Muôx tsi txâuk cưk kriê ntơưr, Lào Cai tsuv heik têx lênhx cưk kriê nhoz 2 chas tỉnh txơưr paz kriê ntơưr trâu shux xênhz đhâu mạng xã hội

          Muôx tsi txâuk cưk kriê ntơưr, zos xav trơưk li Bộ zoz zux cui tinhv. Iz chas muôx tsi txâuk cưk kriê, Lào Cai tsênhv yuôr 600 ntâu hâux lưv tsi muôx nênhs lês uô lơưr luôs hâux lưv tso tơưv hâur shông cơưv; phênhv ntâu zos cưk kriê ntơưr.

            Heik ntơưv jiês cơưv hâur hli 9 zos Ủy ban tỉnh tsưr tsix, Pos Dương Bích Nguyệt, Giám đốc Sở zoz zux tỉnh Lào Cai heik tơưv 2 tsưr ziv li no: Iz zos đros Sở Nội vụ nhênhz chơưv trâu tỉnh heik Bộ Nội vụ choz nzir nênhs uô hâux lưv trâu Lào Cai, 2 zos uô li chas cov huv đros chiê taz por hâux lưv tso tơưv hâur shông cơưv, tror uô trơưk tsưr ziv “phongx paz phongx, tsêr cơưv paz tsêr cơưv” thiêz thor cưk kriê lưv luz tsêr cơưv paz kriê đhâu sâuv mạng xã hội trâu têx shux xênhz: “Pêz cux muôx ntâuz ntơưr xa trâu Giám đốc ngênhx zoz zux cxuô tỉnh muôx tsaz yênhx sik hux jos đros Lào Cai. Txix ntơư, heik lơưr paz kriê txux chi trâu shux xênhz đhâu sâuv mạng xã hội, lar heik zos têx jax cơưv muôx tsi txâuk cưk kriê iz zav li: Luk Anh. Ciês jax xav fax lok zos môn toán nhiv no cux muôx tsi txâuk cưk kriê”.

             Lok sâuv tsi txâuk cưk kriê tsi zos jiês xuz thơưx muôx nhoz Lào Cai. Lơưr zơưv Mạc Trọng Khang, Tsar phongx tsưr tsix canr bôv-Sở zoz zux tỉnh no, muôx nhos 5-6 shông tror lok no, hâux lưv xeir zuôr cưk kriê hâur thax tsav njiz trâul phiv liv thâuv ziv hnuz ziv tsi muôx têx cưk kriê ntơưr huv đros.

              Xưk li thâuv ntêx, iz hâux lưv ntâu lênhx cưk kriê muôx têx lês uô tâu, nhiv no lok six ntâu hâux lưv tsi muôx nênhs uô. Ciês shông 2022, Lào Cai tsưr tsix 2 jiês xeir zuôr, taz sik tsuôk xeir tâu lok six tsơưs. Muôx kênh lênhx txơưv tưz tưr thik tâu, taz ho tsi tuôx uô hâux lưv: “Muôx têx tus thik ntơưv Lào Cai, taz sik hâur ntu nhoz tok ntơư lơưr tror tưr thik hâur ntâu tỉnh, iz jiês thik tâu muk uô hâux lưv ntâu qơư viv li kror tưs zôngx ziv muk lol uô hâux lưv đuô mak lơưr xeir muk uô nuv trâu qơư co. Lào Cai muôx txos 70% têx tsêr cơưv nhoz tox siêz đêz đrôngs, tsênhv thâuv co chor tỉnh tiêx đras ho zôngx ziv muk lol, uô hâux lưv đuô”.

              Chiê khưx phưx têx muôx tsi txâuk cưk kriê ntơưr, txix ciês uô ntêx shông cơưv, Ủy ban tỉnh Lào Cai tưz chox kriê xeir zuôr cưk kriê hux thôngx. Taz sik, txos nhiv no nhiv kruôr hux thôngx tâu 120 hâur 618 lênhx cưk kriê lês uô hâux lưv kriê ntơưr.

             Zơưv Mạc Trọng Khang heik, chiê đơưk têx phiv liv heik sâuv, txar jav muôx tsi txâuk cưk kriê li hâur ntu đhâu, ngênhx zoz zux Lào Cai tsênhv tuôr xav chiê nhênhz chơưv trâu tỉnh cxiv tsa tsưr ziv huôv tsar zoz zux hâur iz ntuk ntêr, uô ndar txos shông 2050: “Tsưr ziv co nhiv no Bộ cux tsi tâu tso tơưv, taz sik Lào Cai tsênhv nhênhz chơưv chiê uô uô ntêx. Zos tsi muôx mak lok six phiv liv chiê taz por trâu ntu tov kaz no. Zos thâuv tưs muôx tsưr ziv fuô uô lơưv, zuôr uô yênhx têx Đêx anr, uô trơưk li ntơư, tỉnh cux zuôr muôx chei, tsưr ziv chiê xeir zuôr nênhs uô hâux lưv”./.

An Kiên-Riê Lâux cxeik, nhênhv

Taz por vêv xênhz zav nox hâur tsêr cơưv ntơưr

            Têx qir tiv uô zav nox trâus kiês nênhs

         -Tiv hâur ntu tu zus, tsêz chos, tsiv uô zav nox, kôngz krâur, têx zav greix txix tsiêx cxu, keiz ok trâus moz lok sik shuôz njês ntês ntơưv têx đêx kiês nênhs lok.

           -Têx zav jâuz, txir ntông tâu zuôv ntâu qir hóa học, sir zôngv yuôx tuô caz tsi tâu tso chei sir zôngv, zôngv têx tsơưr paz cxơưz hloz lox, yuôx kháng sinh.

            -Tiv tsiv uô tsi trơưk tsưr ziv.

            -Tiv thâuv sir zôngv thiêz por coar khơưk tsês tsi trơưk tsưr ziv.

             Thâuv trâus tưx muôx têx moz yưv li đrav kaz

              Moz plaz, ntuôr, tơưv trôngx tsi so.

              Điês tâuz hâu, gênhs gênhs, tês tơư tsi muôx xiv.

              Siz mêx têx thâuv ndê siêz têx thâuv txu grês kis…

           -Zos trâus tưx hnhar zôngx ziv uô tuôs lênhx nênhs, thâuv trâus tưx tsuv ciêr chênhr muk chơưv kho, zos tsi zênhx max chơưv kho mak cux uô trâus têx zav moz hnhar chơưv kho tsi tâu.

             Yưr lir thâuv trâus tưx zav nox

          -Thâuv pov lok sik njuôs xav trâus tưx zav nox mak tsi cxoz tror zôngv têx zav nox co thiêz khơưk tsês têx tsơưr zuk ntuôr lok, cuô jis….chiê xav tênhv zav tưx trâus, pov ciês trâu chiz coaz y tế jê tiv zix tuôx yưr lir lok sik chox lênhx nênhs trâus tưx muk tsêr kho moz chiê kho moz.

            -Vêv xênhz hur đu têx tsơưr lênhx nênhs trâus tưx ntuôr lok, qir, đêx jis thiêz cêv kuôk tsi chiê yênhx moz cik.

              -Yax six uô têx tsưr ziv li tuô zôngr, tuô lâuv, tsuôk…thiêz uô trơưk nganhx y tế li têx heik kriê lok vêv xênhz phax tar moz./.

Hồng Việt-Txâur Vax cxeik nhênhv