Paz uô thiêz kho đuô tsêr trâu chor chuôz zis pluôs  nhoz tox siêz Phong Thổ

Thâuv uô tâu tiêr luz tsêr yiêz, pov muôx cêr shir phaz nhoz trơưr zơưv Mao Văn Lim, ziv chuôz zis pluôs nhoz jok Huổi Loỏng, xar Khổng Lào, huyện Phong Thổ. Nhiv no luz tsêr đaz tuôs lav nhoz thiêz zơưv oz niêv txir li cêr cxơưx txos muôx ntux nas chuô thâuv ntêx no tsuôk zos yuôr nhoz hâur siêz xar txos lơưv xưz. Hnuz no, tâu nhoz hâur luz tsêr yiêz khor truôx jông tưz zos kror muôx tsênhz trơưk gâuk zơưv oz niêv txir li siêz xar:

“Tâu Ủy ban xar muôx tsaz yênhx paz nhiêx uô tsêr, chuô zis cux cxênhx tsês tâu tsik ntâu tsuôk muôx mê njil xưz. Cux khov muôx chor cưr tix nênhs tsa paz kir txêik, paz hnuz côngz thiêz chuôz zis txêik zênhx hangx nzir muôx 100 triệu đêiv chiê uô luz tsêr cov lox jông đuô. Nhiv no cur chuôz zis cux tso siêz khưr uô nox, ntux yar ntux nas lok cux tsik cxơưx li thâuv ntêx lơưv”.

Chiê tsaz yênhx kho đuô chor tsêr đaz tuôs lav nhoz trâu chor ziv chuôz zis pluôs, chuôz zis zuôr xar pluôs tâu kriz uô jông, huv lênhx nênhs, cấp ủy, chinhr quyền xar Khổng Lào tưz chiê canr bôv sik côngv đros Bí thư chi bộ, chor Tsar jok kriz uô qênhz yuôx, nriêr pâuz. Lơưr co, chor ziv chuôz zis tsênhv uô nênhx nhoz hâur têx tsêr đaz tuôs lav nhoz tâu tas nro jok xêir tsov thiêz đăngk cir kho đuô vax tsêr lơưr tsưr ziv tso tơưv. Đros chor pênhr nhiêx paz, chor ziv chuôz zis tâu hêik cov muôx cxaz nzir nhiêx txiêx chiê uô lơưr tsưr ziv têz qơưk thiêz pêx xênhv sik đros uô, cov uô tâu chor tsêr puôr lênhx khor, truôx, jông.

Zơưv Vàng Văn Phương, Chủ tịch Ủy ban Mặt trận Têz qơưk Việt Nam xar Khổng Lào, huyện Phong Thổ puz pâuz, lơưr tsưr ziv tas nro tsôngv box sir jos paz trâu chor nênhs pluôs lok tsêr nhoz, shông 2024 xar tưz paz uô tâu tsêr yiêz trâu 33 ziv chuôz zis. Txos nhiv no xar cux tsênhv yuôr 44 ziv chuôz zis pluôs, chuôz zis zuôr xar pluôs tsênhv uô nênhx nhoz hâur têx tsêr đaz tuôs lav nhoz. Ban Chox kriê kho đuô chor tsêr đaz tuôs lav nhoz xar cux muôz phêiz chor nhiêx paz trâu 26 ziv chuôz zis, yuôr 18 ziv chuôz zis tsênhv tok nriêr nzir têx pênhr nhiêx chiê paz:

“Lơưr luôs hâux lưv kho đuô chor tsêr đaz tuôs, lav nhoz tsuv zos paz trâu chor chuôz zis pluôs, chuôz zis zuôr xar pluôs. Mặt trận Têz qơưk xar tưz muk trâu chor jêx jok chiê qênhz yuôx, nriêr pâuz yênhx ziv chuôz zis chiê sêiz sêz chor chuôz zis co puôk huv zos thiêz hêik chor chuôz zis thâuv tâu paz mak sir jos uô, cov thâuv tưs muôx ntux nas chuô lok cux tsik cxơưx ntâu txos têx vax tsêr lơưv”.

Txix shông 2021 txos nhiv no, huyện ntus đriv Phong Thổ, tỉnh Lai Châu tưz paz tâu trâu muôx 1.600 ntâu ziv chuôz zis uô tsêr, đros chor nhiêx muôx 71 tiv đêiv ntâu. Taz sik, nhiv no thax tsav qơư cux tsênhv yuôr xar muôx 1.500 ziv chuôz zis tsênhv nhoz hâur chor tsêr đaz tuôs, lav nhoz; hâur co muôx 1.300 ntâu ziv chuôz zis xar uô đuô tsêr yiêz thiêz muôx nhos 100 ziv chuôz zis xar kho đuô têx vax tsêr.

Zơưv Vư Xênhv Zax, Chủ tịch Ủy ban Mặt trận Têz qơưk Việt Nam huyện Phong Thổ, tỉnh Lai Châu puz pâuz, nhiv no thax tsav qơư nhiv kruôr bax tâu nhiêx txiêx chiê paz trâu xar muôx 1.000 luz tsêr thiêz cux tsênhv yuôr muôx 450 luz tsik tâu muôx nhiêx txiêx chiê paz. Pêz zuôr sir jos hêik chor tsưr tsix, tiz nênhs, chor nênhs siêz jông hâur thiêz đrâuv tỉnh đros paz; tiv zix zos têx paz, côngv têk txix côngv thôngx jêx jok chiê uô cov tâu tiêr uô ntêx hnuz 30/7/2025. No zos kror tsưr ziv uô zov chênhr, tưz tsik zos paz trâu pêx xênhv muôx qơư nhoz truôx mak tsênhv zos kror paz trâu lơưr hla đhâu têx phiv liv, sir jos huôv tsar kinh têr, hlôngr yiêz đuô luz nênhx:

“Đhâu thâuv Thủ tướng Chinhr phuv hêik sơưr đơưk sik côngv paz trâu kho đuô chor tsêr đaz tuôs lav nhoz shông 2025, Tỉnh ủy yênhx lix Ban Chox kriê mak Huyện ủy tsênhv tsênhz zos Mặt trận Têz qơưk thiêz Phòng Lox tôngv, Saz pênhz thiêz Xar hôiv thâuv ntêx no cux tưz hêik pâuz chiê yênhx lix Ban Chox kriê cấp huyện thiêz phêiz côngz hâux lưv uô trâu yênhx lênhx nênhs chiê sêiz car cxuô thax tsav qơư. Đros co, pêz cux tưz yênhx lix 4 tôv muk qênhz yuôx ntơưv 17 xar, thị trấn sâuv thax tsav. Đhâu qênhz yuôx mak pov cấp ủy, chinhr quyền thax tsav cấp xar cux tưz yênhx lix Ban Chox kriê, phêiz côngz jênhv vưv tsênhz mênhx thiêz choz tsưr ziv uô txos trâu yênhx ziv chuôz zis”.

Chor tsêr yiêz paz trâu tsôngv box pluôs nhoz ntus đriv Phong Thổ, tỉnh Lai Châu tưz tsik zos paz muôx qơư nhoz truôx mak tsênhv paz trâu lơưr sir jos cov muôx tâu iz luz nênhx jông đuô. No zos kror puz pov tsênhz txos têx kror uô tau jông txix côngv thôngx li sik côngv siêz, phêiz kênh, cux li Đảng, Têz qơưk thiêz chor tsưr tsix xar hôiv li têx sir jos paz trâu chor pêx xênhv nhoz tox siêz ntus đriv muôx luz nênhx txov nhêv. Côngz xưv kho đuô chor tsêr đaz tuôs, lav nhoz trâu chor chuôz zis pluôs ntu zuôr txos tsênhv yuôr ntâu kror phiv liv, taz sik đros muôx tas nro côngv thôngx sik côngv đros paz uô, njênhs tiêk Phong Thổ zuôr nzor uô tâu tiêr tsưr ziv thiêz ziv hnuz ziv huôv tsar, paz trâu pêx xênhv muôx tâu luz nênhx tsâu sor thiêz shir phaz đuô./.

Khắc Kiên-Lik Thax cxêik nhênhv

Lênhx pox niêv Yên Bái suôz bê uô vuôk Nasaki

Niêv lâul Nguyễn Thị Khuyên, nhoz thị trấn Yên Bình, huyện Yên Bình, tỉnh Yên Bái iz txưv muôx hâux lưv uô truôx đhâu cơưv tas ntơưr Đại học. Taz sik zos iz lênhx pox niêv gruôs khưr, shông 2018, seiz pov sơưr đơưk hâur thax tsav Yên Bái thiêz 2 chas tỉnh ziv hnuz ziv zôngv txos ntâu têx vuôk cxiv puôz uô vor tsêr nhoz, niêv lâul Khuyên tưz quyết định so hâux lưv ntơưv Công ty, kêr txeik 3 tyv đeiv chiê krêz qơư huôv tsar tsiv uô vuôk trơưk li Nhật Bản tsưr ziv uô, muôx bê hu Nasaki.

“Lar heik zos, cur seiz pov zuk tsuv hla đhâu têx phiv liv, cơưv shâuv têx tsưr ziv yiêz, sir jos cxiv tsa suôz bê trâu vuôk vor tsêr. Cur hlôngr yiêz tsưr ziv uô vuôk, uô trơưk têx hlôngr yiêz thiêz jông, tsi trâur tơưk ndu, chiê cê txo grêk tsơưs têx tsi jông trâu tênhx qơư, cê uô tâu têx vuôk khor truôx thiêz jông gâux đuô”.

Têx hnuz nhiv kruôr qir têk huôv tsar uô, niêv lâul Khuyên njiz tsi tsơưs têx phiv liv, txix pênhr uô, tsưr ziv, tênhx qơư viv ntâu lênhx nênhs cxơưx, chor vuôk uô li heik sâuv tsav tsi khor truôx, tsi tas li hâur ciêz đrôngs tưz muôx ntâu qơư uô vuôk muôx suôz bê, zuk zuôr uô tsi yuô tâu, tsi yuô muôx kruô. Txơưv li ntơư, taz sik niêv lâul Khuyên cux sir jos, iz siêz truôx bo huôv tsar thôngz đhâu tror uô trơưk Nhật Bản têx tsưr ziv kriê, nzaz nzơưv têx suôz jêz, xi măng...muôx ntơưv qơư chiê tsiv uô tâu têx xiv huv, vuôk jông, huv đros sơưr đơưk siêz nhiêv.

Txơưv tsênhv yuôr ntâu phiv liv, taz sik chiê huôv tsar uô tâu trơưk li ntu hlôngr yiêz nhiv no, shông 2023, niêv lâul Khuyên tưz quyết định muôiz zuôr xar muôx 20 tyv đeiv chiê yêik qơư huôv tsar uô ntơưv thị trấn Yên Bình lok trâu thax tsav công nghiệp faz Nam tỉnh Yên Bái. Yêik lol thax tsav no, tsêr meir tâu cxiv uô jông thiêz lox đar đuô, iz shông muôx têx tsiv uô tâu txix 2 tsov đêiv vuôk ndê txos 5,5 tsov đêiv vuôk iz shông thiêz muôx ntâu zav vuôk jông txơưr tsi siz thôngx. Zos iz lênhx uô Chủ tịch Câu lạc bộ pox niêv, thâuv tưs tưz uô ntêx nyuôs hâur cxuô luôs hâux lưv nhoz Yên Bái, niêv lâul Nguyễn Thị Khuyên tsi so đros têx pox niêv vir ndâuk, siz kriê tsưr ziv, siz paz huôv tsar uô nox txix têx nuv tsênhv tsênhz: Ntơư zos kriê cxaz tsưr ziv uô nox trâu chor pox niêv vir ndâuk, paz lơưr huôv tsar uô tâu trơưk tsưr ziv, muôx hâux lưv trâu lox tôngv pox niêv uô hâur thax tsav qơư nhoz.

“Cur vav chiê siêz, đhâu têx hâux lưv uô li heik sâuv, cur muôx têx kriê tâu tsưr ziv, paz têx lênhx pox niêv vir ndâuk huôv tsar uô nox tâu trơưk têk. Zos muôx tsưr ziv, sơưr đơưk tsuv sir jos chiê uô tâu yênhx côngz, cur njênhs tiêk, lênhx tưs cux muôx têx uô tâu, zos truôx siêz thiêz sir jos uô”.

Niêv lâul Nguyễn Thị Khuyên têx tsưr ziv, luôs hâux lưv qir huôv tsar uô nox txix thâuv tsi tâu muôx iz zav đaz tsi hlo, zos iz kro uô trâu sơưr đơưk seiz pov têx hlôngr yiêz, uô tâu trơưk tsưr ziv. Đros trâu têx tsưr ziv, car xar car uô, tsi nyei phiv liv, cêr txov, niêv lâul Khuyên tưz huôv tsar uô tâu têx luôs hâux lưv trơưk tsưr ziv, siêz xar, cxiv tsa suôz bê thiêz kriê tsưr ziv uô nox trâu chôngz lênhx ntâu tus txơưr đuô cơưv shâuv, uô trơưk./.

Thừa Xuân-Riê Lâux cxeik, nhênhv