Phax tar tơưs cuz hâur tsêr cơưv ntơưr niêv txir zus mor-zos tas nro sơưr đơưk hâux lưv

Txuz hluôr tơưl chis cuz muôx yưv thâu sơưr nzor hnuz 26/11 ntơưv qơư shux xênhz nhoz Tsêr cơưv niêv txir zus mor Cxênhx iz thiêz Cxênhx oz Nà Khoang, xar Mường Và, huyện Sốp Cộp, tỉnh Sơn La tưz uô iz lênhx shux xênhz lớp 9 trâus tuôs. 170 ntâu lênhx shux xênhz li qơư nhoz, chuôz zênhx thiêz têx ntâuz ntơưr trâus hluôr tơưl cuz tas hur si.

Hla đhâu têx phiv liv, pôngz siêz, đros muôx tas nro cxiv luôs chinhr triv txix tỉnh txos thax tsav qơư, chor tsưr tsix, tiz nênhs siêz jông li sir jos đros paz, tsêr cơưv tưz sêi đrơưv truôx tuk tâu luz nênhx trâu qơư shux xênhz nhoz niêv txir zus mor thiêz tror kriz uô tâu hâux lưv kriê thiêz cơưv ntơưr đhâu muôx hluôr tơưl chis cuz. 7/16 qar cơưv ntơưr tâu bax chiê uô qơư lav nhoz trâu chor shux xênhz nhoz hâur tsêr cơưv niêv txir zus mor. Đrâuv chor txax oz yôngx tsênhv sir zôngv tâu, tsêr cơưv tưz muôz chor pav puô trâu hâur lớp cơưv, bax cov txâuk qơư pư, nhoz so trâu chor shux xênhz. Zơưv Trần Văn Chiến, Hiệu trưởng Tsêr cơưv phôv thôngz Mênhx cxưx Niêv txir zus mor Cxênhx iz thiêz Cxênhx oz Nà Khoang puz pâuz: “Ban Giám hiệu tưz hêik chor cưk kriê ntơưr sêiz car lớp cơưv tsik so tsov cưv txos, chuôz cxaz sêiz car chor shux xênhz hâur thiêz đhâu six hơưv cơưv ntơưr; tsov cưv đuô txos côngz xưv phax tar tơưs cuz. Tsêr cơưv tưz tror qênhz yuôx tas nro cxiv luôs tênhv, qênhz shuôk đuô chor bình tuô hluôr tơưl. Nhiv no, tsêr nhoz niêv txir zus mor tưz tâu cxuô cấp tsov cxưv txos thiêz muôx tsưr ziv yưv pênhr cxiv tsa lơưv, vav tiêk zuôr tâu cxiv uô cov nzor tiv zix chiê tsêr cơưv txar chor shux xênhz lok nhoz ntơưv co, tror muôz chor qar cơưv ntơưr lok kriê ntơưr, tror cơưv iz tos hnuz xưz chiê uô tâu jông hâux lưv kriê thiêz cơưv ntơưr”.

Ntơưv Tsêr cơưv Phôv thôngz mênhx cxưx Niêv txir zus mor Cxênhx oz Co Mạ, Thuận Châu, Sơn La, lênhx tsêr trâu shux xênhz nhoz niêv xir zus mor tâu cxiv uô txix shông 2007 đros chor côngz trinhx tsêr uô jâuz mor nox, qơư nox mor cux tưz đaz tuôs tsik jông tas. Shux xênhz phênhv ntâu zos têx tuz nhuôs tsôngv box mênhx cxưx tsơưs nênhs nhoz têx jêx jok đêz tsêr cơưv tuôx cơưv ntơưv no. Chiê uô tâu jông ngaz tuk phax tar tơưs cuz, Ban giám hiệu Tsêr cơưv ntơưr tsik so sik côngv đros Công an huyện yax kriê, piêr pâuz cêr chêi têz qơưk, kriê têx txux chi, tsưr ziv phax tar tơưs cuz trâu canr bôv sêiz car, cưk kriê ntơưr thiêz shux xênhz. Cưk kriê Lê Trung Kiên, Phưv Hiệu trưởng tsêr cơưv puz pâuz: “Yênhx shông tsêr cơưv tsưr tsix cơưv shâuv têx tsưr ziv phax tar tơưs cuz, chơưv paz chiê paz muôx nzir txux chi xưv lik têx phiv liv muôx yưv, txiêz nanv hâur tsêr cơưv ntơưr. Đôiv phax tar tơưs cuz hâur tsêr cơưv cux tsik so qênhz yuôx têx chuôz zênhx phax tar tơưs cuz; qênhz yuôx qơư uô jâuz mor nox trâu shux xênhz; qơư shux xênhz nhoz niêv txir zus mor… Đros co zos tsik so hêik chor cưk kriê ntơưr, nhân viên tsêr cơưv ntơưr sir jos uô jông phax tar tơưs cuz, tsik trâur tơưl ntâu thiêz tsik txuôk têx hluô tênhv tsik zos li cui tênhv”.

Lơưr Thượng tá Nguyễn Văn Tiến, Phưv Trưởng phòng Cảnh sát Phax cuz tuô cuz thiêz chơưv paz Công an tỉnh Sơn La, nhiv no, côngz xưv phax tar tơưs cuz ntơưv têx qơư zoz zux tưz tâu sir jos kriz uô. Taz sik, đhâu qênhz yuôx, iz cxiê tsêr cơưv ntơưr tsik tâu uô jông hâux lưv phax tar tơưs cuz. Tiv zix zos iz cxiê tsêr cơưv ntơưr tsênhv chiê chor shux xênhz nhoz chôngz đuô kror tsuv tâu nhoz; hâux lưv lôngx đhok, tso têx chuôz zênhx tênhv tsik tâu huv zos lơưr tsưr ziv. Hâux lưv kruôz kriê txux chi, tsưr ziv lok phax tar tơưs cuz trâu chor lưx lươngv ntơưv qơư tsik tâu huv đros trâu xưv lik thâuv muôx yưv tơưs cuz… Têx qir tiv no cux zos tiv ntâu kror, hâur co muôx qir tiv zos têx qơư no tâu cxiv uô txix ntâu ntu sik txơưr, muôx têx luz tsêr cơưv tâu cxiv tsa uô ntêx thâuv chêi phax tar tơưs cuz tâu tso tơưv. Thượng tá Nguyễn Văn Tiến, Phưv Trưởng phòng Cảnh sát Phax cuz tuô cuz thiêz chơưv paz Công an tỉnh Sơn La puz pâuz: “Phòng Cảnh sát phax cuz tuô cuz thiêz chơưv paz Công an tỉnh tưz hêik trâu Ban giám đốc Công an tỉnh tso tơưv tsưr ziv qênhz yuôx chuyên đề ntơưv têx qơư zoz zux sâuv thax tsav tỉnh Sơn La. Yênhx lix 3 đoàn qênhz yuôx sik côngv đros tênhv tênhz, cxiv tsa thiêz Sở Zoz zux, Ủy ban cấp huyện, cấp xar kriz uô qênhz yuôx siv ntơưv chor tsêr lớp cơưv nội trú, niêv txir zus mor sâuv thax tsav tas nro tỉnh. Đros co chox kriê Công an cấp huyện, xar yênhx lix chor đoanx qênhz yuôx liên nganhx kriz uô qênhz yuôx tas nro chor qơư zuz zux sâuv thax tsav tỉnh. Thôngz đhâu qênhz yuôx chiê pov tâu têx phiv liv, muôx tsik txâuk lok phax cuz tuô cuz chiê hêik cxuô qơư khưx phưx cov nzor. Pêz zuôr xưv lik truôx jông chor qơư uô cxâuv têx cui tênhv lok phax tar tơưs cuz chiê txo grêk tsơưs têx phiv liv muôx yưv ciês ntơưv thax tsav qơư”.

Tỉnh tox siêz Sơn La muôx 600 ntâu qơư zoz zux; hâur co muôx tsik tsơưs tsêr cơưv ntơưr nhoz đêz, tox siêz, thax tsav ntus đriv, thax tsav tsôngv box mênhx cxưx tsơưs nênhs li têx vax tsêr cơưv ntơưr thiêz xênhx huôx nox nhoz niêv txir zus mor tsênhv muôx tsik tâu txâuk, hâur co muôx chor chuôz zênhx phax tar tơưs cuz, tuô cuz./.

Lê Hạnh-Lik Thox cxêik nhênhv

Tsuv ndo njôngr phax tar moz cxơưk sâur nyar siêz, njưk hâur cheix ntux no

Moz cxơưk sâur nyar siêz, njưk tưz pov muôx yưv hâur 20 shông đhâu lok no, zơưv Nguyễn Ngọc Oanh, nhoz xã Gia Phú, huyện Bảo Thắng, tỉnh Lào Cai thâuv tưs cux njiz ntâu phêv liv đros zav moz no thâuv txos cheix ntux no: “Fênhx yax ntux no, moz huôv xênhz uô nôngk, muôx ntâu keis. Iz zos tsuv ciêr chênhr hâuk yuôx, zos moz hnhar tsuv muk tsêr kho moz sêiz njuôk shuôk”

          Yuôr zơưv Ngô Xuân Trưởng, nhoz phường Cốc Lếu, TP Lào Cai cux zos iz hâur têx lênhx nênhs khênhr muk sêiz njuôk shuôk moz trâu tsêr kho moz, tiv moz cxơưk sâur nyar siêz, njưk hâur cheix ntux no: “Cur trâus moz cxơưk sâur nyar njưk, nôngk, lax uô pa, ntux txơưr txar txơưv huôv moz, tiv zix zos cheix ntux no. Cur muk tsêr kho moz kho tâu 13 hnuz lơưv, cur cux zôngx ziv uô pa đuô, nôngk tsơưs đuô”

          Nhiv no, Khoa Nội lok khoa moz moz uô pa, tsêr kho moz đa khoa tỉnh Lào Cai tsênhv kho moz trâu muôx nhos 700 lênhx nênhs moz trâus moz lok cêr uô pa; hâur co, nênhs moz cxơưk sâur nyar siêz, njưk tsav txos iz đraz, phênhv ntâu zos txir nênhx muôx hnuz nhôngs siêz.

          Chor txax trâu nênhs moz pư kho moz zos 50 luz, khoa muôx tsi txâuk txax trâu nênhs moz pư kho moz, tiv zix zos hâur ntu qiv hơưv txơưr txar lok sik qir hlôngr trâu cheix ntux no nhoz thax tsav tox siêz li Lào Cai…

          Lơưr bác sĩ Nguyễn Thị Định, Tsar khoa nội chơưv kho moz uô pa, Tsêr kho moz tỉnh Lào Cai, têx zav moz lok cêr uô pa zôngx ziv huôv moz hnhar. Tiv zix zos têx zav moz li cxơưk njưk, uô cuz uô no, tâu Tsưr tsix y tế ntiêx têz seiz zos zav moz sơưr tiv 3 hâur têx qir tiv uô tuôs lênhx nênhs sâuv ntiêx têz.

          Chiê phax tar zav moz riêz nênhs no, bác sĩ Định heik iz lênhx nênhs tsuv tsik nhoz jê têx pa zênhz gaz ntơưr, tênhx qơư kiês nênhs; vêv xênhz kror ndâux, chax pak, tiv zix zos hâur cheix ntux no, thâuv qiv hơưv txơưr txar, caz moz huôv xênhz ntâu: “Đros têx lênhx nênhs tsi tâu trâus têx zav moz lok cêr uô pa, tiv zix zos hơưz, nôngk uô ntêx thâuv txos cheix ntux no tsuv cxax yuôx phax moz khâuz thuôk thiêz sir jos iz shông cxax iz jiês; zôngv yuôx chiê phax tar hơưz, nôngk. Thôngx cxix, tuôr cov luz chêr sor si, nox hâuk txâuk tsơưr pưr chiê chuôz cxaz đas jos thiêx tir thêir tsik trâus moz sâur nyar siêz, njưk”./.

An Kiên-Txâur Vax cxeik nhênhv