Lào Cai: Yuôr ntâu hâux lưv tsuv uô cov tiêr hâur shông cơưv yiêz

Sở Zoz zux tỉnh Lào Cai hêik pâuz lok côngz xưv bax trâu shông cơưv yiêz, tror kriz uô qênhz shuôk, kho đuô lơưr tsưr ziv tso tơưv, shông cơưv 2024-2025, hur si tỉnh Lào Cai yuôr 598 tsêr cơưv ntơưr, txo grêk 12 tsêr cơưv pir li shông cơưv uô ntêx. Txơưv li co, chor shux xênhz ho chuôz ndê 3.300 ntâu lênhx pir li shông cơưv uô ntêx, viv li chor lớp cơưv cux chuôz ndê nzir 93 lớp.

Đros chor canr bôv sêiz car, cưk kriê ntơưr, nhân viên hâur khối công lập, hur si tỉnh Lào Cai tsênhv muôx 16.700 ntâu lênhx nênhs uô hâux lưv, taz sik cux tsênhv 600 ntâu lênhx cưk kriê thiêx txâuk cưk kriê ntơưr trơưk li  luôs hâux lưv choz zok.

Lok cxiv uô têx côngz trinhx qar tsêr cơưv ntơưr, txos nhiv no tưz muôx zuôr xar 160 côngz trinhx uô tâu tiêr chox lok sir zôngv. Têx chuôz zênhx kriê cơưv ntơưr, iz taz viv tưz zuôr tâu cxix cxuô, iz cxiê taz viv tưz cir hux thôngx.

Hêik ntơưv jiês cơưv Ủy ban tỉnh hâur hlik hli 8  xiêz, pos Dương Bích Nguyệt, Giám đốc Sở Zoz zux tỉnh Lào Cai puz pâuz, lơưr chor tsêr cơưv hêik pâuz, Sở tưz muôz trâu Ủy ban tỉnh sêiz shuôk cir bê ntơưr chor ntơưr cơưv trâu chor khối lớp 5, 9 thiêz lớp 12 lơưr Tsaz yênhx zoz zux phôv thông 2018: “Sở Zoz zux cux tưz hêik têx taz viv khov trâu chor shux xênhz têx khối lớp 5, 9, 12 thiêz chor ntơưr cơưv tâu tso tơưv chiê đăngk cir bax têx ntơưr cơưv trâu chor shux xênhz; đros co tror hêik têx tỉnh thiêz iz cxiê qơư uô tso tơưv ntơưr cxaz nzir, khơưk muôz ntơưr paz chiê kriz uô têx tuv ntơưr tox siêz trâu chor shux xênhz”.

Sêiz car hâux lưv bax trâu shông cơưv yiêz, pos Dung Xenhv Zax, Phưv Chủ tịch Ủy ban tỉnh Lào Cai hêik nganhx Zoz zux thiêz cxuô thax tsav qơư tsuv sir jos uô jông hâux lưv hêik chor shux xênhz tuôx trâu tsêr cơưv cov cxix cxuô; phêiz công đại biểu muk dưv têx tsêr cơưv ntơưr hâur jiês kriz shông cơưv yiêz.

Pos Dung cux hêik txos cxiv tsa têx côngz trinhx qar cơưv ntơưr tsênhv yuôr xar muôx 40% hâur ntu uô cov tiêr. Hâur co, 70 côngz trinhx tsênhv uô kênhz, 21 côngz trinhx nhiv kruôr uô tiêr têx ntâuz ntơưr. Iz chas co, hâux lưv zuôr têx chuôz zênhx cux kênhz, phênhv ntâu cxuô thax tsav qơư tsênhv qênhz shuôk thiêz njuôk xav grê. Zos tsik uô sêi cux bax tsik zênhx trâu shông cơưv yiêz: “Cxuô thax tsav qơư tsuv pâuz tiêk, đrâuv pênhr nhiêx tỉnh muôz, tsik xav txos 4 huyện pluôs yuôr chor huyện txơưr mak tsuv muôz nzir têx pênhr nhiêx ntơưv thax tsav qơư trâu hâux lưv no. Hâur shông 2023 pov tâu tiêk, muôx huyện muôz nzir pênhr nhiêx taz sik tsik tas, muôx huyện mak tsik muôz nzir nhiêx. Viv li pêz hêik cxuô thax tsav qơư tsuv kriz uô cov truôx jông”.

Nhiv no nganhx zoz zux tỉnh Lào Cai tsênhv piz kriê cxaz nzir tsưr ziv, txux chi trâu chor cưk kriê ntơưr cxuô cxênhx cơưv; đros kriê nzir lý luận, tư tưởng trâu chor cưk kriê ntơưr. Ntâu tsêr cơưv ntơưr tưz piz kho đuô, vêv xênhz tsêr cơưv, bax kriz trâu shông cơưv yiêz./.

An Kiên-Lik Thox cxêik nhênhv

Hli 8, ntơưv faz Bắc zuôr chos jâuz đaz tsi

Jâuz nox nhôngk poz njês nak lok zos jâuz xà lách

Zav jâuz no jông chos trâu thâuv cheix ntux lax nziês. Hâur hli 8, nhoz faz Bắc tưz tsi yuô cuz sor lơưv, viv li muôx têx jông chos iz cxiê zav jâuz nox nhôngk li heik sâuv. Taz sik tsi zos chor jâuz nox nhôngk tưs cux chos tâu hur si hâur hli 8. Iz cxiê zav jâuz tsuôk chos tâu thâuv cheix ntux no xưz, iz zav li chor jâuz nox nhôngk heik co, zav xiêr.

Cxuô zav jâuz njuôz

Hli 8 zos ntu jông chiê sơưr đơưk qir tsêz chos têx jâuz njuôz. Muôx lok six ntâu jâuz njuôz nhiêk jông txơưr nhiêk thiêz kaz tsi siz thôngx, tsôngv box sơưr đơưk muôx têx xeir chiê chos hâur ntu no li: Jâuz njuôz kaz jiz, jâuz tsênhx lok zos jâuz cải xoăn.....

Điz

Điz kuôr nak zos zav điz muôx têx chos tâu hâur yênhx shông. Taz sik têx luz hlik cuz sor hênhr mak điz tsi yuô txi jông thiêz khênhr trâul caz tho nox uô ruôr hiêv. Hli 8 ntux lax đuô taz sik cux tsênhv yar ntâu, no zos ntu lok six jông chos chor điz heik sâuv.

Txir lưk suôr

Txir lưk suôr jông chos hâur cheix ntux lax nziês, viv li cheix ntux sor nhoz tiêx đras faz Bắc chos tsi tâu txir lưk suôr. Muôx 2 chiv cheix jông chos txir lưk suôr, co zos chos chiv nzor txix hli 7-8; chiv chênhr chos thâuv iz đraz hli 9, txos thâuv hli 2, hli 3 shông tov kaz jông sâu đê. Chiv lis mak chos txix hli 11-12.

Iz cxiê zav tâuv

Cux xưk li điz kuôr nak, iz cxiê zav tâuv li: Tâuv trâu đrênhk, tâuv caz,....muôx têx chos tâu hâur yênhx shông, taz sik muôx kênh ntu chos thiêx txi jông xưz, co zos: Chiv ntux yiêz chos txix hli 2-3; chiv ntux sor chos txix hli 5-6; chiv ntux lax chos txix hli 8-9. Li ntơư, hli 8 zos iz hâur têx ntu jông chos chos tâuv caz cux li iz cxiê zav tâuv txơưr đuô./.

KT-Riê Lâux cxeik, nhênhv