Txir khơưz Sơn La tâu muôs trâu cxuô têz qơưk sâuv ntiêx têz

“Cur chuôz zis cux xưk iz zav li têx chuôz zis chos txir khơưz lênhx tưs cux lok six jông siêz, shir phaz thâuv chor txir khơưz ziv hnuz ziv muôx ntâu ciêz đrôngs zuôr txos, muôs tâu grik siêz đuô, paz hlôngr yiêz tsôngv pêx xênhv luz nênhx”.

          Tix lâus Nguyễn Văn Tuyền nhoz jok Chiềng Hưng, xã Yên Sơn, huyện Yên Châu, tỉnh Sơn La shir phaz heik li ntơư thâuv pâuz chor txir khơưz lơưr chos tâu, zuôr txos no zuôr tâu yêz za Việt Nam thâux muk phưx vưv tsôngv kruô sơưr đơưk sâuv ntiêx têz. Lênhx nênhs chos txir khơưz shir phaz, viv txix no, Yên Châu heik taz thiêz tas nro tỉnh Sơn La heik cxuô têx txir khơưz zuôr tâu ntâu tus chôngz lênhx pâuz txos đuô; tix lâus chuôz zis 700 ntâu tsoz txir khơưz, sâu đê tâu nhos 45 tênhr txix co cux zuôr muôx qơư sâu zuôr ntâu đuô. Niêv lâul Vì Thị Sướng nhoz jok Chờ Lồng, xã Yên Sơn, huyện Yên Châu chuôz zis muôx 300 tsoz txir khơưz cux shir phaz heik:“Chos ntông nox txir, kror cxơưx yax zos tsav tsi muôx qơư sâu zuôr. Hâur ntu đhâu, tâu cxuô cấp hâu nov sik đros paz zok nriêr qơư zuôr, pêz lok six shir phaz. Nhiv no txir khơưz Yên Châu, Sơn La tsênhv tâu muôs trâu luôs 2 chas têz qơưk sâuv ntiêx têz thiêz, zuôr ziv hnuz ziv tâu ntâu tus chôngz lênhx pâuz txos, pêz jông siêz cơưk”.

Tas nro huyện Yên Châu nhiv no muôx 3 cxênhz ntâu ha têz txir khơưz, xav kror đruôz sâu đê tâu nhos 30 cxênhz tênhr. Gri muôs ciês ntơưv qơư zos txix 15-25 cxênhz đeiv iz cir chor txir siêr trơưk cheix; 50-100 cxênhz đeiv iz cir chor txir siêr nzor, lok six ntâu chuôz zis chos txir khơưz hâur thax tsav tưz muôx phênhv sâu tâu, xav kror đruôz đraz txix 200-300 tsov đeiv iz ha. Txir khơưz Yên Châu muôx iz tsok mê njik kâuz, kaz jiz, jông nox viv li tưz jux juk muôx ntâu tus chôngz lênhx nênhs sir zôngv pâuz thiêz zuôr txos. Thâuv ntêx, txir khơưz Yên Châu phênhv ntâu zos muôs hâur ciêz đrôngs thax tsav; 4 shông lok no, txir khơưz Yên Châu heik taz, tas nro tỉnh Sơn La heik cxuô tưz muôs muk trâu ntâu têz qơưk sâuv ntiêx têz.

Lơưr zơưv lù Văn Cường, Chủ tịch Ủy ban huyện Yên Châu, chiê uô tâu têx li heik no, iz chas yax kriê trâu pêx xênhv chos lơưr tsưr ziv VietGAP, Yên Châu cux tưz tsi so cxaz chuôz têx xor xưv cxiz muôv muôs hâur thiêz đrâuv luôs 2 chas têz qơưk zos tỉnh tsưr tsix. Đhâu ntơư, paz pêx xênhv muôx phênhv sâu tâu truôx, tsi cxơưx trâul pôngz gri thiêz tsi muôx qơư sâu zuôr:“Têx txir khơưz tâu muôs thiêz phưx vưv kruô nox txov ndâux sâuv yêz za zos đhâu iz ntuk phiv liv li uô tâu, co zos tsiv uô trơưk tsưr ziv VietGAP. No cux zos qơư cxiz pêx xênhv sir jos huôv tsar chos, tu jông têx txir khơưz. Nhiv no hâur thax tsav, pêz tsênhv kriê pêx xênhv txiêr yiz têx chês chiê txi txir jông, muôs tâu gri, lar heik zos kuôk cêv thax tsav chos lơưr tsưr ziv yiêz chiê têx xiv huv muôs trâu luôs 2 chas têz qơưk, cux li phưx vưv kruô nox txov ndâux sâuv têx yêz za thiêz muôs hâur ciêz đrôngs lox tsuv taz por truôx tuk trơưk cui tinhv”.

Txir khơưz Yên Châu cux iz zav li txir khơưz ntơưv têx huyện: Mộc Châu, Sông Mã, đrôngl Sơn La….hâur ntu sâu đê zos txix hli 4 txos hli 7. “Txir khơưz Sơn La” tưz tâu Cục Sở hữu trí tuệ, Bộ Khoa học thiêz Công nghệ muôz ntơưr côngk nhav đas cir muôx suôz bê txix shông 2021./.

                                                          Lan Thùy-Riê Lâux cxeik, nhênhv