Kôngz nuv Lai Châu huôv tsar jông

Quơ tsiv uô ndêz đông trùng hạ thảo Huy Cương, nhoz phường Quyết Tiến, TP Lai Châu zos taz viv uô ntêx hâur huôv tsar kôngz nuv công nghệ siêz nhoz tỉnh Lai Châu. Hla đhâu cxuô phêv liv hâur tsiv uô, muôv muôs, đhâu 5 shôngk ntâu huôv tsar, txos nhiv no, qơư tsiv uô tâu 10 xiv huv ntâu ndêz cxuô zav. Xiv huv ndê hâur công ty tsi taz tâu muôs hâur têx siêu thị hâur têz qơưk mak tsênhv muôs tơưv saz đrâuv têz qơưk. Zơưv Đào Huy Cương, tsưr qơư tsiv uô ndê đông trùng hạ thảo Huy Cương pheiz kênh: “Cur muôx 6 xiv huv OCOP thiêz hlôngr trâu shông yiêz zuôr uô muôx nhos 6 xiv huv OCOP thiêz. Têx xiv huv OCOP zos ndêz đông trùng hạ thảo nhôngs, ndêz jov uô môngr, ndê kruôr….Tas nro têx xiv huv puôr lênhx tax 3 luz tsiz chês cuz thiêz chuôz zis li qơư tsiv uô muôz hâux lưv uô trâu muôx nhos 73 lênhx nênhs lox tôngv tiv phaz’.

          Lai Châu muôx mênhv chêx ar kôngz nuv tsav 58% mênhv chêx, hâur co mênhv chêx tsêz chos tsi sir zôngv tsav muôx nhos 240 cxênhz hecta. Chiê sir zôngv muôx chêx cuk mênhv chex ar têz co, tiv phaz tưz tsês ntâu pênhr jos chiê yưv huôv tsar kôngz nuv. Xav hâur ntu 2021-2025, phênhv nhiêx txiêx mak Lai Châu njuôs xav yưv trâu kôngz nuv zos 1 cxênhz tỷ đeiv ntâu. Txos nhiv no, tiv phaz tưz zaz zâuv tâu zuôr xar 100 doanh nghiệp, lênhx nênhs yưv pênhr, đros 100 ntâu dự án sik côngv tsiv uô tâu krêz uô. Zơưv Nguyễn Hữu Phước, Phưv tổng giám đốc Công ty Cổ phần cao su Lai Châu II-iz hâur têx lênhx nênhs yưv pênhr tsênhv krêz uô dự án ntơưv tỉnh Lai Châu puz pâuz:“Txos nhiv no, công ty tưz qir sâu 3 cxênhz 700 ntâu sâuv 4 cxênhz 700 ntâu hecta vax cao su công ty tsênhv seiz car. Thiêz shông 2023 công ty tax 3 cxênhz 468 tênhr mis cao su đros tas nro phênhv sâu zos 130 tỷ đeiv ntâu”

          Ntu đhâu, Lai Châu cux tưz tso tơưv ntâu nghị quyết chiê paz txưv, cxơưz tiês huôv tsar kôngz nuv, tiv zix zos: chính sách cxơưz cxiz doanh nghiệp yưv pênhr lok kôngz nuv nôngx cxênhz; chính sách paz sik côngv tsiv uô thiêz sâu zuôr xiv huv kôngz nuv; chính sách huôv tsar kôngz nuv hax huv chêx chôngk; huôv tsar jôngr truôx tul ntu 2021-2025. Zơưv Hà Trọng Hải, Phưv CHủ tịch UB tỉnh Lai Châu puz pâuz:         “Nhiv no Lai Châu tưz yênhx lix ntâu thax tsav tsiv uô hax huv chêx chôngk, xưk li thax tsav yuôx zêx muôx nhos 10 cxênhz hecta, tox siêz zuôr xar 13 cxênhz hecta, thax tsav ciêv ix 10 cxênhz hecta, thax tsav ntông nox txir muôx nhos 8 cxênhz hecta thiêz thax tsav mắc ca zos 7 cxênhz hecta. Đros têx xiv huv kôngz nuv nto bê, nhiv no Lai Châu tưz huôv tsar 171 xiv huv OCOP ndê muk. Thiêz xiv huv kôngz nuv Lai Châu cux muôx lok six ntâu xiv huv tâu fôngx zưs hâur thiêz sâuv ntiêx têz ntâuk grê siêz”

          Zơưv Hải cux puz pâuz, hâur ntu zuôr txos, Lai Châu zuôr tror huôv tsar kôngz nuv reik đros cxiv tsa nôngx cxênhz yiêz; yênhx trus hlôngr tsiv uô kôngz nuv lơưr saz muôz siêz cxix luôk sir zôngv ar, muôz siêz tsiv grê xiv huv kôngz nuv; hlôngr tsưr ziv tsiv uô mê yênhx tsiv uô hax huv chêx chôngk reik đros taz por vêv xênhz zav nox thiêz por vêv tênhx qơư.

Đros co zos cxơưz tiês hlôngr yiêz kôngz nuv lơưr saz yiêz, sir jos zôngv khoa học kỹ thuật lok tsiv uô; cxơưz tiês sik côngv txix cungz txos tsưr tsix uô, muôv muôs hâur doanh nghiệp thiêz nôngx mênhx thiêz tsưr tsix hlôngr njêx muôk nôngx mênhx, ndar txos iz nền kôngz nuv hur, taz por thiêz truôx đrênhk./.

                                                               K.Kiên-Txâur Vax cxeik nhênhv

Hâur shôngk shông yiêz muk tox siêz Hà Giang mnôngs tsôngv box Hmôngz heik cưr cxiêx chaz trax

        Tsi pâuz muôx pok thâuv tưs, taz sik txos nhiv no tsôngv box Hmôngz nhoz Hà Giang li tsưr ziv heik cưr cxiêx chaz trax tsênhv tâu tuôr tsês jông đhâu ntâu cxênhx nênhs thâuv txos têx hnuz tsiêz hnuz ntênhs hâur shôngk shông yiêz. Tsuôk txix têx chuôz zênhx li trax shôngz, iz txox xor max….taz sik ho uô yênhx iz chuôz zênhx heik cưr cxiêx lok six jông. Lok tsưr ziv uô trax heik cưr cxiêx, zơưv Xênhr Zoz Xênhv Vax nhoz jos Muôv Xêx, xã Thanh Vân, huyện Quản Bạ, tỉnh Hà Giang pheiz kênh:

Heik cưr cxiêx chaz trax zos tsưr ziv heik cưr cxiêx siz lưr, iz lo cưr cxiêx puôr lênhx tso pov nênhs heik li tsưr ziv heik. Iz lênhx iz tos, cox heik trâu cur, cur tror heik tuôx trâu cox, gơưv hluôk tuz hluôk nxeik heik, lok sik 2 gơưv hluôl nxeik, 2 gơưv hluôk tuz lok sik yênhx paz sik đros heik cưr cxiêx. Lâuk nênhs, hluôk tuz  hluôk nxeik puôr lênhx heik tâu. Thâuv heik, iz tos trax tâu tuôr heik jông li iz luz micrô, iz tos trax lênhx nênhs tiv uz tuôr thiêz muôz tso ntơưv kror njêx chiê môngs, tul heik tas ho hlôngr trâu tul tiv iz. Six fênhx li ntơưv, suôz cưr cxiêx côngv đros têx suôz trax, suôz kênhx Hmôngz hâur hnuz tsiêz tsuôk li uô trâu tsôngv box sđ shir phaz đuô, tsi ndo txos têx cêr khưr hâur iz shông sir jos uô lox tôngv.

Heik cưr cxiêx chaz trax tâu tsưr tsix ntơưv têx ntênhs phêv lok sik têx hnuz krêz ciêz tox siêz. Ntâu gơưv hluôk nênhs cux txix heik cưr cxiêx chaz trax mak tâu sik nriêr pâuz thiêz yênhx txix gơưv.

          Pos Txâur Xênhv Hơưx, nhoz jsó Muôv Xêx, xã Thanh Vân, huyện Quản Bạ, shông no tưz zuôr xar muôx 70 shông hnuz nhôngs, taz sik Tsiêz shông tưs thâuv xã tsưr tsix ntênhs phêv, pos cux puôr lênhx tuôx cxaz chuôz heik cưr cxiêx chaz trax. Pos Txâur pheiz kênh:

          Luz nênhx kinh têr xã hội ziv hnuz ziv huôv tsar, đros thiêz muôx ntâu vênhx huôv jông sik côngv, taz sik tsưr ziv heik cưr cxiêx chaz trax cux tsênhv tâu tsôngv box Hmôngz nhoz Hà Giang tuôr tsês jông, yênhx iz tsưr ziv heik cưr cxiêx lov jêv muôx đros đreiv hâur tsôngv box luz nênhx.

          Tuôx txos tox siêz Hà Giang hâur têx hnuz hâur shôngk shông yiêz, tâu nriêr pâuz tsôngv box Hmôngz li têx vênhx huôv jông, tâu mnôngs cưr cxiêx chaz trax, tsênhz tsênhz zuôr tsês hâur tsôngv kruô sđ siêz tsi plox lok tsưr ziv heik cưr cxiêx jông no./.

Txâur Vax cxiv sâu, nhênhv