tuôx ndis uô si txos Tà Xùa, tsuv hêik txos têx tox trôngz cauv har jông jav, muôx chuô lax nziês đros trâu têx tsêr tok kruô chiê tsôngv kruô tuôx uô si, ndis shuôk têz qơưs tâu qơư so”

          Zos muk uô si sêiz shuôk têz qơưs txos Tà Xùa, tsôngv kruô sđ cux tâu muk sêiz shuôk tsôngv px hâur thax tsav têx tsoz chos ntông yuôx zêx lâuk muôx yênhx puô shông, tâu đros tsôngv pox niêv vir ndâuk đê têx blôngx njik yuôx zêx thiêz đros tsôngv pox niêv vir ndâuk ciz, kra têx blôngx njik yuôx zêx. Đros ntơư, tsôngv kruô cux tsênhv tâu nox siv tsôngv px hâur thax tsav têx grêix lak njêr kra cxuô zav. Iz chas co, tsôngv kruô tsênhv tâu đros tsôngv pox niêv vir ndâuk Hmôngz ntơưv no xơưk uô têx pax ntâuz, tsôngk tiêz tsôngk yo cxôngx nzor, txêix pax jông jav.

        Chiê cov muôx chôngz lênhx kruô tuôx ndis uô si, sêiz shuôk têz qơưs txos thax tsav xã Tà Xùa, tsôngv px sđ tsênhv taz tov muk cơưv shâuv tsưr ziv chơưx kruô, chox tsôngv kruô ndis uô si, cơưv shâuv tsưr ziv huôv tsar du lix cov huv đros tsôngv kruô siêz nhiêv. Tus muôv Nzơưv x Zax, muôs hax huv nox hâuk thiêz muôx tsôngk tiêz, tsôngk trik yo jông jav tsês trâu tsôngv kruô ntiêr hnar ndis uô si shir phaz lul hêik: “Nhoz ntơưv no, tsôngv kruô tuôx ndis uô si trâu têx hnuz kaz ciêz txix thưr 6 txos hnuz ciêz thiêz têx hnuz ntênhk hội hâur shông. Tsôngv kruô tuôx sêiz shuôk tsôngv tuz nxêik nthuôr uô cêr lov jêv đhiê pax vuôs thiêz nox siv zuk hêir nênhs cxuô zav nox kaz”

          Hâur shông 2021 đhâu, txơưv caz moz Covid-19 uô ruôr hiêv, taz sik Tà Xùa cux tsênhv tok tâu muôx 18 cxênhz ntâu lênhx kruô tuôx ndis uô si, sêiz shuôk têz qơưs hâur thax tsav thiêz hâur têx hnuz tsiêz shông 2022, 30 ntâu luz tsêr tok kruô côngv thôngx nhoz Tà Xùa tưz muôx tsôngv kruô tuôx nhoz so cxix cxuô. Ntơư cux pov tâu tiêk, thax tsav qơư ndis uô si, sêiz shuôk têz qơưs co cux zos iz thax tsav qơư jông jav, muôx chôngz lênhx kruô nhiêv txos. Zơưv Đỗ Văn Tuyến, Bí thư Đảng ủy xã Tà Xùa, huyện Bắc Yên cux hêik pâuz tiêk, Tà Xùa tsênhv taz tov sir jos huôv tsar du lix cov truôx jông, huv đros trâu huôv tsar truôx cxuô hêir nênhs hâur thax tsav têx txux chi, vênhx huôv jông chiê hêik trâu tsôngv kruô pâuz txos: “Xav tâu du lix zos iz ngênhx huôv tsar truôx lok kinh tế, Xã tưz huôv tsar du lix trơưk cxuô thax tsav qơư. Kror tiv iz zos huôv tsar truôx tsoz chos ntông yuôx zêx, tsoz chos ntông tuôz ziz, tsoz chos hơưk txuôk đros du lix; kror tiv oz zos huôv tsar tu zus tsiêx cxu thiêz chos tsoz chos txir đuôx hâur thax tsav qơư ndis uô si cov iz thênhv jux juk yênhx thax tsav qơư nto bê lok du lix, kriz”

        Zos iz thax tsav qơư muôx tox trôngz câuv har jông jav txuôk đros tsôngv px têx txux chi, vênhx huôv jông cxôngx nzor; txơưv li chas Tà Xùa zos qơư zuôr muôx chôngz lênhx kruô tuôx ndiss uô si, sêiz shuôk têz qơưs txos hâur chêix ntux yiêz nhoz thax tsav faz Bắc pêz têz qơưs./.

                                Tsu cxêik nhênhv- Lê Hạnh, CQTT Tây Bắc