Grê muôs buô ndê siêz, tsôngv box jông siêz tror huôv tsar tu zus

Grê muôs buô chuôz ndê thiêz nhoz phênhv siêz viv li zơuv Nguyễn Văn Tưởng chuôz zis nhoz jos Trực Bình, xã Minh Bảo, TP Yên Bái nhiv kruôr cuiz tênhv zuôr 10 tul nhuôv buô lok chiê tror huôv tsar tu zus đhâu iz ntu tso tsês tsu zus tiv cxuô zav krâur tu zus chuôz ndê grê siêz.
Chiê taz por tror huôv tsar tu zus, chuôz zis zơưv Tưởng tưz xeir zuôr nôngz buô ntơưv qơư taz por, pâuz tsênhz hâur pâus đros grê zos 1 tsov iz tul. Đhâu tsoz phưz, pov buô hloz lox sei thiêz muôx jông đas jos, thâuv grê muôs buô tsênhv siêz viv li zơưv Trường chuôz zis tror tsuôk yuôx tuôx caz moz chiê huôv tsar tu zus ndê txos muôx nhos 50 tul iz jas: "Grê muôs buô nhiv no tsênhv tâu tuôr truôx viv li cur chuôz zis cuiz tênhv tror tu zus thiêz chuôz tsar tu zus cxaz"
Cux xưk li zơưv Tưởng chuôz zis, ntâu ziv chuôz zis tu zus, têx qơư tu zus nhoz Yên Bái tsênhv sir jos tror huôv tsar tu zus chiê tuôv zênhv niêv ciêz li zoz qơưx, tiv zix zos lok têx luz hlik kaz shôngk shông. Taz sik, hâux lưv tror huôv tsar tu zus cux njuôs xav muôx têx fâuv moz huôv xênhz. Viv li, nganhx muôx txơưx jênhv cux xưk li chinhr quyênx têx tiv phaz tsênhv cxơưz tiês côngz xưv yax mông, heik kriê tsôngv box xeir nôngz buô muôx tsênhz hâur pâus; uô jông têx tsưr ziv cxax yuôx vắc xin phax moz thiêz sir zôngv yuôx kháng sinh phax tar moz huv đros. Đrâuv co, nênhs tu zus tsuv chuôz tsar nriêr pâuz têx xor mông lok qênhx shênhx niêv ciêz chiê chuv tôngv hâur hâux lưv chuôz tsar lok sik txu grês chor buô tu zus. Zơưv Nguyễn Trung Kiên, cán bộ seiz car kôngz nuv xã Minh Bảo, TP Yên Bái puz pâuz: "Pêz thâuv tưs cux yax mông trâu tsôngv box tror huôv tsar tu zus taz por tsơưr lươngv tsiêx tu zus thiêz tror huôv tsar tu zus truôx vênhs".
Lơưr thôngz sâu, tỉnh Yên Bái li tas nro paz tsiêx cxu nhiv no muôx 705 cxênhz tul, tax zuôr xar 93 phênhv puô tsưr ziv hâur shông, chuôz ndê 4,6 phênhv puô pir đros shông 2021. Cxuô zav buô tâu muôs tax zuôr xar 40 cxênhz tênhr. Hâur co, chor buô tâu tuôr truôx tu zus zos muôx nhos 542 cxênhz tul đros thiêz buô tâu muôs chuôz ndê zuôr xar 7 phênhv puô pir đros tsêz no.
Hâux lưv tsôngv box chuv tôngv tror huôv tsar tu zus tưz thiêz zuôr gôngr phênhv taz por chor greix buô cungz ntơưv qơư thiêz txu grês qênhx shênhx muôx tsi txâuk greix buô lok têx luz hlik kaz shôngk shông. Taz sik, lơưr nganhx muôx txơưx jênhv tỉnh Yên Bái, nênhs tu zus tsi cxoz sik đros tror huôv tsar tu zus ntâu, tsuv tsưv ziv thâuv huôv tsar tu zus chiê taz por côngz xưv phax tar moz. Zơưv Ninh Trần Phương, Phưv Chi cục tsar, Chi cục tu zus thiêz thú y, Sở kôngz nuv thiêz huôv tsar nôngx cxênhz tỉnh Yên Bái heik: "Nhiv no moz ơưk buô châu Phi tưz muôx yuôx vắc xin taz sik tsênhv hâur ntu njuôs siv, tiv 2 zos grê muôs buô chuôz ndê taz sik grê têx zav krâur tu zus cux tsênhv chuôz ndê. Chênhr viv li thâuv tror tu zus nênhs tu zus tsuv muôx tsưr ziv uô cov jông thiêz tsênhz mênhx thiêx li muôx chêx cuk"
Grê krâur tu zus nhiv no tsênhv siêz, grê muôs buô viv li mak njuôs xav zuôr tror chuôz ndê, viv lơưr njuôs xav krâur tu zus tsav muôx nhos 70 phênhv puô tas nro pênhr yưv tu zus. Njuôs xav cov jông, nênhs tu zus nhoz Yên Bái zuôr tror yưv pênhr huôv tsar tu zus, chuôz cxaz phênhv sâu thiêz muôx buô cungz trâu niêv ciêz hâur ntu kaz shôngk shông./.

Đinh Tuấn- Txâur Vax cxeik nhênhv