Nênhs Ê Đê nhoz Buôn Ma Thuột li ntênhs phêv thor ntux yar

ntux nas

Txix thâuv sơưr nzor, ntơưv yar tiêx tsêr xênhz huôx côngv thôngx jos Ky tưz muôx chôngz tsôngv box tuôx dưv ntênhs phêv. Chor tuz hluôk shir phaz lul paz nghệ nhân bax têx đruôs tôngx nxêz tôngx. Chor nxêik hluôk hnar têx tsôngk tiêz, tsôngk yo chax chês jông jav đros cxaz chuôz ntênhs phêv….Hluôk nênhs H’By La Byă shir phaz lul heik:“No zos jiês xuz thơưx cur cxaz chuôz ntênhs thor ntux yar ntux nas viv li tsi tâu pâuz ntâu, taz sik cur pov lok six shir phaz thâuv cxaz chuôz ntênhs. Nênhs Ê Đê li ntênhs thor ntux yar ntux nas muôx ntâu kror txơưr”

          Ntơưv hâur pâus tsoz ntông lâuk nhoz hâur jos, tsôngv box bax 2 qơư đros têx chuôz zênhx chiê uô ntênhs thor ntux yar ntux nas. Iz qơư zos tsês trâu đaz xênhz têz xênhz qơư, iz qơư zos qơư tso têx poz cưk, cxur. Saz hâur tsês trâu Yang Le- zos lênhx trâus xưv bluô, viv hêik kriê nak nôngs lok nox, ruôr hiêv kôngz lông, sâu tsi tâu chiv cheix. Đros co zos têx huz chơưr xơưk, keiz, chuôz zênhx tâu zôngv shôngz uô, têx đuôz ntông txâuk jông li nxư, tsor, tsâus…

          Thâuv qir ntâuk đruôk tôngx nxêz tôngx cux zos thâuv txir nênhz hu thiêz thor muôx tâu ntux yar ntux nas jông, sâu tâu chiv cheix cux xưk li lơưr têx tsiêx cxu uô hiêv kôngz lôngk muk đêz. Thâuv txi côngv tas, txir nênhz xuôk co tơư cok iz luz vox jông li têx đeiv liêx têz thiêz uô hâux lưv jông li chos blêx. Zơưv muk uô ntêx, 2 cxeik tês tuôr 2 tul pak tưz tâu hliêr njiê iz tos chiê gâus ar uô kror, lơưr kaz zos têx pox niêv nênhs Ê Đê zuôr tsêz nôngz blêx trâu hâur têx luz kror co. Thâuv liêx tâu tso đêx, cxuô lênhx nênhs puôr lênhx shir phaz tsêz chos chiv kôngz yiêz… Tuôx cxaz chuôz ntênhs phêv thor ntux yar ntux nas, pos H Luếch Hđơk, 65 shông hnuz nhôngs shir phaz heik:“Cur lok six jông siêz, viv tror tâu seiz nênhs Ê Đê li ntênhs phêv chax chês thor ntux yar ntux nas, iz shông tsưr tsix iz jiês uô ntêx thâuv đeik poz cưk, hleik blêx, thâuv ntêx mak zos uô li ntơư. Tror ndo txos ntu cur tsênhv zâu, thâuv cxaz chuôz ntênhs, txos thâuv lâuk tsênhv tâu seiz ntênhs phêv li mak cur lok six shir phaz”.

          Lơưr lâuk jos Y Bang Byă, jos buôn Ky, phường Thành Nhất, TP Buôn Ma Thuột, thâuv ntêx, ntênhs thor ntux yar ntux nas khênhr tâu nênhs Ê Đê tsưr tsix hâur cheix ntux kruôr, thâuv tưz hlơưr têz tas, tos ntux lok nas chiê qir tsêz chos. Thâuv luz nênhx hlôngr yiêz đuô, liêx têz thâuv ntêx tưz yênhx têx vax chos hưx txoz, cà phê, ntâu lênhx nênhs ho muk uô jos nhoz têx niêv đrôngs lox…hâux lưv tsưr tsix ntênhs cux tsi tâu tsưr tsix cxix cxuô li thâuv ntêx:  “Chiê tuôr tsês zuk mênhx cxưx li phongz cxưx co zos jos Ky li iz hâux lưv phêv liv, taz sik tâu phường Thống Nhất tsov cưv paz txưv, tưz paz iz cxiê nhiêx txiêx chiê jos tsưr tsix ntênhs thor ntux yar ntux nas. Ntênhs phêv no muôx ziz njiêz zos thor cov muôx tâu iz cheix ntux yar ntux nas jông, sâu tâu chiv cheix jông, tsôngv box luz nênhx ziv hnuz ziv jông đuô, gra luz nênhx tsâu sor trâu pox nhuôk jêx jos thax tsav Tây Nguyên”./.

CTV VOVTN-Txâur Vax cxeik nhênhv

Tsôngk kruô shir phaz lul tuôx sêiz shuôk Cao Bằng thax tsav qơư chos tsoz chos ntông txir njênhx

Jiês xuz thơưx tuôx trâu Cao Bằng thiêz cux zos thơưx jiês pos Nguyễn Thị Vân Khánh, iz lênhx kruô nhoz Hà Nội, tâu sêiz pov têx txir ntông njênhx txi ndư thiêz têx zav nox muôz txir njênhx uô cux pov muôs trâu cxuô qơư hâur thax tsav qơư co. Taz sik têx zav uô trâu tsôngv kruô shir phaz lul zos tâu khơưk têx txir njênhx thiêz têr txir njênhx đros px hâur, ciz thiêz tâu đros tsôngv px ntơưv qơư nox têx txir njênhr thâuv hâu, ciz tâu siêr. Pos Vân Khánh phêiz kênh:“Zos jiês xuz thơưx cur tuôx trâu qơư chos ntông txir njênhx, cur thiêx pâuz têx txir njênhx luz flâuz muôx ntâu pok, thâuv zuk têr luz txir njênhx co tsuv max mak thiêx tsik qoz zuk têk.Thiêz cur pov thax tsav qơư nhoz tox siêz no jông jav hênhr”. 

Shông no, kriz ntênhk hội đêx tsas tsuô ndax trâu luz chêix sâu đê txir njênhx hâur thax tsav huyện Trùng Khánh. Co cux zos cxơưz cxiz tsôngv kruô tuôx ndis uô si, sêiz shuôk têz qơưs txos tỉnh Cao Bằng. Zơưv Lê Đình Hoà, lênhx kruô nhoz tỉnh Thanh Hoá tuôx sêiz shuôk têz qơưs shir phaz lul hêik pâuz:“Thơưx jiês cur tuôx trâu ntơưv no, cur xar tiêk, tuôx sêiz shuôk kriz uô ntênhk hội đêx tsas tsuô, taz sik tuôx trâu ntơưv no, pov chôngz lênhx muk sêiz shuôk thax tsav qơư muôx tsoz chos ntông txir njênhx, cur thiêx ndêiv tuôx sêiz shuôk thiêz zuôr chor txir njênhx co gra muk puz têx fôngx zưs nox siv”.

Jos Khấy, xã ntus đriv Chí Viễn, huyện Trùng Khánh, tỉnh Cao Bằng muôx 4ha ntâu ar têz chos tsoz chos ntông txir njênhx. Thax tsav qơư chos tsoz chos ntông txir njênhx co, nhoz ciês ntơưv oz saz ntus cêr lox txix đros huyện Trùng Khánh muk txos jos đêx tsas tsuô, zôngx ziv trâu tsôngv kruô muk lok đhâu, sêiz shuôk têz qơưs. Iz chas tsôngv kruô tâu đros tsôngv px đê thiêz hâu, ciz têx txir njênhx, muôz txir njênhx jov uô cxuô zav nduôr; tsôngv kruô cux tsênhv pâuz tâu tsôngv px cxuô hêir nênhs tsơưs nhoz tsênhv qơư co zav nox kaz thiêz pâuz tâu hêir nênhs Tày, Nùng têx txux chi, vênhx huôv jông cxôngx nzor. Pos Nông Thị Điêm, nhoz xã Chí Viễn, huyện Trùng Khánh hêik pâuz:“Pêz zos chor chos tsoz chos ntông txir njênhx, xar njôngr cov muôx chôngz lênhx kruô tuôx sêiz shuôk, ndis uô si trâu thax tsav qơư no chiê cxơưz cxiz tsôngv px truôx siêz chos nzir ntâu tsoz chos ntông txir njênhx, tsôngv px muôx phênhv sâu tâu nhiêx txiêx chox lok cxiv kho chuôz zis cov ziv hnuz ziv muôx luz nênhx tsâu sor. Txir njênhx shông no, txi txir ndư thiêz ndax trâu luz chêix kriz ntênhk hội đêx tsas tsuô, grê muôs chor txir njênhx lox, jông gâux iz chiêz 150.000; chor txir njênhx mê mê njik  zos 120.000-130.000 iz chiêz. Tsôngv px hâur thax tsav qơư co, chuôz zis tưs cux shir phaz lul”.

Tsoz chos ntông txir njênhx lox hloz jông, txir lox huv đros têx ar têz hâur thax tsav huyện Trùng Khánh. Thiêz tâu xêir tsov zos tsoz chos nto bê nhoz VN hâur shông 2020-2021”./.

                             Tsu cxêik nhênhv-Công Luận-VOV Đông Bắc